尚鮮海鮮料理 (Closed)

咁啱去到附近，去試一試佢個牛入到去得一枱人食得，十分安靜店鋪使用平板落單，頗方便，惟差不多尾聲時平板疑似冇電開唔到機，要人手落。上菜速度好快，擺盤用心，惟數量上稍有缺少需多次落單牛小排和牛肩胛肉好食，其他肉油花太多，肉粒有筋，難以吞嚥。海鮮十分高汁，蠔大粒有肉有味，可惜上面加咗大撻牛油，個人認為刮去牛油再燒比較好食，酒煮蜆都唔錯，冇砂同新鮮，係比較咸。大大隻彈牙蝦，仲試咗擺啲蝦落煮蜆淨低既酒度，出乎意料地唔錯更彈同有汁。蠔同蝦不停追加，回本啦最可惜店內飲品選擇唔多最後食埋個雪糕🍦，飽飽

.🔻尚鮮火鍋海鮮料理.窮人長期糧尾，岩岩出阻糧可以食餐好d,同男友收工去打海鮮邊爐🤤🤤呢到張張枱都係卡位咁，坐得好鬆動，唔使同人迫，又唔使係咁移張椅比人行，食餐飯都食得唔安樂🤪呢到絕對冇呢d 問題，多人食仲有房坐，坐到成2-30個人都ok,超誇張，真係開P 都得🥳🥳.🔻雙拼火鍋湯底 ($157)我揀阻麻辣同埋野菌茶鍋，初初食麻辣覺得冇乜野又唔係好辣，點知愈滾愈辣，d 麻辣味愈食愈出，對唔住，我開頭仲笑你冇料到☹️野菌茶鍋，唔好以為湯底d 菇一定唔好食瘦猛猛乾爭爭，呢個鍋入面好多菇，仲有幾款菇，d 菇隻隻肥嘟嘟，好有水份，可以慳返叫個菜😂😂😂.🔻特尚手切牛 (中size: $180)打邊爐點少得我最愛既牛牛🤤🤤中size 份量都唔算少，足夠2個人食，牛牛唔肥唔瘦，望落已經好吸引，佢唔係切得好薄，所以唔會食完好似冇食過野咁，有少少咬口但又唔un, 牛牛味都幾出，好味道😋😋.🔻四圍餃尚盛 ($127)一份有4種唔同既餃，每款2隻， ( 尚鮮蟹皇餃&松葉蟹皇餃&木耳鮮蝦雲吞&西洋菜香菇餃 )蟹皇餃食落有蟹膏味好香，鮮蝦雲吞好大粒好飽滿勁足料，西洋菜餃陣味好勁好似香料咁，咬落d 菜係爽口唔係淋晒咁

逛完時代廣塲，心血來潮麻辣癮起！朋友帶路去附近呢間火鍋店，有鮮活刺身和麻辣火鍋，滿足晒兩個願望！這裡是樓上鋪9樓，原來是人氣火鍋店， 獲獎無數，門外掛滿美食獎項。裝修型格 以黑色木系主調，行日本居酒屋風格，多卡座位！日本深海島 馳刺身賣相擺設精緻，非常吸精！深海島馳魚 要看季節性，不是每天都有。由日本空運 新鮮到港全條活魚，起肉切片做刺身，入口嫩滑鮮甜。上等貨色，無與倫比！雙拼湯底 (三高野菌茶鍋 + 血池麻鍋)野菌茶湯底 清甜滋潤，美顏養生。 血池鍋麻辣香濃嗆口，不算油膩，內有黑木耳腍身索味！大花甲店員講解是韓國的大刀貝。 體積較平時食開的花甲大。新鮮嫩滑，肉質爽甜，有淡淡的鹹水味! 泡淥的時間要注意，避免過火變韌！手切牛邊肉師傅刀工細緻，每一塊都厚薄適中。肉質相對比較細嫩，油花和紋理分佈均勻！口感嫩滑，牛脂甘香！四圍餃 尚盛有尚鮮蟹皇餃、松葉蟹皇餃、木耳鮮蝦雲吞 西洋菜香菇餃 各2隻。 將蟹膏蟹籽蟹肉混合包裹在餃子裡， 蟹味濃郁，甘香美味！鮮蝦雲吞，用原隻鮮蝦製作，鮮甜爽口彈牙，令人一試難忘！田園盛 蔬菜籃份量十足，蔬菜種類款式頗多，新鮮清爽，放上麻辣鍋，索滿香麻辣湯汁，刺激過癮

