沙嗲王 (樂富廣場)

Open Now

Now Closed

以前讀書成日會同朋友食沙嗲王，突然想回味下佢個白咖哩。我地下午1:30去到，唔使點等位，入面環境都幾乾淨舒適。食物方面我地叫左白咖哩一口炸雞、沙嗲牛肩胛粉絲、XO醬蘿白糕、海鹽三文魚脆魚皮同埋日本濃蝦湯。日本濃蝦湯 (跟餐$9.9)白咖哩一口炸雞 ($64)特濃朱古力沙冰 (跟餐$15)石窩XO醬炒蘿白糕(半份) ($38)沙嗲牛肩胛粉絲 ($70)海鹽三文魚脆魚皮(跟餐$8)珍珠奶茶 (跟餐$10)個濃蝦湯幾好飲，鮮甜濃郁，佢仲出埋酥皮，下次想試埋。至於白咖哩一口炸雞，依然保持住佢嘅水準，D汁仲係好有份量。而沙嗲牛肩胛粉絲有少少咸，海鹽三文魚脆魚皮都OK~~XO醬蘿白糕就係少咗啲XO醬味，味道有啲單調，唔係以前既味道。埋單 $237，其實都幾抵 ~總括黎講，食物方面係唔錯嘅，性價比都幾高，同自助落單都幾方便~

好耐冇食沙嗲王，開佢個App見到有平日下午茶第二客半價優惠，咁下午茶就選呢間啦。冬陰功湯嫩滑鮮魚片米線：＄48- 冬陰功湯底不濃厚不夠香。- 魚片份量足，有8/9片，夠滑而有質感。鐵板Grill嫩滑巨髀配薯條：＄48- 巨髀好大隻，起咗條骨同上方便食，雞髀肉質嫩滑夠味，雞皮無油夠薄，但皮沒有烤的香口味及不夠乾身。- 粗薯條外層微脆剛好，裏面夠熱。- 牛油粟米有點乾，粟米本身亦不夠甜。熱奶茶大杯，味道正常，質感不夠厚。地方乾淨，冷氣足夠，配上輕音樂舒適。（小插曲：夥計上咗杯咖啡，翻睇手機手機落單，先發現我自己落錯，夥計樂意主動即刻攞返去水吧再沖。）

今日專程嚟食沙嗲王最出名嘅白咖喱，而家仲有鐵板白咖喱雜扒飯，白咖喱依然咁好味 牛肉粒好香 雞扒嘅皮系脆嘅 ，雞翼都醃制得好好味做得好好味，配一只太陽蛋送飯簡直系天衣無縫😋😋😋

好耐無食沙嗲王喇！所以一時興起，就同朋友黎食個lunch. 沙嗲一直以來給我的感覺都是：1. 不如其名，不是食沙嗲😝 2. 加勒比海、海盜主題 3. 可一次使用多張現金券✨4.扎根香港，食物種類富有香港特色紅酒牛扒汁溫泉蛋芝士焗牛柳粒飯 - 通常牛柳粒都係好靭，但係沙嗲王嘅牛柳粒整得非常林，配上紅酒牛扒汁更能帶岀牛柳鮮味，仲有我至愛嘅炒飯底，好吃！蟹粉豆腐鍋配飯 - 沙嗲王的蟹粉感覺無以前咁香咁濃味，但個人認為都算合格，豆腐份量十分多，而且有多肉碎，令整個豆腐鍋升華，十分清甜。石窩XO醬炒蘿蔔糕 - 用石窩裝的真的不多，亦於如此，蘿蔔糕更能保持熱度，不會擺一陣就凍，所以每一口都格外香口、香脆，十分岀色！

Lunchtime要加一有飯有烏冬 小食都好吸引下Lunch包野飲黃咖喱熟蛋香茅豬扒粒飯 ($57)個咖喱超適合撈飯！個咖喱好香 同埋唔辣嘅香茅豬扒好香香茅味 同埋都好冧好易咬 雖然隻蛋係熟蛋唔係流心不過都好啱送飯😎咁多選擇 諗唔到食咩就食佢啦🤪

