School Food (Closed)

員工態度好差，簡直等於無服務。之前食過九龍灣個間，食過好食，咁今日係屯門行街見到school food 咪入去食囉，點知中曬伏。個牛扒完全無調味，啲伴菜仲衰，有陣燶味。炸薯條係淋架！好失望！！叫左個酒精飲品完全無酒味！

平時食嘅韓國年糕都係甜甜辣辣，但係school food可以食到卡邦尼年糕，個汁幾creamy，撈埋啲年糕幾好食，墨魚飯卷都好特別幾好食，只可惜價錢唔平，份量好少。

唔好意思…因冇諗住食物質素咁差，所以冇影到相18NOV 去咗屯門市廣場school food lunch…兩位唔需要等位可以直入…但今次所有食物都同前幾次去差天共地…order咗一個set lunch…紫菜豆腐湯+飛天豬年糕意粉+一杯所謂嘅特飲同甜品…另外叫多咗一份炸雞…首先講炸雞…外層一d都唔脆…有可能係反炸的…第一失望之後講set lunch…紫菜豆腐湯還可以… 到飛天豬年糕意粉(純粹係一份吉列豬扒同一個卡邦尼意粉-但d汁係多到變成一碗湯)…到所謂嘅特飲~百香果特飲…味道就不而討論…人人口味都唔同…但外貌只可以講茶記凍檸茶比佢好…到戲肉嚟啦～諗住甜品有少少希望啦(at least 一杯雪糕仔or四份一角嘅窩夫丫)…竟然係一個維記迷你版嘅雪米糍(係同日式放題甜品嘅一樣)…我真係呆咗之後得啖笑…真的對school food 絕望了…總結：唔會再去

我7/11下午食 勁多空位 唔洗等位入得叫左個牛仔骨鐵爆鍋飯 （有一個選擇連壽司叫左果個餐）個飯賣相好靚 但牛仔骨喲肉完全咬唔到 聞落去好香但食落係冇味 最好吃係個栗米 好甜跟餐個壽司係某一隻水種既菜加蟹籽既壽司 果種菜我唔中意食所以唔評價個壽司第二樣叫左個肉醬年糕 肉醬份量多但味道偏酸 年糕數量唔多同唔煙韌 麻麻地第三樣叫左有牛蒡果款壽司 我最中意食既野之一 但果日去吃 一夾就散 而且我食左一舊已經唔想再食 我係依間食過一次晚餐 好好食所以佢午餐時間冇乜人我反而覺得仲好唔洗排隊 但對今餐有少少失望 做唔到晚餐果次既味道總括而言要食晚餐時間去比較好 但我唔肯定佢晚餐做唔做到之前咁啦 以上純粹個人意見

第一次食，午餐叫個大韓歐妮年糕，個餐包一份小食，一杯飲品，$55。我怕好辣，所以問定店員會唔會好辣，店員覆話只有泡菜嗰種微辣，咁我都接受到。結果出嚟，小食蟹柳芝士卷得兩細舊。碟年糕意粉唔算大碟，睇落一個女仔應該夠食。點知，成碟嘢搵唔到一舊泡菜之餘，仲一啲泡菜味都冇，只有蕃茄和芝士味。年糕少得可憐，得5，6舊，都算，但伴碟調味嘅洋蔥就成大半碟，多過意粉好多。比較好嘅都係杯蜜桃茶。一句講晒，就係食完成個餐都唔多飽😭。

