四喜麵包西餅

Open Now

Now Closed

今天去左MCL睇戲，時間唔夠食正餐，只好週周圍行下睇有有咩買黎食。剛好見這間麵包舖，就買左個咖喱牛肉包同芝士火腿千層超好食，特別係咖哩牛肉包超有驚喜 可惜食完先想起未影相

自從之前食過四喜嘅月餅之後，一直好想再幫襯下小店🥰 點知天意弄人，某星期日去完D2 Place市集，專登行過去，點知原來星期日唔開🥺 今次平日經開長沙灣又再過去😚終於買到啦🥳🥳🍫 泡芙 ($15/2)泡芙勁大個好吸引😍😍有分原味皮同朱古力脆皮，而餡就一樣嘅🤣 每樣要咗一個，泡芙外皮唔算太酥軟，所以有朱古力脆皮既加持下會比較出色🤪入面似普通舊式麵包舖嘅蛋糕cream，就唔算好驚喜😛 但就真係超級大個，食一個都好飽😂有機會都想再試下小店既蛋餅😋😋好似都幾多好評😍

上網見有人推介呢間長沙灣街坊麵包店，咁啱經過就買嚟試試啦。店內裝潢充滿舊式麵包店風格，不過光線就暗左啲啦😂今次無買麵包，試左佢地嘅甜品大福先～🔸 大福(芒果味/朱古力味) (HK$14)雖然叫大福，其實都可以叫雪媚娘😆出面層糯米皮煙煙韌韌，因為皮偏薄，容易痴住出面張紙，要好小心咁meet🤣入面好多cream，無論係香味定口感，完全就係港式傳統個種忌廉味(大家應該想像到😂)。就睇你個人中唔中意呢款風味嘅cream啦～芒果個款，入面搭配原味海綿蛋糕以及芒果果肉🥭果肉唔算超多，不過勝在幾甜。而朱古力個款就入面係朱古力cream同朱古力海綿蛋糕，食落就單調左啲，如果有埋黑林林蛋糕個種啫喱就更正啦🤪

💛 四喜麵包西餅•想試呢間好耐果然冇令我失望🥰一路拎返屋企嗰陣都聞到好香😻仲要一打開都幾大個❗️返到屋企焗返佢嚟食，一出爐 勁香🤩🍤兩個個酥皮嘅厚度覺得啱啱好！🥰薄薄地，就唔會好油，又唔會有油益味😋❶ 西蘭花鮮菇蛋批 $22西蘭花唔算好多🥦反而就有好多冬菇！而且啲冬菇係有啲菇味添😋雖然有啲喺面頭焗到乾左啲但都好食🤣又有啲喺中間仲有啲冬菇肉感🤣食真啲，個蛋都竟然食到有少少蛋味🍳仲要啲蛋一啲都唔老❗️都算係幾嫩🤤❷ 三文魚蛋批 $26啲三文魚喺哂尖尖位，而因為好多三文魚堆左一齊所以第一啖就好鹹🤔雖然個三文魚都好鹹下🥴但如果分返開唔痴埋一舊，成個味就岩岩好😚仲有好多切左一條條嘅洋蔥🧅而三文魚+清甜嘅熟洋蔥+酥皮一齊食，成個口感好豐富🥰三文魚批嘅雞蛋反而就咁食就會feel到有啲水出左黎 可能因為洋蔥都易出水(?!)🤣不過整體黎講都係好好食！😆整體嚟講🌟兩個批都好足料調味幾好🥧好食！🥰

呢間麵包店係我返工附近，每朝早都一定要買佢哋一個包返去食。🌕菠蘿油呢個係我最常買嘅包，因為真係好好食。菠蘿包個皮好脆，麵包鬆軟 ，牛油都好大嚿。如果唔鍾意食菠蘿油嘅朋友仔仲可以試吓菠蘿包。

