山見台式火鍋 (屯門市廣場1期)

Open Now

Now Closed

Lunch突然想食台式火鍋，就上到黎3樓呢間位置有啲隱蔽既餐廳睇睇😋見到特選和牛海鮮。吃到飽有得免費加時30分鐘！對於我地黎講90分鐘真係完全唔夠時間，所以我地為左個30分鐘而叫左呢個餐🤣🤣湯底有8款選擇，不過只有2款唔洗加錢，其餘6款加$18-$25不等。我就叫左藥膳花雕醉雞湯，入面有兩舊雞，味道唔錯，且藥膳味濃郁，天氣涼涼地好啱飲😋一開始先上既澳洲和牛肩胛肉眼睇落已經覺得好靚！食落去肉味夠香濃😋😋不過咁多款肉我最鐘意卡樂BEEF，肉味最濃郁肉質最好😋👍🏻配料區仲有好多特色台式小食，例如麻辣豬耳絲、麻辣雞翼尖～麻辣雞翼尖我覺得味道唔錯，食落去夠麻又軟腍😋最後當然少不了台式甜品！芋圓是一定要叫的！口感煙煙韌韌咁好好食😋整體餐廳上菜速度都幾快，不過大家要留意落單時個量詞，因為啲丸類餃類全部都係一件件咁上，如果你叫1件，就真係只會黎1件🤣

今次除左帶小朋友去食之外，仲帶埋公公婆婆，總共5大1小去，咁岩撞正打風，去到吾洗排隊就入得😍😍入到去先發現入面原來超級大，整個環境都十分乾淨，啲枱吾會痴立立🤩🤩🤩🤩而且可以揀一大鍋定一人一鍋架，就算2個人去食都好方便🥳🥳🥳🥳我哋坐底之後就用電話叫野食，都好多款式揀，我哋今次食L3，都夠哂飽😇😇😇長者有優惠好抵😍😍自己可以去拎野飲，菜，甜品，仲有特別既台式食物😍😍😍一家大細都好滿意👍🏻！

<屯門市廣場親子台式火鍋店>作為家長~都會好希望帶住小朋友四周圍去玩同食野！今日俾我發現咗一間火鍋店真係好值得推介俾大家 <山見>台式火鍋店位於屯門市廣場 店舖嘅空間感十足 我哋今日嘅安排咗坐卡座座位 配合窗外景色~感覺好似坐緊小火車一樣 店舖裏面仲有影相零食嘅打卡位 啱晒親子同一家人食飽飽後去打卡 台式飲品都幾多選擇 我最喜愛嘅就係呢度嘅即沖冷泡茶~非常消滯 另外佢哋手機點餐有好多唔同台灣小食可供選擇~性價比最高係柯仔煎蛋🍳絕對係徹徹底底做到台灣嗰種風味 我哋都忍唔住encore左好多碟 柯仔非常大粒 絕對係推介！湯底都幾濃郁~整體嚟講性價比都幾高 一定要介紹俾身邊嘅朋友你哋仲唔帶埋小朋友嚟試吓😎山見台式火鍋 (屯門市廣場1期)地址: 屯門屯順街1號屯門市廣場1期3樓3229號舖#foodie#foodiegram #blogger#博主#美食博主#台灣火鍋#親子火鍋#屯門巿廣場#屯門必食#火鍋放題#bbkol#foodiekol #foodphotography #foodblogger

火鍋🍲真係一年四季都食唔厭原因可能係可以一鑊熟 又可以食到唔同嘅食物一次過可以滿足到唔同人嘅要求🤭今次食呢間山見台式火鍋🍲豐儉由人 可以選擇Lv1-Lv5嘅套餐 任食90mins我哋揀咗🐮Lv3.極品・吃到飽 👦🏻👩🏻成人$308 🧒🏻小童$248湯底可以揀鴛鴦鍋又或者一人一鍋我哋有小朋支就揀咗鴛鴦鍋湯底🍲鐵路豚骨湯➕（牡丹美人鍋+25）兩款湯底都一般般 味道未算突出 勝在食物款式種類多 除咗肉類🥩🐮🐷🐔仲可以享受埋台式料理、台式滷水、台式炸物、台式甜點等…牛肉品質都算唔錯 薄薄嘅切片 輕輕淥一淥就食得而阿公花雕醉雞 有驚喜 雞件好嫩滑好好味Encore咗幾碟🤭 不過90分鐘任食嘅時間其實真係過得好快 要不停淥完就食仲要食得好快 先可以食到多啲嘅款式 確實係有啲趕😂🍲山見台式火鍋 @sankinn.tgg 📍屯門屯順街1號屯門市廣場1期3樓3229號舖📍旺角彌敦道639號雅蘭中心2樓201號舖📍荃灣楊屋道8號如心廣場1期1樓126-127號舖#山見台式火鍋 #台式火鍋 #火鍋 #任食 #任食火鍋 #屯門火鍋 #屯門美食 #屯門 #屯門市中心 #hkig #Tuenmun #foodbl