可以食韓國野既地方係屯門真係唔多，而且我唔係要食韓燒，第一個諗到既就係school food，而且唔洗等位，就入左去。唔係第一次食，發現佢menu轉左啲。我係突然想食水冷麵先想食韓國野既，所以第一樣要叫既就係水冷麵。整體都ok既，麵既份量多，又夠晒煙韌，對於唔食得辣既我黎講都接受到，如果配料多啲就更好。叫左個麵之餘仲叫多個飯，呢個係叻叻豬飯，整體一般，食完對佢冇咩感覺冇咩印象自己食左咁，較普通。校園花卷，唔知點解叫呢個名，但都吸引到想重返校園既我地叫黎食。佢出面係蛋入面係牛肉，個蛋甜甜地而且加埋個醬汁，好好食，一啲都唔會覺得乾，而且細細舊，方便放入口，唔錯。卡邦尼年糕。其實本身係想食韓國正宗既炒年糕既，但呢到係冇既，得卡邦尼肉醬黑松露呢啲揀，所以揀左卡邦尼。個醬係幾好食既，而且有啲洋蔥同韓式粉絲係底，都唔錯既。但呢個係完全唔辣既，同韓國既炒年糕可以話係兩回事，除左大家都有年糕之外。小食炸雞，30幾蚊4舊，係餐廳食呢個價錢係差唔多，平唔平就見人見知。呢個炸雞係原味既，炸粉唔算厚，啲肉都唔算太差但又唔可以話係嫩，只係真係得雞味。其他野食有汁既可以點下。我地仲叫左呢個青檸荔枝黎飲，好香荔枝味

今晚約左班朋友食飯，去到屯門市廣場，諗唔到食咩好🤔，到到都好多人又要等，呢到都要等，但相對上少d人，所以就揀係到食了。😀我覺得幾好味嘅哈哈卷，佢係韓式嘅飯卷，同平時食開嘅日式嘅感覺會有d唔同👍🏼。 之後就係廚師卡邦尼炒年糕，佢個卡邦尼汁整得幾好，而炒年糕都係正常水準，呢個汁同年糕都幾夾。👍🏼之後我地叫左個牛骨清潭面牛、牛鐵鍋飯、脆脆炸雞伴青瓜沙律、炸餃子同火山梳乎蛋。🤤🤤火山梳乎蛋幾特別，佢用個熱嘅鐵板送上黎，上面鋪滿左芝士、煙肉同醬汁。所有食材都好夾。😘不過要食快d，因為底會好易燒焦。好在俾錢個陣留意到某信用卡有折，又慳返啲😍。

繼澳洲小堂妹一家，重慶小表兄及表姨都來探兩兄妹了！時間倉促，除了嫲嫲拿手的家常便飯，又到屯門School Food點了一份自選韓花卷外賣拼盤，讓幾個小朋友開心一下～精選韓花卷外賣套餐分為自選四款 ($158)、自選六款 ($218) 及自選八款 ($278)，我們人多當然點八款。卷物口味選擇包括：烏卒卒（墨魚）、紅葉花卷（蟹肉及紅菜頭）、紳士先生（餐肉）、哈哈卷（炸蝦）、花郎卷（牛肉、牛蒡、紅椰菜）、美人卷（牛油果及紅菜頭）、深海炸彈（炸蠔及飛魚籽）、夏日香氣（菠蘿及紅椰菜）、天使卷（野菜），除了最後一款天使卷，我們全部都點上了，十分豐富！吃過School Food Mari的朋友都知道，部分花卷如烏卒卒、紅葉花卷、紳士先生是有輕微辣意的，不過在點上邪惡沙律醬後，辣意並不明顯，幾位小朋友非常喜歡受落，一直爭著吃，其中又以哈哈卷及深海炸彈最受歡迎，始終有炸物較香口吸引小孩～ 十分美味又方便的外賣併盤，不過留意取貨後最好趕快食用，不然擺到最後紫菜就會變得很腍很腍了～

是日入左屯門同男朋友去做健身，其實係騷擾佢健身XD，玩完個零鐘跑步機同健身器材之後，兩個人狂叫肚餓要去食野，但又怕食太多消耗嘅卡路里一𣊬吸引返。去到屯門市中心不停行行行，最後簡左食School food 。可能因為5-6點未係食飯時間，所以場內無咩人，位可以任簡，坐低拿拿聲拎menu 睇。簡左烏卒卒（HK$75)，幾好食，覺得各方面味道調得剛好，連男朋友平時唔鐘意食美乃滋，但搭落去壽司，同魷魚調味辣辣地，佢又肯食同狂食，證明唔錯。韓絲熱拌鐵鍋飯（HK$88)，個飯熱辣辣，但果飯食落有d淡，如果濃d會好食d。同拉絲芝士香草雞翼(HK$88)，本身期待上菜時，熱辣辣，可以拎住舊雞翼怒捲芝士食，但上菜時都已經半涼狀態，完全捲唔起痴哂底，雞翼勝在夠嫩，但調味偏酸，直覺覺得熱返同應該唔算太match 。

