沙嗲王 (眾安街) (Closed)

下班後打算吃完晚餐順手去千色店減價掃平貨，所以就來千色店附近搵野食！而沙嗲王曾經是我認為很難失準的餐廳，不過今次就令我大跌眼鏡！先說一下服務，去到前台我早過另一對人到，但店員先安排那對人就座！之後問了我數次一個人？我說是呀，他就再反問外賣嗎？天呀！都把我氣炸了！之後就安排我就坐！可能是疫症期間店舖要減少接觸，以前是按制叫服務員店餐現在自己掃二維碼下餐！不過就減回2元優惠給食客！由於我每次來都是吃那幾個旺牌，今次點沙嗲牛MORE王粉絲配溏心蛋半隻$48+朱古力寒天$16！送餐速度尚算快，可惜個粉絲來的時候已是暖的而且沙嗲味道一般，粉絲亦是痴住曬！幸好的是野飲是正常味道的！

唔想被迫係酒店🏨餐廳消費，決定食埋野先辦理入住。心血來潮好耐冇食過沙嗲王，而平日係眾安街又見到大大個霓虹燈😍今晚決定大快朵頤食我最鍾意嘅白咖喱。見到有款二人套餐決定唔諗咁多就叫一SET (HKD 238):包前菜&餐湯、主菜A組B 組各選一客、小食、飲品兩杯同埋甜品🍮都幾豐富。前菜：是日餐湯：蘑菇忌廉湯，非常稀，一點都不濃稠，味道又吾濃，麻麻。藜麥田園沙律配日本芝麻醬：沙律菜🥗吾新鮮，焾曬好似雪左好耐，加左藜麥感覺健康，仲有幾粒粟米🌽。主菜：滑LULU 蛋蒲燒鰻魚飯： 呈菜時賣相不錯，有曬柴魚絲同紫菜係鰻魚表面，望落吸引😍食落鰻魚好焾身，一夾就散開，係靠甜甜地燒汁吊味。白咖喱香茅豬扒飯：香茅豬扒炸得稍為油膩咗少少，吸多陣油可能好點，但係肉質亦都好鬆軟，肥瘦比例適中，靈魂重點係白咖喱汁！真係好送飯，椰汁🥥味香濃，薄餅雖然得壹塊，但炸得好香脆☺️蘸上白咖喱🍛一流。小食：蒜蓉牛油🧈雞翼（四隻）：外皮炸至香脆，粉漿略厚，但咁先炸到脆口， 金黃色， 熱辣辣，不錯👍🏽！飲品：朱古力沙冰（阿華田脆脆另上）：飲落好金幣朱古力味道，姐係人工朱古力🍫味，飲左一啖，不了。珍珠奶茶🧋： 諗住以為會好啲但係奶粉浮

沙嗲王一向都係Lunch嘅好選擇，選擇多，而且多小食😛次次去到都唔知揀咩好啊～🔸 芝士焗牛柳粒飯 (HK$84)佈滿芝士令人胃口大開，仲埋藏左隻溏心蛋，但可能因焗耐左，溏心蛋無太流心嘅效果呢🤨而牛柳粒肉質都較啊～🔸 白咖喱汁豬扒飯+薄餅 (HK$82+$18)白咖喱汁飯都係沙嗲王嘅人氣款，咖喱係偏甜路線，完全唔辣呢😛豬扒就正正常常，另外仲可以加薄餅，沾落咖喱汁更惹味啊！🔸 蒜香牛油薄餅 (HK$15)薄餅都算大塊，入口脆身，而且滿滿嘅蒜香牛油味😍十分大推呢個小食！🔸 炸饅頭 (HK$18)突然醒起好耐無食炸鏝頭，見到即刻試下先🤣細細個食落唔洗驚會飽左，雖然表面幾有油光，但入口都唔會太油膩。重點當然唔少得要沾煉奶啦🥰

