西門町台灣麵食 (Closed)

久違了的西門町，相信蒲開旺角都一定食過。今次舊地重遊，味道依舊。叫左個四寶飯。四寶有滷蛋、滷豆腐、雞腎、豬大腸。幾樣野都入味，送飯一流。豆腐算滑，皮有質感。大腸有部份較肥。腎軟硬適中。仲有舊黃蘿蔔同少量酸菜，配料簡單，但也開胃。飲品揀左茉香珍珠奶茶，唔會好甜，啱晒時下健康潮流。茶香也有。唔使$50，簡單一餐滿足了。

來一晚台灣夜誤打誤撞搵到間唔錯既台灣菜廟口魯肉飯🧆啲魯肉好好味呀 唔會太咸太濃味簡簡單單加半隻滷蛋同菜 送飯一流🤎呢間台灣菜都好鍾意而且傾偈都唔錯🤎🤎🤎🤎

解禁令後多咗吾少人岀黎行街，到處都排隊食飯，咁岩俾我搵到間台灣野，哩到啲員工好nice而且價錢又平，舒適寧靜既環境，加上古典優雅既環境，令到我會想再黎多次。佢地店舖既小食貼近台灣水准，而且小食+$2蚊可以轉特飲。我自己就試咗普通熱奶茶，佢吾係港式奶茶，反而係珍珠奶茶既奶茶底，值得試下。

台式下午茶 二人下午茶時段 每人點了一個餐再加一客鹽酥雞 再來杯台式飲品 環境舒適寫意下午茶點過面也很飽 牛肉麵湯底很青 不太油雞肉也炸得不太油 也不算太乾身 辣牛筋面抽筋很軟身 湯有點微辣 每人大概$70

西門町台灣麵食 (旺角)鹵水台色擔擔麵看似普通唔起眼 但好深刻豬腸，豬耳，雞腎，鹵水蛋，鹵水豆腐全部都好入味 彈牙有咬口 而且清潔 唔會有沙或者有毛 份量又多 豆腐好滑湯底濃郁 傑傑地 微辣 擔擔麵的醬都好野味 最重要的麵底都做得唔錯 軟硬度恰恰好有少許似上海麵 就算食耐咗都唔會淋曬會停唔到口 黎個配搭係出乎意料地正😋黎度就係較舊同細的台灣餐廳坐得較逼 但都無時間限制大概7點就開始多人架啦Overall🌟: $ 53 ( 8 /10)

上星期六同朋友行完街，係旺角搵下好西醫肚，無意間搵到呢間餐廳。因為想試D新野，所以就想試下台灣擔擔麵。大家有冇諗過，其實擔擔麵到底邊個地方美食😂😂？成日見上海舖有，今次就台灣美食。其實擔擔麵本身係來自於四川。但近幾年，自從傳到香港、台灣、日本後，演變成唔同味道。本身擔擔麵只得麵條同湯，但呢間舖頭就加埋台式牛肉同牛筋。先講湯底，味道非常濃郁，湯底用左牛肉湯，加上花生醬同辣油熬製，我覺得做得唔錯，湯同花生醫煮勻，而花生醬減低左肉湯既到油膩度，變到容易入口同更有風味！麵條就一般，但都可以掛到湯，吸收到湯既味道👍🏻！我覺得牛肉同牛筋都做得出色，牛肉都煮到好稔，牛筋煮到起膠咁，相對比紅燒牛肉，味道更濃更好食😋！配料就有花生碎、冬菜同肉燥，食落鹹鹹香香，更有啲口感。整體嚟講，牛肉同牛筋做得唔錯，又多舊又好入味，而湯底好濃郁，擔擔面份量都大份，所以賣73蚊都算係抵！

公司24號開Party, 同事們都話想食鹽酥雞，伯爵茶奶凍，所以特別叫老闆安排，嘩⋯⋯老闆實在太好，每樣兩大盤，雖然公司已order 到會，但個鹽酥雞真係好酥脆，好快就清晒，另外個奶凍又係兩大盤，我們真係食唔晒，唯有打包返屋企，好在阿女夜晚開Party 帶埋去，佢話未食過，伯爵茶味濃唔太甜，又清晒所以西門町除咗食豬扒麵和牛肉麵之外，如果想訂Party food 都係一個不錯嘅選擇👍

從未試過這麼難食的牛肉麵、 像是車仔麵般， 油麵底、 牛肉味道奇怪。 加上環境吵鬧、 員工長舌， 吃了幾口就送棄了整個餐， 餐飲則還可接受。 但整體而言， 感覺太差， 絕對不會再光顧了。