又去左打邊爐，今次去食位於銅鑼灣嘅「尚鮮火鍋海鮮料理」。 姫松茸冬瓜湯，飲落好清甜，而且養生又滋補，冬瓜、松茸、瘦肉嘅份量都好多，齋食湯料都夠回本。血池麻辣湯，味道幾嗆口，雲耳喺麻辣湯入面滾到索曬味，所以食落好惹味。湯底唔算油膩，越滾就越麻越辣，啱曬無辣不歡嘅大家。牛三拼:雪花牛柳粒，口感厚實，食落好爽口。牛三拼:特尚手切牛，牛味香濃，食落好細嫩。牛三拼:手切牛邊位，切得好薄身，油脂分怖均勻，有幾塊食落做到入口即溶效果。鮮炸脆響鈴，好大嚿，索曬D湯尼食，好好味。百花釀油條，油條炸得好香脆，蝦滑彈牙。木耳鮮蝦雲吞，豬肉肥瘦恰當，鮮蝦大隻夠鮮味，木耳令雲吞食落幾清爽。西洋菜香菇餃，喺湯底度滾左好耐都無爛皮，皮薄餡靚又足料大粒。大花甲，好大隻，味道鮮甜。金不換黃金蝦，大蝦炸得好酥脆，裹滿鹹蛋黃蓉，連蝦頭食都無問題。尚鮮火鍋海鮮料理地址：香港銅鑼灣耀華街3號百樂中心8樓

放咗工想relax下，最啱就係同朋友去打邊爐，於是揀咗銅鑼灣依間人哋話高質嘅火鍋，試試佢先Menu選擇多，比大家參考下:一入去安排左卡位比我入面有部小電視好別致。由於我哋想食清淡啲，老闆好nice，介紹咗三高野菌茶鍋嘅湯底俾我哋，湯底的確好清淡，茶味會越煲越出味，初嘗咁清新嘅湯底！我地order嘅配料有豚肉、午餐肉、皇帝菜、餃子拼盤，最深得我心嘅係芝士獅子狗！成餐飯我最推薦嘅配料係皇帝菜同芝士獅子狗，皇帝菜比較少食，原來打邊爐非常清甜，而且好滑！芝士獅子狗出面唔係太多地方有得叫，今次食得好滿足。整體來講，食材好新鮮，老闆服務好，環境好舒適，唔會好擠迫！可以一試！

秋高氣爽，秋意漸濃嘅夜晚最啱就係打個邊爐 ！知道銅鑼灣有一間食海鮮，牛肉，丸都好出名嘅邊爐店，諗都無諗返完工就即刻去食！老闆安排左我哋入一間房度，環境都好大好乾淨。坐低左冇耐老細就解釋咗我哋聽有幾種湯底可以揀，而我哋今次就叫咗個國寶茶雜菌湯底！ 雖然就咁飲個湯底就有少少清淡，但呢個湯底攞嚟淥海鮮幾夾！可以特顯到海鮮嘅鮮味老細有同我地講過如果有啲咩海鮮想叫，可以同鋪頭order定，咁就包保夠新鮮啦！🤪另外打邊爐又點少得一啲酸酸地嘅嘢開下胃消下油膩呢，我哋就叫咗洛神花蜂蜜茶，飲落酸酸地甜甜地十分之開胃！打邊爐一流👍🏻海鮮方面我哋叫咗個二人海鮮尚盛，睇圖都見到所有嘢都好大份！每一樣海鮮都非常新鮮完全一啲腥味都冇！叫依一個尚盛set 正好係幫助我地依啲有選擇困難嘅人，可以乜都揀啲乜都食啲！牛肉方面我哋又叫咗個特尚手切牛，依份牛肉切出嚟每一舊都好大件，食落好有口感，肉味好濃好好食！最後餃方面我地叫左四圍餃分別有尚鮮蟹皇餃，松葉蟹皇餃，鮮蝦雲吞同西洋菜香菇餃。四種餃各有各特色，兩款蟹黃餃蟹味都超濃！相信都有唔少蟹肉喺入邊！而西洋菜香菇餃我都好鍾意！而食麻辣沙底or雞煲嘅話 更加可以加$45買一個私

