新牛屋餐廳 (Closed)

今天同朋友逛街經過這店，朋友說不如入去試試，那就入了去，燈光昏暗都不是問題，但枱與枱之間很密集，不喜歡的。有4款是日午餐，價格便宜，隨餐奉送湯及飲品。還有其他不同類別的選擇。我們點選了兩個美國西冷扒意粉和飯，大大塊牛扒且多汁，不會過韌，可以接受，醬汁味道都不錯，惹味。餐湯點羅宋湯，酸酸的幾醒胃，好喝。飲料是凍檸茶及凍檸水，檸檬鮮味口感清新。

之前見雜誌介紹過，話係舊式扒房格局，呢日經過就來試下！假日午餐$42，有牛豬雞揀，揀左一個牛一個豬，紅湯白湯都有飲，唔錯，白湯唔會話好咸好結。牛扒來到，唔係厚既牛扒，但味道好，通常呢d都唔會話食牛味，係食個醃味，唔會過咸，有d食完勁口渴，呢個完全唔會。之後個豬排反而有驚喜！雖然簿，但都幾香口，汁都幾好味。有點美中不足就係個薯菜太淋，檸檬茶好淡同另一個配飯個飯好淋而且份量不多，男仔應該唔太飽。總括來講，下次經過會再食，午餐抵食！兩個人加埋$96，滿足！

細個屋企人都有帶過我黎呢間喺佐敦道既扒房， 估唔到 喺依家嘅香港社會 咁貴嘅租金，以佢餐牌嘅價錢，佢都仲可以屹立不到繼續生存。而且佢啲晚餐仲有好多款式供你選擇，除咗晚餐仲有好多小食可以揀添。點咗個85蚊嘅黑椒惑仔牛柳套餐，有湯有餐包跟埋，幾十蚊有個扒食 真係超級抵。個羅宋湯都幾足料不過稍為肥咗少少。個餐包真係值得一讚， 焗到脆卜卜熱辣辣 中間中已經幫你加埋牛油， 好好味呀!個餐跟咗意粉， 都好大碟下，牛柳有兩大塊意粉一大份， 包你食完一定飽。雖然話幾十蚊個扒餐，但係佢個 鑊仔牛柳 質素一啲都唔會差， 夠曬腍， 仲好香牛味添。

今日走過肚仔餓餓 入黎食過午餐。黑椒牛扒lunch鐘意佢叫餐快。我好肚餓好快有野食。哈哈。有個餐包加個羅宋湯。好味。之後因爲佢係牛屋呀嗎 我就叫左個黑椒牛朳意粉。好味唔會韌。飽飽仲有個餐飲。快靚正

呢度係我哋第一次食飯嘅西餐廳，所以一年後我哋再嚟。呢度集蠔吧，酒吧，扒房於一身，係比較懷舊嘅西餐廳。當日客人比較多，我哋被安排坐喺側邊窄嘅枱，餐廳光線好暗，但並唔係浪漫嗰種。我哋叫咗兩份晚餐，晚餐包括小食以及餐湯，一份大嘅海鮮拼盤，有6隻翡翠螺，8隻蠔，4隻赤貝。晚餐嘅蒜茸包以及忌廉湯。蒜茸包香脆，餐湯唔夠Creamy。小食多春魚，春卷。兩樣都新鮮炸起脆卜卜，送酒一流。蠔同赤貝係即開。蠔充滿海水味，赤貝好新鮮，好好味。翡翠螺大大隻，肉質爽。晚餐揀咗羊架，牛扒。大大份，但汁太多而且有啲過鹹，但係薯菜好好味。

游左個冬泳，食返多d蛋白質補充一下蒜蓉肉眼扒是我心水呢度午餐好抵食，有麵包熱辣辣上，放牛油半溶一流羅宋湯好鮮味，雜菜蕃茄味十足，香濃好味肉眼扒又林又嫩，入口滑嫩飯加入牛汁好香好味

行過見到有生蠔食，走入去試吓，價錢唔算貴試吃生蠔餐，感覺還新鮮的生蠔、螺、赤貝比預算還好。再加多份牛柳大蝦，蝦一般~牛柳尚可，服務好~酒bar格局，整體唔錯比預料中更好👍

行過見d晚餐不貴入去試一試，叫左布袋牛扒加龍脷魚扒餐。送春卷，熱加脆，應該即炸。個囉送湯好濃，夠味，只是菜小。牛扒冧加jucy,有2厚件，份量ok,個黑椒汁好香，百四元ok la.魚扒也厚肉大片，可是太多炸粉，白汁麻麻。健意order 牛排好d.炒西蘭花50多元其實麻麻低。蝦沙拉得幾只蝦仔，生果只有Apple,份量小，真是不低吃。只order set meal is good, a place for simple dinner.

