Say Cheese (將軍澳中心) (Closed)

最近心血來潮想吃窩夫，晚飯過後就來這間say cheese 試一下甜品和小食。有很多朋友試過這個餐廳評價只是一般，所以沒有很大期望，只是純粹滿足一下吃窩夫的口慾。點了一個草莓窩夫，但是窩夫比預期好，有很香的牛油味，忌㾾幼滑而不甜膩，有淡淡的奶香！唯一不足是附送的冰淇淋口味不能自選（其實不清楚能不能，但店員沒有詢問），看到是芒果口味時失望了一下，希望店方可以改善一下此方面。還點了一杯草莓奶蓋，雖然看起來很迷你，其實一人份量是合適的。飲品味道尚可，奶蓋厚重濃郁。最後是一口炸芝士，味道是非常好，但是比較貴，5粒炸芝士已索價愈$70，是比較貴的。相對下甜品的性價比較高。

今日黎開將軍澳做嘢，老婆就揀咗呢間嚟食。整體味道都算幾好，我特別鍾意黑松露芝士薯條，係粗薯條黎，配埋個醬，真係食唔停口。大部份菜都係有芝士，都好食，不過就唔叫好特別，價錢適中，服務都不錯，見我舉手，連清潔姐姐都黎招呼我，叫我唔好意思等一等，仲叫個侍應黎，真心欣賞。

星期五晚嚟到將軍澳搵嘢食，見到呢間餐廳主打芝士，望落幾吸引，決定今晚就試吓呢間餐廳我地大約七點嚟到，餐廳當時唔算多人，唔使等位，可以直接入去坐低，點知後尾食完走嘅時候出面好多人等位睇完餐牌之後，我哋決定點二人餐二人餐跟兩個餐湯，我哋揀咗法色龍蝦湯和甘筍湯，甘筍湯有好濃郁嘅甘筍味，杰身，一啲都唔浠，好味二人餐嘅小食係四選一，我哋揀咗黑松露芝士薯條。黑松露醬係另上，有別於出面餐廳個醬淋喺面，薯條炸得鬆脆香口，上面有一片片芝士碎，混埋黑松露醬幾好味。如果芝士可以熱溶舖係薯條上面，就更加好啦意粉/飯都係四選一，我哋揀咗王牌嘅火焰卡邦尼意粉，意粉入面有蘑菇同埋炒香左嘅煙肉，都食到有芝士味嘅，不過唔算好濃郁，整體唔錯主食方面我哋揀咗黑安格斯肉眼扒10安士，七成熟。肉眼扒煎得幾香唔會過熟， keep到juicy既口感 如果配菜可以多啲就更加好啦呢個套餐仲包兩杯飲品，我哋揀咗美式熱咖啡同埋熱檸水。二人餐來講呢個套餐都幾豐富，下次經過將軍澳可以一試。

今日同朋友去食dinner,見到呢間叫Say Cheese嘅餐廳,就走左去試下😂😂😂😂不過我地叫嘅兩樣野食就真係比較普通一樣係熔岩芝士雞塊佢嘅份量比較少，芝士亦唔係好多，所以唔係話特別抵食😂😂佢炸係炸得啱啱好，但味道就淡左啲同埋水份偏多，所以呢個唔係特別推介另一樣就係千島醬煙燻牛肉雙重芝味焗飯，呢個飯就不過不失，蕃茄味頗濃配埋啲芝士同牛肉食落味道都唔差但就無咩特色😂😂😂 不過佢話佢嘅甜品唔錯但我就無試唔係好知😂可能下次會再去試下佢個甜品，但主食就未必想試多次啦😂😂😂

