四喜麵包西餅

Open Now

Now Closed

呢間餅舖好多唔同類型嘅特色食物✨今次試咗三款 全部都好唔錯 價錢合理👍🏼本來想試埋燒餅 不過~5:45去已經冇晒 唯有下次P.s. 佢哋都有出月餅！大家有興趣可以訂～-🥚【三文魚蛋批】$26好少見有餅舖賣蛋批 一見到即刻買咗🤩返到屋企再焗熱食～蛋嘅部分單食有蛋味 不過一食三文魚就完全被蓋過///🙈三文魚正！似煙熏三文魚 少少鹹香味👍🏼 份量都幾多不過分佈有啲唔平均 尖尖位比較多 近批邊冇乜🙈個批入面仲有少少洋蔥～批皮係酥皮蛋撻個皮 酥脆😋整體值得一試✨　-🧈【泡芙】$8/1 $15/2呢個泡芙真係超級巨型(大過我拳頭) 呢個價錢真係好抵🤩個泡芙幾正 外層少少脆 入面多cream 好足料😍 唔太甜👍🏼最鐘意加咗朱古力漿 令個味冇咁單調～-🍫【黑松露朱古力】$4/1 $20/6呢個朱古力真係超！級！軟！滑！🤤一粒一個人食其實都幾大&夠（再食就漏😂朱古力味好濃 甜度適中 對我啱啱好～-✨推薦指數：8.5/10

每次經過四喜一係冇關門，一係就太遲去賣哂🙈今次近6點半去到，門前排了一條人龍，店內已經賣哂批同麵包，但原來客人係排隊買曲奇餅🍪呢到除左出名法式蛋批、松露朱古力之外，曲奇都係佢地既招牌之一，有好多款味，如：朱古力、抹茶朱古力、芝麻、咖啡、腰果、合桃等等，$20有1/4磅、半磅就$38，我見好多人都一磅磅咁買😆朱古力曲奇比較硬脆，唔會好甜，仲有一粒粒朱古力粒，每塊都好完整，合桃曲奇就係花朵形既牛油曲奇，放入口真係入口即化🤤唔好用力，馬上粉碎，油脂感唔重，非常酥鬆，香氣很重，攞上手都唔覺油，兩者比較我更喜歡合桃曲奇👍🏻

Food review-四喜餅家 Quiche究竟 Quiche中文名係咩？蛋撻？鹹蛋餅？😂味道方面，兩個字「好吃」。熱騰騰送到手中，就算搭了一個小時車還溫溫的。很香蛋味和芝士味，非常搭(不得不說比起英國著名超市的 Quiche 還好吃)。我選的是素食選項，有西蘭花🥦＋蘑菇🍄，兩種的料都非常豐富，嚐得出餡料非常新鮮。四喜還有其他口味 Quiche，例如三文魚/芫荽/香腸等。口感方面，不是滑蛋質地但一點都不乾。蛋嫩的口感與配料相搭。最讚的是外皮酥脆，酥皮沒有油膩的感覺，很脆很香。唯一沒那麼滿意的是酥皮底，因為有蛋漿壓著所以不酥脆，而且很容易跟蛋分離（可能因為我用膠叉）。整體而言，好吃，$22一大個，性價比高。記得要提早去，中午時間很多人排隊買。營養價值：🌕🌕🌕🌕🌗1個大quiche 含所有主要營養素。碳水（酥皮）、蛋白質（蛋/配料：三文魚或肉類）、脂肪 （配料：三文魚＋維他命 / 礦物質（蔬菜配料）雖然酥皮好吃，但也含飽和脂肪。常常吃、吃過量對血管有害，增加患高血壓、心血管疾病、中風等風險。不過為了這個美味 quiche 我甘願冒險😂開心指數：🌕🌕🌕🌕🌕會不會再食同款食物？當然會，下次試

