壹蒸鍋

前幾日睇到同事個面書，又蒸海鮮又刺身又肥牛，嘩！睇到口水流， 一問之下原來係壹蒸鍋，所以就立即約人黎食！尼度好旺場，坐滿晒，不過又入得好快，等左15分鐘左加咋！因為個蒸鍋要等一陣先食到，所以店員好貼心咁準備左餐前小食，可以開開胃，正呀！出面有晒調味料，牛肉汁、蒜蓉、沙嗲醬、連桂林辣醬都有，好齊全！加30元就有埋刺身任食，我見到左右隔離都加晒，咁我地都唔執輸，齊齊加！個刺身拼盤色澤好新鮮，我地點左三文魚、甜蝦、榮螺片、八爪魚等等，三文魚、甜蝦好肥美，肉質鮮甜，我地預左要黎多round!榮螺片同八爪魚，鮑魚片、夠彈牙又爽口！尼30蚊加得好抵！個海鮮蒸鍋上枱之後，店員會跟一個計時器，大概等8分鐘就食得～個海鮮蒸鍋入面有：龍蝦、龍躉、鮑魚、扇貝、蟶子、生蠔、扇貝、海蝦、蜆，隻龍蝦吸睛度好高，大過手掌，肉厚而鮮甜，尼個真係好推薦！另外，龍躉都超級正！d肉好嫩滑；鮑魚、扇貝、蟶子面頭層鋪左好多蒜蓉粉絲，入味之餘又唔會搶左本身嘅鮮味！食完刺身同海鮮基本上都飽左7成，不過個menu重有好多未點過，點都叫下雪花肥牛黎試下，我鍾意佢切得夠薄，有油花口感，質感细嫩，嫩滑，非常唔錯！最後加埋花膠、蟹爪肉棒、魚

之前食過16樓野食好正，所以先想食蒸海鮮鍋加打邊爐。但16樓無左蒸海鮮鍋，轉左下一層食蒸海鮮鍋加打邊爐。一出𨋢見有五六人企係門口，以為要等好耐，點知唔洗等位可以即入。比起16樓，等成個鐘頭真係等到天荒地老。食物方面：蒸海鮮加太多調味，又鹽又蒜，得個咸字，海鮮無咩海鮮原本既味道。其他蒸野食無咩特別，味道一般般。到食打邊爐，湯底仲咸，胡椒豬肚湯都勁勁勁勁咸，完全無胡椒豬肚湯味，淥野食要過兩轉清水先食得落！！環境方面：張枱唔細，食物夠位放曬。廁所男女各一格，地滑抽氣麻麻有點焗。員工方面：人手唔算多好似得4，5人，但又未至於好無禮貌唔理人，加湯起菜都快手。整體：野食真係超級咸好難食，唔會再來！

旺角兆萬中心及附近也是近年的覓食集中地，結集不同的類型的食肆，當中以火鍋餐廳多。而蒸氣火鍋一直都咁吸引，有多款海鮮，大蜆、元貝、鮑魚、龍蝦、蠔等海鮮；還有任叫任食安格斯肥牛、蒸雞等肉類，也有蔬菜籃、自家調配醬料及粥底。店員很有禮貌會幫忙蒸海鮮，餐牌上也顯示了海鮮的烹調時間，食客自己動手蒸亦可。海鮮整體新鮮，蝦啖啖肉，肉質彈牙。貝殼類海產之中，以花甲的質素最鮮，不過蜆未吞清沙，有小小沙，另有其他大路食品，如肥牛、雲吞、各式丸類和蔬菜等等。除了蒸海鮮和粥底火鍋，餐廳其實亦有供應小食，前菜和甜品；小食放於門口位置的自助吧上，不過選擇不算多。蒸海鮮以外，還有任食粥底火鍋；白粥底本身清淡，海鮮的精華掉進去，加一點點豉油「吊味」味道已很鮮甜，加入配料打邊爐前食多幾啖。飲品方面，汽水和啤酒均供任飲，桃味及菠蘿果汁等等，宵夜仲可以啤一啤！

