四喜麵包西餅 (Closed)

🥢 四喜麵包西餅 @佐敦網上流傳好好食嘅蛋批🤣為咗佢專登去買～好彩去到仲賣剩最後一件，擺喺雪櫃雪左一晚，第二日微波爐翻叮，再加黑胡椒👍🏻👍🏻仍然非常好味🌟 應該會為咗個蛋批再返轉頭幫襯！順便買埋佢嘅泡芙$8超大個，好足料唔係輕飄飄嗰啲((不過味道冇咩特別))。見到桂花烏龍味嘅曲奇餅就忍唔住買埋🤣🤣超鬆脆，味道都唔錯嘅幾清新，不過咖啡味好食啲~🌟 洋蒽三文魚蛋批 $28- 鮮忌廉泡芙 $8- 四喜雜錦曲奇 $25/四安士(兩款口味)📌柯士甸道105號地舖營業時間: 07:30-19:00-

成日都見有人話四喜好出名食蛋批同曲奇！今日經過尖沙咀諗住買，不過6點幾7點好多嘢都賣曬，但都盡量買嚟試一試🫢🍪咖啡唧花曲奇 $25 4安士 (6/10)有4塊，曲奇口感鬆化，有咖啡香，都幾出，牛油味淡啲，唔會有肥膩嘅感覺！但都比另一款heavy。🍪桂花烏龍曲奇 $25 4安士 (6/10)有4塊，口感紮實啲，香脆啲，有淡淡桂花香，比較清香啲，茶味食食唔到，可能本身比較清淡。🧁小山園抺茶紅豆鬆餅 $15 (6/10)杏仁香口，蛋糕口感濕潤，但紅豆太硬，以為食緊朱古力碎粒😂抺茶味幾香濃，帶少少回甘。如果紅豆腍返啲會好好多。推薦指數: 6/10正正常常，唔會伏唔難食，但冇驚喜感覺，好普通。

早排見到社交網啲foodie分享依間既生古力 感覺幾特別 就特登決定買黎試試 第一次黎嗰陣咁岩冇哂貨😂😂 要第二次黎先見到有 緊係買番袋品嘗首先位置方面 位於柯士甸道 原來附近都有幾間都麵包店 差啲行過龍搵唔到 。 店舖是白色格調， 對街櫥窗是賣曲奇 ，可能因為咁就以為唔係我想搵嗰間😂😂 店內除左曲奇 仲有賣啲麵包 價錢偏貴。 今次有目標地 買左松露生朱古力 （$25/6粒），價錢方面依樣唔算太貴。 可惜係以膠袋袋住 美觀略遜😂😂 聽講買12粒就可以用盒裝 不過因為一個人食所以都無謂買咁多😂😂聽個名叫生朱古力 其實真係唔明咩黎 食左先再查資料🫣 食落去口感幾特別 唔似一般朱古力咁 反而真係似麻糬 好好味。 解釋番 生古力既制作會用到可可粉（做朱古力原材　） 同埋 鮮奶油制食 口感唔錯。 又唔會太甜。

一直都想嚟四喜買佢D蛋批，一嚟自己係撻批愛好者，二嚟呢度嘅蛋批款式夠特別、選擇又多，啱哂中意FUSION野嘅我三文魚芫茜蛋批 $30自己係芫茜會會員，見到呢款批，一早心心眼!!🙊面頭有少少焦香芝士，內裡有超多芫茜，可謂啖啖茜😅，所以芫茜味好濃，蛋味偏弱，無芫茜同三文魚嘅地方先有蛋味(呢D位置唔多)。三文魚份量點到即止；整體鹹度適中。 法蘭克福腸咖喱蛋批 $28材料仲有洋蔥、粟米粒、車厘茄，口感最豐富，不過最無蛋味，因為咖喱太嗆味，整體似咖喱批多過蛋批🤔。明太子沙樂美腸蛋批 $38呢個最貴，但我覺得最好味😋，最能夠食到蛋香。明太子同蛋本身就好夾，加埋好薄嘅沙樂美腸，整體味道唔錯，不過兩樣材料有鹹度，所以鹹少少，但可以接受。中心位嘅蛋幾滑。三款蛋批我都用氣炸焗翻熱，氣炸果陣全屋都聞到好香嘅牛油味；外層酥皮回復酥脆，不過批底已經濕哂，返魂乏術。另外買左條芋泥肉鬆吐司 $28條麵包幾重手，賣相好似好多料。不過，切開後有少少失望😶，明白嘅，芋泥咁重一定沉底，但如果加番多D肉鬆喺包中心，味道應該會更好。

