山見台式火鍋 (PopCorn 1)

Open Now

Now Closed

將軍澳新開咗山見之後，聽日特登過嚟食晚餐。我鍾意山見雅致裝修，有不少有心思角落。座位非常闊落，坐得鬆動舒服。山見一共5種Lv放題，我哋揀了Lv3 極品吃到飽套餐 (限時100分鐘)，呢期做緊溫泉主題，將軍澳分店限定佛跳牆湯，每位食客會送小毛巾禮物，好有心思❤️❤️。👍🏻👍🏻Lv3可以食到月建封門柳、薄切牛舌芯、澳洲羊舌肉等，都非常夠食，自助美食更加多更加豐富，台灣夜巿小吃、芋圓仙草糖水、自家製雪糕、冷泡茶，覺醒汽水甜品，亦有台灣獨特嘅蔬菜，多到食唔晒。餐廳服務都好貼心，員工常常很自動加湯底同清碟，餐廳仲有圍裙供應唔怕整污糟件衫，食完有得玩夾公仔機好好玩。

最近去咗山見台式火鍋，真係好開心！呢度的任食任飲真係太吸引，我哋食Lv3 100分鐘內可以盡情享受。依度野食選擇超過一百種。試左佢哋主打嘅湯底係佛跳牆，味道濃郁，入面仲有鮑魚同海參，非常足料。我強烈推介卡樂BEEF的牛五花，肉質鮮嫩，同月見封門柳，牛味濃郁。熟食方面，必食眷村嘅宜蘭蔥肉餡餅🫓小心爆汁。古法窯雞，其貌不揚，但非常好味。熟食全部都食到台灣風味。蔬菜方面必食水蓮。飲品方面，啤酒、罐裝飲料、冰泡茶到奶茶咖啡都有，特別推薦佢哋嘅沙冰，清爽又消滯。甜品有雪糕雪條。特別既有台式仙草同愛玉，材料仲任你配搭。最後，結帳後仲可以玩夾公仔機，有機會贏到靚靚毛巾，真係唔錯！總的來講，山見台式火鍋真係值得一試，食得開心又玩得盡興！而且裝修得好舒服，更有大圓枱適合一大班朋友 。————————————

今日天氣又突然涼涼地，決定去呢間新開既台式火鍋試一試，味道真係幾還原到台灣既風味而且款式真係有好多，就連台灣獨有既水蓮都有得任食，環境亦相對乾淨舒服，冷氣風口位處理得幾好唔會吹住人或食物!今次食既係特選澳洲和牛海鮮套餐，真係有好多選擇而且出餐速度好快。出邊都有好多唔同食物，仲有台式滷肉飯等熟食加埋一大個雪櫃裝滿罐裝同樽裝茶，性價比其實都幾高。呢度既侍應服務都好好，幾次都會主動幫你加湯，食蝦個陣又會派多幾張濕紙巾，成餐飯都食得好開心。澳洲和牛肉眼真係超級繳滑而且有接近入口即溶既口感，牛肉味濃又唔會韌，我地仲試左牛頸脊、牛小排、月見封門柳，肉質一樣係好高質同埋冇筋膜位，好易咬! 特別係呢個餐既澳洲和牛真係超級好食，一開始會上一大碟，之後再追加見到品質都一樣係咁高，唔似其他火鍋店第二輪就出返普通貨色。咁岩見到朋友食日本和牛套餐，我地試左幾塊，的確味道同埋肉質係另一個層次，完全係入口即溶又唔會覺得好漏或者好油膩，牛肉味亦都好重又唔腥，下次我地都要直接攻頂!另外仲有好多唔同配料都好出色，水蓮都真係新鮮爽脆唔會隔幾晚夜個種，另外仲有台式腸、甜品同埋唔同炸物同小食，整體真係好豐富! 食完仲有得根據套