最近黎開呢頭第一次試呢間麵包店作為麵包控嘅我終於試到了！方包好鬆軟！！好綿密！🍞🍞價錢仲要一啲都唔貴 又抵食又好食 完全唔想再食連續店嘅麵包🤣曲奇嘅味道好好 啲朱古力/果仁都好好食最中意係芝麻！真係好多粒芝麻🥰口感特別不過食多幾塊就會有啲油膩🙈平時好快賣哂嘅蛋批難得比我買到兩件返屋企翻熱後食真係好好食～我當lunch食覺得幾好 如果當早餐就應該太heavy了食左三文魚味+火腿味 配料好足！外層係酥皮💛💛又有蛋又有酥皮其實唔會唔好食🤣🤣🤍如果屋企附近都有咁平咁好食嘅麵包舖就好🥺🤍

唔知大家認識四喜係咪因為之前中秋佢出個啲月餅呢？🤣不過我係佢出月餅之前已經bookmark咗佢，因為我比佢個蛋批吸引咗😋🤩🤩.🐟🥧芫荽三文魚蛋批 $28其實我唔鍾意食芫荽😩係買比朋友食。我食咗一啖，都幾重芫荽味， 你仲會食到一條條嘅芫荽😵‍💫📣歡迎鍾意食芫荽嘅朋友試試佢🧅🐟洋蔥三文魚蛋批 $26整體個蛋批嘅蛋味唔算超級濃，但係幾滑。調味都啱啱好，特別係如果你食到啲煙三文魚，仲會有啲鹹香味😋😋不過我覺得三文魚嘅份量有啲少，成個蛋批都係幾舊仔😭😭😭洋蔥就甜甜地，有啲汁，有啲配料咬下🤪 .🥦🍄西蘭花鮮菇蛋批 $22呢款對比起三文魚少咗一種鮮味，不過餡料都會多啲！西蘭花味幾重，鮮菇都幾多又有咬口😋🍫🍫松露朱古力 $22@6❤️‍🔥大愛❤️‍🔥 我嗰日大約一點幾去到，佢啱啱返貨，毫不猶豫買咗一盒12粒🤩佢啲朱古力粒粒都好大粒，外層鋪滿無糖嘅可可粉。朱古力味好濃，不過佢唔係黑朱古力所以會甜啲🍫口感好順滑而且有啲黏糯！好好味，一粒接一粒咁食😍😍😍

芫荽三文魚批$28本身在廚窗中看到是原個， 以為是新鮮出爐，但一拿上手感到是凍的，就心知不妙。果然用叉切下是很韌的質感， 沒有任何酥皮的脆， 切開後也完全嗅不到任何蛋香或芫荽香雖然很似有不少三文魚和芫荽， 但吃下去全無蛋味和芫荽味， 只有鹹味， 估計是用煙三文魚， 所以只有鹹味， 而也是這個原因， 三文魚也沒有任何口感可言吃到後段已經沒有甚麼三文魚， 只吃到得韌的皮和冷冰冰的糕狀物體。或許是我應自行加熱令其酥皮香脆， 不過店員完全沒有提及。而且味道上也絕對是有待改善。

話說上次，有個朋友請我食過一次四喜麵嘅法蘭克福腸咖喱蛋批，真係一試難忘之後，試過幾次去到四喜，嗰啲蛋批都全部賣晒，失望而回。點知……，咁岩今日放假，路經長沙灣，終於比我發現仲有蛋批，唔知係咪因為平日嘅關係。見到至愛嘅咖喱腸蛋批，仲剩返兩件，即刻買晒佢，咖喱腸蛋批非常之惹味，仲要又厚又大件，都只係賣$26件，真心大推。另外，買咗二件煙肉洋蔥蛋批，啲煙肉好香，夾埋洋蔥，一個字「正」，賣$22件，份量一樣咁大。

