Video
Opening Hours
Today
11:30 - 23:00
Mon - Sun
11:30 - 23:00
Above information is for reference only. Please check details with the restaurant.
About Reward Scheme
台式火鍋山見登陸將軍澳Popcorn，選上Lv4特選澳洲和牛海鮮套餐，有120分鐘時間，足以大快朵頤。是夜湯底選了佛跳牆，湯鍋本身材料豐富，有鮮雞鮑魚刺參等，湯味醇香濃厚。入坐不久，侍應已經送上一碟澳洲和牛肩胛肉眼，切成薄薄的一大片，放入湯中很快見熟，肉質鮮甜嫩滑。其他牛肉如月見封門柳和牛爽腩則肉味重油花少。海鮮方面可以選擇原隻鮑魚、刺參、海蝦、白鱔片等，原隻鮑魚真材實料，入口彈牙。福隆刺參品質不俗，平日火鍋甚為少見，肉質爽滑。海蝦從外觀上就已經很吸引，入口鮮甜爽彈。除了牛肉，山見有不少別具台灣特色的食材，如台南烏雞玉卷，台灣鴨血等。蔬菜方面亦具不少特色，如鉛筆菇、花生芽、人參葉、水蓮等，新鮮清脆爽口。甜品方面可以自製愛玉或仙草凍，每碗都有基本的芋圓，另外自加椰果芋蓉爆珠等，成為獨一無二自家甜品。值得一提侍應服務親切細心，面上掛上笑容，加湯時小心翼翼，以防滾湯彈出。
continue reading
一直住在將軍澳，都知道將軍澳好少好嘢食特別係任食嘅火鍋😅今日早放工，同老公喺將軍澳行街，見到一間新開嘅任食台式火鍋店。門面設計係木系裝修。座位好寬敞光鮮，重點係佢任食火鍋嘅選擇好多。所以我哋決定去食吓。。 環境乾淨，座位好寬敞。就算兩個人去食，座位都唔侷促，座位好大。當日7:00去食飯，餐廳入邊座位都幾爆。 係雪糕唔係啲大品牌，係係韓國/泰國雪條，款類都幾多任揀嘅種類特別多，我見佢哋餐牌寫住配菜多達20種。就算菜嘅種類都特別多，因為係台式火鍋，所以我見到有好多台灣嘅蔬菜，例如水蓮、花生豆芽菜。 並不是只得菜心生菜油麥菜，這些香港嘅本地常見嘅蔬菜。係真係有意外驚喜。另外吧枱更有台灣嘅小食，例如台灣香腸，爆谷，炸芋丸。未開波打邊爐都已經可以俾啲小食食飽。因為小食真係好多款種類。另外仲加設咗甜品Bar，有仙草芋圓台式珍珠花奶任君大家去配搭。你可以落幾多芋圓或芋泥都得㗎。入返正題，今次我叫咗兩個火鍋底，一個係麻辣鍋一個係佛跳牆鍋。麻辣鍋唔夠辣，可以建議再加辣都得。不過佛跳牆湯底有驚喜，個湯底好甜，如果攞嚟淥菜，會令啲菜吸晒湯嘅甜味，而且個湯底好足料，食咗全程我都撈到三隻鮑魚仔兩隻小海參。加上冬天食依個湯底一流，因為佢仲加咗少少紅棗杞子食落去好補身又唔會太熱氣。呢個湯底值得介紹。食到最尾先知道依個佛跳牆湯底只係得將軍澳店有，將軍澳之友可以留意吓啦！ 牛肉方面我都覺得幾好食，記得放喺麻辣湯底嗰度淥，肉質都幾嫩，有牛味。 因為第一次食，所以我叫咗個Level three嘅任食餐嚟食。牛肉牛脂唔算多不過就偏薄，所以建議大家叫多幾碟。 另外手機落單，除咗可以叫肉類之外。仲有好多台式夜市小食，例如蚵仔煎、鹽酥雞、話梅粉薯條。佢小食真心好食，唔係Hea你，另外佢個蔥油餅都勁好食，不過佢一上枱你就要食啦，因為凍咗唔好食。外脆內軟、蔥油味濃郁。由於每次上菜分量較少，建議多叫幾份比較好。 最後飲品都唔孤寒，目測都有成12種種類嘅飲品俾人選擇，仲有一啲喺台灣先買到嘅飲料，或者佢哋自家製作嘅冷泡茶。不過冷泡茶不過不失。 建議飲佢哋嘅台式飲品。 最後每人消費$438，價錢中規中矩，對得起個價錢。 美中不足嘅係用餐時間90分鐘,真係唔夠時間食。 😂