收工突然抽起條根想食白咖喱豬扒飯。當然首選嘅就係沙嗲王嘅招牌白咖哩啦!!!同朋友一齊上到去，店員就推介我哋去揀二人餐($238)話佢價錢合理又有包埋前菜，小食，飲品同甜品。香脆芝士條(再+$10)上到枱見到佢好細條，但係都算芝味十足。白咖喱香茅豬扒飯呢碗白咖喱呢完全係沙嗲王嘅精髓所在，椰香十足仲有少少辣，餸飯完全一流，再將香茅豬扒點上白咖喱汁，俾多碗白飯我都再食得落!!!蟹粉豆腐鍋配飯蟹粉豆腐鍋用石鍋嚟上，熱度十足，但有小部份蟹肉食落有啲腥味，但整體而言不過不失啦。石鍋奶油娃娃菜其實就係用石鍋嚟裝住忌廉煙肉炒娃娃菜，同樣都係熱度十足，味道就普普通通啦。成個餐仲包咗兩杯飲品同甜品，兩個人食晒就真係會太飽。但最值得回味，真係得返個白咖哩豬扒飯，其他就真係一般。

濃濃既學生回憶，當年放學或午餐時段常常聚腳既地點仲記得每次食完都有辣椒油同薄荷糖送時隔多年，人事變遷，唯有沙嗲王不變今次再食返最經典 白咖喱豬扒飯味道依然，相當送得下飯。味道偏甜，頗為濃郁加上豬扒非常酥脆，不管沾上咖喱或直接食都別有一番風味整體多年保持一定水準，算是難能可貴

千祈唔好俾佢個名呃到，沙嗲王絕對唔係淨係食沙嗲😂😂其實佢哋都算係多國菜，有pizza，有咖喱薄餅，有越式小食，有避風塘炒蟹.....等等，總之數之不盡👏🏻👏🏻其實成日幫襯佢，不過今次第一次寫評價，一路以來都覺得佢哋其實真係十分不錯👍🏻👍🏻所有嘅嘢食都十分之抵食，份量亦都非常之充足今日叫咗個沙嗲肥牛肉粉絲，石鍋蟹粉飯，越式粉卷，黃金雞翼，仲有其他飲品沙嗲肥牛肉粉絲，每次都係必食嘅，因為沙嗲味濃郁，真係好好食😋😋石鍋飯夠晒熱，味道啱啱好唔會偏鹹☺️☺️粉卷，以我所知應該唔係正宗粵式，不過我就係鍾意佢呢一個style，仲好食過正宗嗰隻🥳🥳黃金雞翼，呢個今日就冇乜特別驚喜👌🏻👌🏻食咁多嘢都係$250咋，真係M記都唔得啦😆😆

好耐冇去沙嗲王食嘢了，雖然時間耐左，但係水準都仲keep到12:00到，好彩係平日冇乜人即刻可以入座。侍應好好提醒我哋可以用手機掃QR code落餐，方便又可以減兩蚊，讚！午市套餐好抵食，叫咗個王牌，我最愛嘅蟹粉豆腐鍋，加$5仲有一碗湯同薄餅，味道同以前食嘅一樣，蟹肉好足，鹹蛋黃味濃，送飯一流👍🏻跟餐加咗牛油雞翼仲有珍珠奶茶，沙嗲王仲做緊優惠芝士條一蚊一條，由於太肚餓嘅關係，一叫叫咗五條食，食完先有力減肥整體幾好，送餐快又坐得舒服，今日食完先知原來已經冇咗辣椒醬送，睇來我真係太耐冇食啦

每次去沙爹王都會點白咖喱豬扒，今次都唔例外，下午茶點了：輕量白咖喱香茅豬扒飯-白咖喱加上乾蔥和蔥，味道更香濃，配上外面炸得香脆的豬扒，值得一再回味。沙爹肩胛肥牛烏冬-肥牛好食，沙爹普通，烏冬彈牙，下次未必會再食。蒜香燒雞翼-外表令人失望，燒得唔夠好，雞翼底仍然是白色的，比起M記的更差，唔會再點。下次可考慮點另一款蒜蓉牛油雞翼，這款炸的，望落外表金黃，比較多人叫。總結，環境ok，坐位舒適，食物都ok，會再幫襯。

今日又去買外賣試試，今次試了他們的白咖哩鐵板燒雞扒飯。Openrice預訂只是$48。雞扒好大塊，而且更是起了骨，好貼心。雞扒燒得好香脆，但肉質好嫩滑，亦好juicy. 配以白咖喱汁同白飯，十分好味。白咖喱有少少辣味，好香口。總括來說，價廉物美，用心燒的雞扒，十分欣賞。下次一定再食。

