三洋餐廳 (Closed)

加班後已經晚上9點。我把車子停在葵芳，關上車門，優然地下車。這附近五花百門，但今天全部不是我的目標，今晚是想好好享受一個香薰按摩。香薰按摩後，我的身心放鬆，看看手錶，已經接近午夜12點了，忽然想起今天還未食晚餐。在附近兜了一下，發現食店都已關門。夜闌人靜只有這一間仍然燈火輝煌。營業時間：6:00am-12:00am接近午夜，仍有不少食客。雖然夜已降臨，但食物質量還算不錯。味道濃厚，配合白飯，會更開胃。豬潤與雞肉天生是一對情侶，加上洋蔥和薑蔥，令人食得滋味無窮。熱可立味道較淡。對於平時愛飲濃味的我，比較不容易滿足我味覺的享受。杯子留有歲月的痕跡，外觀稍欠。宵夜變成晚餐。也不能要求太高了。

2016年12月3號早上7:50入座，叫個早餐B，好快嚟左方包旦腸及飲品，以為好快，點知等到8:10都未來沙爹牛麵，問個侍應，追都無追話嚟緊，問第二個就話好多單要等陣，首先，我是7:50入單，當然係唔旺，第二睇都無睇又話嚟緊，個個都係欠粉麵，飲品丫腸旦丫就不停出，我等到8:15無等，扣反碗麵錢走左。

今日係追月，假期同老公去睇早場，買完飛就嚟飯堂食早餐，哩到基本上影早午晚餐都會嚟食，今日啲冷氣特別凍，基本上離開水吧範圍都凍到妹似入咗雪櫃，眼見好多人都著番外套或披圍巾，我當然都唔例外，有啲客人凍到情願走都唔食，亦有客人叫侍應熄細啲冷氣，侍應答唔係佢哋做細嘅決定，叫佢反映俾公司聽，侍應竟然答我打份工咋，反而意外緊係你哋食客啦！聽到哩到真無言，係公司唔接受員工意見還是員工心態係唔關事唔好理咁呢？食品同飲品都保持水準，但就因為冷氣太勁，我杯熱咖啡5分鐘就凍咗，平時食晒個早餐仲好熱㗎!真係唔該晒囉～我同老公每人叫咗早餐B，個碗麵一嚟到即刻勁食，唔知係因為凍所以食快咗吖定電麵太快凍，哩個假期早餐仲快過我平時返工時間食嘅速度，由坐底到走15mins唔夠，冷氣開咁大又浪費又唔環保，希望可以調節下啦！我老公講到明佢唔會嚟食，我早餐仍然會考慮，不過真係好凍，比平時凍。

原本諗住找大集團餐廳食飯，行經葵涌廣場門口諗住求其一餐，叫野舉牌樓面反應都好快，下午茶餐$39起冷熱飲品另加$，叫了個肉絲炒面，來了杯野飲心知不妙，爛杯裝野飲，第一次見，之後來了肉絲炒面份量少得驚人，我心諗咁大間餐廳居然用爛碟裝住，吾能係ma！我個人喜歡集團快餐，因為d人比較有禮貌，食完比$，收$個阿姐面黑到好似殺左佢全家咁找$是拋比客人，我黎食餐晏仔姐，全程都是我自己1條友，又冇講過野，呢間野不如執左佢算吧la~根本都不是做生意的 ！廚房同收$阿姐(除了樓面)根本就趕客！$49食餐咁既野～執了佢不要遣害人間la~吾該

點咗個生滾時菜豬潤通粉餐，$34連熱飲。豬潤少，又熟過頭，似隔夜，無用薑煮，湯都係一般清湯，擺明唔係生滾煮，可能只係生滾時菜😞開頭只得兩塊豬潤，我話太搵笨佢加多兩塊。熱飲杯真好多積有潔癖嘅朋友不要叫熱飲