建議：食前焗一焗，再攤一陣先好食😋個皮鬆脆好多👍一餅難求既四喜，今年多左好多渠道買到，仲分左4個時段送貨。一衆試伏專員一齊夾單，幫襯左同人辦館~7月訂 😂 大家都記錯以為揀左A時段8月尾有得食，但其實係訂左D時段，9月尾先有😌 等到頸都長， 終於等到四喜既來臨👏🏻👏🏻今日先試 花生醬月 同 伯爵茶月，細細舊開心 share 唔覺膩 🤗 放入焗爐之後，阿媽👩🏻不斷話：嘩，姐係食一啖花生醬姐，有咩特別~點知砌開，已經率先食第一舊😌💆🏻‍♀️阿媽👩🏻食評：伯爵茶月，有伯爵茶味。花生月好濃花生味。(結論係阿媽既評價夠直接。唔知大家既阿媽係咪都係甘🤣💆🏻‍♀️)入番正題 🌝： 伯爵茶月，第一次試😳 真係好香伯爵茶味，食完過左陣仲有啲茶味係口🤤 食落唔會成口油，好想食多個👍🤩花生醬月，作為花生醬控🥜真係必食~ 好好味呀.jpg ☺ 唔知大家有無食過花生酥，細細個成日當零食食，依個🥜月既餡就係花生酥味

-{黃店💛長沙灣餅店😛}呢粒大福係我食lunch之前買嘅😂佢賣相同價真係好吸引😋買完即食😎🤤朱古力大福🤤 ($14)勁大粒而且價錢好平🥰入面好多朱古力cream朱古力海綿蛋糕同埋朱古力粒 糯米糍皮係薄嗰種但超級煙韌😍就咁齋皮已經好好食☺️👖褲評: 8.3/10咁大粒仲要咁平真係唔話得 當日係年三十晚得返好少野 希望日日都咁好生意啦😆好想試佢哋嘅平價蛋糕~性價比: 8.8/10服務: 8/10環境: nil🚩四喜麵包西餅🚩地址: 長沙灣青山道500號百美工業大廈地下B6-8號舖

星期六因為要去長沙灣的工業大廈拿點東西，所以走之前就順道去了 四喜麵包西餅 買下午茶&早餐。說來在這前還只是吃過這間的月餅呢 今次終於是買了其他來吃吃看囉！葡撻 ($8) - 外層很酥脆，吃起來不會很油膩。蛋味香甜，一次吃兩個也沒有問題！菠蘿包 ($5) - 味道來說就普普通通吧但皮上的脆皮倒不像平時的那麼容易掉落。朱古力酥 ($12) - 可能是放了一夜的關係?!口感變得有點韌，而且朱古力是一片片的，感覺要是朱古力醬那種應該會開心點？咖哩牛肉包 ($8) - 沒想到這個的咖哩那麼辣！但很惹味很好吃 (*´з｀*) 內餡也很豐富！除了這些外，還有袋裝麵包 、曲奇之類的，如果下次再經過可以試試其他。

四喜係出咗名嘅良心麵包店，雖然位置吊腳，喺荔枝角站出仲要行多一段路才到。但經開的話，就一定要買來試下。個人非常推薦呢個伯爵茶合桃包，因為真係好好食。佢嘅伯爵茶味道超濃厚，配上淡淡的蜂蜜甜味，味道好夾。麵包鬆軟，但絕對唔係空氣包，而且入面重有粒粒合桃，加強左個包嘅口感，而且d粒粒合桃都好香脆，完全冇油溢味。呢間店舖除咗賣麵包之外，原來仲有好多其他產品，例如:蛋批，甜品，曲奇，沙律等，下一次可以買來試吓。不過去前最後睇下開店時間，同太晏去可能俾人賣晒。

泡芙($8)雖然大件，但幾難食個表皮有少少燶咗搞到有啲苦，入面完全係蛋糕嗰啲cream，所以漏得黎又冇味，同自己平時食開嘅泡芙完全係兩回事黎，呢個真係唔知食緊乜，如果好似我咁唔鍾意蛋糕啲cream就建議唔好試個朱古力嘅包唔太甜，上面灑咗少少糖霜，食曬成個都唔會覺得漏，都ok可試煙肉洋蔥蛋批真心唔錯返屋企再整返熱更好食，如果再有機會經過呢間店會試埋其他味個蛋批好厚實，煙肉唔會太咸，大件得黎抵食，自己食一件做早餐或者下午茶已經會飽芝士條就普普通通