我唔否認哩度嘅嘢食係比較平，但態度極度惡劣，上菜速度極度慢，仲要不停趕客！冇提示我們Last order，仲係夠鐘時大聲同我地講: 你哋已經夠鐘交枱啦！然後我就話: 我哋未埋單啵！但係某員工仲係度同我爭拗: 冇可能㗎！跟住攞起我張單，佢見到我張枱真係未埋單，然後鬧其他同事再叫我地埋單走人！佢地自己做錯野先一句sorry都冇，仲係咁惡劣嘅態度，所以我同朋友都唔會再幫襯！

今晚幫朋友過生日，佢話想食風靡咗好耐嘅蒸氣火鍋，因為一直都未試過。 我哋揀咗去人多，食物選擇更多嘅旺角，而兆萬中心嘅樓上鋪，有齊中日韓美食，去多幾次都唔會重複🤣 去到壺蒸鍋，雖然有好多人等位，但因為訂左位嘅原因好快就安排到位。朋友仲意食刺身，湯底揀咗胡椒豬肚湯底。火鍋調味有好多選擇坐低之後侍應好快為我哋准備好食物，頭盆海鮮拼盆，有魷魚，半隻龍蝦，元貝，鮑魚，象拔蚌仔，生蠔，大蜆都係兩隻，真係啱啱好，唔使爭😅，有計時提醒我哋食物已熟，可以開餐啦，真係正，唔使傾到過晒時，海鮮熟得滯😛其實，食完個海鮮拼盤，已經有八成飽，但朋友見其他食物都係細細碟，貪新鮮想試多幾樣，好彩最後都食晒，唔使浪費🤣🤣🤣最後係飲湯，份量十足嘅胡椒豬肚湯，入面除咗猪肚，味菜，夢卜之外，仲有雞肉，攞嚟淥菜真係冇得頂，朋友係食肉獸，而我最鍾意食生果同菜，成份生菜差唔多係我一個人食晒😋😋😋

雖然知道粥底出名，不過怕食完蒸野食唔落粥底，所以選擇左胡椒豬肚雞煱，湯底好重胡椒味，飲完好暖胃。前菜有八瓜魚、螺肉、扇貝裙邊、黑松露餅。前者0k，係黑松露餅唔掂，因為餅梳左氣唔好食。刺身點左章雄魚，甜蝦，鯛魚，都算新鮮，甜蝦仲好大隻。蒸海鮮盆有鮑魚、波士頓龍蝦、扇貝、𧐢、象拔蚌、蜆、墨魚圈、聖子、龍躉片，一次過用8分鐘去蒸，其實每種海鮮蒸嘅時間都有長有短，8分鐘之後，龍蝦係啱啱好，龍躉片好厚身亦好滑，不過象拔蚌和聖子已經過火，變得韌左唔好食，咁就浪費左咁大隻嘅聖子食完海鮮盆都有8乘飽，不過都要試下啲蒸餸嘅，叫左欖角黑豚肉、剁椒蒸魚頭雲、豆腐蒸魚肉、日本紫薯拼鮮准山，其實蒸餸賣相唔好睇，食落一啲都唔好食😥蝦好新鮮，花膠望落好似漂白咁😅我諗咁多人去食，都係因為價錢好平。

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！雖然我係一個不折不扣嘅邊爐精，但其實蒸鍋係我心中都有個地位。而如果講任食蒸鍋的話，就一定非壹蒸鍋莫屬。係兆萬中心有兩間，一間係壹火鍋，一間係壹蒸鍋，分別在於前者鍋底選擇多d(有雞煲)，而後者就有多d蒸品食。今晚女友係尖沙咀上堂，過到旺角差不多10pm，剛好10pm入座有任食三小時，可以一邊傾下計，一邊慢慢食！醬油同飲品唔少得，仲有一個飲品櫃提供暖嘅飲品，十分細心。醬油特別推薦呢個xo醬，超足料，當前菜食都得！落左湯底就送上餐前小食，味道一般，餅乾亦都疏哂氣淋哂我地黎親壹蒸鍋都只會由頭蒸到落尾，好少食佢個打邊爐，原因係火鍋配料較少，寧願食蒸野多d，所以如果你好想打邊爐就建議去壹火鍋！雖然我地唔打邊爐，咁但係唔代表湯底唔重要，因為蒸氣都係黎自湯底，所以蒸出黎

