三洋餐廳 (Closed)

諗住輕食個下午茶，見無乜人都肴肴地。算，有冒險精神才會發現世界的大不同。大伏就就係襟中左。下午餐上檯。心涼了一下。個伏襟應棍。雞脾薯角姐。現成野。好，沈著應戰。曄哂。林興貴話：再反去後面，慘過非洲小朋友，比人偷走的雞脾肉呢。榑!!!!!!食一下,我知自己太衝動了。好像食緊一個雪櫃襟， 雪味濃郁。放低，等朋友食埋個鐵線抄麵，揮淚而去。我很想為這食店賴地產霸權？但係...........算把啦你。有圖有真相。

下班後約定女友，可是時間尚早，可以先行吃個午餐及更換袋子，才匯合女友。於是走來葵芳，快速地吃過午餐吧。三洋餐廳早前已經吃過其午餐，今天再到來，就是要快閃吃完就走，毫不猶豫地走了入去，坐在一張圓枱上。簡略地看迥餐牌，今天是星期六，就在今天的午餐選擇。例湯是冬瓜煲瘦肉湯，例湯味道甚濃，相信一半是老火湯另一半是味精湯，冬瓜及瘦肉都很軟腍。茄汁豆燴豬扒火腿飯。茄汁豆原自罐頭茄汁豆，但見加工，使茄汁豆變得罙紅，豬扒切件，方便咀嚼，可是卻有點硬和死實，不見鬆化軟腍，火腿是醃製肉類，早已調較好味道。凍奶茶都算夠香夠滑，不會偏向那一種味道，茶味都足夠。因為時間關係，吃罷要怱怱打道回俯，並要更換袋子。

星期六要加班，不如食個大份點的早餐再上班吧於是來到這家茶餐廳，因為未試過，又見有不少人食緊，好像不錯點了一份早餐蕃茄薯仔肉碎水晶粉水晶粉其實即是通粉的形狀，但用米粉的材料做的蕃茄湯夠濃，薯仔肉碎夠足料，十分飽肚，不過略鹹一點配奶醬厚多，擺盤有特色（有圖為証），令簡單的早餐多了一點特色咖啡，超多奶，水準一般其實有點喜出望外，不錯

食過呢度幾次，野食唔差，不過係侍應們充滿江湖味。今日又同老公黎食晚餐不過想食黃金蝦無蝦，想食豉椒炒蜆又無蜆。椒鹽鮮魷最後叫左鮮魷，偏細碟，不過炸得夠脆夠入味。咸蛋蒸肉餅咸蛋打得非常唔好，變左一邊係蛋白，上碟唔靚。肉餅普通，可能係我唔識分點為之好食既肉餅。豬頸肉唐生菜豬頸肉少同好幼，要大大片食先夠痛快。

自從去年在西營盤分店吃午餐之後，一直都沒甚機會在三洋餐廳嚐試他的湯飯，直到今年斷斷續續的在不同分店吃飯，都無試過，就算在葵芳新開分店也沒有。直到今晚，就的起心肝，嚐試一下三洋餐廳的湯飯。三洋餐廳一直主打湯飯，上兩次來的時候，只吃了碟頭飯，今次點了一個魚湯飯，配料包括有鮮牛肉和鯪魚球，再加上菠菜。上桌的時候，湯和配料是一大碗，米飯就另上，還有一碟醬油用作點鮮牛肉的。在下先把米飯加在湯底，使其真正變成湯飯。喝一口湯，十分燙熱，可是薑加得太多，使湯底變成辛辣味道，亦具有很重的薑味，使原本魚湯的鮮甜味都被蓋過，只餘下微微的鮮魚味。其實如果魚是新鮮的話毋須添加很多的薑或胡椒粉，少少薑只是吊下味就可以了，新鮮魚煲出來的湯會很鮮甜呢。至於鮮牛肉，竟然如此嫰滑，嫰滑到可以不用咀嚼使可以吞下，又好似雞蛋的滑那般的滑呢！鯪魚球都很新鮮，沒有魚腥味道，也沒有加任何的胡椒粉，吃起來有嚼勁有咬口，內裡也沒有半點魚骨。菠菜也很嫰和鮮甜。倘若不是湯太重薑味的話，必然是佳品，可惜薑落得太重本了。

同呢間野新開又肚餓，就坐低食個下午茶。炸雞翼拼薯角雞翼有咸香味，炸得夠脆，好食。同一般餐廳唔同，佢唔係薯條係薯角，薯角本身有咸味，唔駛點茄汁都好好味。奶油豬+火腿腸仔奄列奶油豬夠脆又夠多牛油同媡奶，多到流左啲落奄列到。奄列都算滑，但就唔夠多料。我係叫常餐，食哂上面啲野，個蕃茄湯通粉都仲未黎。於是追下啦，點知一問佢就話好早已經無蕃茄湯，問我轉咩，我地就話落單果陣無人同我地講過，要追你先問轉咩。侍應都係堅持係無架喇，你轉咩。一肚氣，拿拿聲食完就走，所以個通粉無影到相。