位於將軍澳剛開業數個月的山見台式火鍋，以溫泉旅館為設計主題。環境位置寬敞舒服，waiter都好貼心，在入座時會詳細介紹自助食物區，甜品區和飲料區，進餐時又不時主動加湯，果種親切的感覺彷彿置身於台灣一樣😙 今次我哋叫咗Level 3 100分鐘嘅極品套餐 ($328/位) 一共有成92款食品可以選擇，除咗火鍋配料之外，仲有10幾款台式小食。我哋揀鴛鴦湯底酸菜白肉湯同埋佛跳牆湯底 (+$28) 其中佛跳牆湯底非常出色，入邊配料有鮑魚，肥厚的魚肚等等，真係絕對冇馬虎。卡樂Beef非常鮮嫩的牛肉，油脂豐富，入口爽嫩，推薦推薦！👍🏻月見封門柳牛肉厚身又嫩滑，絕對值得encore💕薄切牛舌心薄切牛舌非常爽口，非常推薦🙈嫩肩里肌肉大約滾十幾秒就可以入口，充滿肉汁又鮮嫩🤩松露墨魚滑 非常新鮮的墨魚滑，入口清新爽口，松露味突出👍🏻台式蚵仔煎估唔到喺呢度都食到台式蚵仔煎，蚵仔份量充足，蛋餅香口薄脆🫶🏻麻辣鴨血非常嫩滑的麻辣鴨血，又滑又爽口，唔小心叫咗兩次添👏🏼鹹蛋炸魚皮香脆可口，鹹蛋味非常突出，絕對係必點🤩呢度無論自助區定係手機落單的肉類選擇都非常之多，飲品都有超過10種以上，無論茶類，汽水同啤酒都有得選

經過見有間#山見台式火鍋，天氣凍就特別想食火鍋，剛好有位便進入開餐囉。我哋點了Lv5 殿堂日本A4和牛海鮮吃到飽套餐 (限時120分鐘)。先到自助區取台式小食，各種不同款式的丸類、餃子、菇🍄菌同蔬菜，飲品選擇亦十分多。雖有幾種湯底供應，我地選了滋補美顏的佛跳牆湯，很足料的內有鮑魚、海參&杞子……，待湯滾起即盛起一碗飲用，入口感到微微黏口，夠晒香濃滋補，店員會為你先送上一碟，日本A4和牛，和牛的油花分佈均勻，滾一陣便食得，牛脂香肉質鮮嫩。#無骨牛小排 則牛味濃郁，肉質美味柔軟，尚有牛五花、月見封門柳同牛胸腹，都一樣正架，讚👍。若唔想食咁多牛，另有豚肉、黑毛豬同花雕醉雞供應，款款都新鮮味美。另有海鮮拼盤，有爽甜彈牙虎蝦，蚌、蠔🦪、帆立貝….，鮮味無窮，唔夠仲可以再點添架。食飽要食甜品是常識吧，自助區取自己加料，我就食左個仙草芋圓加爆珠，芝士蛋糕、芝麻大福同慕絲等等🫠。仲有手工啤酒，超級爽呀。

一直住在將軍澳，都知道將軍澳好少好嘢食特別係任食嘅火鍋😅今日早放工，同老公喺將軍澳行街，見到一間新開嘅任食台式火鍋店。門面設計係木系裝修。座位好寬敞光鮮，重點係佢任食火鍋嘅選擇好多。所以我哋決定去食吓。。 環境乾淨，座位好寬敞。就算兩個人去食，座位都唔侷促，座位好大。當日7:00去食飯，餐廳入邊座位都幾爆。 係雪糕唔係啲大品牌，係係韓國/泰國雪條，款類都幾多任揀嘅種類特別多，我見佢哋餐牌寫住配菜多達20種。就算菜嘅種類都特別多，因為係台式火鍋，所以我見到有好多台灣嘅蔬菜，例如水蓮、花生豆芽菜。 並不是只得菜心生菜油麥菜，這些香港嘅本地常見嘅蔬菜。係真係有意外驚喜。另外吧枱更有台灣嘅小食，例如台灣香腸，爆谷，炸芋丸。未開波打邊爐都已經可以俾啲小食食飽。因為小食真係好多款種類。另外仲加設咗甜品Bar，有仙草芋圓台式珍珠花奶任君大家去配搭。你可以落幾多芋圓或芋泥都得㗎。入返正題，今次我叫咗兩個火鍋底，一個係麻辣鍋一個係佛跳牆鍋。麻辣鍋唔夠辣，可以建議再加辣都得。不過佛跳牆湯底有驚喜，個湯底好甜，如果攞嚟淥菜，會令啲菜吸晒湯嘅甜味，而且個湯底好足料，食咗全程我都撈到三隻鮑魚仔兩隻小海參。加上冬