時光可變，世界可變，總有舊舖從來未變。呢條街有兩間牛屋餐廳，都係主打扒餐，都係做一啲抵食午餐，都係沿用廿年前裝修格局。 睇到門口午餐牌，以為係下午茶餐，因為區區四十幾蚊已經有交易，真係抗通脹嘅妙品， 唔使考慮即刻要試。 一入到嚟，同讀書時代嘅扒房一模一樣，但又有中國人過年嘅紅燈籠，似足外國中餐館 今次一場嚟到新牛屋，梗係要試吓牛扒啦。所以叫咗黑椒牛扒做午餐。黑椒牛扒配飯$45餐包跟足西餐傳統，先上餐包同紅湯。但係個餐包三大忌，乾凍硬全部犯晒，肯定啲包由朝擺到而家，仲要暴露空氣之中，餐包凍冰冰，而且收乾晒水份，摸落去仲係實的的所以唔敢試食呢個包餐湯今次揀飲紅湯，湯色夠紅有茄味，最緊要夠熱，酸甜得宜，正。黑椒牛扒飯主角出場！一上枱仲見到黑椒汁熱辣辣，夠辣夠惹味，送飯食一流，可惜牛扒比梳打粉摧殘到無晒味食一塊都好似食牛肉乾咁要反覆咀嚼N次先得，頂唔順，唯有以汁撈飯食埋佢。餐飲熱奶茶奶茶中規中矩，奶同茶比例合適，夠熱，有傳統冰室嘅風味。叫得牛屋諗住食牛無得輸，點知都係領嘢，難怪喺佐敦賣午餐，收埋加一都只係$45，原來佢哋都有自知之明，係我細路仔唔識世界啫。

今年真是喜事多，在我認識的朋友中都在今年已經拉埋天窗，相識了十四年的舊同學都宣佈下個月結婚，今晚除了同學們之間的聚會，同時又是新人派喜帖的時間，先祝一對新人「百年好合，永結同心」那一晚，我們相約在「新牛屋餐廳」食晚飯，「新牛屋餐廳」位於佐敦吳松街，除了鋸扒之外，都有其他選擇，有一些精美小食例如有炸春卷、金沙骨、泰式雞翼等....，同時都有供應一些亞洲美食，例如有星洲炒米、印尼炒飯、菠蘿海鮮炒飯等......各式食物款都是多元化，迎合各大眾的口味。店中的燈光都帶點昏暗，都很有氣氛，臨近聖誕節，天花都已經掛上了不少聖誕節的裝飾，店中都有電視機可以看下電視節目，店中枱與枱之間都不會太迫，都幾舒適!我們點了食物後，好快送上一籃蒜蓉多士，好香惹的蒜蓉味，微熱間都很香脆。這份炸春卷是免費贈送客人(是日頭盤)，炸得又不會太油膩，有菜絲及紅蘿蔔絲，爽口中帶點脆口。是日的忌廉湯有一些雞肉、紅蘿蔔絲及粟米粒，質感濃稠都好creamy，都不錯。我個人點了一美式什扒餐($128)隨餐附送是日頭盤、餐湯、及咖啡或茶。美式什扒餐當中有煙肉、腸仔︴牛扒、炸雞翼及一塊豬扒，真是非常豐富的什扒餐，汁醬可以選擇黑椒或蒜蓉

原是去佐敦食『鮨善』，但去到見到已拉閘，又一間消失了，和太座行到佐敦道，記起早前見過這店的招牌，太座說多年前食過午餐還可以，就去一試。入到舖內，擺位尚算正常，不致於像荃灣那間"Rhine River"那樣過份擠迫，最裏邊是一個水吧，水吧頂有一部電視，有點像茶餐廳，但水吧上竟然還有生蠔供應，見當時所餘數量不多，應該是日日清，會是夠新鮮，未看餐牌就先點了幾隻蠔加一杯白酒做頭盤，再看餐牌，就發覺這裏應該是食港式豉油西餐的地方，我們就順理成章點了港式豉油西餐食品，包括一個有湯有頭盤的鵝肝牛柳餐跟薯菜和泰式咖喱龍利跟意粉，食物質素以港式豉油西餐整體來說還算可以，但價錢就真是貴得嚇人。生蠔，一隻珍寶蠔夠大夠爽口，但蠔味不重；據說是法國的蠔味道較清甜，口感順滑；而另一款說是來自澳洲的蠔就海水味甚濃，口感順滑更略帶漿感，基本上三款蠔都十分新鮮。鵝肝牛柳餐，套餐有餐湯，連太座入口都感覺是一般茶記的水準，只有師傅味，飲不到其他味，尚算順滑沒有起粉；而所謂頭盤，就是炸素春卷，不覺太油，還算脆口，但就沒有什麼味道，調味較差；主菜中的鵝肝可能被汁液浸得變淋，入口全是一團漿糊物體，味道也略腥，像鴨肝多一點；而牛柳