Say Cheese，記得第一次去時，真係覺得佢服務好，環境好，食物又好。但係第二次去時，竟然比我食到鋼絲（洗碗果D）；雖然食物同服務都重係好好，但都足以令我有段長時間冇去。果篇文章，重要比Openrice拖左幾個月先Show出黎，連我自己都睇唔番D相。今日，因為朋友話想試，而我又覺得，其實依間野真係好味的，重價錢係合理的；所以就再去啦。因為有小朋友，店員都好好人咁安排我地坐最大張的卡位。可惜有朋友遲大到，約11.30佢12.20先到；即係呢，我同另一個朋友坐左差唔多成個鐘都冇叫野食，店員都冇催我地，其實真係唔錯。等到人齊就叫野食啦，雖然我地有6個人，但係有三個係小朋友呢；所以只係叫左4個餐。餐飲跟沙律，唔知點解，竟然冇人叫餐湯，唔知係咪女仔都係鍾意沙律多D呢？餐飲係西柚橙茶，幾好飲；沙律冇特別，但落醋唔係落沙律醬，健康D，真係岩女性多D。我同朋友都點左漢堡，依個漢堡有大大舊菇係入面的，粒菇好好味。不過漢堡有D大舊，我冇可能一啖啖咁咬；所以我都係分開左一邊包皮連菇食，一邊連漢堡牛食。菇，真係勁好味，但塊牛有少少乾；我諗如果可以一啖啖咁一次咬晒菇同扒咖哩豬扒飯，朋友同佢仔仔都話好好味。我

赤口當然要出街搵人食飯，友情考驗下。將軍澳中心大部分食肆初三都有開，見呢間個名咁有創意，而且我地咁鐘意食芝士，所以就揀左呢間。諗住小試牛刀，於是3個人叫左個2人餐share。水果茶太甜，得塊檸檬，hea左少少。Mövenpick咖啡吾洗加錢，吾會太苦澀，夠熱，中上。蘑菇湯特濃，但咸左少少。個扒有根，肉味ok，但口感一般。薯條份量足，炸到香脆而不油膩，可惜芝士就咁餔上面，同薯條融合吾到。黑松露飯煮得夠熟，淡啖黑松露味，味道好岩我地。埋單$405 性價比還可以。

I say one two three four .....年三十晚莉莉子走入奧海城探朋友，順便行下商場買下衫過新年。奧海城地下係無印良品，另外仲有大食代同餐廳，話說莉莉子同媽咪行左半個鐘發現有一間台式特飲店- Say cheese！Say cheese 似乎係一間港式既飲品店，莉莉子見到餐牌上又有水果茶又有奶綠奶茶，仲有飯選擇，都將有特式莉莉子叫左杯招牌既水果茶同炭燒烏龍奶茶，水果茶比起其他品牌相對無甘甜，而且橙汁味道較濃，相信應該係調味比例上用多左濃縮橙汁，而水果茶仲加左西柚皮、蘋果片、百香果等等。至於媽咪既炭燒烏龍奶茶，一入口炭燒味好重，原來師傅會預先用火槍燒d茶葉同奶茶，非常香滑，煙燻味重，真係要推薦

環境理想，地方少人，尚算靈靜。但背景音樂過於憂傷，令人不想久留。食物味道參差，午餐餐牌沒有推薦的食物強差人意，芝士焗雞王飯味道尤如學校飯盒味道，令人失望。不過，慶幸還有叫一碟黑松露忌廉汁意粉味道還可以接受。餐具沒有清洗乾淨，給我一杯熱檸水，但匙羹有多處污漬，最後要換一杯新。甜品有movenpick雪糕可選，但配料只有四類，而且都是早餐穀類和綿花糖，實屬可惜。服務員不會互相提點，不是服務員的見我舉手一分鐘也不提其他人來serve。

朋友帶去，個位置都幾入下，平時行開都係popcorn ，pop walk 食多，雖然唔係話咩勁靚餐廳，但門口已令人覺得好舒服，位又大唔會迫住，有小朋友好岩去，因為 kids meal 岩食份量又唔會過多，價錢都只係$58。食物唔錯，服務又好，環境都唔錯，過開tko，係一個好選擇，唔洗留係pop corn同人迫 叫左個四人餐六百幾，個龍蝦湯就咸左啲，牛扒三成熟都幾ok, 雞又唔鞋。兒童餐兩款，目測白汁好過紅汁，個辣既麵真係好辣。另外甜品至岩小朋友，大人都食得開心既。

