札幌拉麵 Miso No.1

Open Now

Now Closed

朋友話呢一間食拉麵好抵，所以佢就約我嚟咗呢間位於荃新天地嘅拉麵店，大致上都好容易搵。餐牌有大量圖片，非常吸引，亦可以知道大概係咩樣都算係整得唔錯。我哋首先叫咗兩份前菜、小食。蟹子沙律$38蟹子爽口，加上爽口嘅青瓜絲同埋生菜絲，整體味道唔錯，口感豐富，必點。枝豆$25呢度嘅做法比較特別，口感暖暖，佢落咗啲鹽去醃金菇牛肉卷定食$82金菇肥牛嘅味道比較濃郁，用咗燒汁去整，覺得有你嘅話可以點上旁邊嘅沙律醬。亦有附送漬物、麵豉湯，好夠飽。白豚拉麵$89，選特濃豬骨加$5湯底以大量豬骨、桶骨及豬手等熬製而成，骨膠原豐富。濃稠的口感配以幼面，甘甜鮮味。朋友話好好食。朋友嘅拉麵定食可以配一樣小食，佢叫左炒韭菜豬肝，估唔到日式拉麵餐廳都可以搞到咁嘅水準，唔會話太熟，口感剛剛好。

前兩日係荃新天地睇完戲 係附近搵野食見過札幌拉麵好多次 但都未試過咁岩我地都想食拉麵 所以同朋友一齊試下佢個晚市套餐都幾抵食 $89 一款拉麵+包1款小食我地叫左白豚拉麵share 揀左特濃豚骨湯底都幾多塊豚肉 仲有粒溫泉蛋啲拉麵好彈牙 唔會太硬又唔會太軟岩岩好我諗一個人食一碗先夠飽但因為我地食完爆谷唔係太肚餓 所以都岩岩好套餐既小食叫左多春魚 燒到熱辣辣 好食我地仲叫左枝豆 炸魷魚圈 同煎鯖魚 鯖魚煎得好香好好食 好新鮮小食每款都係$2x-$3x 其實都好抵食下次可以再嚟試吓其他定食

短時間內沒法遊日本，惦念日本的味道，就去吃碗拉麵。餐廳以札幌味噌做賣點，售賣各款拉麵。若怕吃麵不夠飽，也可吃飯餐。如果只吃一碗麵不夠飽的話，可以選擇套餐。這是招牌牛油拉麵。湯底用秘製味噌，加入豬骨、昆布及洋蔥等熬製而成。加入一片牛油，上碟時香氣四溢；把牛油溶進湯底之中，口感更加濃郁。麵身比較粗和彈牙，掛湯效果很好。配料多多，而且還加了一隻糖心蛋，更加豐富。配菜是炸豆腐，一客共有四件，浸在豉油中，讓清淡嫩滑的豆腐帶上香味，炸漿透薄，不會太過熱氣；加上魚乾片，口感更加出眾。

呢間日式餐廳有好多唔同既野食 飯麵都有 而且仲有好多唔同既小食 睇落價錢又唔太貴 就想入去試試😋店鋪唔算好大 但我去果陣唔太多人 都坐得舒服😌 呢到真係好多野食揀 林林總總 咖哩呀拉麵呀乜都有 最後就決定同朋友叫個二人餐 唔洗煩🤣我地叫左個鰻魚飯同豬軟骨拉麵鰻魚飯有兩塊鰻魚 有撈埋鰻魚汁甜甜地咁不過稍為有啲骨 食既時候要小心🥺唔好見佢便當咁厚底嚇親 原來都係比較淺 唔算超多飯唔會食唔哂至於拉麵係需要+$15嘅豬軟骨拉麵，份量足，有好多昆布，有啲芽菜粟米配搭我都幾鍾意。雞蛋就大約七成熟，湯底方面就係正常嘅味增湯底，麵條軟硬適中，唔會太淋。豬軟骨唔太重其他另外嘅調味，係吸左湯底嘅味道。而小食芝士年糕算係一個驚喜，一黎到賣相已經攞滿分，非常吸引嘅金黃色，算係幾大件。一咬落去仲係熱辣辣，入面嘅流心芝士香濃，亦唔會太過重口味，加埋少少煙韌嘅口感，算係非常唔錯嘅一道小食，芝士愛好者必點！之後仲叫左牛油炒草菇 食落都幾香口 不過要預左比較多油 唔中意咁油就唔好叫呢樣小食啦最後叫左牛舌 熱熱地咁食加埋檸檬汁好味好香 但凍得好快 所以記得要襯熱食啊！牛舌係比較薄身既 都有7片 份量都ok