今天和同事到此午餐, 但大家一定唔會點牛扒那個餐.因為大家都覺得, 其他肉類比較好味.先看看今天餐牌.向店員查詢, 香檸龍脷是煎的, 並非熱氣的炸魚,當然即刻ORDER香檸龍脷配沙律 + 白湯 + 餐包白湯 + 餐包淡淡的白湯, 有紅蘿蔔絲，味道跟茶餐廳差不多,餐包已烘熱, 牛油早已溶化其中了比較喜款這龍脷的質感.切開後, 魚肉的紋理清晰可見入口肉質實淨及有魚肉的香味上次試過, 這次番尋味(如果係平价的魚柳, 肉的紋理不清, 咬落滑潺潺, 軟淋淋)而沙律是人手切的, 比較健康.餐飲是熱檸水,不加糖都是為了健康聽講熱檸水能改善身體偏酸情況, 這次仍然相信吧這餐館座位比較緊張，甫吃完主菜，職員已急不及待收回餐具。有時候是催客人快付款呢。但經常光顧後，就會慢慢習慣和理解，職員都係為工作啫今餐埋單每位44元,對比餐廳迫狹的環境和地段, 价格合理

經過好多年都從未幫襯過，總覺得是一間很舊、又無特色的餐廳。但當日在萬無目的的搵食下，被它懷舊門口貼滿不同的餐牌吸引推門入去一試。一個set dinner的牛扒意粉餐，除餐湯及蒜蓉包外，還有春卷小食。一個不用$100的晩餐不要奢望用什麼高級牛扒，只要牛有牛味，肉質嫩腍，不過不失，配著香濃黑椒汁，食清意粉，一定可以有一個飽肚的晚上。要高質素的，請移玉步！見到有一個小小蠔吧枱，被大大隻的珍寶蠔吸引著，看似幾新鮮，便大膽地order兩隻，即開即食，要兩丶三口才食完，有蠔味既新鮮，不錯。又作為酒吧的它，佐酒小食選擇不小，點了雞翼尖送啤酒，即叫即整，熱辣辣香口好味！有機會到這裡happy hour相信也不錯！

上一次吃這種港式西餐，已經是童年時的事。那時候在家裡吃中菜吃得膩，每次去到「花園餐廳」、「金鳳」、「美而廉」等平民化西餐館，都非常雀躍，總要點份黑椒牛扒、大蝦牛柳或龍脷柳，餐前的羅宋湯和牛油餐包都吃得很滋味。俱往矣。小食是紅燒牛脷粒、炸鵪鶉、法式焗田螺、大蝦沙津等，新鮮出爐的肉厚味濃，黑椒豬扒意粉油份適度炒得乾身，不愧是老字號。威靈頓牛柳是招牌菜，鵝肝味道極為有限，牛柳沒有用鬆肉粉醃過，倒也原汁原味。然而大家卻被伴碟薯條「曲條」深深吸引，難得的是剛炸好熱呼呼，浸在洋蔥汁裡外軟內脆，是小時候吃過的味道。當有人提出「不如叫多個淨薯條」時，大家齊聲叫好！老實說，這幾年跟著飲食界的丈夫嚐盡美食，平日再也不會光顧牛屋這類港式西餐。可是當一班朋友聚在一起，緬懷舊日味道，不知怎地特別快樂，連薯條蘸洋蔥汁也可以吃得津津有味。意想不到的是有大量新鮮生蠔，南非、美國、法國、澳洲出產都有，還有飽滿鮮甜的蚌蜊，品質一流。好友是蠔痴加酒徒，先後點了七款生蠔，蚌蜊打孖上，六個人開了十瓶紅、白、清酒、香檳，大快耳頤。 

3月23日, 佐敦有味食肆林立, 當中有間好耐之前已經睇過雜誌介紹, 除咗主打港式牛扒出名之外仲有一室懷舊裝修都好吸引我地去試試!::: 黑椒鑊仔牛柳 ::: $78餐包係好傳統好港式嗰隻牛油餐包, 包身微嫩, 極度軟淋, 搽牛油或點湯吃都好味!不外乎係紅湯同白湯之間揀, 白湯都只係普通嘅忌廉湯, 冇加到咩粟米雞絲蘑菇咁, 顯得個湯有d齋. 雖然湯身都算杰, 不過味道有少少淡, 加咗面頭嗰d唔知係咪牛油咁嘅野都唔飲得出有咩唔同...鑊仔牛柳質地確係淋, 但係唔太自然, 似有用鬆肉粉... 好彩牛味都喺度, 帶有少少筋都有番d咬口~ 黑椒汁唔駛講都知係傳統港式黑椒汁, 辣辣地幾開胃, 撈埋個意粉食唔錯, 幸運地個意粉都唔會煮到一pat野, 唔錯~::: 蒜茸羊扒拼牛柳 ::: $78餐湯要了羅宋湯, 用上傳統西餐啡邊湯碗盛載, 風味十足. 估佢唔到湯料都幾足, 成碗都係椰菜紅蘿蔔同西芹等材料, 味道甜中帶酸, 茄味濃郁, 著實不錯. 起碼比白湯好~蒜茸羊扒拼牛柳唔係用鐵板上實在係有d失色... 望落主菜份量亦唔算多. 羊扒用上羊架, 唔算大件但都幾厚肉, 應該都落咗唔少鬆肉粉所以肉質好軟