相隔一星期又再試下午茶外賣自取今次食一向大愛既白咖哩豬扒飯雖然下午茶寫係寫住輕量，但係都見佢係非常足料豬扒有三件兩大一小招牌白咖哩汁份量夠多，而且分開放可按喜好撈飯好味今次加錢叫埋佢個脆蝦棒平平地份量也 ok依然好味仲配左粒新鮮車厘茄真係一啲都唔馬虎跟餐加左凍檸檬茶(如果揀汽水不用加錢)雖然略淡不過味道可接受整體嚟講覺得沙嗲王嘅下午茶真心抵食拎外賣嘅時候其實都見到佢幾乎係全店滿座職員亦有禮貌有耐性外賣包裝得好好拎遠路都無問題

外賣咗一個滑lu lu蛋香茅豬扒飯，整體賣相同味道都好，飯面有滑lu lu嘅雞蛋及香蔥，豬扒面有香茅煮得面脆內嫩，肉內滿哂肉汁，食落完全唔覺得熱氣，另外仲跟熱飲一杯。外賣包裝非常好及免費附上餐具。

一直都有食開沙嗲王通常都係一大班人一齊食今次係第一次試佢嘅外賣自取叫咗個冬陰功海鮮米線雖然係下午茶餐都要五十幾蚊但係就真係足料同埋個湯好好味計落都有兩隻蝦一隻青口少少尤魚同埋兩粒蜆肉配跟餐果隻糖心蛋都好好味食曬個餐好飽肚唯一美中不足係跟餐嗰個汽水原來唔係畀罐裝用佢自己嘅杯其實成本都唔低因為佢啲外賣盒同杯都係好硬嘅膠料建議汽水可能轉返罐裝大家都方便總括來說值得再幫襯如果唔係住得遠附近無其實真係想多多幫襯

係荃灣行行下街突然諗起好耐無食過沙嗲王個白咖喱豬扒飯好想食添 於是就去左沙嗲王好多野都想食呀 又唔想諗 見到佢有個2人餐 $258 有哂我想食嘅野 仲幾抵添wo 前菜一個沙律一個湯 普普通通啦 主菜係叫左一個蟹粉豆腐煲配薄餅 另一個係白咖喱豬扒飯 淨係食哂個蟹粉鍋都好飽 仲要食埋個薄餅 另外有個小食 芝士一口貝 呢個好細粒一口size 不過有芝士係面 都幾濟最後仲有2杯野飲同甜品呀 杯特濃朱古力好好味 好夠濃 不過飲到好凍 另一杯菠蘿特飲就甜左d甜品叫左一杯雪糕同一個芒西 食哂咁多野真係好飽好飽 下次都係唔叫餐了

🔻白咖哩香茅豬扒飯本身唔太鍾意食豬扒 因為總係覺得好難整得軟熟 但呢個豬扒一啲都唔韌 咖哩亦好香 撈飯一流.🔻蟹粉豆腐鍋呢個簡直係沙嗲王的必食推介！上菜嘅時候仲係熱辣辣 蟹粉好香 無論係配白飯定薄餅都好香口

Mummy day 當然係mummy發板，佢話想食沙爹王既豆腐煲，正名係蟹肉豆腐煲！ 味道加埋蟹粉嘅感覺非常特別，味道濃郁而不會過膩💕由於我好肚餓，一個飯點夠啊，另外在帶咗一個白咖喱牛肩肉拉麵。相信白咖喱係沙嗲王最出名嘅招牌菜大家都知道，今次配上拉麵白咖喱嘅香味不太出，坦白說我會覺得白咖喱豬扒飯更好吃。食完個拉麵都覺得唔夠食埋個雞軟骨！ 非常之平嘅價錢但係味道非常好，作小吃簡直係一流。絕對係新鮮炸起 ，不會過分油膩，外脆內軟。既然係母親節，魚當然唔少得，因為知道媽咪鍾意食魚加咗呢一條鱸魚，雖然青檸味有啲過酸，但魚非常香滑，雖然只有半條但份量非常足夠。總括今餐性價比非常高！ 不用$300結算就食到咁多嘢食！ 好吃！