旺泰特食

Open Now

Now Closed

熊大講左好耐想去西貢，今日終於早放少少就入去放下假喇。入西貢鑽石山，彩虹有巴士，將軍澳，觀唐，彩虹旺角,銅鑼灣有小巴，熊大同熊妹選擇旺角入，比較方便啲。每次去西貢，熊大都係想去拜訪咖啡佬，今次因為入到去都快要入夜，熊大太夜飲咖啡又會訓唔到覺的，所以決定揾食算。西貢除左食海鮮出名，仲有條泰國菜街，就係海鮮街後面。 一入去條街見到呢間旺泰特食，頭先係西貢巿內行下都見有兩間門面鋪，即呢間係第3間，咁多分店，又見幾多人食，應該唔會差掛，就揀佢喇，熊妹唔鐘意坐出面，所以揀左坐係店入面。店員阿姐都幾親切，一見熊妹就嗌靚女入面坐喇，俾熊大笑被人叫靚女即刻應，個阿姐即刻笑左仲話靚仔都入去坐喇。嘖，熊大咪又係即刻應。 噗噗噗噗...睇睇餐牌，都係一般會有的泰國菜，價錢就中上喇。首先，點菜當然少不了熊妹最愛的串燒。熊妹覺得豬肉串燒會有點肥，熊大就好識做咁叫了2牛2雞，$12一串，都唔係平，又唔係好大一串，連埋泰式花生串燒醬，味道正路喇。然後，點個泰式沙律，熊大鐘意食青木瓜，又話食完可以止咳，仲唔嗌佢咩？$55 唔係好大碟，材料就係青木瓜同幾粒花生，兩塊蕃茄，味道唔係好辣又帶點甜，熊大同熊妹就覺得唔係幾抵食

虎蝦刺身鲜甜爽口燒鱿魚比較清淡(需另加醬汁食)只有鱿魚的味道青咖哩雜菜味道辛辣(比其他咖哩辣)加配泰式薄餅(平衡辣味)馬拉盞通菜味道唔濃味(好小醬汁香味)沙嗲串牛，雞(肉質鲜嫩)原隻菠蘿炒飯炒飯唔油膩，好多海鲜(新鲜)炒飯味道不錯泰式炒金邊粉酸酸甜甜(好惹味)味道不錯芒果糯米飯偏甜~糯米比較硬(失色)整體食物味道偏淡，唔似一般泰國菜濃味，甜品糯米太硬，椰汁太甜，但菜式不似傳统泰菜重口味，適合一家大细食如喜歡濃味人士(未必適合)

路經西貢，見到有間泰國野幾吸引，所以就入黎試下。首先環境方面幾舒服。始終係西貢區所以都幾清靜。服務員都好有禮，而且係泰國人，特別有泰國感覺。去到食物方面，叫左個套餐，炒飯包飲品同湯。飯就稍為細碟咗少少，但味道不錯。整體價錢同質素都成正比。所以都值得推介一下

經過西貢，落雨濕濕，唔知食乜，夜晚九點幾差唔多間間舖都閂門了。又想食泰國嘢，去到有街邊又唔係好熱，咁就試吓啦。獅蚙好新鮮 個殻明顯係乾淨！泰式肉碎炒雞河同泰式蝦餅，正正常常，不過不失，個粉份量比較少串燒＄12一串好抵食個好林好入味！下一次唔太熱可以在encore

勁大風行完山嚟到坐外面，凍住食野。先食個雞飽暖下先，配湯，汁少辣。油飯幾好食唔會太油，但有少少一舊舊。雞份量okay都幾嫩無骨，懶人之選。馬拉x炒通菜好香口同辣辣地，忍唔住狂食，份量2人食算還好啦。菜都新菜無爛既。串燒叫左豬同牛，沙嗲汁好食好甜好鐘意，肉都爽口唔會痴住係竹到。另外一個主食係濕炒河，油就油點，但河粉都炒得幾好火，少少一舊接受到。海鮮就青口 魷魚 蝦咁，魷魚幾好食幾爽口。芥蘭都多唔會過硬，唔錯