continue reading
最近試咗120分鐘殿堂和牛海鮮吃到飽，午市$458/位。我哋仲加咗$28升級佛跳牆湯底。佛跳牆湯底有鮑魚、海參、雞件，再搭配香氣獨特的藥材及配料，如杞子、紅棗、冬瓜、栗子等。非常適合用嚟淥牛肉同海鮮。點咗多款和牛同牛肉，日本黑毛和牛油花夠多，入口即溶。無骨牛小排油脂比例啱啱好，涮幾秒就可以食。月見封門柳帶有淡淡油香，配埋生蛋黃更加滑溜。澳洲和牛肩胛肉眼味道濃郁。牛扑肉（CAB牛頸脊）肉味濃厚，帶少少嚼勁。海鮮選擇亦非常多樣化，點咗：原隻鮑魚、珍寶海扇蛤。深海珊瑚蚌口感爽脆。廣島蠔肉質飽滿。福隆刺參煮耐啲會更加軟糯入味。熟食都好多，點了黃金蒜茸蒜扇貝鵝肝醬多士，多士香脆。藤椒魚皮爽脆有麻香。仲有古早麻辣鴨血。另外仲有台式經典小食：酥炸椒鹽花枝丸、蚵仔煎、鹽酥雞等。飲品方面選擇多樣，點咗鴨屎檸檬茶、黑糖珍珠奶茶🧋
continue reading
Popcorn又有新食店開張喇🎊山見Sankinn有唔同level嘅吃到飽套餐，今日點咗LV 4 特選澳洲和牛海鮮吃到飽 （佛跳牆鍋），整體而言，相當高質，值得一試！特選澳洲和牛｜牛扑肉（CAB牛頸脊）|牛爽腩|和牛係最正，無得輸！店員一開始已經遞一碟過嚟作為頭盤，唔使自己order。砂爆魚肚|竹笙抱蝦滑| 台南烏雞玉卷松露墨魚滑|無骨黑魚片｜響鈴釀魚籽福隆刺參｜山見和牛蛋餃各類配料都好有心思，例如響鈴入面釀咗魚籽，竹笙入面又有蝦滑、仲竟然有魚肚同埋刺參！蚵仔煎|酥炸椒鹽花枝丸熟食方面，蚵仔煎係呢度必試嘅名物，仲有太多太多未試到，下次再嚟先得！
continue reading
說它有細節，因為有得食有得玩有回憶進餐廳時選了湯底和Level 3套餐。因為選佛跳牆湯底+$28，送了一個熊仔造型的毛巾，還可以自選顏色。另外Level 3套餐有4個代幣可以玩二次夾波波。再送了一張明信片，可以寫好放到門外的郵筒寄出。如果是約會或跟特別的朋友吃飯，寄回家留念真是一個很好的回憶。食物選擇很多，除了點的食物，餐廳自助區有很多熟食，還有可以自己選配料的芋圓仙草甜品區，雪糕雪條。就算不好甜，飲品類別也多，除了冷泡茶之外還有零卡的有氣飲品和咖啡機。我吃的是Level 3，吃完有幾款推介：1️⃣黄金鮮蝦球 ：手打蝦丸裏面有鹹蛋黃，超足料美味。2️⃣福隆沙白，飽滿新鮮，多吃也不會膩3️⃣黑魚片，很滑又冇骨。朋友的喜好跟我不同，他最喜歡卡樂beef和美國毅飼黑毛豬。升級的佛跳牆湯底也推介，裏面有一隻鮑魚和一件很大的花膠，湯底濃郁。山見有個好處，每款食物可以點少少，就算同枱口味不一樣，也沒有所謂。可以點一兩件自己吃。服務方面：店員很nice，收碟和上菜速度快。又會主動加湯。除了湯底等一陣，其他食品都很快，沒有漏單的情況。埋單時還主動提我們玩夾波波機。
continue reading