其實本身無諗話要寫食評，所以無影野食相，但系越食越覺得好需要寫！今次同婆婆一齊去食lunch，婆婆話想飲檸檬茶，所以是但簡左一間有檸茶飲既餐廳黎食。之前都有聽講話school food好抵食，味道又吾錯。一人簡左一個lunch set，分別系甜辣殞石陣同飛天豬卡邦尼。首先，價錢上一啲都吾抵食。我平時系尖沙咀返學都周不時食下韓國野食做lunch，對比返school food既價錢其實比我平時食既吾少鋪頭黎講都貴啲。另外份量上佢真心少，如果系男仔我覺得吾會飽咁味道上，個甜辣炸雞食落都吾錯，但系問題出系個拌飯上。拌飯啲配料奇奇怪怪，而且無拌飯醬系咩事🙂食落可以話系我試過最吾好食既拌飯。但尼個都吾系重點，卡邦尼年糕先系重點！上到台，個樣都幾靚幾多汁，仲有塊炸豬排，而且夾起啲意粉既時候都見到拉絲。但系食落口就吾系尼回事，吾知點解可以無味，我點幾多汁都無味本身諗住叫卡邦尼一定無伏，點都吾難食得去邊。但系我真系吾明點解食落丁點卡邦尼味都無拉到絲，但食落都系無芝士味，我完全吾知自己食緊咩而且每條意粉都一定癡住洋蔥，明明我見吾到有，可能啲白汁整到睇吾到，搞到淨系食到有洋蔥味。個set仲送左小食，芝士蛋卷

今晚約了另一半去屯門吃飯，我們沒有打算吃什麼，只是碰碰運氣，看到有心水想吃就去了。走到School Food 餐廳門外, 發現如果加入storellet做follower, 就有半客蛋圈紳士先生送，我和另一半商量後, 我們以反正沒有蝕本心態就去試試。今次只是我第二次來School Food, 記得第一次正式和另一半拍拖約會就是去School Food, 當時大家還未拖手, 用餐過程大家十分緊張，又不會說話，我點什麼食物另一半都okay我倆本身都很愛吃蛋圈, 韓式蛋圈也不例外, 雖然優惠只送半客，但已足夠令我們吃得很滋味，味道確實不錯的，免費得來不會馬虎今晚第一推介是火爆雞肉鐵鍋飯, 服務員在我們點餐的時候已提醒我們這個鐵鍋飯會很辣，我知另一半很愛吃很辣, 所以我照樣點這個飯，吃的時候果然非常辣(我個人來講), 接近噴火境界不過我想說的是味道確實很捧很野味, 刺激到味蕾，還有好吃的是雞肉，很有燒烤感覺第二推介的是廚師卡邦尼年糕, 芝士年糕相信吃慣韓式年糕不用我解釋都知道那種感覺，奇妙之處是這個卡邦尼年糕用粉絲做配角，非常有驚喜，粉絲加芝士原來是非常夾的享受完這餐飯, 大家非常滿足, 最重

今日到屯門又想食飯，又想食好少少於是今次揀左韓國野食。由於都幾肚餓下，於是又唔覺意叫一個飯一個年榚。牛牛鐵鍋飯一向都有食開，通常好肚餓嘅時候就會諗起佢，賣相依舊係幾靚。上面係滑蛋，入面包住左牛肉絲同埋飯，撈埋一齊食都幾好食。落完order之後見到枱面嘅鋪枱墊介紹一個餐廳apps，download & follow就有卷物送，我抱住懷疑嘅心態download & follow再同侍應講，佢即刻抄得個member no. 再落order！廚師卡邦尼年榚有少少辣辣地，又有卡邦尼嘅味道，面頭仲有少少煙肉。好多時fusion野都未必好食，不過呢個年榚又OK wor，裡面仲有d韓粉絲，用左卡邦尼嘅煮法，呢個煮法真係幾特別，仲要係好食嘅！最後，送嘅紳士先生上枱，唔洗錢送嘅野都送得幾大方下。呢碟卷物都有7件，一d都唔細份！紳士先生出面係蛋皮卷住d飯，餡有午餐肉，加左d沙律醬，味道都唔錯wor！兩個人食左三碟野，走嘅時候飽到上心口。下次嚟食又睇下個apps有冇其他野送先落order！