之前一直想試，終於有機會去食啦！0️⃣紅燜豬軟骨飯+凍/熱飲一杯 $45（午市13:00前結帳離座減$5啊！）原本以為得豬軟骨同飯，點知有烚菜同醃蘿蔔👍🏻豬軟骨嘅份量好足，肉質軟淋又唔會攝牙（因為食過一間米線舖嘅豬軟骨會好「鞋」），而且味道啱啱好又唔會油。菜就普通嘅烚椰菜，冇咩特別，但食完肉又可以食下菜平衡下。醃蘿蔔就唔係台灣個隻，比較似日式/韓式用嚟包壽司嘅味道。🌟整體嚟講，都幾開心呢個價錢食到台式午餐！而且唔會油膩，味道都好啱我。而餐廳環境都舒適，佈置有種台灣味道，店員都好有禮貌。（🧡感謝用心睇到呢度嘅你地🧡）

同事話呢間好好食~咁我又突然"思鄉"所以就來試下~舖頭裝飾我覺得似中國式多過西門町XDD我個人好中意食豬軟骨,所以只要間餐廳有豬軟骨我都會叫豬軟骨我好怕豬軟骨俾湯浸到融晒(咁同食嚿有膠質豬肉根本冇分別),又好憎肉多過軟骨(咁同我叫嚿豬肉又係冇分別)呢間的豬軟骨,好入味, 肉好軟淑!!但係軟骨部份又完全係晒到,有嚼頭, 而且係脆的軟骨(即係一咬就咬到)唔係講笑!!個豬軟骨堅堅好味!個飯旁邊有少少酸菜; 食晒成個飯點都有D膩,食少少酸菜解一解膩我覺得岩岩好~野食叫左青蘋果雪泡,我唔知雪泡係點~我淨係知好好飲!~

午飯時間到啦！因為剛從台灣回來，反到香港後，突然好想食台灣既餐廳，就幫襯左係旺角既西門町, 呢度主要賣台式既麵/飯/小食。位置不大，但勝在裝修有人情味。我叫左豬軟骨麵，而朋友叫左豬軟骨飯。想飲特式台式飲品，可以加$4，就可以order 茉香奶茶、荔枝雪泡等的特色飲品。如果胃口大的話，可以食呢3個餐：涼麵餐、乾拌麵餐及花蓮鹽水雞餐，跟普通麵的分別就是多了一碟小食或者蔬菜。豬軟骨麵：湯底清淡但是豬軟骨十分入味，而且豬軟骨口感好”稔”。麵的份量都幾多下。豬軟骨飯：飯的份量剛好，配上豬軟骨的汁，好快可以食曬一碗。我覺得豬軟骨飯好D，因為飯入面有蔬而麵沒有。下次掛住台式野食可以再來試下其他麵/飯，午飯時間價錢都算合理。

一個人食lunch就是但去左女人街其中一間餐廳食台灣野，竟然有驚喜‼️呢個餐6x蚊，有碗滷肉飯，一碟鹽水雞，一碟青菜！滷肉飯好香，啲汁心滲入啲飯，勁開胃，一碗飯都吾夠我食😂鹽水雞，唔會太咸，味道啱啱好！而且啲肉都好滑，好好味青菜唔係就咁燙燙，系炒，加上滷肉汁，好入味總括來講，60幾蚊有飯有餸有菜有嘢飲，性價比算高！下次會再試吓其他！

牛肉有厚度口感，肉質嫩花枝丸都大粒，有口感彈牙，咬落冇麵粉底麵身唔似一般台灣麵，圓條幼身嘅麵但湯底冇牛肉味，比較清淡價錢都合理如果你比較喜歡有牛肉味的湯底就不用試

真心的感到現在年輕人貪新鮮，以前這裡人多到會趕你埋單，又多人等位，現在不復當年！年紀長大了，吃東西開始注重品質，現在不會貪平貪大份而選擇，要健康好味為先。這家店吃了10年，水準真的沒話說。雞絲粉皮粉皮又滑又爽，芝麻醬很香很惹味！嚕肉飯有口感粒粒炒的，而且味道咸咸甜甜可以配很多白飯蔥釀炸大腸炸得外脆內軟，生蔥段有辛辣味道，特別有層次。跟花蓮鹽雞餐：嚕肉A菜，油麥菜很健康和朋友吃了一頓正宗台灣菜，而且食物水準很高，有台灣感覺味道。

今日一早起身，唔知點解好想食台灣牛肉麵，老婆中午剛剛要出旺角做facial，上網搵下有冇啱食，找到依家聽聞開咗20年的台灣菜，滿心歡喜，今日中午過到去又唔使排隊，望吓餐牌種類唔多，但我只想食牛肉麵，唔使3分鐘已經決定好，加$4仲可以轉台式飲品，叫咗一杯蜜桃紅茶，好香蜜桃味，用紅茶來中和蜜桃甜味，我覺得非常好喝，牛肉麵10分鐘左右上菜，可能係中午關係都比較快上，食物來到，我都已經知道唔係我想要嘅嘢，湯底冇牛肉味，唔算濃郁，拉麵好一般，還有鹼水味，反而牛肉做得都可以，但絕對唔係好味，但用$54呢個價錢，有一杯台灣飲品，唔好要求咁多，反而另外叫咗個炸豬扒，做得非常好，外脆內軟，好食