茶寮 京都仁王門

Open Now

Now Closed

話說食完海底撈行過見到佢有焙茶梳乎厘 焙茶控當然會想試下。 見佢相好吸引就入左去食啦😵‍💫 因爲自己都係做飲食行業，梳乎厘等30分鐘 可接受 因為出面都係甘上下。 一坐低 職員會放低二杯水。 甘岩望到。原來佢地係一早針好曬一盤水！！無遮無蔽🫠。 當然你更加唔知道針好曬既水，放左係個到食塵食左幾耐啦。 好啦重頭戲黎啦。 梳乎厘本身影相郁一郁過佢 佢成座山甘唔郁 都心知不妙 🤦🏼‍♀️。一吉落去。🫣⋯⋯ 無估錯佢一定唔係空氣感既梳乎厘，奶.蛋香係有 但食落口個質感真係錯_曬 實到根本唔係個回事 我只可以話係雞蛋蛋糕🌝 焙茶醬完全唔濃🫠勁稀。 似甜奶多d🤭 反而芝麻雪糕就好鬼濃芝麻味喎😂 真心既 成碟 真係稍為好小小就係個幾粒蕨餅👎🏻。 pancake 做到咁 真係好難會有回頭客👎🏻！ 唔會再去食👎🏻 都希望唔好有人再中伏。都係食完再上OpenRice 原來係咁多差評。

見到張相質素唔錯，而有不少人等位，諗住試吓啦。點知中伏⋯⋯賣相一般，主要係鬆餅個質地好硬…鬆餅肉鬆餅之間沒有果醬或其他調味。價錢又貴質素又普通去麥當勞食熱香餅早餐仲好

本身都好少寫評價但呢間餐廳實在太垃圾，一肚氣唔寫唔得，避免其他人中伏。首先個餐牌，午市去食叫個吉列豬扒成$108原來咩都唔跟，如果要加飯同湯果d要加$28蚊先有，心諗邊個食lunch淨係食塊豬扒，錦樣設計有少少似局你入去坐低再開天殺價。加完錢仲要淨係跟杯綠茶，其他飲品要加正價一半或70%先有，真係肉酸到… 如果係度要叫一個正常嘅set計埋加一，分分鐘要成$200蚊人頭。心諗如果你交到錦上下質素，你收呢個價我ok！點知上菜，所謂豚肉生薑燒，質素仲差過兩餸飯，睇得出只係將d肉片浸熟再淋d芡汁上去，塊肉片仲要又硬又柴。另外個吉列豬扒亦已經乾晒水，食到成口渣。個炸皮又係硬到好似石頭錦，完全唔鬆脆。加錢既飯團都係經典，壓到死實實表面己經結成一片，望到都唔開胃。麵豉湯一般貨色，其中一個餐仲要比漏，同佢講先補返。入黎本身諗著食佢主打既梳乎厘，點知停左，入座之前又唔講聲，淨返d班戟可以叫。其實疏乎厘主要材料就係蛋，唔明點解停，可能班戟易整或者整定可以慳人手掛出菜快掛。咬完佢件所謂班戟完全冇懸念，可以判定呢一間店係賣係緊垃圾。唔講以為自己食緊光酥餅。我好懷疑佢哋唔單止係唔識煮野食，根本就冇心做食物。叫完

原本打算試下佢最出名既梳乎厘，可惜店員告知餐廳唔做梳乎厘，改用鬆餅代替，暫時都冇收到公司通知會幾時有返梳乎厘，一場黎到就試下佢既鬆餅，可以話係麥當勞仲好食過佢，而且份量好少，塊鬆餅好細件賣過百蚊真係好唔抵食，其他主食亦唔出色，原本佢送錯餐送左吉烈豬排，我清潔完餐具用筷子夾起件豬扒嗰時，個職員話上錯餐問我食左未，我話未咁佢就話換過俾我，收走出錯嗰份拎左入廚房唔夠一分鐘，再捧住碟吉烈吉排出返黎送餐俾另一枱，我唔知係咪我嗰碟，大家自己諗下啦！

