Say Cheese (將軍澳中心) (Closed)

又黎我最愛既say cheese食dinner~勁肚餓於是叫左個2人餐再加2個甜品白酒大蜆扁意粉白酒煮蜆本身已經好香，再加埋調味料同埋少少辣椒，好吸引而且扁意粉煮得岩岩好，彈牙又唔會痴埋一舊舊。蜆既份量亦都幾多，冇哂沙同埋仲有少少酒味，好食而且性價比一流。我再加埋餐有飲品同埋湯，飲品方面係水果冰茶，味道好濃郁而且酸甜既味道好開胃，至於番茄湯亦都好杰身同埋味道十足!全日早餐好豐富既一個all day breakfast，最出色既係腸仔煎得好香而唔油，肉味亦都好濃郁而外脆內軟。加埋其他配料例如多士、薯餅、炒蛋、菇等等，超飽肚。雙重朱古力杯鍾意食朱古力既一定要試下，因為已經有兩個雪糕而且有兩塊brownie，濃郁既朱古力味再加埋Melo粒同埋朱古力醬，作為甜品超滿足。心太軟伴朱古力雪糕雪糕底下墊左oreo碎,心太軟唔係超流心但都做到內軟效果,又係朱古力迷不能錯過既甜點❤另外跟餐都仲有一個雪糕，不過就係指定口味冇得自己揀，食咁多野而且份量好大碟，男仔都一樣食到勁飽。

美食很少會有人不喜歡。有的人會吃，懂吃，也會做，還能把美食之所以是美食的真正原因介紹給其他人；有的人會畫，那一種維妙維肖 ，甚至比真實的美食更誘人……實際上，美食之所以成為美食，全在於因為美食就是一種能夠顯示出一個人對待生活的態度的風向標。無論做任何一件事情，喜歡就一定會 盡全力去做，盡全力去做就很少有一點點成績也做不來的。不要小看美食，它只是一種只是食物而已，更重要的是一種美的存在，看的時候賞心悅目 ，吃的時候回味悠長！這樣才是真正的美食。今晚我也是跟男朋友來吃這道美食...將軍澳中心，他帶我到來時，我被這家餐廳門口的招牌吸引了，繽紛搶眼嘅芝士黃做主色，【Say Cheese】開心開心。門口好多令人流口水既雪糕Bar或甜品位置，好多Pancake圖片，真係好有食欲。而且門口做左個Speical Area，好似室外又似室內。入面環境L型設計，木質地板配上木質桌椅好統一，相對冇門口咁繽紛搶眼，但都好舒服，因為靠牆的一排是沙發座，不錯的，坐得舒適，靜靜地慢慢食傾下計。翻開餐牌，其實都老少咸宜，有小食、意粉、意大利飯和大量甜品選擇，見到餐廳主打芝士，實係芝士既野食特別吸引！在於Pasta 上

今日老婆請食飯，帶我哋去食呢間say cheese，反正有人請，佢話食咩就食咩😂😂入到黎，侍應的態度良好，安排左我哋四個人坐卡位，梳化椅都坐得幾舒服👍🏼👍🏼這裏的裝修都幾有心思，牆上掛左一啲畫，天花位置特別用左木架裝飾，唔會將水管燈管暴露出來，很細心的設計👏🏼👏🏼到嘢食方面啦，都幾多選擇，我鍾意食羊，揀咗個羊扒，其他人揀咗肉醬意粉，咖喱魚柳飯，仲有小食拼盤同埋焗菇😋😋😋😋我哋本身都好肚餓，好彩食物都來得好快😁😁，食物質素很不錯，我叫的羊扒很有羊味配埋薄荷醬，一點也不油膩👍🏼其他人揀的食物都好快清曬，焗菇好多汁😋肉醬意粉加個溫泉蛋，估唔到又幾夾😆咖喱魚柳飯，魚柳炸得外脆內軟，唔會腥，咖喱汁送飯一流，略嫌少咗啲，如果多少少汁就更完美最後少不免食甜品，甜品有好多選擇，唔講以為入咗甜品店，有pancake，toast, waffle,仲有其他...好多嘢都想試，但已經好飽了，所以帶咗個香蕉pancake一齊shareWaaaa個香蕉pancake有成8塊😆，中間夾著香蕉，再淋左啲朱古力醬喺面，好好味呀，應該係即叫即整，一啲都唔乾，10分推介，下次可以再嚟試吓去其他的甜品😍😍😍