朋友介紹咗有一間台灣火鍋店，一個價錢食到飽除咗火鍋之外，仲有唔同嘅台灣特色小食、台式甜品⋯一個價錢絕對能夠值回票價餐廳裝修風格做到有台灣風味，亦都有不少打卡區，而座位空間一啲都唔會覺得侷促，感覺非常之開揚同埋舒服餐牌分咗五個等級，最貴嘅可以食到和牛同埋海鮮但係因為我哋今日食lunch 我哋試咗養生藥膳雞湯，帶少少藥材味幾滋補，如果係冬天食應該會更加好所以選左lv3，已經可以食到封門柳、牛爽腩、牛五花⋯封門柳普遍比較少起任食火鍋出現，肉質比較軟淋同埋濃味，而牛五花就油香味最重另外鬼馬油炸鬼都好好食，黎到重係脆卜卜芋泥丸好香甜，同埋都係辣鮮炸起蔥油餅一試無妨、都幾香香蔥味道蔬菜及丸類可以喺外面自取，亦都有啲小食任食，大胃王真係啱晒當中嘅一大賣點，其實都包括佢哋嘅甜品九份仙草花生芋圓每款都係細細杯，而且口味有好多種，所以可以試食好多碗都唔怕，芋圓尚算Q彈，仙草味都幾香濃甜品更有麻吉燒、雪糕、牛奶磚、芝麻糊⋯一個價錢有咁多選擇，絕對比食自助餐更加豐富

又回到家鄉屯門同家人搵食，人愈大食量變得好似愈少，但思念台餐同貪心嘅慾念嘅唔會停架😂所以又點少得台式火鍋吃到飽滿足系列。來到山見屯門分店，一如以往三間分店都係用左十分車站和十分老街為靈感，打造台灣懷舊氣息嘅用餐環境，從門口走進除左有懷舊招牌、天燈裝飾等回憶返哂來之外，店主今次更為山見屯門店加左台灣小食櫃，更滿足你食完火鍋買台灣手信嘅旅行感。開餐! QR code落單，晚市有4款90分鐘吃到飽套餐任飲任食選擇，🐂特選和生海鮮吃到飽 $358/each推介:⭐️⭐️⭐️⭐️⭐️回本首選一定揀呢個餐🫶🏼有齊哂雞、牛、豬、時令海鮮等湯底有八款選擇，一家人就揀左兩個湯底，🐔藥膳花雕醉雞鍋 及 牡丹美人鍋🥘湯底唔算驚豔濃郁，但火鍋去到最尾就變得濃香，首先要食嘅一定係牛魔皇針對性食的。🥩澳洲和牛肩胛肉眼、爽滑牛骨髓牛扑肉（CAB牛頸背）、無骨牛小排卡樂BEEF(牛五花)、月見封門柳牛爽腩、嫩肩里肌肉（牛肩胛肉）款款薄切鋪排分明，肥瘦平均，輕輕放湯涮測就食得，岩哂食肉獸大大啖刷破肚皮😂👍🏼🥩另有羊肉卷、美國毅飼黑毛豬及精選梅花肉，唔駛牛嘅朋友仔同樣可以好快有得食。其他款式還有豬皮、鬼馬油炸鬼、牛栢葉、清境鮮雞子

火鍋/甜品/鹵水/台灣小食，一次過滿足你🤫今次叫咗個鴛鴦湯底，其中包括：■山見青花椒麻辣湯🌶+$18)好香，不過食落冇乜辣，只好出去再混醬🧄🌶■酸菜白肉湯🥬-免費)酸菜味好出，我地一開始都飲咗好幾啖😋滷肉飯必食🥘，不過驚食太飽食唔到其他野，所以只係畢左少少試下味，冇失望😼張枱夠大，放到好多野，相入面所有嘢都係價錢包埋，可以任叫🍹餐廳環境乾淨🌱小清新感覺，唔會好嘈，有多打卡位，無論一家大細/老友/情侶都好適合👍🏻

火鍋湯底只有兩款唔使加錢，其他都要加錢有啲令人失望😪 網上點餐有限數量 ，唔可以一次過點太多，要分開嚟點， 牛肉質素冇令人失望， 脆肉鯇片好彈牙👍😋 鍾意食脆肉鯇嘅一定要試👍👍 惡魔豬扒熱辣辣好正👍😋 自助吧嘅款式多， 有蟲草花都忘記攞🥲 雪糕只得2種味，一個冬瓜茶，一個話梅， 味道怪怪哋，唔識欣賞😪 雪糕有啲令人失望😪😪 講真90分鐘真係唔夠時間食😪 甜品芋圓唔錯👍😋 夠鐘職員鐘提醒你， 職員企喺度等你走😮‍💨 太催趕