之前睇過一篇報道「日本人氣甜品店登陸香港，首間茶寮進駐荃灣」介紹🍵宇治抹茶梳乎厘班戟就好想去試，抹茶控對今餐滿心期待😍而家堂食只係去到6點，所以5點就已經截單，我地4點40分左右去到，前面仲有幾個人等緊，好彩職員手腳好快，一有人走就即時執枱清潔+安排入座，我地等咗唔洗10分鐘就入得喇😊可惜入座後發現冇梳乎厘班戟食😫 不過話明係抹茶控，有抹茶味嘅野我都喜歡，冇所謂啦😆 今次就試吓日式鬆餅先啦🥞‼️注：日式鬆餅推出期間，梳乎厘班戟將會暫停發售‼️✨宇治抹茶日式鬆餅 $108鬆餅面層鋪上一層抹茶粉令鬆餅食落更濃抹茶味。旁邊有兩粒QQ韌韌嘅抹茶蕨餅，味道同咬口都值得讚賞👍🏻 另外仲配一球抹茶雪糕、抹茶醬同埋紅豆蓉。鬆餅配抹茶醬係好食嘅，可惜鬆餅質感偏硬，影響口感😥✨雜果日式鬆餅 $118新鮮水果配埋雜莓醬，面層鋪上厚厚忌廉。香蕉夠熟所以甜，金奇異果同士多啤梨都唔酸，水果每款都唔錯。忌廉幼滑，配鬆餅食一流，再加埋雜莓醬，酸酸甜甜開胃又好味，但同樣係因為鬆餅質感而扣咗分😔✨完熟清甜蜜瓜日式鬆餅 $118清甜蜜瓜加啫喱，鬆餅面層旁邊亦配有忌廉。忌廉質感滑溜，配鬆餅食令味道提升不少，而鬆餅質感都係一樣，真

無意中在網上發現了這一間餐廳，介紹的標題是:日本人氣「京都仁王門」登陸香港 首間茶寮進駐荃灣！限定日式班戟/料理定食/吐司，覺得非常吸引，所以很快就決定去這間餐廳試一下日本人氣的甜品以及定食。餐廳位置在海之戀商場地下的食街，到達時看到原來餐廳並非那麼大，也並非太日式裝修，也沒有景觀，屬於半開放式，看似也沒有網上介紹的那麼吸引，已經有少許失望，可能是午膳時間，所以餐廳人客都很多。一場來到，當然也要試一下，午餐時間當然是要先吃定食，之後再吃甜品。看到門口介紹這個「人王門御膳」，所以就點了一客。人王門御膳 ($158)上枱是用一個分開九格的盤子，每格入邊有不同的食物，分別是上)牛肉煮 | 吉列炸蠔| 日式燒茄子(中)燒鯖魚 | 唐揚配柚子胡椒醬 |北寄貝沙律(下)人王門御膳日式照燒雞 |京都玉子燒 | 醬醃糖心蛋~牛肉煮:只有二小塊，睇落好乾，且不太熱，味道一般。~吉列炸蠔:有兩隻，雖然不是剛剛炸起，但仍保持一般熱度及還是JUICY，味道OK。~日式燒茄子: 呢個真係太普通啦，都唔似係燒，而且咁少，會唔會孤寒啲啊?~燒鯖魚:在這一盤御膳內份量算是大的， 起碼隻碟係最大， 哈哈，入口沒有魚腥味