情人節唔想鋸扒/西餐（尋日食完），就嚟到如心食日本野，唔會有特別額外收費附上全部食物圖，下面會詳細介紹食物種類好廣泛，可以滿足到想食唔同種類嘅日本嘢，例如我想食拉麵，男朋友想食飯，咁呢間餐廳就可以搞掂晒晚市range 都係$59-72 ，價錢合理咁我哋就叫咗個$208二人套餐，可以揀兩碗主食+任選三款小食豬扒奄列咖喱飯🍛（+10），豬扒皮薄趣口，好似食薯片咁，蛋唔會全熟，吉落去會有蛋汁流出黎，非常推介黑豚拉麵（+15），湯底濃郁，鍾意佢嘅幼面質感炸豆腐，炸左嘅豆腐臨上甜豉油，口感軟綿綿，未試過嘅可以單叫，記得價錢唔貴餃子餡料豐富芝士年糕唔會好膩，仲有個沙律醬點侍應服務態度良好

平時好少去開呢邊嘅商場，平時呢度人流都比較少，所以都好少黎。但聽聞呢度就係因為人流少啲，所以有啲性價比高啲嘅店舖進駐。相比起市中心啲嘅地區，佢地會化算少少。所以今日就黎呢個商場搵食！呢排出街人心惶惶，我都好怕去啲太迫嘅餐廳，呢度坐位闊落，枱之間有一定距離，唔怕咁容易被人傳染。好鍾意餐廳serve茶, 而唔係serve水我地叫左個二人套餐，可以揀一系列嘅拉麵或者飯餐。仲包三款自選小食，係三款！好豐富嘅感覺啊首先係叫咗份牛油炒菇，炒得好香，同埋有濃濃菇汁，好惹味！跟住係炒魷魚，份量好多，而且有炸蒜片吊味，都係好香口！炸雞好軟熟，唔會炸到好硬呢個係Ankaka拉麵，係味噌湯底上再加咗啲醬油，比較濃味少少呢個係雜錦拉麵，有齊蟹棒，豬軟骨，叉燒，溏心蛋，一次試晒所有野！呢度嘅拉麵好處係個湯比較清，唔會好咸或者太濃味，輕鬆飲晒成碗～

之前來食過拉麵都可以，今次再來沒想到原來有不少的飯類，而且價錢都十分抵食又精美，最後我們二人就叫了二個飯餐和二個小食。先生就叫了燒肉定食，入面仲有前菜同湯，沒想到肉會咁多，而且都煮得十分軟熟又有肉味，洋蔥都要不少，醬汁味道剛好，混和軟熟的飯一起吃的確不錯，前菜是薯仔沙律，湯都足料又濃。我見到有咖喱就忍不住叫一個，奄列豬扒咖哩飯配凍檸檬茶，蛋好滑又香有驚喜，飯都不少一定夠飽，豬扒炸得香口又啖啖肉，咖哩汁幾香不太辣入面仲有不少配料。小食要了炒魷魚鬚，蒜好香又可以夾魷魚一齊食，煎得香又彈牙，雞翼雞軟骨各2串十分適合二人去吃，好新鮮又脆不太油身好味道。