好耐冇去過將軍澳了，今日去探朋友想近近地喺佢屋企附近食飯，就揀咗樓下商場嘅〈Say cheese 〉🧀🧀🧀未入到舖，已經係見到好繽紛搶眼嘅芝士黃做主色，感覺即刻開心晒而且價錢都好大眾化，加上店內環境都幾舒適，同朋友入去食餐飯傾吓計就啱晒〈蕃茄餐湯〉我哋將其中一份主食轉咗做套餐，所以有是日餐湯同埋一杯飲品。番茄湯酸酸地又夠香滑，好開胃呢＜凍咖啡＞由於點餐時我要求沙律當中嘅醬汁另上，所以侍應小姐係我點咖啡嘅時候特登問我奶同糖漿使唔使另外上，好貼心呢＜煙三文魚凱撒沙律＞食沙律都係想健康，所以我要求醬汁另上，份量可以自己控制嘛沙律菜夠晒新鮮爽脆，加埋麵包粒同埋芝士碎就更加好味，最後仲加埋厚厚嘅煙三文魚片，絕對係畫龍點睛＜咖哩吉列豬扒飯＞好友唔怕肥，所以叫咗個咖喱吉列豬扒飯，放低嘅時候已經勁香噴噴，搞到我都忍唔住搶左佢一塊吉列豬扒來食😅😅😅吉列豬扒揸得香脆又唔乾，入口鬆化juicy，配埋小小微辣既咖喱汁超級惹味，用嚟送飯一流＜芝士焗菠菜＞熱辣辣的送到，濃濃嘅芝士香勁誘惑味道夠晒芝味濃厚，口感又夠柔滑，超正的＜蒜香帶子香辣扁意粉＞最後仲叫咗個蒜香十足嘅炒意粉，帶子大大粒又煎到香噴噴，扁意粉加埋落咗

say cheese我成日幫襯~坐得舒服野食又正!炸魷魚圈&洋蔥圈魷魚圈好彈牙又炸得香脆，洋蔥圈亦都好出色，炸漿唔會太厚，有炸物既香口又食到食材既味道，配埋他他醬真係好開胃好夾！火焰Carbonara意粉整好後係會加入一整個芝士入面搞拌，所以係勁creamy同重芝士味，同時本身佢既carbonara source都好夠味而煙肉同洋蔥比例岩岩好，意粉亦整得好有咬口，好滿足既一個意粉！All Day Breakfast有多士，煙肉，紐倫堡腸，薯餅，茄汁豆蘑菇，炒蛋同埋沙律，好足料而多士跟埋既士多啤梨果醬好好食，酸酸甜甜好開胃。腸都煎得好香唔似一般超市買到既罐頭腸！炒蛋份量多而超濃蛋味。鍾意食all day breakfast既必嗌！最後叫咗五重朱古力多士再加movenpick雪糕，多士用咗好多cream去固定，焗到好脆而加埋朱古力漿好有溶化既感覺，作為甜品好完美！

今日同屋企人去咗將軍澳中心食飯，本身都熟呢一區，好多餐廳都試過，呢間day cheese 就仲未試過，見裝修得幾靚就入去一試裏面環境舒適👍🏼👍🏼👍🏼座位好寛闊，有卡位，亦都有方枱，唔會坐得好密實😍裏面裝修以休閒為主，用上白色和木色為主👍🏼每張枱上面已經擺咗餐具和紙巾，方便取用👏🏼👏🏼嘢食方面選擇很多，我哋一行四人叫左香草肉醬溫泉蛋意粉，咖喱吉列魚柳飯，招牌小食拼盤，烤羊扒，焗芝士蟹肉龍葵菇同埋一個香蕉pancake。香草肉醬溫泉蛋意粉，味道同出面不一樣，加上溫泉蛋，口感特別幼滑👍🏼👍🏼同行有朋友一定要食飯，所以叫左咖喱吉列魚柳飯，魚柳得剛剛好，外脆內香配埋咖喱汁送飯一流🤤🤤烤羊扒，味道也很不錯，我哋叫咗七成熟，肉質也不會很鞋，有羊味👍🏼小食拼盤同埋焗龍菇，味道正常最最最令人驚喜的是香蕉pancake😍😍😍真係好好食，可能是即叫即整， pancake一點也不乾，加上朱古力醬（朱古力醬不會過甜，本身不是十分好太甜的東西），這個pancake 10分適合我食，有8塊每人分到兩塊，分量剛剛好😁😁10分滿足的一餐飯👏🏼👏🏼👏🏼👏🏼👏🏼