☞ Pancake控一出街見到有pancake就要去試，但成日好驚中伏。因為好驚俾成舊水食空氣，又無蛋香味。呢間原來係日本過江龍，所以抱住應該無伏嘅心態去試。🍴焙茶Pancake（$108）❖ 佢係原味pancake嚟，面頭有啲焙茶粉，配上黑芝麻雪糕、黃豆粉蕨餅同黑蜜。❖ Pancake唔係好重蛋香味，配埋黑蜜食個焙茶味都唔係好突出。不過好在Pancake比較厚實，口感實在，唔係嗰啲食完得一陣風嘅口感，我自己都幾鍾意～❖ 相反芝麻雪糕超濃郁，鍾意芝麻嘅大家一定要試吓🍴焙茶黑芝麻奶昔（$52）❖其實佢只係一杯普通嘅黑芝麻奶昔，只係面頭多咗啲焙茶粉。溝埋嚟飲其實唔係好飲得出焙茶味，你當佢係一杯普通嘅芝麻奶昔就ok，不過佢比較稀，唔係稠身嘅奶昔，呢個就因人而異啦～我自己就覺得有啲貴，不過芝麻控可以一試～

茶寮 京都王仁門價錢💲: $98/ $98/ $108好味程度😋: 2.7/5服務🍴: 3.7/5環境🗾: 3.7/5性價比🥢: 3.5/5回頭率😚: 2.5/5-食pancake的地方越來越多，如果食到一個夠fluffy鬆軟識震震下的pancake真係會開心一日😍見荃灣開左呢間主打食pancake同和食的餐廳，決定lunch要去試一試佢。-✅仁王門定食(牛肉煮+吉列廣島蠔)。牛肉煮就係普通的牛肉飯上面個D，不過佢好夠味，洋蔥又好甜，要來配飯食唔錯🥳 吉列🦪有4隻，夠脆夠飽滿，不過外皮比較厚😆 每個套餐都有碗味素飯同麵豉湯(唔係是但溝水個啲)，再加埋一球超好食的柚子蕃薯蓉，綿滑清新好好味😛-✅仁王門定食(日式唐揚+照燒雞腿)。唐揚正常，4大舊，入面的雞肉都嫩🤩 照燒雞腿好味D，因為雞腿肉仲滑，加埋照燒汁甜甜地。如果4個餸排順序中意，我會係雞腿肉>炸蠔>牛肉煮>唐揚炸雞😌-❌焙茶班戟。大件事🥶首先上面個2粒黑豆令賣相差左好多😂 pancake完全唔空氣感，入面係好實，完全震唔到🥺 雖然有啲蛋香，但個質地錯晒🤢 焙茶醬都唔係好濃焙茶味，好稀🥴 旁邊的芝麻雪糕濃就濃芝

早餐又未食，午餐又未食，竟然第一餐就食班cake！之前一早已經想來呢間餐廳食班cake 㗎喇，便今日放假，第一餐就pancake 老公就正常午餐！▫️定食$98叫完5分鐘左右就現，全部都應該係預先預備好，係烏冬先係即煮！所以其他食品好似雞同埋牛都比較凍，一啲都唔熱嘅感覺，連暖都無😩😩😩感覺扣晒分！一叫完就同我地講話要等20分鐘，OK冇問題20分鐘都唔係太久。點知當我老公食晒野我Hea咗好耐，加埋都等咗成30分鐘之後，就問侍應有未，佢就話仲要多6分鐘，打緊個野莓醬！咁食好嘢都係要等下嘅，所以我哋好耐心咁樣喺度Hea多陣！足足等咗40分鐘，千呼萬喚始出來嘅pancake終於出現！▫️野莓pancake $92有空氣感，唔會實的的，而且都算綿密，而且蛋香唔錯！野莓醬都恰到好處，酸甜酸甜咁唔會令食pancake 感到好heavy !唯一美中不足的是，個cream唔夠多！不過單論pancake來講，呢間唔貴！下次可以再食，不過真係只可甜點！