/新菜式🐷✋️<學校食物>🌿燒豬手沙律🐖($88)▪️好掛住韓國d辣炒豬皮🤤見到依到有豬手又想食下。👉🏽其實豬手份量都幾少，大概得7薄片左右，燒得不夠香🙁👉🏽基本上只有表面d辣醬調味，不入味之餘，不是韓國用開個種惹味辣醬，好淡茂茂呀😣👉🏽墊底沙律反而幾清新爽口，蔬菜種類都幾多。/皇牌🖤🖤🐙🐧烏卒卒▪️依個味道真係唔洗多講😻一直🔝3️⃣頭三最好食飯卷嘅位置💓-🐧烏卒卒真係夠晒黑喇，混入墨汁嘅飯，包裹著爽彈嘅魷魚，味道比之前食嘅新鮮同彈牙🤤仲有d爽脆嘅牛蒡絲。-🙋🏻一人一碟無難道，不過幾細件，一口一件✌🏽/皇牌2️⃣🌶廚師卡邦尼年糕▪️係我每次去學校食物 嘅組合食物💓✌🏽烏卒卒➕年糕-😣今次卡邦尼汁煮得不夠稠身，味道都偏淡，鹹香味來自煙肉，好彩都夠多片🥓👉🏼入面仲有蘑菇，大量洋蔥絲🤤粉絲。洋蔥絲超吸汁，粉絲都好彈牙，動L🍜👉🏼年糕夠煙韌，但不入味☹️-食年糕要辣先開心，美中不足🌶得一個辣椒，我覺得完全唔辣，之前4個🌶🌶🌶🌶個款先夠味😂

星期六唔使返工梗係約下fd出去食飯啦，諗住近近地係屯門攪掂就算，係tmtp搵左一間韓國野試下睇下掂唔掂。我地幾個人都食飽啲，就叫左兩個飯同兩款年糕。卡邦尼年糕賣相幾好，食落去都幾creamy 唔太膩。仲有啲韓國粉絲撈埋一齊食係正啲既飯呢就嗌左呢到既招牌牛仔鐵鍋飯，啲牛仔骨幾入味，唔太韌，仲有好多薯角夾埋一齊食，都幾match份量都幾夠我地仲有揀左肉醬年糕，有幾多芝士係上面，加埋肉醬酸酸地幾開胃既，幾似平時食肉醬意粉咁😂，除左普通泡菜年糕，大家都可以試下唔同種類既年糕菜式😍。最後呢個海陸寵寵拌飯份量就可能唔係好夠一個人食，不過個醬汁調得ok, 拌埋啲魚乾仔一齊食都唔錯架，不過個人喜歡牛仔骨個鍋飯多啲🤗

市區嘅School Food 通常都好多人排晒隊，所以都好少去食。不過屯門呢間平日就唔算係好多人，7點幾都係直入唔洗等就有位。今日唔算係太肚餓，所以兩個人只係叫左一個飯同埋一碟炸雞。牛牛鐵鍋飯連埋個煎pan一齊上，熱住咁上。就咁睇個名又估唔到個飯上面仲有一大片蛋，襯佢熱嘅時候撈埋d飯一齊食就岩岩好。佢嘅牛牛係牛肉絲嚟嘅，加埋醬菜兩樣都係甜甜地咁，幾開胃。至於大蔥脆脆炸雞之前都有食過，保持一貫水準，炸雞好脆，大蔥有少少辣，好惹味。雖然呢碟雞真係好熱氣，不過今日真係忍唔住喇！