三洋餐廳 (Closed)

這間茶餐廳嘅早餐時段至早上十一時半，基本上可以當午飯。鮑魚腿絲通粉好有水準，淡淡清湯通粉和鲍魚腿絲好合拍，西煎雙蛋蛋白煎得脆香可口，蛋黃流心，仍然熱暖，再加上牛油餐飽和香滑奶茶，是一份既傳统又好味嘅早餐。

等了一會，安排卡位入座。以衔坊餐廳來說，地方尚算清潔。茶餐幾抵食，沙爹牛肉一丁麪頗有水準，牛肉入味麪彈牙，火腿奄列唔錯，煉奶猪仔飽就香脆可口，奶茶亦香滑，現金結賬稍嫌麻煩，用八達通就更好。

本來夜晚炒小菜都叫有鑊氣先泥食，已經係一心諗住唔理服務仲質素，但近來個通菜肉片真係唔係個個人都喜歡食柴肉，個肉片都唔知比咩肉你食梅到爛，似用水烚完撈埋算，但白烚都仲比佢好，其他小菜又咸，跟住一聞一食具陣陣漂白水味， 個d漂白水味洗極都仲有係到，問佢拿杯水狂洗都仲有味，攪到即時唔想食，我記得以前食都唔係咁，希望你地做番好服務態度對客人。成間餐廳打杖咁聲，d碗碟兵兵嘭嘭。。客人係咪要受氣食飯呢請問？。完

同事好耐之前黎食過話有心理陰影，所以今日大家膽粗粗再黎挑戰一下睇下可唔可以移除個陰影…嗌左個特餐，不錯，番茄味濃，一丁又唔駛加錢。奄列入面竟然有腸仔 豬仔包落重牛油同埋煉奶，感覺濃左啲，不過我老細話好味隔離同事嗌左咖喱薯仔飯，睇落賣相唔錯，不過佢話啲肉煮太耐，變左肉乾 老細個特餐香茅豬扒都話唔錯，有驚喜 但佢個豬仔包竟然係冇煉奶…飲品方面我個熱奶茶幾正常，茶味濃 但同事就話唔好飲有檸檬既飲品例如檸茶，話好似中藥既味道… 總括黎講似乎嗌特餐比較穩陣 其他野就唔好亂挑戰

嗌兩個晚餐外賣自取，西檸雞同茄子鮮魷，等左近半個鐘終於拎得。返到屋企發現竟然漏左個鮮魷，打電話去，聽電話果個，一句唔好意思都無，幾乎要我同返佢道歉咁濟，呢間真係無下次。

已經到三洋餐廳食過好幾次早餐， 早餐嘅價錢都好平民化。平時黎到食早餐多數都係會叫沙爹牛仔肉一丁麵加腸仔煎蛋，今次我哋叫了醒神早餐A鮑魚腿絲通粉加腸仔煎蛋，早餐G粟米白菌鮑魚腿絲忌廉湯通粉 & 奶油厚多士， 凍飲加三蚊！ 忌廉湯通粉都幾好味， 食食下成碗忌廉湯畀我飲曬！ 最想講一講佢哋個奶油厚多士， 真係超級好食， 佢比起一般茶餐廳嘅奶油多士唔同， 奶油好多差不多鋪滿成塊厚多士！ 茶餐廳環境亦都算唔錯， 店員每一次都有禮貌！ 所以我每次到葵芳食早餐都會揀三洋餐廳！

好耐冇食，侍應換晒人，冇咩禮貌，下午茶餐嗌金牌焗鮮茄豬扒意粉，寫錯單出左肉醬意粉，唯有再等，點知碟豬扒意粉嚟到係焗到燶左架囉，真係從未見過，擺明廚師冇品，特登焗燶架囉，因為嚟錯果碟肉醬意粉好正常架，豬扒鞋到爆、意粉冇味，是但落啲汁落去hea做！千萬唔好再幫襯，受氣兼難食！

不過不失咁囉又因為要做野要入葵芳呢到，本身諗住食葵廣，不過太餓所以入左呢間三洋餐廳。一入去，普通茶記格局啦，冇抱好大期望。然後就點左個沙薑雞脾飯，望落賣相好麻麻喎，雞脾白雪雪好似冇味咁，又真係淨係得雞脾同飯，少少配菜都冇既。不過食落，其實雞脾都入味既，飯都有少少沙薑味，唔錯既。不過我就嫌少少味精太重手，食到我勁口渴。整體黎講，冇抱住太大期望所以冇失望，普普通通充飢一餐啦。順帶一提，店員服務其實都唔錯，加分位黎既。

這天，一家五口到久違的三洋飯堂開飯。因太肚餓，所以吃飽才發現忘了影相。我們一共點了四個餸：豆豉鯪魚炒油麥菜、西檸雞、金銀蛋炒白菜仔、蝦仁腰果。豆豉鯪魚炒油麥菜，豆豉鯪魚味濃惹味，菜則一般新鮮；西檸雞甜甜的，但沒剛炸好的脆口感；金銀蛋炒白菜仔，金銀蛋加肉送飯一流，但白菜仔份量少，蝦仁腰果的蝦大大隻，腰果也美味。總的來說，街坊小菜，不能要求太高，水準一般，能飽肚、又有菜有肉，大大碗飯和例湯，不過不失了。