係開銅鑼灣行街，天氣又開始轉涼，黎左呢度打邊爐。係店員介紹下 ，我地揀咗川貝海底椰燉鱷魚牌湯做湯底。呢個湯底好足料，落咗好多肉、骨、雞腳。 啲湯渣嘅份量多到可以做一碟餸。 啲肉炆到好林，個湯好清甜!我哋飲咗一碗湯之後， 店員幫我哋加咗啲高湯，跟住就開始打邊爐啦!我哋仲叫咗二人海鮮尚盛。我覺得呢碟海鮮嘅質素好高，因為佢新鮮同埋好大隻。 同埋海鮮嘅種類都好多有蟶子、鱔片、蜆、蝦、蠔。蟶子有一隻手咁長，來貨價應該唔平。佢啲鱔片都好鮮甜。佢嘅裝修幾好，座位寬敞， 有啲四人枱好似一個獨立包廂，自己嘅抬頭有部電視。 檯面四四方方，叫多多嘢食都擺得落!係店員介紹下，我地仲叫左佢新出嘅即泡98三高茶($58)。佢有d似麥茶，唔重甜味，有淡淡茶味，岩晒打邊爐用黎消濟。☺☺

朋友介紹去呢間尚鮮火鍋餐廳到打邊爐。朋友鍾意呢度坐得比較舒服，佢book左張卡位枱，有埋電視睇嘅 嗰個店員介紹咗一個湯底畀我哋，就係川貝海椰燉鱷魚排湯。我見個待應咁有誠意介紹，我哋就試下啦。個湯底煲滾咗之後，我哋先飲咗啲湯先，都幾滋潤嘅。但係我最欣賞就係嗰湯底裏面嗰啲豬骨，啲豬骨，點啲辣椒絲同豉油嚟食，都幾好味喎我哋叫左個二人海鮮尚盛。噉裏邊有蜆，帶子，蠔，蝦。其中個蠔同埋蝦都幾鮮甜仲叫咗脆炸響鈴，個響鈴滾3秒左右就可以食，佢索曬個湯底裏邊嗰啲湯汁，吾錯。另外仲叫左特尚手切牛啦，同埋雲吞拼香菇餃。貼牛肉粿然同一般牛肉唔同啊，佢嗰個肉質係比較易入口啲，同埋一啲都唔會硬啊食咗1個半鐘頭，好滿足的一餐

呢間野我個friend 食過，佢話呢間係食牛肉火鍋專家玩好正，那日特登同朋友嚟呢間食，結果係完全無令我失望。呢間店係日式設計，４人去都比咗我地坐日式卡位，先叫咗個雙併湯底，一邊血池地獄湯，另—邊係清湯鍋。 幾個朋友都係牛肉痴，叫咗本地牛頸瘠，安格斯牛，雪花牛柳粒和本地手切牛，款款都好新鮮，牛頸瘠囗感有少少煙韌，有咬囗，牛味淡雅，而安格斯同雪花牛柳粒牛味就好濃郁，有油份的香，食落無渣但有一種入囗咬下就好腍軟的牛香，真係好好食，反而本地手切牛乃黄牛肉，牛味適中，但出奇咁腍軟，而且好掛湯汁，配以血地辣湯，令牛鮮味更出，好的湯底令牛肉的鮮味更錦上添花！呢度Ｄ牛肉，真係無得頂！重有叫杯青檸蜂蜜梳打，好味另外Ｄ打邊爐食材也是相當新鮮，例如有款松葉蟹皇餃，真係好鮮，餡有飽滿，芥末籽蝦丸、手打牛肉滑，金沙鮮牛丸，內有咸蛋的惹味，打邊爐超正！另有西洋菜秀珍菇餃，同木耳雲吞，做得好有水準，當然－分錢－分貨，但很值耶！