老老實實 食物味道性價比不錯 但服務實在趕客首先 一入座無人介紹進食流程個窩黎到拎個沙漏比你 但咩都唔講又唔用等你見到張餐枱紙寫話個粥底係用沙漏計時煲9個字 諗住叫啲蒸野食住先 又同你講可以食左啲粥先 我話唔係等9個字咩 個staff先話張紙寫錯唔洗理咁點解唔會換左佢？咁要個沙漏做咩？叫配料每次都漏單 漏左就叫你再寫過寫過都係次次漏 每樣野又份量極少好似唔願比你食咁咁何必比人無限追加？有位阿姐服務態度十分惡劣唔記得寫枱號人數會態度勁差叫你下次寫返問佢拎野 佢就好咁唔耐煩話得啦等陣然後一去無回有次拎走左個蒸籠 我同佢講我仲要蒸野然後佢黑面望左陣個爐 然後行走左無視我🙃一早知限時兩個鐘 但提醒客人嘅態度可唔可以好啲三十分鐘前埋單提左一次 十五分鐘提一次 五分鐘提一次 三分鐘前就話夠鐘要你交枱放心 咁嘅服務態度 比多三十個鐘我都唔會再黎價錢唔貴但都唔係平 收服務費但澳牛服務態度我又何必貼錢買難受

尼間蒸氣火鍋唔同時段，收費唔同我第一次黎食有蠔，有貝殼類，有扇貝，又有鮑魚感覺好滿意一開始送上一大碟海鮮見到都流口水佢有個計時器比你用黎計時所以時間一到就可以打開個蓋然後食得跟著，就可以食任叫任食既食物例如係牛，豬，雞，連魚都有豬頸肉都有鮮魷豆腐真係要推介下上面有d豆鼓味道好好夠野味蒸完好夾既味道小龍包就普通左d⋯⋯無咩特別。。但整體好好。。價錢又ok。。食物質素都ok。。會有下一次既蒸氣火鍋會介紹比朋友仔黎

每日穿梭係繁忙嘅工作之中，最期待嘅就係周末星期五happy friday！悉逢今次又到朋友圈入面每月聚會比較多人，一行六人，而且大家今次都想試下新野，又唔鐘意煎炸熱氣，一諗之下，我地決定試下由韓國傳過黎香港好熱門嘅蒸海鮮鍋。黎到呢間舖，由於星期五夜晚好full，我地六個被安排去坐一張長枱卡位，空間勉強足夠。叫左一個海鮮蒸鍋，好快就上枱，蒸一陣就食得。係貨真價實嘅海鮮層蒸鍋，種類繁多，包你滿意。海鮮除左少量蒜溶帶出鮮味之外就無額外調味料，確保食客品嚐到海鮮原味，值得一讚嘅係材料非常乾淨，令人食得好放心。

平時打邊爐打得多，打完想繼續打，但心癢癢又想食刺身，就嚟咗呢間兆萬15樓，呢到飲品種類多，連配醬料區都有好多唔同嘅醬料，雪條同雪米糍都任食。刺射好新鮮，仲要係任食！冇得頂！海鮮鍋有龍蝦、蜆、扇貝、魷魚、生蠔、鮑魚、蚌、蝦仁.........係蒸之前店職員哥哥會幫我地設定10分鐘先。扇貝超大隻，蚌冇沙，龍躉片滑，海鮮上面舖滿粉絲，索晒啲海鮮汁，超正，食完之後蒸氣鍋又可以食下面啲粥，粥非常鮮甜，食完已經飽生蠔勁大隻

旺角真係好多好野食，今日黎到兆萬，就揀左呢度。有得打邊爐，又有得食蒸海鮮，又有剌身食，真係好滿足。首先蒸海鮮鍋，內有：龍蝦，蜆，扇貝， 蚌，生蠔，魷魚，龍躉，🦐，🦀等等，真係好豐富，而且啲海鮮好鮮甜。刺身種類多，又新鮮。