上年食過這間餅店既奶黃月餅覺得幾好味，一直都想試下其他產品，如麵包，曲奇餅，蛋批等..今日經開尖咀就去買麵包試下先，今次買了2款麵包同麻糬波波，加一盒曲奇餅麻糬波波店內都有售麻糬波波，有芝士味，菠蘿皮及朱古力味，脆皮部分甜甜地，麻糬煙煙韌韌，外脆內軟九層塔蕃茄法包九層塔係台灣好出名，具有抗氧化，仲有個種獨特嘅味道，烤出來的麵包香氣十足，加埋蕃茄乾，簡單配搭已經好好味，法包唔會太硬，食落感覺好清新芝麻青醬燻雞法包法包表面有好多芝麻，香脆鬆軟，裏面有好多雞粒，加埋青醬味，口感豐富伯爵茶唧花曲奇餅唧花曲奇餅香脆鬆化，唔會太甜，大大粒食落有口感，不過伯爵茶味就唔濃，喜歡濃茶既朋友仔就唔岩口味了

上次試過佢地嘅超班嘅蝴蝶酥同麻薯波波之後，趁住就黎中秋緊係要試埋佢地出名嘅月餅啦😋雙黃白蓮蓉月餅 (四個裝) ($278) 蛋黃顏色金黃，味道咸香，白蓮蓉夠香又軟滑，而且甜度剛好唔會膩，怕甜嘅朋友仔都可以一試😺雙黃金腿五仁月餅 (四個裝) ($398) 今年呢款係全新配方黎，材料非常豐富，有白瓜子仁，南瓜子仁，合桃仁，杏仁，咸蛋黃，火腿絲，白芝麻等等，食落有層次，充滿口感，大滿足☺️四式茶味奶黃迷你月餅 (四個裝) ($178) 一盒有四隻味，分別有伯爵茶，小山圓抹茶，炭焙烏龍，同白蘭花烏龍， 全部茶味都好突出😍又香又濃，尤其炭焙烏龍同伯爵茶味，令人食唔停口🥰花生醬味迷你奶黃月餅 (四個裝) ($168) 花生味香濃吸引，連同奶黃一齊食味道更昇華，好似我呢d花生控係會招架唔住😻迷你奶黃迷你月餅 (四個裝) ($168) 只有奶黃嘅月餅令其奶香味道更加突出，名付其實皮薄餡靚，唔會太甜或膩，奶黃控一定鍾意👏🏻每款月餅盒都有懷舊+獨特新穎嘅設計，試完亦有驚喜，外表內涵都好高質，同預期一樣完全無失望❤️未食過嘅朋友仔不防一試，或者送禮都唔錯，如果唔係過咗今年中秋就要等下年喇🙆🏻‍♀️

一間本地餅店～款式同傳統麵包餅舖好唔同有唔同種類麵包、泡芙、cheesecake、朱古力粒、朱古力花生我特登嚟試嗰個忌廉泡芙～可能天氣酷熱～所以唔係太多人買忌廉泡芙～泡芙手掌咁大嘅～中間滿滿嘅新鮮忌廉～有兩隻口味朱古力、原味揀咗一個原味一個朱古力味～原味唔會好甜～裏面新鮮奶油味道剛好唔會好多糖～朱古力味泡芙上面有朱古力醬裝飾～裏面係朱古力味忌廉～味道唔算好濃～如果係朱古力愛好者就會有D失望～泡芙因為加咗忌廉開始有濕氣但係食落都唔會話淋晒平民價錢～份量大