前日同屋企人黎左呢間位置便利嘅火鍋店食野，我黎過好多次，鐘意佢店員服務態度好，座位舒適。食左幾次水準都keep住，所以決定寫食評讚下佢😂😂😂中size嘅特尚手切牛 $188食肉獸嘅我order左特尚手切牛，真係好好味，牛脂分佈好平均，有淡淡牛味。羽衣甘藍 kale $38成日聽人講羽衣甘藍係超級蔬菜，見佢唔算貴，就叫左一藍黎試下😛 店員話呢種菜要淥耐啲。所以我地淥左大概五分鐘。呢種菜嘅味道同其他菜冇咩分別，佢係 纖維比較重，同埋佢嘅掛湯能力好高。菜紋hold住晒d湯，所以個菜好juicy，幾好食。百花釀油條 $58個響鈴好脆口，好大舊，好好食!另外嗰百花釀油條釀左蝦膠，蝦膠份量ok，又係脆loklok,唔太油。👍四色丸尚盛 $88四色丸有牛丸、墨丸、蝦丸、豬肉丸。丸入面有唔同嘅餡，我最鐘意豬肉丸。豬肉丸入面仲有d 鹹蛋黃，同d豬肉幾夾。全部丸都幾彈牙😁

今日和朋友食消夜，他說有間叫尚鮮的餐廳，九點半後可以全單八折，而且交通都好方便食完回家，夾到時間就過去吃，入到去就見到桌上有不少新鮮的海鮮，來到我們就二話不說地叫了二個日本沖澠生啤飲先，之後再叫了一個雙併湯底，松茸湯配辣湯，一個辣一個不辣幾清，適合我地二個只可食到小辣的人。之後來了期待的海鮮拼盤，二人份夠食，海鮮好新鮮，魚同蝦好爽口，蠔又大隻多肉，不同蜆都好清甜。飲完啤酒就飲其他，沒想到那麼大杯，一杯可以飲到成餐飯，不太甜又夠凍。牛肉，肥牛的油脂平佈得十分好，不會太肥，濃郁牛肉味。這裡坐得舒服，今次我地可以包廂入面都空間十足，傾下計慢慢的確不錯。

今日，有位油麻地住既朋友話發現有間唔錯既火鍋店，想同我地去食。因為間店係廟街附近，所以係廟街集合。如果早到，仲可以行下廟街，觀賞下。依間店係係1樓，要坐lift上去，唔算好顯眼易搵，不過有好嘢食就當然唔介意啦。我地個湯底見左蟲草花花膠燉湯。個燉湯食落好夠味，而且完全唔會口乾，唔係味精湯。職員會將湯料盛出嚟比我哋食。湯料燉得好淋。我哋叫左極尚手切安格斯牛，四色丸，日式叉燒，五味豚拼盤，鮮炸響鈴。安格斯牛既牛味好濃郁，係湯入邊滾兩滾就食得，入口嫩滑。四色丸好有驚喜。初時以為係普普通通既肉丸，點知咬左一口先知內有乾坤。原來入邊係包左餡料。想知有咩餡？甘就等大家自己去試下啦。Hahaha。日式叉燒本身就味道香濃，就算放入湯滾熱再食，都依然香濃可口，值得一試。五味豚拼盤有黑豚肉，有豬皮，有豬粉腸，有豬潤同埋豬紅。黑豚肉爽口香滑。豬皮吸收左湯汁後，又甜又爽口。豬粉腸濃厚有咬口。豬紅又滑又嫰。鮮炸響鈴只係自家，出面未試過依個款既響鈴。一夾就知爽脆，好正。最後叫多個田園盛。佢地既蘿蔔同粟米都好甜。

