三多炸肶 (Closed)

今日係街度行下行下，見到傳說既三多 wo (雖然知道開左但係唔知exactly係邊。。）揀下揀下，都係淨係叫左個腸粉+雞脾 （中辣）腸粉份量足夠既，味道一般，不過真係好油好油好油，油到我食完以為自己飲左碗油落肚咁。。冇誇張！雞脾外皮脆卜卜，好大隻，不過太咸，同埋個辣味。。好古怪試過就算，48蚊食個雞脾加杯檸茶都幾搵笨Ps. 食港式炸脾係咁播韓文歌，唔講我以為自己去左食韓式炸雞，完全唔岩feel...香港人爭氣d la

都有段時間無黎過旺角,今日上完堂黎旺角有D肚餓,所以想搵個TEA食下,識路既都知最多好野食既係女人街同埋黑布街附近啦~今次就行去黑布街望下有無心水~行到轉角位,咦!?咁熟既個名?哦!原來係馳名大埔既三多炸脾!原來已經開哂分店~既然咁岩,一於就試下~有辣有唔辣,又可以跟餐,好多選擇~等左五至十分鐘終於出爐~新鮮熱辣好大隻啊!!!味道唔錯,不過佢既皮係似吉列果D皮,唔係我既至愛生炸皮~不過食完一樣好滿足~~~~~~~~~

我認識三多係因為QT大多嘅朋友都係大埔人，佢地帶QT去食！我當時光顧嘅正正就係元老店，冇令裝修冇服務冇令境,但就有一份份好味道嘅食物😊當時朋友們都講三多嘅雞肶係超大隻仲好好味嫁！有醬油肶同生烤肶，而且朋友都不停講要落三多嘅獨家辣粉，但千奇唔好太多因爲係非一般辣😎 無錯，三多嘅生炸雞肶的確做的好好，夠大之餘佢真係炸完都唔干巴巴好多肉汁好滑～ 而醬油肶就更加比炸肶更滋味👍🏻 不過我個人都覺得兩種雞肶未係最引起我成日去食嘅主因😅 令我食過回頭嘅反而係三多嘅醬炒腸粉！比平時嘅炒腸粉多一份濕口感同埋d肉醬好有魚香茄子feel 👍🏻👍🏻👍🏻 其次炒雞軟骨都係必食嫁！不過甘多年來意粉都係比較淋身左d都普通～ 最近三多愈開愈多分店！水準間間都保持到都方便左一班為食喵去食～ 新嘅分店形象同裝修都好光鮮！但我都係最懷念老店個份感覺😎 人就係甘犯賤，人人都愛嘅時間自己會偏不愛舊嘅東西存在時大家會嫌三嫌四，但到有新時卻發現最掛念還是最原來嘅舊，可惜舊嘅已經因為大家嘅嫌棄早消失了。

原本今晚我們諗著喺屋企叫薄餅或其他嘅外賣速遞返屋企食，但諗諗吓覺得食嚟食去都係嗰啲，唔知想食咩，所以我們就諗起去旺角山東街嘅「三多炸肶」買新鮮即炸嘅炸脾外賣自取返屋企食！我們買咗三隻招牌三多炸脾分別跟飯、意粉同沙律，他們嘅招牌炸脾每一次食都係咁好食，鷄皮炸得香脆，肉質超嫩滑多汁，仍然保持水準，意粉嘅麵質唔會好腍身，沙律嘅薯仔唔會好腍身好似薯蓉咁，所以更加有口感！豉油肉碎炒腸粉炒得好夠鑊氣，腸粉相當煙韌彈牙！之前食過沙嗲撈公仔麵，所以今次就揀咗豬扒炒公仔麵炒得好乾身，公仔麵嘅麵質好爽口彈牙，味道非常惹味，豬扒嘅肉質相當鬆化！三多士係比一口西多大啲啲，咬開一半見到入面嘅餡料係花生醬，所以味道更加香甜滋味！