最近試咗120分鐘殿堂和牛海鮮吃到飽，午市$458/位。我哋仲加咗$28升級佛跳牆湯底。佛跳牆湯底有鮑魚、海參、雞件，再搭配香氣獨特的藥材及配料，如杞子、紅棗、冬瓜、栗子等。非常適合用嚟淥牛肉同海鮮。點咗多款和牛同牛肉，日本黑毛和牛油花夠多，入口即溶。無骨牛小排油脂比例啱啱好，涮幾秒就可以食。月見封門柳帶有淡淡油香，配埋生蛋黃更加滑溜。澳洲和牛肩胛肉眼味道濃郁。牛扑肉（CAB牛頸脊）肉味濃厚，帶少少嚼勁。海鮮選擇亦非常多樣化，點咗：原隻鮑魚、珍寶海扇蛤。深海珊瑚蚌口感爽脆。廣島蠔肉質飽滿。福隆刺參煮耐啲會更加軟糯入味。熟食都好多，點了黃金蒜茸蒜扇貝鵝肝醬多士，多士香脆。藤椒魚皮爽脆有麻香。仲有古早麻辣鴨血。另外仲有台式經典小食：酥炸椒鹽花枝丸、蚵仔煎、鹽酥雞等。飲品方面選擇多樣，點咗鴨屎檸檬茶、黑糖珍珠奶茶🧋

Popcorn又有新食店開張喇🎊山見Sankinn有唔同level嘅吃到飽套餐，今日點咗LV 4 特選澳洲和牛海鮮吃到飽 （佛跳牆鍋），整體而言，相當高質，值得一試！特選澳洲和牛｜牛扑肉（CAB牛頸脊）|牛爽腩|和牛係最正，無得輸！店員一開始已經遞一碟過嚟作為頭盤，唔使自己order。砂爆魚肚|竹笙抱蝦滑| 台南烏雞玉卷松露墨魚滑|無骨黑魚片｜響鈴釀魚籽福隆刺參｜山見和牛蛋餃各類配料都好有心思，例如響鈴入面釀咗魚籽，竹笙入面又有蝦滑、仲竟然有魚肚同埋刺參！蚵仔煎|酥炸椒鹽花枝丸熟食方面，蚵仔煎係呢度必試嘅名物，仲有太多太多未試到，下次再嚟先得！

說它有細節，因為有得食有得玩有回憶進餐廳時選了湯底和Level 3套餐。因為選佛跳牆湯底+$28，送了一個熊仔造型的毛巾，還可以自選顏色。另外Level 3套餐有4個代幣可以玩二次夾波波。再送了一張明信片，可以寫好放到門外的郵筒寄出。如果是約會或跟特別的朋友吃飯，寄回家留念真是一個很好的回憶。食物選擇很多，除了點的食物，餐廳自助區有很多熟食，還有可以自己選配料的芋圓仙草甜品區，雪糕雪條。就算不好甜，飲品類別也多，除了冷泡茶之外還有零卡的有氣飲品和咖啡機。我吃的是Level 3，吃完有幾款推介：1️⃣黄金鮮蝦球 ：手打蝦丸裏面有鹹蛋黃，超足料美味。2️⃣福隆沙白，飽滿新鮮，多吃也不會膩3️⃣黑魚片，很滑又冇骨。朋友的喜好跟我不同，他最喜歡卡樂beef和美國毅飼黑毛豬。升級的佛跳牆湯底也推介，裏面有一隻鮑魚和一件很大的花膠，湯底濃郁。山見有個好處，每款食物可以點少少，就算同枱口味不一樣，也沒有所謂。可以點一兩件自己吃。服務方面：店員很nice，收碟和上菜速度快。又會主動加湯。除了湯底等一陣，其他食品都很快，沒有漏單的情況。埋單時還主動提我們玩夾波波機。