其實我係好鐘意食沙嗲王成日去食 真係數樂富呢間最令我反感最大嘅問題係一定要搭枱！繁忙時間我能夠理解，但係非繁忙時間，個場有一半吉枱都要迫埋一齊坐。好聲好氣問下可唔可以坐隔離張吉枱，先唔應機，再問話唔得只可以坐果到我真係成頭問號。其實已經經歷過三四次，因為好想食又住附近，所以每次都只可以接受。有得揀都唔去樂富沙嗲王食。———食物嚟講就真係合乎晒我口味1. 沙嗲肥牛粉絲2. 蟹粉豆腐鍋3. 脆蝦棒4. 炸豆腐四樣超級推薦當然唔少得仲有深受大眾愛戴嘅白咖喱豬扒飯。

自從 #沙嗲王 形象改革後，似乎吸引咗唔少年青食客😎 #小秘書 當然唔執輸，跟隊叫咗個 #黃咖喱厚切吉列豬扒飯 自私食🤭 為咗唔想繼續暴脹，「戒飯戒甜」已經成為我嘅口號… 但當然好多時都係得個講字啦😅#厚切吉列豬扒 大大件，脆漿同豬扒中間似乎仲夾咗少少肥肉，食落係有啲油膩感，不過配埋濃濃嘅 #黃咖喱汁 用嚟撈飯，又真係幾醒胃嘅🤤 如果大家仲嫌唔夠飽，可以加啲錢跟餐加小食… 不過我就加杯 #凍飲 就夠晒滿足喇🤤整體食物同環境都唔錯，但係我朋友就投訴某個員工態度唔多友善，周不時走嚟問佢「齊人未」🤭 … 我要澄清，有冇遲到㗎😆 不過香港土地問題，只可能接受速食文化，難怪咁多人北上消費啦😚📍 沙嗲王 (樂富)聯合道198號樂富廣場A區1樓1101-1102號舖

沙嗲牛肩胛粉絲 $7x +10%唔好食🥲好油膩，成層油係湯面。然後個湯冇沙嗲香，牛肩胛有四五片左右，幾淋嘅火鍋牛片，但冇牛味。茶記沙嗲牛麵仲好食過佢😢建議都係食返完安全嘅白咖喱/蟹粉鍋。

以兩人來說晚市激安兩人套餐是十分抵食的（$268，是次用了減$50優惠），可以有前菜、主菜、小食、飲品以及甜品，而且按我們的需要可以額外加添小食，魚牛油雞翼、一口芝士、卜卜脆薯條、脆蝦餅等等。蒜香牛油烤餅沙爹特選肩胛肥牛粉絲上湯娃娃菜秘製泰式豬頸肉如果你成為沙嗲王嘅會員定期有優惠或是生日月可減免部份費用，而當食滿特定金額還有辣椒送。筆者建議白咖哩乃是沙嗲王最好食的食品，建議配白飯烏冬或是烤餅使用。

恶心死我.40元一碟迷你2只一开2的鸡脚.真心想打去欺负消费者投诉你们.这种做法太恶心人了.决定没有下一次.这不能这样欺负人吧太过分了.鸡脚那么便宜点东西真是恶心的作为

樂富廣場地方大都有好多選擇、今時今日香港都唔可以咁計較、已經比大陸差、個飯上枱時見飯好少、我平時都會真係唔夠先加唔想浪費、其實開口問都係有真正需要、問完話要比錢、心情都有影響、日後唔會再幫襯。

龍蝦汁海鮮芝士焗飯。絕對是海鮮愛好者的夢幻之選！焗飯上滿滿的海鮮，包括美味的龍蝦肉、蝦仁、魷魚等等，每一口都帶來豐富的海洋風味。那豐富的龍蝦汁更是讓人垂涎欲滴，入口滋味濃郁鮮美。而頂部的芝士融化在焗飯上，增添了濃郁的奶香和柔軟的質感，每一口都是一種享受！香茅豬扒飯。香茅的獨特香氣瀰漫在整個豬扒上，讓人食指大動。豬扒煎得金黃酥脆，肉質嫩滑多汁，每一口都是一種美妙的享受。搭配著飯粒的香氣和口感，豬扒和香茅的組合完美無瑕。這道香茅豬扒飯絕對是一道令人回味無窮的經典！