一直都好想試三多雞脾, 無奈地點對於我來講太遠, 最近得知在旺角開設咗分店, 我當然要去試下.不用多說, 我第一時間點了炸雞脾, 有辣和唔辣選擇, 我點了唔辣. 怕熱氣的朋友可以選擇滷水雞脾.這裡除了炸雞脾外, 仲有沙嗲撈, 粉麵飯, 腸粉, 各式小食.炸雞脾有套餐, 加飲品, 只係$48.我點了柯檸, 個名好特別, 唔知係咩飲品, 細問下原來是橙加奶混合整成沙冰, 我從來未試過這樣飲.炸雞脾好大隻.外層的炸粉厚薄適中, 入口幾脆身. 而內裡的雞肉相當嫩滑, 調教的味道也不錯, 外脆內嫩. 最重要夠熱辣辣, 特別好味. 食炸雞脾, 當然最好就是飲番一杯凍飲. 柯檸入口有淡淡的橙味, 估不到同奶會咁夾, 而且沙冰夠幼細, 飲的時好滑身, 唔會有一粒粒的碎冰, 飲到底也不會減淡咗味道, 令我一試真係愛上. 再來是沙嗲牛肉撈公仔麵. 上枱時已經香味撲鼻.我自己鍾意多醬, 這個撈公仔麵的沙嗲醬夠多. 能夠令所有麵也沾到醬.我本身唔食得辣, 這個沙嗲醬只係少少辣, 而且夠香, 幾惹味.牛肉夠腍身. 而沾滿醬的公仔麵特別好味. 小食點了炸芝心丸.一份有六粒, 價錢要$45, 相對較貴. 這

黎旺角同個朋友食一下小食，跟住為左費事周圍揾野食，一上openrice就見到呢邊有多間食野嘅舖頭，於是就去左簡下有邊間好食，行行下見到呢間小食舖，之前係網上都見到呢間小食嘅報導，作為小食發燒友嘅我地，就簡左呢度開飯喇。炸雞脾入口都算有口感，都算已經令人滿足嘅。不過呢就真係炸得太勁喇，雖然唔算貴，但點都應該整好啲喇，燶左小小，可能係廣告真係太勁，但都有好多位應該做得更好更加到位，食材亦都更加好，但係有小小失望囉希望有機會會再黎喇

呢間點解中意食~佢同一般d小食店唔同~小食店來來去去都係魚蛋燒賣呢間可以食到唔一樣既野第一佢有炸芝心丸食~ 我個人好中意食芝心食物第二佢各式各樣既撈麵食!呢d都係普通街上小食店無既野~佢既炒腸粉幾好食~ok特別甜甜辣辣最後緊係唔少得佢既炸雞~炸雞係佢入面最好食既食物~中意食雞既人經過可以一試~因為係小食既關係~有小小餓經過就食得~佢包裝隨時係入面食又得~拎走又得!好方便~餐廳內有小小位可以坐~所以路過累都係可以坐~拎出去食都得! 

我有一個花名叫「雞脾妹」，仲記得讀書返Part time，每次Tea Time都會叫炸雞脾。所以我可以話係雞脾界既殿堂食家。一直都知道三多炸脾好出名，但因為只有大埔才有分點，對於我這個港島人實在太遠了，所以一直都無機會一試。朋友話三多終於係旺角開分店，我既第一個反應係「正呀！放假即去旺角試！」見到炸雞脾太興奮，menu同餐廳環境都無影。招牌 生炸雞脾超喜歡三多的生炸雞脾皮脆肉嫩，重點是不會油膩！一定要連皮食！同朋友分別叫左一隻雞脾外，仲叫左一盒招牌XO醬腸粉。盒上印有「食雞脾唔食皮係一種罪！」，十分有創意。呢盒XO醬腸粉味道有啲似魚香茄子煲，撈埋腸粉一齊食有啲似食魚香茄子煲撈飯。凍檸茶 加「彈珠」我地叫左凍檸茶少甜，本身有點淡，但一粒粒「彈珠」咬爆後入面糖水溢出，混合少甜的檸茶，味道剛剛好。