札幌拉麵（荃灣）地點就腳～～晚市套餐我發現有完熟咖哩食🥰仲要只係$68就有套餐「燒雞扒奄列咖喱飯」配送埋薯仔沙律🥗佢既雞肉夠嫩滑😐 整體味道好～價錢平👍🏻另加$8有杯鮮凍檸檬茶👉🏻 「燒雞扒奄列咖喱飯」雞扒好厚肉唔會乾，好juicy ，蛋夠哂多，好滑溜👍🏻 咖喱味好濃郁🍛 份量夠大、多撈飯一流🍛呢個真心幾好食😍朋友叫個晚市「自選便當🍱套餐」上菜已經聞到陣陣燒雞翼香氣🤤 個雞皮燒得好脆好好味，不過沒有醬汁🦅雞肉夠嫩滑整體味道好～價錢平👍🏻

琴晚接完女朋友放工，行行下去左荃灣荃新天地2期，行到有少少肚餓，經過札幌拉麵 Miso No.1門口，聞到非常香豬骨香味，諗都冇諗就入左去食入到店，點了2個套餐，一個係晚飯套餐，黑麻油特濃豬骨豚肉拉麵加餃子🥟上菜唔算慢，賣相相當入引，聞到陣陣麻油同豬骨香味，拉麵有口感，份量適中，豚肉份量比較少，湯底直得一贊，入口香純，濃烈，重口味朋友一定覺得相當滿足，餃子有驚喜，外脆內有肉汁，口感不錯第二個餐，女朋友點了咖哩吉列豬扒飯，上菜顏色好吸引，食落咖哩微甜，好重椰子香味，做到日本咖哩應有味道，吉列豬扒炸得非常好食，外脆內軟，豬扒新鮮價錢合理，座位舒適，2個人晚飯時段埋單168$需要加一

荃灣 — 幾乎是每兩星期至少拜訪一次的地方，從不頭痛「在荃灣搵食」選擇實在多，小店四圍都有。商場餐廳也國際化，日韓中西意全齊。說到底還是覺得日式餐廳很對胃口，特別是日本米實在好吃。那天跟舊朋友約好了在荃新天地短聚就隨意選了miso吃午餐，我本來就已經幫襯過多次了～每次都是跟孩子來，吃得衝衝走也衝衝，難得跟友人來可以放慢一點，就想寫過食評。員工不是後生仔女但反而帶點親切和禮貌，就價錢而言我覺得好抵，一般午市套餐都是四十元起跳，這價錢還包湯包飲品現在好難找了。我最喜歡點燒靖魚，都是沒機會在家自己整的，燒得夠香口配每口日本米大大碗吃光。除了有某次特別想吃拉麵，我幾乎每次都點這個，還有搭配凍檸茶走甜的最棒。友人點了吉列豬扒咖哩飯，炸得香脆，肉也夠juicy～上菜時明顯感到是即炸，熱呼呼呼時最好吃。小食方面點了開胃的炒魷魚和自家製餃子。炒魷魚其貌不揚但食落口就覺得好有咬口及惹味，有驚喜！有點眼闊肚窄但還是覺得要點自家製餃子試試，味道不錯但私心覺得可以煎得再脆口一點，全都是有回頭率的菜式～

今次係荃新天地發現左間抵食日本餐廳，就係呢間札榥拉麵No.1餐廳有供應晚市套餐，1人餐都有，1個人黎都唔使怕，2人行既我就揀左$208既2人餐，包括左2款飯/ 拉麵，仲有3款小食，真心抵我+$10轉左鰻魚飯，質素都唔差！另一個就係滑蛋豬朳飯，賣相都相當吸引，味道都唔錯架小食揀左3款，魷魚鬚炒得好香，唔會好韌，加入炸蒜片，必點！另外就係煎餃子，餃子餡飽滿，味道幾好，但如果可以剪香少少就更好最後就係串燒雞翼同雞軟骨，每款有2串，燒得都幾好200幾蚊食到咁多野真心幾抵

