三多炸肶 (Closed)

冬…食雞唔食皮係一種罪…因為呢句slogan同聽聞佢地既炸雞脾可以開到成行成市…見係黑布街又開左分店！就黎試下！雖然出名炸雞脾，入面都有其他炸野食如雞軟骨…意粉…仲有腸粉…等等！我地兩條友，見到有套餐就點左炸雞脾拼凍爆檸加多個雞脾意粉！炸雞脾應該即炸！係咪生炸就唔知！味道加左辣粉就再野味D！雞皮好脆，其實炸過既皮真係好好味！佢地個調味同個炸粉唔錯！同雞皮產生化學作用！雞肉就炸得乾左小小！可能新同事比較生手！意粉！好似茄汁燴意粉！呢個我個人覺得麻麻地！首先意粉煮得淋左D, 個汁就蕃茄味淡但就好甜！凍爆檸就加入芒果魔豆！魔豆幾好味！不過唔算特別！其實樣樣都中規中規！行過想食下香口野都可以試試！