今日好餓，所以搵一間餐廳食個自助任食午餐，揀左台式2人打鞭爐任食午餐。湯底加錢叫左美人鍋，有花膠的。手機落單，叫左幾份牛同豬腩肉，個份4片，切得好薄，好快熟，唔易老，食落去都好滑好林口，牛好正。豬腩就有小小肥，但爽口，都好正。除左點餐，仲有自助區，有飲品、熟食可以攞。炸蕃薯條、炸芋泥波都好正。即食熱盤仲有牛筋腩，又林又重口味，好正，我食左2碗。其次係豬大腸，夠入味，有台灣風味，好正，必食之選。手機點餐仲有甜品：仙草芋圓，細細杯，可以無限叫，唔錯。加錢可獎叫珍珠奶茶… 我唔想太飽，就去雪櫃揀左茉莉茶，有點甘口。仲有其他台灣飲品揀，都可以試試。午餐來講，價錢合理，服務好好，坐得又好舒服，空間好大，又唔駛等位，一定會再來食。

第二次幫襯，有讚有彈，今次食麻辣湯 可惜沒有麻的感覺，牛肉就普普通通，醉雞翼和陳皮鯪魚滑味道比起之前好食左！自助區有很多款式選擇 可惜滷肉真的全是肥膏，這點要改善一下了！上菜速度正常 是小食比較等得耐。服務也不錯👍🏻希望品質保持穩定

我同朋友一齊去食268啲套餐，我哋選了一個麻辣鍋同埋沙茶鍋。然後落座去選調料和小食，滷肉飯全是肥肉，食一口就唔想食第二口，過於油膩。食過滷肉飯後，菜上來了。沒想到分量好細，而且上的數量不齊，牛肉的質素也不是很好。小吃的燒仙草不錯。山見自己出品的冰淇淋味道非常奇怪，不知道為什麼要開發木瓜味道的和話梅味道。其他飲品除了可樂和茶一刻，其他還有一些不知名的牌子。上菜速度也很慢。如果是想吃台灣小吃不如去台灣店里吃，這裡火鍋品質不高。

食$328套餐。雖然食物選擇多，但大多都係平價食物。性價比極低。可以話好食嘅只有封門柳同蝦。$328和牛套餐嘅和牛一啲都唔好食，連$268套餐嘅封門柳都好食過和牛。建議如果唔係特別想食海鮮嘅人，食$268就ok。如果只係睇食物同價錢嘅話，$328嘅性價比極低。$268性價比只係勉強可以。但本人都唔會再食，最大原因係屯門店嘅某啲員工服務員態度極差。進餐時間夠鐘要客人離開其實唔係問題，不過態度可以唔洗咁差。講完又唔洗企係張枱隔離望到客人走為止。

新開左間打邊爐嘅舖頭，一直都未試過，主要佢係台灣嘢為主其實就咁睇個餐牌，佢嘅選擇唔太多所以決定叫最基本嗰個有牛有豬試吓兩個人大概五百幾蚊 湯底比想像中好味牛肉同埋豬肉都可以出邊仲有自助區域可以拎菜同埋甜品

呢間bookmark左好耐，早排終於約左朋友一齊黎試。餐廳入面好大，自助區超闊落！仲有打卡位😂。座位都坐得好舒服，不過因為坐一人一鍋既位，個鍋擺喺右邊，成日夾野都驚掂到個鍋辣親🙈。個人建議應該放左邊會好啲。揀左極品吃到飽，每人$268(未加一)，可以食晒各種台式小食😋。🔅肉類牛肉就普普通通，反而黑毛豬唔錯，好爽口唔鞋唔韌👍🏻。🔅自助區自助區有勁多野食拎😍，菜幾新鮮，另外有麻吉燒、奶油空心餅幾特別，最推薦冰心蕃薯，勁甜勁綿🤤。🔅台式小食炸物有好多選擇，有惡魔雞排、鹽酥雞、地瓜條、蔥油餅等等都唔錯。黃金炸魚皮既鹹蛋黃唔算多🤣。🔅甜品叫左幾款都唔錯，芋圓有咬口，唔會太甜，細細兜都好滿足😋。💬整體雖然牛肉一般，但勝在環境唔錯，食物款色夠多，台式小食都ok，可以一試。

又到左每個月揀一間新餐廳去試食嘅日子，今次就去山見台式火鍋，喺香港佢一共有三間分店，今次就去咗屯門嗰間，佢可以透過OpenRice book位所以都幾唔錯。因為我其實係唔食牛嘅🤣，所以我哋揀咗極品吃到飽($258/1位)呢個套餐，有少少牛比男朋友揀之餘，我又有其他嘢可以食。男朋友就揀咗豚骨湯底，我就加$18揀咗蕃茄湯。不過我覺得佢最出色嘅係佢有好多前菜、炸物、仲有好多甜品，就算我打邊爐唔係太鍾意嘅話，都可以食到好多台式料理，感覺抵番。我哋個餐唔係包括全部嘅台式料理，不過其中我覺得蚵仔煎同埋鹽酥雞都幾唔錯，而且佢有啲飲品都幾好飲，我就拎咗白桃烏龍，清清地，如果大家有興趣都可以加$12叫佢嘅台式飲品，想飲熱嘢嘅，你仲可以有紅棗茶、薑茶等等嘅選擇，仲有部機可以斟咖啡同埋奶茶添。今次我就冇影相啦，淨係掛住食，成個感覺都幾唔錯，而且地方好乾淨。