今日同兩個女去食飯，見到呢間平時成日經過嘅Say Chhese，終於決定去試吓，心諗，一定剩係得芝士嘅菜式先至係主打，但係我哋本身對芝士都唔係特別喜好，所以都唔會抱有乜嘢期望，其實越冇期望反而會更加有驚喜。因為我同兩個小朋友嚟食，所以份量都唔會叫太多，我地點左個二人套餐，再加多一份Kids Meal。二人套餐我哋選咗一個紐西蘭肉眼扒，加多一份卡邦尼意粉，kids meal就選咗肉醬意粉拼薯條同埋炸雞塊。紐西蘭肉眼扒我哋叫咗七成熟，原本心諗佢哋呢度係食芝士為主，肉眼扒應該點樣出色，但係正好相反，肉質豐富，配上燒汁味道都唔錯。至於個卡邦尼意粉，我哋明白呢間鋪頭已芝士出名，但係芝士味非常之重，又無原本卡邦尼汁嘅Creamy 感覺，食咗幾啖因為太「陋」嘅關係食唔落去....有D浪費。除咗個肉眼扒之外，剩係得個kids meal可以食得晒....因為都係我個女鍾意食嘅嘢😅

同朋友去了將軍澳中心食，西餐平時都偏向貴😂但這一間都好抵食👍🏽他的二人套餐非常好。餐廳環境光孟乾淨又坐得舒服👍🏽服務又好好，不會嗌極無人來☺️因為我同一個朋友食所以我地選擇了二人餐😋二人餐包湯、飲料、蒜蓉包、雪糕😋😋☺️鮮果冰茶(他的味道好似果然係茶既味，係非常似😂同其他餐廳的鮮果茶不同。）不要湯的話可以轉沙律🥗野菌忌廉湯(要入味勁好飲👍🏽）蘆筍虎蝦天使麵（天使麵口感有彈口😋口落似米粉感覺，需然話係辣但唔太辣，食落味道有d 似加了Tabasco😂蝦就正常唔黐肉😋）香煎三文魚扒（我哋選擇了三文魚扒☺️煎得剛剛好，表面皮口落不會有蕉味👍🏽肉質保持到三文魚味道。唔會乾，值得一試😋😋正)最後仲有movenpick既曲奇雪糕食😋😋正正正成日二人套餐加埋先需要$358，但視乎返你叫那一種主食來定價。👍🏽

一家人去將中吃飯 選中將中這食店 裝飾不錯 行型格黃色風格 門口甜品看起來很吸引 叫了3份主食燒BB豬立骨，份量足夠，雖然有點偏甜，但很松脆，肥而不賦，對肉食偏愛者吃起來很有滿足感！香煎鵝肝意大利飯，本人覺得可稱本店的招牌菜，鵝肝入口即化，香口宜人，意大利飯粒粒和很香的配料結合在一起加上可口的鵝肝成為一份很絕配的主菜！醃三文魚，鹼淡適中，配上有點甜味的忌廉扁意粉，吃起來有點甜中帶甜加上濃郁的忌廉味道，感覺此道菜配搭很好！

同閨蜜一起🙂🤭就是吃吃吃和吃。今次係我個食盡天下無的黑松露gei 閨蜜推薦黎呢度食野。帆立貝黑松露意大利飯> 果然無介紹錯，個黑松露意大利飯果然好黑松露呀！黑松露味道好濃香，d飯真係煮到啱啱好，佢只做呢個價錢絕對係係物超所值，唔浮誇，佢可以媲美好多五星級餐廳嘅質素。蘆筍虎蝦天使麵> 隻蝦大到有d誇張，本身天使麵真係係好難煮，但，佢控制得啱啱好，個麵底食落仲有麵粉香，大愛。 香草燒春雞>勁Juicy，個雞皮又係我鍾意嘅口感，下次我地要叫全隻先夠分唔使爭食lol 朱古力雪糕班cake> 唔多講，淨係個班cake底已經夠贏曬。

將軍澳有好多不同種類的餐廳，我咁為食當然每一間都會去試下， 今次到Say Cheese吃晚餐， 其實我開頭係畀佢哋嘅甜品吸引。 店內裝修以木製為主， 廚房用開放式設計， 再看看餐牌上的食物種類， 可以散叫和套餐， 當晚我點香煎鵝肝意大利飯$128， 鮮茄忌廉汁雞肉長通粉$78（加$28 配餐湯和飲品， 凍檸茶跟餐價加$3）， 最後我要挑戰這個八層高的原味班戟層層塔，香蕉及雪糕$82。香煎鵝肝意大利飯🍛～ 意大利飯烹調得很煙韌， 鵝肝煎得剛剛好， 外脆內軟好 juicy。鮮茄忌廉汁雞肉長通粉🍝～ 雞肉冇雪味， 鮮茄忌廉汁酸酸地好開胃。原味班戟層層塔，香蕉及雪糕🥞～ 終於到最期待的八層班戟， 班戟做得又香又軟熟， 配上焦糖，香蕉和雪糕， 口感豐富， 絕對值得一試！餐湯🥣～ 蕃茄湯反而味道偏酸。凍檸檬茶🥤～ 味道正常， 不算太甜剛剛好。整體而言個人感覺say cheese 的食物質素 中上， 絕對要試下這裏的八層班戟， 員工的服務質素也很好， 價錢適中， 下次我會再來這裏食其他菜式。