聖誕當然要吃聖誕蛋糕🎅🏻 買蛋糕送了聖誕老人裝飾，好可愛呢😍士多啤梨蛋糕 （迷你$68）三個人吃剛剛好。四喜餅店是一間傳統💛餅店，除了蛋糕外，還有不少麵包，很好吃的，價錢不會很貴。除了士多啤梨蛋糕外，還有黑森林蛋糕及雜果蛋糕，蛋糕甜度適中，咬落鬆軟好吃，咬下去中間還夾了少許士多啤梨，忌廉好多😋😋。 裏面還有曲奇，不同類型的麵包，cake，方包，價錢是跟普通餅店差不多，但是麵包的款式很多，我還喜歡吃合桃方包。

路經荔枝角一定要幫襯的麵包店， 由於店內有太多選擇，除麵包之外還有沙律和蛋餅及甜品，但因為已經食左中午飯，今次就買住曲奇和泡芙試試。曲奇我買了最小份量，20元，大約有8至9塊，我要了朱古力味和綠茶味。曲奇是正方形的，口感是脆口紮實的經典口感。朱古力曲奇， 唔甜有少少微苦，餅入面有粒粒朱古力， 如果鍾意食苦朱古力這個應該會啱你。綠茶曲奇， 有淡淡綠茶味入面有粒粒朱古力,但朱古力粒粒太濃朱古力味，變咗朱古力味重個綠茶味，但整體都好食泡芙大大件，外層夠酥脆，內裏的忌廉就是普通蛋糕上的忌廉 ，味道普通，但性價比高， 8元一件，15元兩件 ，值得一試。這麵包店還有很多種類的食物選擇，絕對值得再幫襯。

生日蛋糕唔一定要食無良心鋪頭既，其實同路既都有好多選擇☺️今次就試下四喜先😋·10個人訂咗2磅藍莓芝士腰果蛋糕，都喺係openrice先見到呢款蛋糕，有腰果好特別呀！問咗師父好彩都整比我哋😊，有芝士蛋糕食🤤·蛋糕味道都唔錯，原來腰果喺餅底，好鬼正🤤🤤，加咗腰果好香口呀☺️☺️，蛋糕個樣仲好靚仔💛生日牌中文可以寫15個字，我哋都用得好盡下，辛苦晒🙏🏼

今天同朋友睇完戲行過，朋友見到四喜即刻話去買包包，我見有煙肉洋蔥蛋餅同西蘭花蛋餅，望落好厚實，咪一樣買一件返屋企做晚餐，一焗爐返熱後，煙肉味香噴噴，西蘭花超大舊仲好香黑椒味，蛋味豐富真心推薦！

之前中秋節，大家都好鍾意食四喜月餅，今次就試吓佢哋平時整嘅餅同麵包啦！.🔷鬆餅口感較乾較厚實，提子鬆餅還好，朱古力味嘅粉味好重，一般般。.🔷蔓越莓五穀包($15)⭐️推介！！估唔到佢咁軟熟！蔓越莓，五穀份量唔算多，但麵包真係好軟熟好香。.🔷曲奇 ($20 1/4磅)🔸黑白芝麻曲奇食咗好多芝麻醉，好有口感，口感較脆較多微粒。🔸杏仁曲奇⭐️奶味重，有少量杏仁碎片，鬆脆。🔸腰果曲奇真係成粒成粒腰果咁樣擺入去，口感硬身啲，冇咁重奶香味。🔸綠茶朱古力曲奇⭐️好多粒粒朱古力，朱古力粒硬，餅滲出淡淡綠茶幽香。🔸朱古力曲奇滿滿既朱古力粒，口感較厚實。🔸牛油曲奇唧花曲奇，超鬆脆，一咬就好多碎跌出嚟，牛油香味重。