🥮花生醬奶黃月餅✖️伯爵茶奶黃月餅兩個都係迷你月餅..最啱口痕個陣食🤡我哋冇用焗爐整熱就直接食咗🤣所以都唔知焗完有冇流心🤭？Btw兩個一打開就聞到花生醬同伯爵茶味！花生醬奶黃嗰個食落花生味好出🥜但係就唔係好食得到奶黃味😖本身唔係特別鍾意食花生醬 我哋就麻麻地呢個啦😢伯爵茶嗰個伯爵茶味都係好濃😍鍾意食伯爵茶嘅人會幾鍾意食呢個❣️不過都係食唔出奶黃味🤣相比之下，我哋會鍾意食呢個多啲ʕ•ᴥ•ʔ茶味好濃又唔甜 食晒成個都唔會好飽同膩🤤💡我哋冇用焗爐整熱 可能冇咁好食😖但大讚今次嘅盒裝包裝設計好有心思同香港特色💕我都會留返黎收藏😚

呢日星期日下晝係荔枝角買完野一個人又唔趕時間就慢慢行去長沙灣先再搭車當做下運動😂途中經過四喜醒起其實bookmark左好耐🙈鋪頭既位置係正荔枝角同長沙灣中間依家係開左壽司郎 就多左人行過黎呢一段蛋批得番芫茜三文魚買左一件返屋企食偷懶 就無再加熱三文魚應該係用左煙三文魚 落得幾多芫茜味唔明顯面頭焗完既芝士就算攤凍左都仲係幾香口我自己食覺得唔算好鹹 內餡夠濕潤overall係好食既但屋企人試完就覺得鹹左d 可能係我食得比較重口味🤣女仔一件當正餐夠飽 好厚身呢個價錢 呢個份量既蛋批食得過👌🏼會想試埋其他款蛋批

久聞四喜蛋批之名，驅使我有動力去完成另一件久未完成的任務。四喜除了蛋批，還有曲奇，朱古力都出名，麵包種類亦多。但我始終鍾情蛋批，因為坊間做得好的實在不多。今日太多選擇，看看已經心花怒放。店員有禮，一般餅店少見。回家急不及待切開叮熱，結果是出乎意料的合我口味。我其實怕太重香草或者忌廉的蛋批，但四喜應該調校了比較適合香港人口味，食至最後酥皮亦充滿牛油香味。芫荽三文魚蛋批爆多芫荽，半點不苦，而且調味適中😋，芫荽控應該喜歡。法蘭克福腸咖喱蛋批濃味一點，但是入口即食到薯仔、洋蔥、粟米都和咖喱是絕配，橫切面照片看到餡料有幾豐富，加上啖啖雞蛋，大滿足。

平時食lunch間唔中會經過四喜🚶🏻‍♀️試過佢地嘅麵包、朱古力、甜品、蛋批(遲啲得閒再出post🤣)，但最想試都係佢哋最出名嘅月餅🥮等咗好耐終於到中秋節 ，所以之前一見到有早鳥預購就即刻狗衝🐕今次一共買左兩盒👉🏻迷你奶黃&伯爵茶奶黃本身想買埋花生醬奶黃但最後冇買到😐不過同事好好同我換左一個😳可以試曬我想食嘅味👅~~~🥚迷你奶黃月餅($124)🪄6.6/10焗完之後都唔係脆皮🤥有少少失望入面咬到粒粒蛋黃碎，但個餡偏實同埋如果係流心會更加正ps有個朋友就咁食話好難食🥶所以強烈建議整熱先好食🔥.🍵迷你伯爵茶味奶黃月餅($124)🪄6.8/10一打開已經聞到好濃伯爵茶味，食落都feel到茶香就算我唔係好鍾意伯爵茶都覺得唔錯而且茶味可以balance奶黃嘅飽滯感👍🏻.🥜迷你花生醬奶黃月餅($124)🪄6.5/10食落去第一啖嘅感覺：真係一個不折不扣嘅花生醬月餅😂😂雖然食到粒粒花生，但都改變唔到佢係一個用月餅皮包住一pat花生醬呢個事實雖然我幾鍾意食花生醬，但係我都覺得呢個太over😂😂好滯搞唔掂…📌以上皆為早鳥價，正價$136~~~⭐️回頭指數🌕🌕🌖🌑🌑講真我唔係好鍾意食月餅，所以買四喜嘅主要原因