🤮仁王門御膳 $158京都玉子燒 - 啲蛋完全老哂。燒鯖魚 - 燒完出黎凍既。季節配菜 - 完全唔知食緊乜。吉烈炸蠔 - 炸粉厚，炸野都可以係凍食。唐揚配柚子胡椒醬 - 乾爭爭，冇味又硬。日式照燒雞 - 同上。醬醃溏心蛋 - 溏心蛋的心係熟既。牛肉煮 - 俾吉x家既牛肉更難食。配飯或烏冬及麵豉湯🤮仁王門定食 $98味噌湯 - 淡而無味白飯 - 煲飯落左好多水照燒雞腿 - 上面已評。吉列廣島蠔 - 上面已評。凍綠茶 - 淡綠茶味，接近飲水咁。📍茶寮 京都仁王門 Saryo Kyoto Niomon荃灣大河道100號海之戀商場地下G22-G23號舖✨評分：2/10💰人均消費：$140

今晚又到左海之戀商場搵食，本身想去Don Don Donki既food court食大阪燒，不過見多人排改咗去呢間［茶寮 京都仁王門］食晚飯。平日夜晚唔駛等位，我哋叫左一個晚餐set及一個甜品share食。先來新仁王門御膳配烏冬，再另加溫泉蛋，每樣都食到啲啲，好開心～隨餐附送既麵豉湯夠濃，烏冬湯底亦不錯：到甜品-宇治抹茶班㦸，唔記得叫店員後上，和咸食一齊上左，好彩天氣冷雪糕冇咁快溶，班㦸質感軟棉棉，有蛋味，加上綠茶雪糕同紅豆，好味：食飽飽，滿足😋

就說是京都開過來的 pancake 店，滿心期待，最後發現味道一般，我估始終都是總店才會有質素保證吧比較特別的是這個Pancake 中間有層厚厚的白色蛋白，不過吃的時候又跟一般的 pancake 沒有太大分別呢！

晚餐賣相好靚，同時可以嘗試9種菜式，不過只是虛有其表。分數只有20分（100分滿分）烏冬唔熱，只是暖 牛肉唔熱，又凍又老，睇相都睇得出雞肉又凍又無味，仲要賣相似垃圾炸雞和炸蠔ok啦，相信係買番黎re heat,所以問題不大嘅。不過完全無驚喜值得一讚只有溫泉蛋吃完覺得係 「冷飯餸渣」價錢$158

放工經過海之戀商場，一睇到個環境好光猛，座位又好似好舒服，又係日本野即刻諗唔唔諗就入去食，點知中中地伏當晚叫咗個兩個仁王門定食，叫左吉列廣島蠔、牛肉煮、我朋友就叫左吉列炸豬梅肉（+$25）、慢煮五花肉（+$15）所有野都係一般質素，所有肉都有啲雪味，最過分既係有碟前菜，茄子🍆一咬入面係冰黎我同個fd食到眼都凸哂呀，陰公😩😩最後諗住食甜品會開心啲啦，點知⋯一啲都唔鬆軟，係硬硬地，過哂火咁呢間都係打下卡，影下相算

去得日本京都幾乎一定會買和菓子做手信，京都和菓子老店京榮堂創立新世代和菓子品牌「京都仁王門」以嶄新的方式演繹創作和菓子，讓新一代得知了解傳統和菓子的美好！當中以八つ橋餅最為著名，包括巧克力夾心八つ橋、八つ橋餅榖物脆餅等，深受歡迎。京都仁王門首間日式甜點休閒茶寮落戶香港，以傳統和菓子及獨家研發的Pancake為主題。選址荃灣海之戀商場，茶寮源用日式製法製作班戟，特別使用到日本總店直送的和風食材，再配上水果、雪糕、還有各款特別調制的醬汁等，除配上忌廉及楓糖漿的原味班戟外，亦有宇治抹茶、焙茶、焦糖燉蛋、朱古力、野莓，除此之外，亦有全日早餐、傳統湯烏冬、忌廉烏冬、京御膳及吐司多款美食。暫不設訂位服務，營業時間：中午十二時至晚上八時！