四喜麵包西餅 (尖沙咀) 近佐敦站的麵包店🍞！！！經常買蛋批🥚！生朱古力🍫！麻糬波波💜💛！😍😍😍😍在多美意餅屋(Domie Cake Shop)旁邊，經過買完四喜麵包可以去多美意買切件蛋糕🍰😍［芋泥肉鬆吐司 🍞💜 $28］（9/10）（被我回家時壓扁了😢）性價比💯！！！超大條！！很多芋泥💜💜超爆餡！在吐司的中間部分，芋泥餡甚至比麵包多🤣😍肉鬆、紫菜都很多🥰🥰芋泥控一定滿足！！💋［麻糬波波 💛🤎 $12/4粒］（8/10）菠蘿皮🍍+芝士🧀+朱古力🍫（朱古力味被家人偷吃了🥺🤣）偏硬的麻糬波波，充滿韌勁😂老人家表示有點難咬開我仍然第三次買🤣$3粒太便宜了！個人口味：芝士>朱古力>菠蘿皮😗回頭率：✅✅✅✅✅（5/5）（經過佐敦/尖沙咀一定要買🥰❤️）推介：芋泥肉鬆吐司 🍞💜 ！！麻糬波波 💛🤎 ！！蛋批🥚！！生朱古力🍫！！（橙皮朱古力包❌🫣朱古力味淡、少橙皮）📍四喜麵包西餅 (尖沙咀)尖沙咀柯士甸道105號地舖

尖沙咀傳統四喜麵包店 之前掃長沙灣區去親四喜都咁岩關左門 路過尖沙咀見到即刻去試試 雖然係尖沙咀但佐敦站d出口行過去最快 大概2分鐘.⭐️忌廉泡芙$15/2個價錢相當平同大粒 咬忌廉量十足😀同最近人氣吉士醬cream比較下 相對冇咁甜👌🏻忌廉係傳統中式蛋糕忌廉質感👌🏻口感係平時雪櫃放左一段時間 軟身口感係一個大粒抵食 中水平泡芙個人鐘意肥肥爆甜吉士醬多d.⭐️麻糬波（芝士/脆皮/朱古力）$12一袋有4粒 相對比其他店空心麻糬細粒好多雖然細粒 但每一粒都好飽滿 口感比較實在👍🏻咬開真係有芝士粒 同朱古力粒..#四喜麵包西餅 (尖沙咀)地址：尖沙咀柯士甸道105號地舖.⭐️評分：味道：3/5環境：-/5服務：-/5抵食：3.5/5.‼️想睇更多資訊

28-5-2022(Sat)諗唔到去邊喥行好,諗起今年月餅想買四喜嘅,於是上Openrice睇,睇到荔枝角嗰間正在裝修中,幸好佢尖沙咀有間,睇吓佢啲嘢都幾特別,老公話咁出去睇吓囉.我哋出到去都1:30pm後,咁就啱啱食lunch,我哋睇到佢唔止賣麵包曲奇,原來都有結婚喜餅,咁就唔一定要去連鎖式嘅藍店麵包店買.我哋睇到間店有好多種類嘅麵包,我就決定買可以唔即食嘅嘢,之後睇到我從未見過嘅蛋批,老公話買嚟當lunch食,好吖,我哋夾咗幾件可留嘅嘢後,去俾錢時,見到成盤葡撻啱啱出爐,梗食要買啦.最後我哋買咗後,快快走去九龍公園搵個位坐低食.1. $8.00一件嘅葡撻,要兩件店員問我要燶定唔燶?咦?!有得揀?咁就一件燶一件唔燶.熱騰騰嘅葡撻真吸引,我先食唔燶嗰個,蛋滑唔太甜,批皮脆.之後同老公交換食燶嗰個,燶呢個味道就濃啲.味道:5分2. $30.00嘅芫茜三文魚蛋批呢個芫茜味濃度啱啱好,三文魚雖然唔多,但都已經夠,而批皮都係脆.味道:5分3. $28.00嘅法蘭克福腸咖哩蛋批呢個咖哩味唔辣,都有好多洋蔥,味道清清地.味道:4分之後嗰啲就拎返屋企.翌曰(29-5-2022 Sun)朝,老公同我食