每一次過嚟旺角都想搵好嘢食，今次比海鮮蒸氣鍋超回本價$159吸引左，為咗食好嘢，加$30要埋刺身任食。首先，職員送上一盤海鮮鍋，分量十足，分為兩層，份量啱啱好夠四個人分。10分鐘後就可以食得，海鮮新鮮，啲魚好嫩滑，仲有大大隻嘅龍蝦。刺身嘅種類都幾多同埋刺身都好新鮮食完個海鮮鍋之後，可以叫其他嘅餸，款式都好多為食唔記得影濃郁精華粥添，個粥非常之鮮甜，最後當然用埋個粥底打邊爐啦

今日公司同事討論著食材是蒸好味定灼熟好味，特別是海鮮，同事各執己見，有的說蒸可以保持原汁原味，有的說灼可以食埋湯底的味道。其中一位同事提議去證實一下，就今晚去旺角壹蒸鍋火鍋食放題，果度有蒸的，也有火鍋，一齊去食下就知道答案。因為同事去食過，壹蒸鍋食材新鮮，款式眾多，而且任飲任食，蒸和煮都可以，到時就試到邊種食法最好！多款材料醬料，一定混到合口味的火鍋醬汁。奉送餐前小食。每人加30元就可以任食刺身，每張枱上放有計時量一部，用來在蒸食材時計算時間，以免過火吾好食。飲品和雪條等任飲任食。刺身料理：三文魚、希靈魚、鯛魚、馬刀貝、甜蝦、鮑魚片，刺身新鮮，肥美鮮甜。 海鮮拼盤：有鮑魚、生蠔、扇貝、海蝦、蜆、龍蝦、龍躉。海鮮新鮮，還加入炸蒜和粉絲。蒸鍋，鍋底有多款選擇，我們選了招牌榣柱龍躉魚粥鍋。龍蝦、鮑魚彈牙，帆立貝鮮甜、生蠔鮮味，粉絲吸收了海鮮的鮮味，又有蒜味香，口感爽口好美味！蒸品：自家製墨魚球彈牙，剁椒蒸魚頭雲和豉汁蒸黃立䱽惹味，小籠包、魚肉燒賣、清酒蒸海蜆、豆腐蒸魚肉、瑤柱蒸水蛋鮮味十足。加湯食火鍋火鍋配料：青森黑豚肉片、海中蝦、台北香菇貢丸、蟹爪肉棒、黃鱔片、脆鯇片，配料都好新鮮!粥底

幾耐冇食蒸氣火鍋? 我諗都有一段時間，今日相約朋友來到兆萬中心的壹蒸鍋。聽朋友講呢度嘅海鮮鍋好唔錯，一於去試下啦。座位舒適優雅，唔會話坐得好迫夾。 聞到隔離枱香噴噴的蒸鍋，令人非常吸引及期待。 我哋兩個人點咗海鮮鍋$229 C餐包刺身、海鮮蒸鍋。 任點任食包括有刺身、蒸鍋、火鍋食物都是～ 來到吃火鍋的餐廳，估唔到刺身那麼會好食！！特別是肉質肥美的三文魚 甜蝦雖然細細隻但係非常新鮮。  希靈魚唔腥，墨魚非常爽口。有龍蝦半隻、元貝、蠔、魷魚、鮑魚、蜆、蟶子同埋龍躉。 蟶子不是很大隻，但勝在夠新鮮爽口。蟶子同元貝 加入了大量蒜蓉清蒸 味道非常可口而扇貝十分清新鮮甜。鮑魚 蒸的時間剛剛好 質感非常彈牙食完第一蒸鍋，海鮮冇得追加 ，自然到自選的食物了，包括蒸物和鍋物 。我們點了牛肉、羊肉片、牛柏葉等， 牛肉有質感非常軟淋可口，牛柏葉爽口大份。值得一讚嘅蒸物係黑椒雞腎同牛油粟米都，係超級好食 。除咗又高質嘅海鮮之外，追加的食物也很好食絕對不是敷衍。還有飲品、雪糕雪條也是自助式任吃。 飲品選擇多羅羅，榴槤雪糕非常推介