雖然中秋節過咗好耐，但係我仲有好多月餅未食。今次就試呢一個本土人氣極高既小店 ---- 四喜佢有一款口味市面好少有，就係花生味，外皮唔太實，摸一摸就有少少散散哋 ，香味就唔會太突出，會有少少焗完嘢燶燶哋既味，不過味道好滿意，食得出好濃既花生味，食得出有少少花生碎。至於奶皇月餅都係不過不失。佢個包裝就幾得意，值得收蔵！

點樣可以係傳統月餅上面加啲新意？@四喜麵包西餅 就選擇用搞鬼包裝取勝! 今年繼續用懷舊畫風 畫出流行搞笑moment😆迷你伯爵茶/花生醬奶黃月餅 (四件裝) $124首先要讚下個包裝 真係好特別😍我係為咗東方昇先買伯爵茶味😘口感方面，餅皮似曲奇咁鬆脆亦都因為外層偏乾脆所以焗咗5分鐘之後開始有裂痕切開之後有少少碎開如果口感可以軟熟啲就更好！味道方面，饀料走厚實路線所以滿口都係香濃伯爵茶味🍵花生醬味直頭覺得自己係個樽不出嚟食咁！而且唔會太甜 唔怕膩不過相較之下蛋香味唔算突出 可能因為佢走健康路線🙈唔係行半島個種綿密奶黃味道各位食之前就要留意下啦～總結！包裝吸睛，味道濃郁，如果可以加重奶黃味，整得再肥仔啲就好🤰🏻食厭咗傳統月餅嘅朋友可以試吓😋———————————————————-📍四喜麵包西餅 (長沙灣)長沙灣青山道500號百美工業大廈地下B6-8號舖

＃四喜麵包西餅＃長沙灣青山道500號百美工業大廈地下B6號舖*流心朱古力包 $8依個唔需要講啦 俾無限個打手毒到重點真係叮多十零秒好食好很多*洋蔥三文魚蛋批 $24我個人覺得比起上次食果個芫荽三文無咁咸😆😆😆😆😆😆可以再試 *松露朱古力 $44@12差啲唔記得左買佢因為佢我分左3次單買 姐姐一定心諗依條死口靚妹巧唔環保😆由點八等到二點 真係巧煩呀依條友😆仲要問點賣 街市買餸咁大鄉里🤣入口即溶堅滑 我唔鍾意食甜都接受到❤️❤️真係巧那巧食 🤣但12粒堅多 食唔哂🥺 我諗係要擺到半溶先有咁嘅效果🤣*伯爵奶茶奶皇月餅 $136😆因為好那飽 所以唔食住因為浴男而買 依句係真嘅😆

一年容易又中秋，今年繼續訂四喜月餅，試齊晒三款迷你奶皇。汲取左上年嘅經驗，今年送貨安排改善左唔少，甚至比原訂日期早到，味道都保持水準。包裝方面由 @nopaperstudio 操刀，行懷舊路線，靚得黎啲字又抵死。🥮迷你奶黃月餅 (4個裝) (早鳥價$124)今年第一次試淨奶黃，有蛋黃香、奶味重又唔會太膩，🥮迷你伯爵茶奶黃月餅 (4個裝) (早鳥價$124)伯爵茶味濃郁，望到個餅皮有茶葉碎，有淡淡嘅佛手柑味，依然最鍾意呢款。🥮迷你花生奶黃月餅 (4個裝) (早鳥價$124)花生醬味都算明顯，可以再重手啲，有一粒粒花生碎。可惜三款個皮同上年一樣都較鬆散，一切就同個餡分離，有一兩舊喺送貨途中已經爛左，但個餡係唔錯嘅。