🇭🇰🥢🥣再嚐回憶味道▫️QR code落單☑️白咖喱香茅豬扒飯 -$69世一傑作，邊間分店都甘好食，豬扒有3塊好鬆軟，又好香香茅味，超好食，白咖哩汁份量夠，撈飯一流。🆗石鍋沙嗲（烏冬）-$82呢款配料可以選豬或牛，我選左牛，有沙嗲滑牛＋大埔振興牛丸，另外加左1拳芫茜$6，一拳頂都有差吾多成碗，夠食啦🤩。滑牛份量多，同沙嗲好夾，鍋內仲有豆卜、金菇同通菜，但個湯略嫌吾夠杰，令到烏冬冇甘掛湯，同埋想沙嗲味再濃d，暫時都係蟹粉豆腐鍋最好食。至於主食，可以選飯、粉絲或烏冬，烏冬係日本讚岐烏冬，好彈牙，浸落個汁到好似食緊沾麵甘，相信叫粉絲索晒汁都會好好食。☑️越南脆皮春卷 -$38有3條切開咗6件，炸得好香脆，每件餡料都好飽滿，有粉絲、木耳絲，芋頭絲，紅蘿蔔絲等配料，口感獨特，配魚露一齊食，酸酸地，的確好有越南風味。🆗脆蝦棒 -$32有4條，幼幼長長，用春卷皮，但炸得吾係幾夠脆，但蝦都彈牙，雖然配蛋黃醬一齊食，但味道都比較單調。🆗貴族海皇焗蟹蓋 -$32有3件，冇咩蟹味，但就好creamy，重芝士味。☑️蒜香牛油烤餅(2件）-$4$4甘抵有咩理由吾試下，都好新鮮，脆脆地又有微微蒜香，點濃蝦湯食又得，點白咖

經過樂富廣場見到沙嗲王， 即興去食晚餐。等了大約十分鐘入座，原來而家都咁受歡迎。 店內茶餐廳格局，座位都比較狹窄，晚餐～ 白咖哩香茅豬扒飯$77、 溫泉蛋$8、 沙爹牛肩胛米線$72、 龍蝦湯(兩碗) $19.8、 蒜香牛油烤餅$4、 貴族海皇焗蟹蓋$32、熱台式奶茶配寒天$18、 火龍果蘋果梳打$18。   ▫️白咖哩香茅豬扒飯 ～ 以前到沙嗲王必食白咖哩香茅豬扒飯， 白咖哩椰奶味比較重， 豬扒厚切入口嫩滑， 白咖哩汁用來拌飯很好吃。 ▫️溫泉蛋 ～ 另加溫泉蛋， 但其實同豬扒飯都唔係好夾。 ▫️沙爹牛肩胛米線 ～ 沙嗲湯底帶點微辣， 米線掛湯香濃美味， 牛肩胛份量多。 ▫️龍蝦湯(兩碗) ～ 龍蝦湯抵飲， 但飲不到蝦味。 ▫️蒜香牛油烤餅 ～ 四蚊兩件烤餅真係好抵食， 味道正常。 ▫️貴族海皇焗蟹蓋 ～ 面層有招牌白咖哩汁，蟹蓋裏面有蝦肉， 味道一般。 ▫️熱台式奶茶配寒天 ～ 只飲到甜味。 ▫️火龍果蘋果梳打 ～ 味道正常。 兒時經常吃的沙嗲王， 白咖哩香茅豬扒飯依然有水準😊。 🏷️溫馨提示～ 整個用餐體驗均屬個人分享意見， 只作參考😊。

沙嗲王樂富好耐冇食個沙嗲王，晏晝有時間就可以食。QR code 自助落單。Lunch set $62白咖喱炸雞球飯+$3凍奶茶睇相都見到份量好足，炸雞又差唔多10舊 ，每一九都炸到好脆，好香口，入邊啲雞好嫩滑，似雞髀肉，食到最後嗰舊都仲係脆，不過略嫌鹹咗少少。白咖喱嘅份量都好足，可以食到最後都仲有汁。