四喜麵包店不嬲都好出名 但係最近佢哋嘅松露朱古力🍫更加係大熱！好多人都話佢係平民版嘅Royce 生朱古力！口感真係超級軟滑 好好味😋都幾濃苦 size比起Royce 更加大粒 唔錯喎！

知道呢間人氣小店一向都好受香港人歡迎，今次終於有機會試到喇😊第一次食就試咗我鍾意食嘅蝴蝶酥同麻薯波波😋同時當然都支持下本地品牌啦💪🏻🥜花生醬味蝴蝶酥 ($238)蝴蝶酥嘅粉紅色盒設計經典，好靚好吸睛❤️而入面嘅蝴蝶酥份量都唔少，一盒有30塊左右，夠一班人開心share😃一打開見到賣相已經心心眼😍每塊蝴蝶酥個面都焗到金黃色🤩蝴蝶酥本身個酥餅牛油味好香，口感酥脆，有少少焦糖香但食落又唔會過甜，加埋香濃嘅花生醬真係不得了😻雖然花生醬好濃郁，但都無蓋過蝴蝶酥獨有嘅香甜，反而令味道更昇華，有層次👍🏻食過真係會上癮🥰🌰菠蘿皮麻薯波波 ($12)其實一袋應該有4件，不過未影相已經忍唔住試食咗一件😄雖然買咗唔係即刻食，但菠蘿包面依然保持香脆，外脆內軟，食落煙煙韌韌，好有嚼勁❤️建議叮熱食味道更好，加杯咖啡做下午茶嘅小食都唔錯☺️其實佢地仲有好多經常被推介嘅食品，下次諗住試下佢地嘅手工曲奇同生朱古力，應該都會好唔錯😺

經過見到個裝曲奇好吸引，買咗兩個試吓。包裝上面寫住「食過四喜曲奇 好運自然衝埋嚟」，配上搞笑嘅插畫，好得意$38 海苔肉鬆曲奇，有豐富肉鬆內餡，鹹香味十足。$38 鐵觀音咖啡核桃軟曲奇，表面有好多核桃，曲奇嘅鐵觀音茶味濃厚，入面係軟心咖啡餡，口感層次豐富又唔會過甜。見到店內仲有蛋批、磅裝曲奇、泡芙、麻曙波波同麵包，樣樣都好吸引，下次再買黎試 佐敦站 D出口出，轉左行兩分鐘就到，位置非常方便，大家路過尖沙咀或者佐敦不妨一試。

早前喺網上見到有人大贊呢一間餐廳嘅蛋批好好食！於是我都唔執輸，今次都轉成去咗尖沙咀呢邊去試吓！一去到嘅時候就見到呢一個法蘭克福咖喱蛋批，呢一度嘅酥皮都算非常之香脆，而且有少少酥脆嘅口感，再加埋中間嘅蛋醬配合咗咖喱嘅味道，味道非常之有特色，再有少少法蘭克福腸同埋洋蔥，令到成個蛋批非常之有驚喜

四喜月餅🥮👧🏻諗好多人都試過，最深刻係除咗傳統嘅奶黃月餅，佢地仲有推出啲新穎嘅口味例如伯爵茶味😍。今次收工時間經過尖沙咀店，款式已經唔係淨返好多，所以今次👧🏻都係買啲曲奇🍪/朱古力算🤣。🌟焙茶/桂花烏龍曲奇今次👧🏻就買咗嘅少嘅份量，$25有4安士曲奇，可選2款口味。今次就揀咗兩款茶味曲奇，總共有9塊曲奇，都算幾抵食。論曲奇質感，佢唔係行鬆化路線，而係比較硬身脆口😗，可惜唔太合👧🏻心意。焙茶茶味🍵比較清幽，有粒粒葵瓜子有果仁香。至於烏龍桂花味相對上比較芳香，牛油味🧈亦幾明顯。🌟生朱古力🍫生朱古力係四喜名物，$25有6大粒好抵！松露朱古力入口軟滑，雪得夠凍時入口有d煙韌，不過略嫌朱古力甜度頗高，食1粒朱古力已經覺得好漏🥲。