旺角一向都是人多兼且嘈雜，尤其是西洋菜街一帶，經過前兩年在旺角發生過的重大事件，例如佔領旺角以及旺角騷亂事件，令旺角變成喧嘩多事之地，西洋菜街更是千奇百趣，甚麼五湖四海，三山五嶽人士都有。稍稍離開西洋菜街，往較偏僻的山東街，廣華街逛逛，亦不難發現美食。譬如山東街近麥花臣道球場，香港遊樂場協會附近，我就發現了一檔以賣炸雞髀聞名的小食店，「三多炸肶」。「三多炸肶」是源於大埔有名的炸雞髀小店，「肶」是「髀」字的俗寫，早在大埔開店時已經沿用此叫法，直到今時今日，都未曾改變過。同樣，「三多炸肶」以類似生炸雞髀的手法去製造他們的「炸肶」，自成一格，成為大埔人獨有的小食。除了炸肶之外，「三多炸肶」的招牌菜大多跟炒字有關，譬如「豉油肉碎炒腸粉」、「香辣肉碎炒腸粉」。除此之外，「三多炸肶」的飲品都不乏值得一試的招牌菜，像「爆檸」跟「爆檸水」。將「三多」有名的兩款招牌食品，炸肶跟爆檸一併點來吃，價錢就便宜十塊左右，比散點稍為抵食。惠己及人，防止選擇困難症發作，直至對店員喊一聲：「跟餐丫唔該！」是最好的一種做法。相對於散買，「三多炸肶」的套餐包括「炸肶」跟「爆檸」/「爆檸水」，價錢較便宜約九塊左右。其實便宜

三多炸雞肶（$29）👅食雞肶唔食皮係一種罪😈呢間雞肶店幾出名，仲愈開愈多間分店添😍😍😍咁岩同學仔買黎食就痴佢幾啖試下先🙈🙈一咬就明點解咁出名😳😳啲皮係超鬆碎而且唔會好厚唔會cham口👍🏻👍🏻重點係啖啖肉超滑超多肉汁😋😋😋食落又唔會好油☺️☺️☺️咁搞法擺明要我再encore啫🤔

知道最近有間炸脾店出晒名，的確令我呢股炸脾熱重燃。旺角開既分店的確享盡地理，難怪未到七點嚟到已經要等位。店內播住Eason既歌，需要知道陳奕迅的歌是陪我長大 ：「童年你與誰渡過，炸脾天天吃幾多」炸脾的確係童年回憶，自己會傻到去大家樂食炸脾飯。以為淨係做炸脾，原來呢度好多野食，魚蛋燒賣，薯條腸粉，仲有飯麵，真係點止炸脾咁簡單。炸脾 + 大大杯爆檸 $48炸脾可以配套餐轉特飲，凍檸茶既味道，中間有粒粒彈珠，為凍檸茶生息不少。至於炸脾，今日的確為左佢而來，沒有令我失望。生炸既雞脾，童年既味道，咬落去脆既感覺，裡面雞肉既嫩滑，一再回味。沙嗲豬頸肉撈公仔麵 $45沙嗲既味道來得家常，好有屋企煮沙嗲餸既感覺。呢個沙嗲味既香又濃，配合豬頸肉撈公仔麵，十分惹味。椒鹽雞軟骨 $50$50既雞軟骨的確唔算係優惠價，不過質素絕對拍得住出面餐廳。雞軟骨夠香脆，又唔會炸得過火，熱辣辣加上椒鹽，真係食唔停口。香辣肉碎炒腸粉 $35炒腸粉好份量多，夠豐富，香辣肉碎滿滿的充滿於整碟腸粉，辣味十分刺激，腸粉又彃牙。炸花枝丸 $45都幾邪惡，因為要用好多油去炸，所以先可以得出金黃色，食落外脆內軟。黑牛 $32又一經典之作