📍山見台式火鍋😍將軍澳超高質素台式火鍋👍～餐廳環境靚😍食物質素高🥳店員服務態度好👍～LV5 殿堂A4日本黑毛和牛海鮮吃到飽套餐😍👍～A4日本黑毛和牛😍好耐冇食過咁正嘅和牛😘油脂分布非常平均👍入口即溶唔使講🥳和牛放題嚟講牛肉質素簡直係上上級😍～佛跳牆湯底🤪😘採用各種珍貴海味及肉類調配而成嘅精選湯底🥳包括鮑魚😍海參🤪雞件🥳再配搭香氣獨特嘅素材例如杞子紅桑冬瓜😘健康得來非常好味滋補🥳😎👍打邊爐首選湯底😘👍～澳洲和牛肩胛肉眼😍澳洲和牛比較有肉味😘雖然未至於入口即溶🥳但係完全冇靭嘅感覺🤩都係非常高質嘅和牛😘👍～海鮮任食😎出奇地食落全部都好新鮮😘（因為平時喺放題店食嘅通常都係垃圾）😂鮑魚非常大隻鮮甜😍蠔大隻得嚟完全冇腥味🥳蝦大隻多肉有膏😍仲要全部都係任食😬我唔客氣了😛🤪👍😍😍～順帶一提 餐廳各樣配料🤤飲品🥤甜品🍮都係齊全🥳同埋非常高質🤪下次打邊爐一定揀呢間😍👍📍港鐵將軍澳站 步行約3分鐘山見台式火鍋 (PopCorn 1) (將軍澳)將軍澳唐賢街9號PopCorn 1 1樓F10號舖

一入門口就見到有個郵箱同夾公仔機，原來食完嘢可以寄postcard 俾朋友，postcard上仲有餐飲Coupon。寄完明信片仲可以去夾公仔機試試手氣，有得食又有得玩，好正！Lv4 澳洲和牛海鮮吃到飽套餐：澳洲和牛牛肩胛肉眼入口即溶，油花分佈均勻，食落去啖啖肉汁。每片牛肉都切得好薄，放落滾湯度一浸就熟，食落去好嫩，牛肉味又香濃！佛跳牆湯底：呢個湯底真係好矜貴，用咗好多珍貴嘅海味同肉類，例如鮑魚、海參、雞件，仲有啲藥材如杞子、紅棗等，真係滋補又美味。除咗和牛之外，仲可以掃QR CODE 叫其他嘢食，我哋叫咗牛扑肉、豚五花。牛扑肉都好高質，帶有少少甜味，淥完原全唔會韌。豚五花都好正！肥瘦均稱，咬落去油脂會滲出嚟，好香！扇貝好鮮甜，微辣好惹味。蚵仔煎一定要趁熱食！蚵仔都好飽滿。鵝肝多士嘅鵝肝味唔算太濃，不過幾creamy。油炸鬼出乎意料之外！又炸得幾脆幾好食。就連自取區食物都勁正！打邊爐的話勁推介花生豆芽！出面好少餐廳有得食！記住唔好淥咁耐呀～爽脆係重點！真係好好食！仲有企鵝墨魚丸，得意又好食！滷肉飯勁高質！入面啲滷肉都入晒味架！台灣腸都好正，如果可以配埋原粒蒜頭就更有台灣地道風味啦！炸物都

最近同老婆去咗山見台式火鍋，真係不得了！呢間餐廳裝修得好靚，台式風格十足，感覺好舒服。我哋叫咗Lv4 特選澳洲和牛海鮮吃到飽套餐，揀咗佛跳牆湯底。呢個湯底真係好正，味道濃郁，食到啲材料都好新鮮。首先講下和牛，肩胛肉眼 & 牛扑肉(CAB牛頸脊)，兩款牛肉都係入口即溶，肉質鮮嫩，真係一流！😍👏🏻再嚟就係嚴選豚五花，呢個豬肉脂肪分佈均勻，煮完之後入口即化，真係好滿足～ 👀滷肉飯亦都唔錯，滷汁香濃，飯粒分明，配埋台式香腸，真係一絕 😋海鮮方面，福隆沙白同原船站前蝦都好新鮮，尤其係蝦，肉質彈牙，鮮甜可口。黃金蒜茸蒜扇貝亦都係必試，蒜香味濃，扇貝肉質鮮嫩，真係食到停唔到口。另外，松露墨魚滑同響鈴魚籽蝦滑卷都係我嘅心水推介，松露味道濃郁，墨魚滑口感彈牙，魚籽蝦滑卷亦都好有驚喜，魚籽爆開嘅感覺真係好正 👀香芋脆果同府城蝦捲都好好味，香芋脆果外脆內軟，香甜可口，府城蝦捲亦都係外脆內嫩，蝦肉鮮甜。最後，鬼馬炸油條真係好搞笑，炸得好脆，配埋湯底一齊食，真係好正！😋甜品方面，種類唔算好多，不過都好出色！唔會太甜，入口鬆化 👍🏻食完仲送咗張明信片，可以寄俾自己或者朋友，有 $50 coupon 餐飲券同埋送左