留意到三洋餐廳有幾家店舖，多次想嚐試亦未有機會。這次碰巧可到此店，點了熱奶茶和菠蘿雞肉焗飯，送青紅蘿蔔豬骨例湯。店員們不用提示，貼心地適時遞上了各種所需物品。是典型的茶餐廳風味，用料豐富，火喉足。先說菠蘿雞肉焗飯，雖然是茄汁，但有微微的菠蘿清香，雞肉焗得嫩滑，好像有少許黑椒味，香惹而茄汁味濃，令人想一吃再吃。青紅蘿蔔豬骨例湯當然是足料夠味，水準之作。此店的熱奶茶有其特色，奶味與茶味均衡，來嚐嚐吧!想到此店舒適的裝潢、友善的服務，雖然價錢稍貴，但還是合理的，值得讚賞。

今日下午同一班同事一齊去食lunch,因為人太多就去左呢間較大既餐廳。我叫左呢碗湯飯轉左米線，再加自己配既三個餸：豬潤、金菇菜、蛙蛙菜。一見到我心諗，明明叫左辣，點解會係清湯！諗住自己加辣油算啦！食一啖蛙蛙菜，好甜！之後飲啖湯啦，嘩！淡到呢...之後食米線以為自己叫左烏冬，米線浸到脹晒！又林又無味飲埋野都成$49！又貴又唔好食！！米線整到咁，第一次見！！

兩個人行完花市,想搵地方坐下,就入左黎.其實咁多年以黎都冇咩點試過葵廣GE食物,今次難得入去試下.環境衛生係茶餐廳入面算吾太好GE,不過又未至於我坐吾落...都有機會係因為裝潢較破舊,例如D甩色GE地方會覺得係污垢.食物方面又吾係平,吾會算係抵食.不過種類算多,餐牌都寫到密麻麻咁.我叫左西多士,同行人士叫左熱狗.佢有種新式西多士,其實就係蜜糖換成巧克力汁X煉奶(按文字描述)我吾敢試,所以叫番一般的.塊野吾算厚,但至少吾係縮水LEVEL,糖醬係一瓶比曬我用吾會中間拎走.味道方面我覺得普通,不過不失,$28包一杯奶茶,我食一次就吾會食第二次,吾係話佢好貴好貴(人地都要做生意GE),不過吾係抵食,對我黎講就吾太捨得.熱狗上台個刻,有點傷心...D醬汁咁樣GE ((同埋D菜,會吾會太是但求其呢...我平時就吾常出去茶記食GE,不過咁樣GE熱狗都真係第一次見((味道都係一般般啦,$28,吾會追究GE,但都吾會有下次.唯一覺得開心GE係,下午茶時間冇咩人,可以坐卡位.我見其他位好似更加破舊...男服務員態度好D,女服務員比水個下我幾驚杯水會倒瀉...吾好覺得茶餐廳就一定環境差,有好多茶記都令人想坐

葵涌廣場伏店 - 三洋茶餐廳星期一夜晚test完成班fd搵野食好多野都收左檔既時候去左呢間野我嗌左個沙嗲金菇肥牛飯黎到變左個香辣肉臊肥牛飯同佢講我嗌左金菇果個一句冇金菇就行開左我唯有硬食咁我唔食得辣結果辣到乜咁真係肉臊食到燥D飯仲要未熟哂硬硬地隔離fd 嗌左個香辣肉臊肥牛撈丁離譜地得一塊長條肉乾size既肥牛D丁面仲要未散開哂位位4x蚊食d咁既野負評x100

葵涌廣場伏店 - 三洋茶餐廳，星期一夜晚test完，成班fd搵野食，好多野都收左檔既時候去左呢間野。我嗌左個沙嗲金菇肥牛飯，黎到變左個香辣肉臊肥牛飯，同佢講我嗌左金菇果個，一句冇金菇就行開左，我唯有硬食。咁我唔食得辣結果辣到乜咁。真係肉臊食到燥D飯仲要未熟哂硬硬地。隔離fd 嗌左個香辣肉臊肥牛撈丁，離譜地得一塊長條肉乾size既肥牛，D丁面仲要未散開哂。位位4x蚊食d咁既野。負評x100

胖蕉又來我公司附近的分店上班就約左佢同我一齊LUNCH以前我們一齊同一間公司的時候，附近九龍灣都有間三洋，我印象中都幾好食，午餐我都無咩要求，但葵芳真係無咩好吃/.\呢間第一次食，我覺得還好，比其他附近的餐廳都好吃。湯係有料而夠火喉，味道濃而無味精茄汁香而不算太酸，有點酸酸甜甜咁，都幾開胃牛肉唔韌，唔太痴牙，送飯幾好食。係D飯就"林"左少少。凍奶茶少甜又幾好喝，味道係濃D但茶味不會太差，應該係茶本身不錯，不過我之後再有食過，熱奶茶的話味更佳。

