三多炸肶 (Closed)

之後一路都聽聞三多既炸肶好出色而我竟然路過先知係旺角開左分店🙈真係好後知後覺！本身一心諗住去飲咖啡，點知嗰度無位，就係咁我先見到三多！即刻叫番隻炸肶試下先，無乜人都要等十幾分鐘。鋪頭入面都有幾張椅可以堂食，不過大家食完記得自己清潔番呀！咁之後其他食客都可以乾淨咁用十幾分鐘後終於見到隻炸肶喇！好大隻呀！真係唔係講笑！外面脆卜卜，入面又好juicy，好正呀！如果唔係要食晚飯，真係想一人一隻！如果鍾意食炸肶真係要去試下，好岩我口味

難得出旺角，路過 三多炸肶又咁啱未食lunch, 就叫咗隻三十蚊嘅炸雞肶🍗。 慣咗快餐店嘅即食嘅文化，比完錢仲要我企喺度等十分鐘，我開始有啲唔耐煩。不過人哋可能要認真做食物，即叫即炸先保持到水準，我唯有等等等... 炸雞肶🍗終於出爐，名聞不如見面，三多隻炸雞肶🍗果然巨型，皮脆又多肉汁，加多杯可樂就真係perfect

今天很早很早很早去科學園跑馬拉松，天氣很好，太陽也很猛，沿海邊跑，但一點海風也沒有，比平時跑得更吃力，完賽後已筋疲力盡。本來友人提議到附近大埔吃三多炸脾獎勵一下自己😂由於太累的關係，沒留意營業時間，摸門釘。不能吃就愈想吃，所以直接去旺角分店吃！下午時間沒太多人，幸好有座位，我們點了二人餐。有兩隻炸雞脾+司華力腸+兩個飯品小辣炸雞脾🍗友人說小辣已經足夠，果然夠辣炸脾配冰凍汽水，人生一大享受！可能跑完馬拉松，感覺真的很滿足炸脾即叫即炸，熱辣辣，夠juicy，辣味夠麻，絕對值得一試吃完炸脾已夠飽，司華力腸也不錯，連埋菜一齊炒，鑊氣十足，味道濃郁這個二人餐份量十足，女生的話三人吃也足夠，忘記了價錢，但算是物超所值。慕名而來必試炸雞脾，初次可先試試小辣，十分不錯

頭先落旺角買嘢停低架車之後發覺原來旺角都開咗三多之前都有食過三多但次次都係走去大埔食分店嘅質素好唔好呢等我今日試吓雖然三多炸脾最出名嘅係炸脾但係我真係冇一次會食三多嘅炸脾我都係鍾意食佢嘅滷水俾多啲呢度嘅滷水脾嘅質素拍得住大埔除咗成隻雞髀都好入味之外佢嘅雞肉一啲都唔會老不過我哋叫咗個套餐套餐嘅腸粉就好難食啦呢個炒腸粉一啲都唔乾身食呢個腸粉就好似食緊糊仔咁

晏晝去咗旺角行街，去咗the forest搵嘢食，但係都冇乜選擇，所以行落波鞋街附近發現三多炸肶，因為之前食過一次，覺得幾好食，所以今次再幫襯去到已經幾多人唔喺度，門口未入去已經聞到一陣陣香味 排隊order等下加拎埋炸肶，大概差不多20分鐘 一拎上手熱辣辣，已經流晒口水 我朋友第一次食，佢都好期待我咬咗一啖，即刻熱親，外面塊雞皮好脆，咬開肉汁流晒出嚟，但係肉都係好熱 真係好surprise ！我朋友一路食一路讚好味，應該係趁熱食嘅時候特別好食 不過，價錢就貴左少少 偶爾食下都不錯既

排咗好耐隊買珍珠奶茶，想食炸雞扒，就跟朋友去左三多，其實冇食過，但朋友話唔錯，所以就跟住試下~ 旺角呢間都算幾大間，一去到裏邊已經有人坐咗喺度，都算幾多人，我以為係淨係買完炸雞扒就即刻走，冇得坐嘅地方，點知佢位置都好多，仲要鋪頭唔算好細我哋兩個都買咗招牌～ 等咗大概10分鐘左右，就有得拎，仲要拎上手嘅時候熱辣辣，好似啱啱新鮮炸咁樣 真係好正！咬咗一啖，發覺炸得好好，外面皮好脆，裏面嘅肉超級嫩，而且食落會食到汁，唔會炸到好乾 雖然炸雞扒嘅地方真係好多，但係我覺得呢間都唔算好差！肉又幾大塊值得一試！

I went to Mongkok to meet my friend afterwork today. But I arrived a little bit earlier so I went around for snackI found this shop near the corner of the street and it was full of customers. I was curious and decided to try once. I ordered their signature which was the fried chicken legs. While waiting, the smell of frying was already very strong.After 10 minutes, it’s ready! It tasted really fantastic coz it’s hot and the meat was extremely juicy. I highly recommend this as a snack