今天晚上 ，我們去到將軍澳PopCorn山見台式火鍋晚餐。我們點了Lv5殿堂日本A4和牛海鮮吃到飽套餐(限時120分鐘)，食物以溫泉為主題， 配了主題湯底(佛跳牆湯)。這個套餐，包括一份海鮮拼盤，有鮑魚、大蝦、生蠔、花膠、海參等等；另外還有澳洲和牛肩胛肉眼及牛扑肉(CAB牛頸脊)； 所有食材，放在佛跳牆湯底烚一烚 ， 十分鮮味，讓人回味無窮。我們又叫了蚵仔煎、牛栢葉，還有脆肉鯇魚片和爽脆水魷，口感各有特色，令人驚豔。我們又單叫了花膠、原隻駅前海老松露墨魚滑、鮑魚和鮮灼象拔蚌。廣島蠔、黃金鮮蝦球和竹笙抱蝦滑，更是讓人垂涎欲滴。此外，惠顧指定湯底還可獲贈山見熊仔毛巾一條，實在是細心的服務。搭配台灣啤酒、白桃烏龍和芬達橙汁， 心中顿覺涼快。甜品有華西綜合豆腐花，讓整個用餐體驗，圓滿無比。餐廳 對客人的服務 熱情周到，讓整個用餐體驗更加難忘。我們十分享受今天晚上在山見台式火鍋的晚餐。

之前見到將軍澳popcorn開咗間新嘅台式火鍋店，次次想試都排晒長龍~難得今日晏晝有位終於可以試到😌座位好寬敞好闊落～坐得好舒筋😆見到個好特別嘅佛跳牆湯底🍲入邊有鮑魚海參仲有雞件~好豐富除咗本身要點食材之餘，有好多熟食可以選擇估唔到任食火鍋都可以食到台灣地道小食😎另外仲有多款飲品，甜品供應～食飽飽熟食之後，仲可以自家製芋圓🤪完全一次過滿足晒幾個願望😆午市套餐最平，只係需要$98就可以食火鍋放題😌都算幾抵食，多嘢揀

趁爸爸北上，就帶著媽咪到PopCorn新開張的山見撐枱腳。餐廳佔地極大，座位寛敞舒適，非常開揚，更以「溫泉」為食物主題。而店內提供5個級別的火鍋放題，價錢由$188起，而這次我和媽咪就點了殿堂日本A4和牛海鮮任食套餐。除了可以在120分鐘內任食和牛海鮮等多種款料，更可無限享用手工啤酒及台式飲品。另外，自助吧的所有食物、飲品及甜品都是無限任食。湯底方面，我們選了這裏獨家的期間限定「 佛跳牆湯 」，湯底採用了多種海味和肉類，包括鮑魚、海參、雞件，再配上杞子及紅棗等藥材，味道鮮美濃郁，非常滋補。日本A4和牛牛肉方面，以A4和牛最吸引，和牛有霜降紋理，肉質細嫩，油花重，肉味濃。無骨牛小排油脂豐富，肉質較A4和牛結實，但不失鮮嫩口感。這裏的海鮮全部都非常新鮮，而且選擇極常多，如： 廣島蠔、象拔蚌、脆肉鯇魚片及珊瑚蚌等。原隻鮑魚鮑魚肉質緊實，爽口彈牙，巨鮮味。原隻大海蝦海蝦大大隻，蝦肉爽口彈牙，蝦膏巨甘香。珍寶海扇蛤大大隻jumbo size，肉厚肥美，肉質爽甜鮮味，涮熟後亦不會縮小，讚。凡惠顧「佛跳牆湯」，即可獲贈「山見熊仔毛巾」一條！餐廳內更設有夾公仔機，我們惠顧LV5 套餐，每人便可獲6枚遊