之前食過西貢另一間旺泰特食，以為係呢間嘅分店(因為呢間長期好多人掛隊)，點知黎到毛發現門口有個標示話「只此一家並無分店」。平時排滿晒人，平安夜就冇晒人，7點正入到去重有得揀位坐。天氣有D冷就叫左一個青咖哩羊腩煲(白飯+8蚊) 同一個pad thai食。青咖哩幾香，伴飯好好味！羊肉都幾多件，而且件件肉，又抵又好食！不過我就唔推薦pad thai喇(另一間做得惹味D)兩個人一飯一麵已經食唔落甜品平安夜都可以174埋單，重要唔洗平日排隊同人逼

行完山同母親慶生，於是1⃣️行7人興高采烈地去人人話好食的泰國餐廳。可能抱著期望，所以非常失望。在無訂位的情況下，坐咗係門口嘅摺檯，其實問題都唔係好大。當叫食物時，唔知係咪因為人手唔夠，抑或係語言障礙，服務態度非常差。之後仲漏單，沙律冇黎到仲想屈我哋食咗。食物嘅味道比一般更差自己煮好過佢。

今天與同事們一齊食泰國野。我點了雞絲湯金邊粉。湯底味道太咸及味精勁重。原本只以為是送的例湯味精比較重，一般餐廳都是用同一手法去煲例湯。當我食金邊粉時，湯底味道比碗例湯較濃，更咸。唔會有下次了。

去完半月灣 出返嚟西貢好想食泰國嘢就諗起呢間 係西貢 有三間分店嘅旺泰特食公眾假期七點半 成間鋪頭都差唔多坐滿咁啱隔離將訂枱減左兩個人 我哋先有位坐 門口出邊都擺左幾張台喺門口望入去 已經覺得好有泰國嘅感覺 服務員都係泰國人 着住傳統服裝兩個人哎咗四樣嘢 2杯沙冰泰式柚子沙律 $76 調味好好 幾多蝦 不過比較細碟泰式炒金邊粉 $66食落去好有泰國嘅風味正呀！原隻椰青焗咖喱海鮮 $138咖喱好香不過比較辣 可以送飯或者薄餅海鮮係青口，蝦，魷魚 仲有啲椰肉添沙嗲串燒 半打 $78叫左豬牛雞每樣各兩串 串燒好有肉汁 沙嗲醬好味道！食泰國嘢點可以唔飲沙冰呢芒果沙冰 $33仲食到有少少芒果肉椰子沙冰 $33超鍾意 好香既椰奶味 搞到食唔落甜品 仲打包左啲咖喱汁返屋企添我個friend仲話好耐冇食過啲咁好食嘅泰國嘢下次要再嚟試其他嘢食

1行7人收工揸車入黎食泰菜朋友們食開個個讚口不絕 所以生日都走入黎食飯天氣熱 拿拿聲整番支啤酒店員攞埋冰杯 幫手倒酒好有禮貌 而且好親切 感覺非常良好我地餐牌都唔洗睇 想食乜就叫半隻海南雞 加油飯 海南雞好正宗 無骨 好嫩滑 而且啖啖肉好鮮味！生菜包 d肉落埋香草一齊炒 炒到好香 用生菜包住 口感一流冬蔭公 有大蝦 味道不太酸不太辣 好開胃 大鍋大概有8碗 人人有份 唔洗爭生蝦剌身 大大隻 夠肉地 咬落新鮮爽口！醬汁不會蓋過蝦的鮮味 凍冰冰好正！！雜錦串燒 啖啖肉不會燒到乾爭爭 配上沙嗲汁 風味極佳炒椰菜苗 唔係度度地方有得食 椰菜苗嫩綠新鮮 加上蒜及醬汁同炒 真係好好食！粉絲大蝦煲 大蝦切開半邊 人人一半隻 粉絲好入味 夠乾身 不會炒到1 petpet!咖哩海鮮煲 因為大家都想食呢度既蒜容包 所以特登嗌個咖哩黎食！咖喱入面有蝦同尤魚 咖喱好香 不會辣 有點椰香 加落脆卜卜蒜容包上食 配合得好好！椒鹽瀨尿蝦 1早打電話黎叫師父整 師父特登去碼頭買新鮮手臂咁長瀨尿蝦！！瀨尿蝦剝開 啖啖肉 不會痴殼 好新鮮 椒鹽炸得好香脆好正！除左啤酒 友人仲叫左椰青！不會太甜 也不淡～味道適中 清甜～椰