之前試過一次去呢間三洋食下午茶, 哇, 細碟到呢, OK , 我當下午茶係咁細碟, 不過真係細碟到四啖KO碟乾炒牛河!!今日第二次,  LUNCH就未試過, 經過見到葵涌廣場新開左間三洋, 我們一行四人就入去試下.坐低睇午餐岩食喎, 再見到有餐牌香辣肉燥系列, 更岩我食, 揮手叫侍應, 點菜兩位朋友叫左好特餐,  另一位朋友不食, 齋飲凍奶茶  而我就叫 C 餐(香辣肉燥香芧豬扒蛋飯), 凍杏霜.因為香辣肉燥一樣有ABCDEF...做簡稱, 我就怕侍應哥哥誤會係午餐既C餐, 咁我就拎住個餐牌指住比佢睇, 而佢絕對係望到我指比佢睇 囉 !!C餐來了, E ?!?! 午餐C ?? 即刻話比侍應知, 唔係呢個C餐喎, 咁佢就拎番個對的比我, 落單個侍應竟應話我叫個C餐, 佢以為係午餐的C餐, 話我無講清楚, 我%$$##%$........ 即刻撻著, 火都黎埋, 係咁話我咪指左比你睇囉, 佢一樣重覆同一句說話, 算了算了, 我們認輸!見到塊香芧豬扒, 說好的香芧豬扒呢? 似滾水浸熟豬扒囉, 淡而無味 良心食市, 無添加!絕對不會有第三次!! p.s同佐敦那間相比, 差太遠!

為同事do了一個favour後，時間還很早，即管吃吃早餐先吧。就試一試這家餐廳。看上去很光鮮，朝氣勃勃，店員都言談甚多，甚至多得令我（獨個兒的食客）有點兒面面相覷。自從在屯門那「澳門茶餐廳」吃過那驚艷的豬仔包後，每逢到哪家餐廳，一見有豬仔包便想試試，先後嚐過旺角那「澳門茶餐廳」及深水埗近太子那「味皇」，皆沒有屯門那般美味。這次點了個歐陸餐，可選一扒（牛扒/豬扒/雞扒/魚柳）及配料兩種（煎蛋/餐肉/煙肉/腸）。選了雞扒配煎蛋煙肉，另外豬仔包、蕃茄青瓜、茄汁豆隨碟而來。雞扒，長而油膩，較乾，皮煎得脆，熱食還好，冷了則太膩。煙肉，都是較油膩。整個碟底都油膩，而我吃豬仔包前一直將其擱置一端，其實碟上的油絕對有可能溜至豬仔包那兒，使其浸淫於油當中。因此，吃到一半，我還是先把豬仔包吃掉。豬仔包，奶油不算太少，但亦未及屯門那「澳門茶餐廳」的水準，因包又是有點兒韌，而奶油未能沾滿整個包。茶走，茶味算濃，還有點兒太澀的感覺，澀得「口鞋脷倔」，而煉奶太少，未能混滿整杯奶茶，以這些看似「康年／翠華餐廳」的餐廳而言，這兒的奶茶/茶走實在未如理想。$32一個這樣的早餐，在我工作的地方，$25已經有交易了，而且茶

去年八月初，西營盤有間茶餐廳新開不久，便走進去用膳，直到今年也曾經再去旺角分店，可是沒有為它撰文，直到今個月初，已經開了約兩個星期，今天便抽空到訪這第九分店。在過去一年多，三洋餐廳已經開到第九間分店，座落於葵涌廣場，在下第一次在三洋餐廳用膳，就在西營盤，事隔一年多，在不同的分店用餐，已經算多了。這分店座落於前紅葉小廚位置，座位轉變了，也變得光猛，從前紅葉的卡座，現在變得較小；從前的方枱，今天變了圓枱，今天葵芳的三洋，看來都是一間充滿朝氣的餐廳。在下與友人都想在這裡用膳，畢竟是新開張，也給予人一種清新感覺。打開餐牌，有著每星期的午餐，也有其湯飯，碟頭飯和小菜，讓顧客有不同的選擇。在下於每星期的午餐中選了一款，作為今天的午餐。是日例湯為蓮藕湯，這湯味道較為清淡，不是太粉吧，吃下蓮藕，仍有幼幼的藕絲相連，不硬但口感卻很有嚼勁，欠缺的只是沒有豆類作陪襯。紅燒豆腐飯全是齋，沒有肉類，也可以讓在下清理腸胃。材料有冬菇和豆腐，冬菇煙靭有咬口，也不會太靭，豆腐外皮微脆但內裡較滑，不過就欠缺了鑊氣，味道略為稍遜一點。凍奶茶雖然仍有茶味，可是淡奶略為多了一點，影響了茶本身的回甘度，茶香都未見太突出，因此未

睇落吸引, 食落就唔啱我胃口...香辣肉臊雞扒煎蛋飯 (下午茶價 $35) ... 字面見香辣但其實唔辣, 反而麵豉、薑味就比較濃, 食落似客家蒸魚面頭的麵豉、豆醬, 係非常中式的煮法。我原本預期肉臊係滷水底, 似台式先好送飯, 而且要配合煎蛋同埋炸雞扒先好。 炸雞扒都係普通嘅調味, 鹹中帶酒香, 而且用鬆肉粉鬆到唔洗太多牙力已經可以磨溶肉質。好彩下午茶時段有價減!既然凍飲加$3, 咁反而會選凍檸蜜, 因為只係加$4, 味道當然係菜蜜加檸檬!

(846)三洋餐廳第九分店，已經在葵涌廣場開張了，其實，昨天來過想吃午餐，因為人多要等候，所以去了其它食肆。今天早餐再來，幸好是不用等位。選擇了早餐之精選一丁麵，要了西煎豬扒一丁麵及熱奶茶。西煎豬扒一丁麵，豬扒軟腍入味，有點鹹，煎蛋賣相不美，麵質及湯汁都ok。熱奶茶，茶味濃郁得來有些苦，奶香不足。其實這邊，我不是經常來，就在裝修時，得到食友的通知才去留意，Ah thy...多謝你！