已經黎過呢間小店無數咁多次，依然覺得好好食。其實我唔係一個好鍾意食炸嘢嘅人，但係佢哋嘅炸雞髀🍗真係令我時不時就想去食。今日同朋友又去啦！我地叫咗個set，有兩隻炸雞髀，雞軟骨，腸粉。超多份量，食完好飽。本身想影相，但係掛住食完全記得咗哈哈哈🤣 咁啱有個客人自己一個人叫咗杯野飲，點知原來最近做緊優惠買一送一，結果佢就送咗一杯比我！🥤✌🏻

其實見到其他食評都好一般，不過剛巧在旺角，有好想食炸雞，所以即管試吓。環境:都叫有位坐，當然唔預坐得舒服，張檯應該無人清理過服務:可能人工少又辛苦，所以收錢姐姐無乜表情，30蚊買隻雪藏脾都唔講句多謝，另外食得炸雞脾預左要落手，紙巾都無張比人價錢:地鋪預左唔會平，不過30蚊食炸雞好過佢既大把；見到啲所謂套餐可以賣到百幾蚊，咁既環境咁既服務唔知發唔發到市呢食物份量及質素:隻脾唔算大隻，略乾無汁，唯醃得算幾好味總結:呢個價錢比佢好食服務又好過佢既店多的是，唔食絕對無損失。

超鐘意食炸雞🍗既我同B先生一致認同呢間炸脾係超班；店舖仲有滷水雞脾同意粉等套餐比大家選擇。雞皮炸到好脆，剩番既肥膏唔多，入面仲有好多肉汁，連皮食一流，一定要自己食哂一隻先夠！店內是快餐店形式，高椅子獨立坐位，大部分都係望街位，位置唔多，好多人幫襯，人人都叫雞脾，雞脾即叫即整，一定要試！

個個都話三多炸肶好好食，所以我同老公都突登去打探一下。因為我們未食早餐，所以就點左個至尊二人餐。至尊二人餐有2隻炸肶（可炸可滷水），司華力腸或雞軟骨，炒腸粉同汽水兩罐。$135炸肶係即叫即炸，所以熱辣辣，重點係塊皮脆卜卜，肉質鮮美仲有肉汁。雖然炸肶係招牌，但係我覺得三多炒腸粉先最有特色最特別！因為平常腸粉都係甜醬，豉油，花甜醬，出面好少人會炒腸粉。三多的腸炒係用肉碎，芽菜同豉油炒的，非常野味。椒鹽雞軟骨好入味，睇世界盃送酒一流

😺😺😺😺旺角三多比唔比得上大埔？😺😺😺😺一向係大埔食開既我，見到旺角都開埋真係要試試佢。。。講真，雞髀，炸粉，調味都應該係一樣既，但少左一種野，叫 🌸🌸古早味🌸🌸 (學台灣叫法) !!!就係夜麻麻，揸勁耐車，入到大埔食個炸雞脾做宵夜，尼種感覺先叫 宵夜，先叫 正！炸雞🍗 85分💜💜💜💕💕💕💕💕💜💜肉醬（豬肉)炒腸粉，65分，太咸，重口味人士come come come ~

晌隔黎食完碗拉麵經過三多，諗住買盒雞軟骨番屋企，今晚做邪惡宵夜，邊食邊睇電視！於是乎內心掙扎一輪就行入呢間「食炸雞脾唔食皮係一種罪」嘅三多！即刻目標清晰咁叫左個雞軟骨！$50⋯⋯睇下你同咩野比啦，話平唔平話貴唔貴.....於是就坐晌到等佢即炸喇！等左5-10分鐘啦大約.....佢用普通飯盒咁裝住嘅...都叫滿滿的...底下有塊生菜墊底！即刻要襯熱食兩粒先走！拎到番屋企...掛住食都唔記得影相，雖然凍左無咁好食..但都係好味同脆架！

雖然我冇去過大埔本店食過，但之前都過兩三間三多，水準都差唔多，所以都係我常去嘅小食鋪之一。其實每次都想試下鹵水脾好唔好食，但次次去到都會嗌左炸脾$30，因為太好食喇！炸脾個皮係上左麵包糠，食嘅時間熱辣辣脆卜卜，好鬼正！雞脾肉juicy，又滑，一個人食一隻都飽飽地。另外炒腸粉$35都好好食，用豉油同肉碎炒，不過會有少少鹹。一個人食一盒又可以當一餐。雖然以小食黎講係貴左少少，但有質素保證，最起碼我食幾次都依然覺得好食。

需要時間等候的旺角分店， 有柯打到取得炸雞髀大約需時15分鐘， 服務員確實比較冷淡不叫不睬你， 環境還算可以但是高凳坐得十分不舒服， 高枱櫈既圓又窄很難坐。雞髀炸得香脆， 用日式吉列炸粉炸， 皮脆且薄， 值得一試，辣味方面， 店員 沒有問要不要辣，其後我在枱上看見辣粉可以自己添加，添加少少已經很 辣了。環境算乾淨，枱面算乾淨，可惜地上不太乾淨， 有人掉下雞髀在地上。 另外我認為應該給予多一隻手套，一隻手套難以吃 雞髀，一對手套就方便得多了。 畢竟已經收30元一隻了不妨 多給一隻手套。