今天中午來到將軍澳中心商場個西餐廳say cheese“用膳，此店已開業一年有多，假期經常爆滿，平日較容易揾位，且有午市套餐，味道不錯，今次我點了海鮮忌廉汁芝味焗飯，包餐湯和檸檬茶，餐湯是南瓜湯，味道香濃，海鮮焗飯，材料新鮮，包括大蝦，青口和蛤，。上美味的芝士焗至金黃色，雖然飯底份量少此些，但味道相當不錯，太太點了蜜糖芥末煙熏牛肉番茄牛角包配薯條，牛角包鬆脆不肥膩，煙熏牛肉入味，配以蜜糖介末，非常可口，炸薯條亦相當香脆，埋單151，都算合理。

星期天到將軍澳考試，lunch break 經過say cheese ，色彩繽紛的裝飾很是吸引人。午市除了可點set 外，亦可以單點；大部分lunch set 都不用$100，可以選擇餐湯或沙拉，加$8可加熱咖啡。餐湯：南瓜忌廉湯，不過不失熱咖啡All day breakfast ，份量材料和價錢相若，茄汁豆下的蘑菇還不錯。

在將軍澳行街，想找個地方坐下，又唔想食太飽，於是揀咗間有得食甜品嘅餐廳，見好評多，所以就來試下。來到餐廳嘅時候唔洗等位，又7成full，都有D信心保證，餐廳嘅裝修都有D特式，不過每張枱有嘅果盞燈就有點刺眼，剛好在視平線高少少，如果可以再高一點或低一點就好了。今次叫咗個all day breakfast同心太軟。all day breakfast 入面我試食咗磨菇，好少會有原粒太磨菇，好juicy好味！等咗一陣，我嘅心太軟終於來了，賣相已經非常吸引，而且同出面的價錢差不多，好像是58蚊，個份量大1倍有多！而且是熱騰騰，入面真係流心，絶無欺場！以後有機會都會再喺食過，好回味！

在將軍澳中心搵到這間餐廳，有位友善，熱心的職員（應該是經理來的）為我們安排助位。環境舒適，整潔，食物也不錯，飲品中的奶蓋系列也很值得試試。而今次下午lunch來第一次試甜品, 質素很好，賣相也相當不錯，與餐牌所示並無出入味道更是值得一讚

食個＄300up2人set dinner,龍蝦湯系甜，黑松露意飯d汁底似敷喺面ge海底泥咁槳糊，唯一吾伏系薯條🤣🤣⋯⋯除左個燒春雞系冇苦味之外，其餘都有苦味，吾好乜都放黑松露，以為好高檔，但好難食呀😡最後叫甜品，只有雪糕，笑左🤣🤣吾食吾知，食過先知乸晒野😤😤⋯⋯😡😡⋯⋯😒😒1餐飯仔＄300up系好平咋，已乜刀剩响度😤😤😤😤😤😤😤😤😤😤😤😤😤😤😤😤😤

聖誕節將軍澳shopping, 一心都係諗住行到邊食到邊。 結果就行到嚟呢間 Say Cheese。 原先, 我完全唔認識呢間餐廳, 後來發現原來佢都好多分店。經營者都幾有心機, 裝修、擺設、佈置、餐牌設計都好靚, 感覺令人好舒服, 好時尚。有好多餐廳係聖誕節嘅時候都必定「只會提供」聖誕節嘅節日餐。但呢度好好, 佢哋冇強迫客人一定要消費聖誕節嘅節日餐。我哋選擇咗 a la carte 散叫咗幾樣嘢食。<炸魚薯條> 炸魚薯條小朋友最鍾意。外面炸得金黃香脆, 裏面嘅魚柳亦好鮮嫩, 唔會炸到乾爭爭。薯條亦好味,又冇油淋淋。<烤bb豬肋骨> 豬肋骨好味, 媲美D字頭嘅美式大餐廳。 豬肋骨容易切, 又多肉。伴菜嘅baby薯仔都值得一提, 好味、入味、又爽口。唯一一個缺點就係: 如果個(點嗰個)醬汁都係熱就好喇。<香煎帆立貝黑松露意大利飯> 味道香濃, 好香野菌及黑松露嘅味道。帆立貝嫩滑新鮮味美。意大利飯烹調時間剛剛好。俾小朋友用嘅木製餐具好精緻、好得意。食完飯, 小朋友仲可以喺一個籃內攞一年聖誕小禮物𠻹。又有一啲小頭飾俾小朋友戴, 小朋友好開心!