There're 3 "Wong Thai" (旺泰) Thai Food in Sai Kung Town, same name, different operators, different styles. In terms of environment (not taste of food), this is absolutely the best, thus I always go for this one with family.Another crowded day in Sai Kung, we reserved a table in advance to make sure we don't need to wait. Even though the table was empty, it wasn't really ready when we arrived, we didn't got enough chair & plane.Menu was well organized in categories, and there are plenty of choices

今次係媽咪朋友介紹既泰國菜，未到7點去到已經坐滿到坐埋出面，我地都被安排到坐出面，坐左係停車場入口隔離睇個 menu 都好多選擇同好多都想食豬肉生菜包好香好重檸檬葉味，平時出面會太辣，但今次呢度只有小小辣，可以食得清楚生菜包獨特既香味pad thai抄得火喉岩岩好，好香口串燒 牛 豬 雞我平時唔係特別鍾意食串燒，但今次d串燒 燒得好香好好味，最好味係牛，好林好香牛肉味馬拉x通菜有d唔夠香辣，但唔油烏頭魚d肉有d鞋同埋味唔夠香咖哩蟹d蟹好多膏好香如果坐入面既話就幾有feel, 但我今次坐出面所以感覺唔太好，但野食背3教番，下次黎西貢唔洗再淨係食海鮮lu

環境比較迫，多人去比較窄員工友善，對顧客需要貼心先叫了泰式鳳爪沙律，好在分左汁，d汁又酸又辣，不放汁的鳳爪和沙律，一早已有d酸檸檬味，好清新，已經有味，辣汁只是錦上添花。凰爪爽口新鮮，全部冇骨，沙律菜類新鮮青綠，有草香！之後試了咖哩軟殼蟹麵包，麵包夠實似法包，入左咖哩汁立即軟左點，汁味濃厚，有濃厚洋蔥、咖哩味，蓋住軟殼蟹味，咖哩不辣，啱口味！放在一陣仲熱熱的，熱食冇咁杰，涷左有d嫌太濃！

西貢不是一定食海鮮的，其實仲有好多美食。食泰菜都是一個選擇。好久之前來過這間旺泰美食，今日再來一試。馳名咖哩炒軟殼蟹，一打開麵包蓋，已經見到滿哂既咖哩準漏出來，有好多香濃既咖哩味，入面有主角軟殼蟹、雜菜等。我一試個麵包，都幾香脆，入口仲有鬆脆聲啊。咖哩味道略覺得不夠重身，輕咖哩的味道，而軟殼蟹肉身都算多肉，夾埋麵包咖哩及雜菜放入口，好滿足。

如果有留意小妹的朋友仔都應該知道小妹偏愛泰國菜所以友人特意介紹小妹一間挺不錯的泰菜館它是位於西貢 地點當然有點兒遠呢…不過味道及價錢都十分吸引 所以值得一去唷今次小妹去的是泰旺 它在西貢m記旁邊呢 十分易找晚上輪候人數也挺多 建議可以早一點點進餐呢小妹點了炸蝦餅、海鮮沙律、風味海鮮炒飯及青咖哩牛肉那個炸蝦餅火侯剛剛好 不會太過呢可是上菜速度有點兒慢呢…(阿妹按:好味道就值得等待呢!)海鮮沙律味道酸酸辣辣 小妹最愛這口味曾經有一秒我也懷疑自己是否泰國人因為我太愛吃酸酸辣辣的!不過小妹沒有吃太多的配菜 因為味道一般那些海鮮鮮味才是最重要呢!風味海鮮炒飯 賣相不太吸引 味道還不錯小缺點是飯炒得不夠熱騰騰呢不過它不會是油膩 所以怕肥的女生可以安心享用最後青咖哩牛肉是眾食物之最它真的很美味 那個醬汁很適合伴飯呢牛肉鮮甜嫩滑 沒有半點粗糙感而且它十分幼滑及鬆軟呢