這裡的座位好舒服，好寬敞，邊聽著好relaxing的音樂，心情好好的在挑選menu上的食物。我們點了2人餐，先來兩碗蘑菇湯，好好喝喔，湯裡面滿佈著蘑菇粒，都是新鮮蘑菇。蒜蓉包塗了好多牛油，烤得金黃色的，得趁熱吃，好香脆。10安士的紐西蘭肉眼扒超級大塊，比我的臉還要大！點了五成熟，不過偏熟，好香的牛肉味，牛扒好juicy，很容易咬開，不錯。三大塊薯仔沾滿了牛扒汁，好吃😋香煎鵝肝意大利飯，鵝肝同樣好大塊，zRisotto 的汁好夠，飯粒好有咬口。鮮果冰茶甜甜酸酸的，很開胃，好喝！最後以每人一球濃郁的Vanilla 雪糕為今晚的晚餐劃上句號，滿足了。連加一後，四百多元吃到鵝肝、肉眼扒，這裡的二人套餐真划算！

吃貨又夠鐘食飯，今次試呢間say cheese, 主要食西餐的，食物質素非常唔錯，個燒春雞嫩滑多汁！推薦！ 個黑松露燴飯又係正既！ 重頭戲係飯後甜品飯後甜品，我選擇咗呢一個野莓狂想曲蜜糖多士磚好好味， 整體嚟講 服務非常好 食物質素好 環境都ok✔️

同姥姥👩🏻‍🦳食，梗係又要搞下新意思啦👻今次帶佢食西餐🙆🏻‍♀️來呢度梗係要食芝士🧀啦！1️⃣ 火焰卡邽尼意粉🔥 $108濃濃嘅芝士味🧀充斥著每一條卡邽尼意粉，愈食愈入味！另外仲有煙肉同蘑菇🍄令意粉🍝更有口感！平時食完卡邽尼意粉好容易口乾，不過呢個完全冇呢個問題。🙆🏻‍♀️美味指數:7.82/102️⃣ 香煎鵝肝意大利飯 $128香煎鵝肝煎到外層油香味好出🤤咬落去果下真係外脆內軟，唯一係冇入口即溶嘅感覺！意大利飯都相當有驚喜🥰唔會好似出邊有d餐廳咁濕到喊，佢仲保持到飯嘅質感微微硬身，好有咬勁😋仲要好creamy好rich，但係又唔會好膩！🙆🏻‍♀️美味指數:8/103️⃣芝士焗雜菌 $52焗過嘅雜菌唔會太乾身，外層嘅芝士保住咗雜菌嘅水份。芝士味淡淡地幾健康!🙆🏻‍♀️美味指數:6.12/104️⃣套餐優惠 +$28蘑菇忌廉湯🥣+咖啡☕️蘑菇忌廉湯🥣 蘑菇味好香，唔會係出邊茶餐廳開粉果d，超滿足！咖啡☕️就奶味較出。🙆🏻‍♀️美味指數:7/10💡整體來講，跟住我食呢d嘅話，性價比幾高!服務態度非常好!!!Say Cheese🧀地址🐾:將軍澳唐德街9號將軍澳中心1樓173號舖

今日同爸爸媽媽同女女去將軍澳中心行街，經過一間光猛的餐廳。店內裝潢簡單得黎又不失特色，感覺好young好energetic。而且，佢係開放式廚房設計，離遠已經傳黎陣陣美食香味。。就係咁,我地決定左入去試下。一行入去，店員立即拎住張bb high chair跟住我地, 感覺希望我地坐低前, 小朋友已經有位坐, 招呼真周到。不過我地小公主話唔要, 要坐卡位。跟住，店員叔叔就放低好齊全的兒童餐具，有叉，匙羹，碗，杯。叉同匙羹仲要係Edison的!!我地叫左香草燒春雞(全隻)$148，紐西蘭肉眼扒(10安士)$168，咖哩豬扒飯 $78，煙三文魚白汁扁意粉 $88。香草燒春雞(全隻)$148，推介。皮薄，又香，又超脆。肉嫩。囡囡都好中意, 食晒兩隻雞脾, 味道不算太鹹,小朋友都岩食。紐西蘭肉眼扒(10安士)$168。好大塊，都幾厚。叫左７8成熟，平時怕食生野的家人都中意食，話食唔到有雪同生味。另外有幾舊薯仔同配菜。咖哩豬扒飯 $78。飯量正常，普通一碗。不過豬扒又係厚切。咖哩汁係日式風味，夠濃味而唔辣，用汁送飯超正！煙三文魚白汁扁意粉 $88 。煙三文魚好大塊，仲有幾塊。意粉睇落好乾身，好似