今日去到荃灣行街街，好多鋪頭都好多人，行到好攰，所以就決定早啲去搵野食。我地見到呢間日本餐廳好多人，一定吾會差，所以就等左一陣位，食呢一間👍🏻餐廳入面都好大，分左右兩邊，而且重設有卡位，非常好👍🏻我地叫左個2人餐，都幾抵食，包兩個主食同埋3個小食。主食方面，我地分別叫左 燒肉飯同埋吉列豬扒奄列咖喱飯。小食方面，我地選擇左燒雞翼雞軟骨，炸雞肉同埋南瓜炸薯餅。上菜速度方面，都算快，兩個主食先上。個咖喱飯好大碟，好抵食。值得一提既係，個蛋好滑，加埋咖喱餸飯一流呀😍吉列豬扒都好大塊，重好厚切，啖啖肉，爽呀👍🏻燒肉飯都好大碟，女朋友都差啲食吾晒，肉汁加埋啲飯，非常好既配搭，真係非常之好味👍🏻小食都上菜啦，全部熱辣辣，即製既。而我最鍾意既係炸南瓜薯餅，有南瓜既甜味，又有薯仔既香味，一流👍🏻👍🏻而且配菜重有沙律菜，食左咁多炸野，當然既食返多啲菜。成餐飯，食得招積，坐得舒適，如果大家都想食到又平又好味既日式二人餐，快啲去試下啦😍

黎過幾次食了，質素的確唔錯的，又抵食！影左幾版餐牌俾大家參考。南瓜炸薯餅 $50南瓜好甜，加埋薯仔好味，炸得好脆，顏色金黃色，新鮮。仲有一大堆沙律菜，推介小食。廣島炸蠔 跟餐加$25 都有3舊，抵加呀，蠔都大隻，多汁，好食。自選丼飯 $79可選兩款菜式，揀左金菇牛肉卷和漢堡扒。有埋薯仔沙律和沙律菜，擺得幾靚。金菇牛肉卷好入味，調味係燒汁，送飯食一流。漢堡扒好林，都好食。吉列豬扒奄列咖哩飯 $68賣相好吸引，大大碟，咖哩唔辣，豬扒都係炸得好脆，但瘦左少少。炒蛋可以滑d會更好。

每逢星期五係荃灣區想好易搵餐飯食都唔易，因為度度地方都好多人，今日難得成9位朋友一齊食飯，打左兩間店都book 唔到位，之後比我地book 到札幌拉麵，但依時黎到個職員話我哋遲到少少，剛剛有張5人枱比左人，仲比張票我地既即場等候咁我地都唔知book 位黎做乜仲要等成10分鐘先有位，係分開兩間舖坐🤦🏻‍♂️如果唔係趕住之後有節目，我地9人都即走😑雖然兩間店同一老闆，亦位於隔離，但book 左位都唔可以坐埋一齊真係有點兒那過講返食物先，今日叫左個炸雞定食($62)，有前菜，薯仔沙律，麵豉湯。炸雞有5件，連椰菜絲，炸雞外脆，內有肉汁，夠香口，可以話係拉麵以外的好選擇。但個麵豉湯超鹹，可以將一碗開成兩碗都得😖整體來講，食物保持一貫水準，但服務質素真係有待改善。最後，現時做緊個優惠，食$100 送$30。

男友好鍾意食拉麵今日就陪佢食呢間之前都食過唔錯既拉麵黑豚拉麵黑蒜油好香而豚骨湯底好濃厚又唔膩叉燒又大塊又夠晒入味,仲又唔會乾麵身好爽口彈牙,仲有淡淡既蛋香雞骨腸好大驚喜既一個小食咬落去會卜一聲,脆皮好脆而且會有D香而不膩既雞油必出黎好味!自家製餃子餡料都幾足,皮亦夠薄炒魷魚鬚日式醬汁炒法令佢好香口而且魷魚好爽口有鮮味自選便當(燒肉+漢堡扒)呢到既便當最大特點就係可以自由配搭唔同主食我就揀左薑汁燒豚肉同漢堡扒特別推薦燒肉,薑汁味好香但又唔會搶左隻味而且燒得夠晒惹味,送飯一流食咁多野埋單260,抵食!