這家火鍋不難找，在時代廣場後方的百樂中心內。一進來裝修較日式，環境寧靜配上音樂，適合聚會。一開始，服務生會端上調味盤，調味種類蠻多。湯底方面，我們選擇了姫松茸冬瓜湯和血池麻辣湯。配菜方面有特尚手切牛 （中），田園盛，鮮炸脆響鈴拼百花釀油條，五味豚拼盤，四色丸。特尚手切牛 （中）$180肉質鮮嫩，可口，放落鍋後數秒即口進食，脂肪和肉的比例均衡。鮮炸脆響鈴拼百花釀油條 $48兩款炸物都十分香口，鮮炸脆響鈴較外面的新鮮。百花釀油條可即食也可放進湯內浸一浸吸收湯的味道吃會更美味。四色丸 $88無論是牛丸，豬丸，墨丸和蝦丸都是新鮮手打，爽滑彈牙。五味豚拼盤 $138 分別有豚肉片，黄沙豬潤，豬粉腸，豬皮和豬紅。最後我們還點了高三茶 (1000ml $58)，它標榜有機天然養生茶可高抗氧化，在進食火鍋時必屬佳品。若喜歡它的麻辣更可將它們的手工麻辣醬以優惠價$48買回家煮👍🏻

今日又再嚟到位於銅鑼灣嘅尚鮮火鍋海鮮料理之前試過佢佐敦嘅分店就一於試吓睇下佢兩間嘅分店質素會唔會有好大嘅分別去到店員好熱心咁招呼我哋亦都同我地推介今日有咩時令同佢交談得知原來除咗Menu上面嘅海鮮之外仲有好多限時嘅海鮮但係就要預早book定所以今日就冇得食睇咗餐牌之後亦都發現原來佢唔係剩係得打邊爐亦有私房菜食睇完一輪個Menu之後最後決定咗叫個冬陰公湯底個冬陰公湯底嗅落好辣但係飲落好酸鍋入邊亦都有好多蕃茄菇同埋蝦做個湯底成個煲入邊嘅配料都可以食晒一啲都唔浪費之餘仲十分之好味當然唔少得一定要叫佢嘅招牌手切牛同埋四色丸尚盛牛肉好有肉味，輕輕滾兩下已經非常嫩口而四色丸都好有佢嘅特色用咗唔同嘅肉黎生打成肉丸而我個人最鍾意就係墨魚丸之後我哋都叫咗一條章紅魚刺身醫生每一片都切得好均勻之餘不帶太多嘅油脂如果食到三文魚或者呑八拿魚太多都可以試吓食呢種魚會有另一番嘅體驗食咗咁多肉最後就梗係要食返啲菜啦叫咗個羽衣甘藍分量多到嚇死人亦都非常之新鮮同洗得好乾淨二嘢飲方面我哋叫咗一個叫做三高茶感覺感覺幾清新亦都好適合去打邊爐嘅期間飲茶消滯

都有一排無打邊爐心掛掛 所以早排係銅鑼灣行完街就去打邊爐雙拼湯底 - (鮮牛肝菌昆布/姬松茸冬瓜湯)叫左雙拼 我中意冬瓜湯底既冬瓜粒吸晒味好正同時味道亦都好清甜而另一款超多菇 中意食既朋友直頭多個小食咁😂.二人海鮮尚盛有齊晒蠔,蟶子,大蜆,蝦同鱔 叫一個 樣樣都有得食 唔駛煩😋手切牛邊位呢碟牛好正! 望到油脂分佈平均唔肥唔廋食落有咬口但又唔會好韌👍🏻 牛味亦香濃鮮炸脆響鈴即叫即炸 熱辣辣上面有2件百花釀油條係油炸鬼上面有蝦滑 就咁就食得 好味道😋羽衣甘藍比起平時打邊爐食開既菜口感偏硬 可能食唔慣 我覺得打邊爐都係食返生菜好味D.西洋菜香菇餃🌟呢個餃d菜好爽口有小小香菇味 驚喜地好食👍🏻推薦青檸梳打蜜(1000ml)打邊爐一定飲好多飲品💦所以叫1000ml 每人飲到大約3杯唔怕唔夠飲