冬…食雞唔食皮係一種罪…因為呢句slogan同聽聞佢地既炸雞脾可以開到成行成市…見係黑布街又開左分店！就黎試下！雖然出名炸雞脾，入面都有其他炸野食如雞軟骨…意粉…仲有腸粉…等等！我地兩條友，見到有套餐就點左炸雞脾拼凍爆檸加多個雞脾意粉！炸雞脾應該即炸！係咪生炸就唔知！味道加左辣粉就再野味D！雞皮好脆，其實炸過既皮真係好好味！佢地個調味同個炸粉唔錯！同雞皮產生化學作用！雞肉就炸得乾左小小！可能新同事比較生手！意粉！好似茄汁燴意粉！呢個我個人覺得麻麻地！首先意粉煮得淋左D, 個汁就蕃茄味淡但就好甜！凍爆檸就加入芒果魔豆！魔豆幾好味！不過唔算特別！其實樣樣都中規中規！行過想食下香口野都可以試試！

今日去拜神經過見到旺角都有三多炸脾，超興奮 .... 見到佢未開，9 秒9去還神先再出黎睇佢開未 .....出到黎已開門，我係第3 個客，等一陣好快就有得食，不過今次order外賣返公司食。間店都算大，比起荃灣算大，有高椅坐，我唸大約10位以下，但如果排長龍同等野食既人企哂係到，都幾迫下，始終店外就係馬路，不過好在有2邊門企，唔洗迫係1個門口咁辛苦。原來三多係加盟店，剛見佢剛剛送貨入店，質數都無差到，都係好好味，食落唔會一口油。依家唔洗山長水遠去荃灣食，又可以lunch黎食，唔洗排長龍 .... 正呀

一個禮拜起碼黎一次旺角嘅我，竟然發現到呢間新餐廳，特別俾佢門口嗰個圖畫吸引住，非常之同意「食雞肶唔識皮係一種罪」！！我最鍾意食炸雞髀，見到就已經覺得非常之吸引！！首先送上嚟嘅係豉油肉碎炒腸粉，好有意外驚喜，冇諗過炒腸粉都可以咁有鑊氣，食完之後真係想再encore叫多啲碟！！跟住主角雞髀，貪心嘅我又想試吓炸嘅，又想試下滷水，所以兩個都叫咗，好彩兩個人一齊食～ 個滷水雞髀配沙律，大大隻雞髀見到已經流口水，滷水醃得好入味，薯仔沙律都好好味好爽口新鮮～ 包裝都好照顧客人，有個紙袋同竹籤方便大家食～跟住炸雞髀就配意粉，超級大隻，個雞髀差唔多霸晒成個盒，雞髀炸得黎唔油，好鬆脆～嘢飲叫咗個黑牛同柯檸，又係係大大杯好飲解渴～總括：食物好有誠意嘅製作，有質素，大大份價錢又非常之抵，絕對值得再encore！！

一直都知道三多在大埔起家聞名，雖是新界人卻一直都未能鼓起勇氣走到大埔一趟。年中時知道三多由大埔衝出開到荃灣時，立馬到荃灣一嚐他的風采。當時吃那個雞脾已夠我滿足，心中啐念著有機會一定會再來。今次開到了旺角更是令我心郁想來吃呢，所以便帶了大頭仔來試！下班的晚上來到，不算有很多人。由於太餓的關係，都點了很多食物呢！香辣肉碎炒腸粉這個是出奇地好吃的！我和大頭仔都很讚呢！這個腸粉炒得很有鑊氣，辣肉碎和腸粉發生了絕對的化學作用，比起以往吃的炒腸粉來得更有新鮮感。爽脆的芽菜配上軟腍的腸粉更添口感呢！三多炸雞脾這個不用多介紹了吧！絕對是三多的名物吧。炸得香脆熱辣的雞脾，外皮脆身，內裏鎖住了雞肉汁，雞肉嫩滑。大大的一隻雞脾，一個人吃的話絕對是大滿足！但我們兩個人點了廷多食物了，所以叫了一隻雞脾來個二人分享吧。所謂的雜錦炸拼盤是由大小魚蛋、豬肉丸（像是貢丸）、墨魚滑、雞塊和咖哩角合拼而成的。旁邊有酸甜辣醬相伴，點墨魚滑來吃最夾呢！椒鹽雞軟骨這個我是廷欣賞的（除味道偏鹹了一點外）。我喜歡的原因是夠辣，而且我是個十分十分愛吃軟骨的人，所以這個是合我口味的呢。飲品方面點了爆檸水和柯檸。爆檸水是由檸水再加底部加一