一排冇黎食早餐，九點幾，間餐廳冇人既，都心知不妙，以前最鐘意佢既麵同厚多，依家乜都冇，得個爛餐包叫左個早餐沙嗲牛肉麵加腸仔蛋，唔洗三十秒，個沙嗲牛肉麵就到，d麵粗過意粉，麵包濕到揸得岀水，係個收銀冇變，面如死灰，冇下次啦！集團式經營之中，真係最差一間，葵芳依間更係代表，依家d餐間質素真係越來越差，又冇投訴機制，貨不對辦又冇得投訴，投訴就話唔啱你口味姐，依家d餐廳真係已經退無可退喇，諗住上黎post下感受，都要200字至可以評分，所以食完通常都係冇下次就算，香港飲食業真係玩完

星期六放半日假，就想起三洋既奶油豬，所以特登同屋企人去食，幸好下午茶既時間吾係太多人，吾洗同人搭枱。叫左兩個茶餐同一個金牌特餐。1（金牌特餐）$42👍-豬仔包超香脆，奶油份量又剛剛好，吾會太甜。-奄列幾好味，而且同出面的有分別，不只是有火腿還有腸仔，值得欣賞是腸仔不是用雜牌的腸，食得出是廚師牌，加分⬆️-主食揀左蕃茄薯仔肉碎湯，碗麵就普通茶記水準，湯底重蕃茄味，但吾係好食到肉碎2.（香脆雞扒包）$30包同雞扒外皮真的很香脆，但係肉質就真係乾左小小。幾欣賞佢地凍飲既冰都係用細冰，令飲品更透心涼。3.（干炒黑椒豬扒烏冬）$40份量吾係太多，但炒得幾有鍋氣，不過吾知係咪黑椒落得太重，有點辣。同埋豬扒肉質都是略為乾。

今日去左食午餐，咁有塊排我想拎樽茄汁同辣椒仔點下，幾個呀姐都話唔包呢兩樣野 我去幾平既茶仔都會比你啦唔會再黎啦咁計較既😂話晒係葵涌食$50午餐呀👋🏽拜三洋下次都係去返細間既算

我幫襯多年，見住很多員工離去，以前嘅服務質素冇晒，琴日下午買完飛去食野，都係嚟飯堂，坐底下午2點10分，未到下午茶，叫咗個午餐牛柳絲炒麵，熱咖啡，老公叫咗杯凍飲，等到2點26分碟炒麵都未嚟，即刻搵個姐姐追下啦！我睇2點50分電影，得番15分鐘時間食咋喎！個姐姐行去廚房門外望咗幾秒，就行開做野，眼見遲我哋坐底食湯飯嘅都已經食緊，緊係心急啦！2點29分搵另一個姐姐幫忙啦！真係火都嚟埋，未試過想爆粗鏟佢，個阿姐染金毛，梳髮髻，我老公好聲同佢講等咗20分鐘，佢佢追下，佢望一望我哋然後行咗去做其他野，完全唔理我哋，落單行過水吧都唔入廚房幫我哋追單，我真係火燒心，然後老公再搵第三個阿姐去追，之後喺2點34分上枱，仲講咗句成日漏單，唔好意思，我見到碟野已經冇胃口，細唔細碟都唔係重點野，個汁一嚿嚿囉！52蚊嘅午餐咁難食，服務態度越嚟越差，多自由行都唔係咁做野囉！我以後唔會再去！

朋友話呢間湯飯 個湯係魚湯㡳 包兩個餸同菜 total,即係3餸湯飯 都係46...叫我一齊去試 講真 對茶餐廳無咩大期望 不過又真係想飲湯同食菜 呢個介紹滿足咗我兩個願望 就膽粗粗試下喇，我就叫肥牛 鯪魚球 波菜 ，朋友就叫魚腩 鮑片 波菜 少飯，等咗6分鐘倒就嚟上菜喇 ，我第一口當然係試下個湯喇，飲落真係濃郁魚湯 無腥味係重點，奶奶地嘅魚湯 白飯另上，小飯都係咁多飯，另一個重點係 勁多波菜 仲要係幾乾淨個隻 最怕出街食菜有蟲蟲陰影 呢間無，跟住肥牛ok.la..同埋鯪魚球都係無機油味都算係咁喇，夜晚餐飯有肉有菜有湯飲 今時今日嚟講 扺喇

位於葵青的三洋餐廳，早上6點已有早餐供應，供應至11:30。有不少早餐如香脆豬仔飽餐、雙拼三文治餐等。點了一客歐陸早餐，當中包括奶油一口脆豬、茄汁焗豆、吉列魚柳、煎蛋和芝士腸，這款早餐要40元，價格較為高，可是卻十分豐富。奶油脆豬的煉奶很多，每一口都有滿滿的甜味，而具焗得很脆。芝士腸是烚的，沒有煎得那麼香口，但是也相對健康。其他食物如茄汁豆、煎蛋和魚柳也不過不失，味道正常。配熱飲柯華田一杯，味道也正常的，十分夠熱。