話說今日葵芳做野, 都係來一日, 求其搵間餐廳食, 咁啱見到三洋, 咪走入去試下, 叫佐個午餐B咖哩薯仔豬軟骨飯,好快來到, 點知來料啦, 個待應問都冇問就衝佐過來收走佐我食到一半既咖哩薯仔豬軟骨, 正想叫佢攞返返來, 轉頭話比個份新既我, 點知等佐10分鐘繼續冇來, 唯有比錢走人, 雖然我都明白佢地趕住收野留比下一枱客, 但問都冇問收走人未食完的野,態度差, 講完唔算數, 冇誠信, 上次寫編文openrice 已經detele佐,睇下呢編又會唔會delete

晚上需要快食晚餐，於是決定到三洋餐廳快速醫肚！Order特餐，發現有三大驚喜- 奄列內有香噴噴芝士，牽絲感覺超正！- 奶油脆豬香脆新鮮- 滑溜溜米通粉 （水晶粉）吸滿蕃茄湯汁，充滿元氣！

由於昨晚的生日飯吃得很豐富，因此今次午餐不需吃得太多，只想到茶記吃個午餐便算了。來到葵芳的三洋餐廳，不是第一次來，也曾經吃過它的湯飯，但今次不吃了，來一個午餐好了。可能亦因為沒有多想吃甚麼的關係，在餐牌中反轉再反轉，之後就在這個午餐牌中求其選了兩個餸，作為今次的午餐。例湯為霸王花湯吧。在茶餐喝中湯，都是沒有或甚少渣的湯，而在下也害怕中湯加添味精，雖然是有著些微的味精，但是不多已經是好了。味道不算濃郁，但勝在有個湯喝一下。蒜茸雞扒餐肉飯。是一個極尋常的午餐。雞扒煎得都算有點微脆，有點肉汁在內，皮下脂肪不多，尚算滑溜，餐肉雖則是外來貨，但是也曾香煎過，有點微脆，可是醬汁方面卻多了一點，如果可以少一點的話就好了。凍奶茶。是一杯普通的茶，只要有茶味茶香順滑好了，但這一杯茶欠缺茶香，茶味也稍欠了一點，多一些的話，就好了。今次午餐，在沒有要求下就吃過便算了，也不會講求其質素。

夜晚自己一個食飯,選擇真係唔多,樣樣都大大份一份過,而我比較喜歡一次食幾款不同的食物~所以就選擇了三洋餐廳食金牌特餐~可能時間尚早,餐廳內唔算多人三洋有別於一般茶餐廳,店內燈光明亮,天花有藍光發出,感覺新潮特餐包括:一口奶油脆豬車打芝士火腿腸仔奄列主食有5款供選擇~而我每次必定選擇 E.鮮茄薯仔肉碎湯 配 水晶粉跟一杯熱飲品~ 只需$40 晚餐黎計都幾抵食~首先黎到的是奶油豬同奄列一口奶油脆豬奶油太少,唔夠塗滿整個脆豬脆豬烘得不夠鬆脆....口感有點韌較以往超鬆脆口感比較,水準差了不少車打芝士火腿腸仔奄列炒蛋嫩滑,奄列內有車打芝士碎,令炒蛋更香軟火腿及腸仔份量洽當鮮茄薯仔肉碎水晶粉份量超多~裝得滿滿的~蕃茄湯底蕃味濃郁,用蕃茄蓉去形容會比較貼切,鮮茄湯帶甜味,不會過酸,混合了少量肉碎及薯仔粒,味道好夾,好開胃~而且薯仔粒煮得好腍好入味~最怕食到爽口o既薯仔!水晶粉呈長條形,內裹中空入口非常軟滑,有點似通粉+米線混合體但如果想食比較有口感o既~建議選擇通粉~之前試過佢地o既通粉都幾彈牙~最後飲返杯熱檸水~有4片檸檬~份量都算ok啦不過膠杯望落就比較鳥糟....另外,之前都試過魚湯米線但覺