營足四季

Open Now

Now Closed

觀塘原來有一間穩世的露營主題餐廳喜歡去camping 既你一定覺得好chill又舒服，體驗一下露營晚餐 十分之寬敞舒適，全埸有成百幾個座位，同一大班朋友 gathering 就岩～你會見到佢地嘅佈置好有心思，採用露營車、露營枱凳營造 camping 氛圍感，每逢星期五六晚仲有live band 表演推薦小食拼盤第一次見拼盤入面有生菜包 而且洋蔥分開放 值得一讚 入面有雞牛豬串，肉串的調味會帶有煙熏的香氣，外焦內嫩，讓人垂涎欲滴。燒菠蘿的酸甜味則能很好地中和肉類的油膩感，增添了清新感燒菠蘿香茅雞中翼湯粉香茅雞中翼，湯底通常由香茅、雞肉和各種香料熬製而成，散發出獨特的香氣。湯粉的口感滑順，吸收了湯底的精華，讓每一口都充滿香濃的味道。雞中翼部分肉質鮮嫩，搭配湯粉的Q彈口感，形成了豐富的口感層次。這道菜不僅暖胃，也十分適合作為一餐的主菜。

餐廳裝修好似去咗露營咁 我哋咁啱被安排坐喺營車前面 打卡一流 餐廳主打泰國菜 所以會播住泰文流行音樂 泰式糯米釀雞翼 老公不嬲都鍾意食雞翼 而呢個雞翼就可以食到雞翼皮嘅香脆 仲包住少少糯米 食落都幾特別泰式香茅焗魚 呢個唔係太多地方有得食 所以我哋叫咗嚟試下 烏頭魚裏面包咗香茅等嘅香料 面頭有一層粗鹽包住鹽焗 外皮焗到香脆 介開外皮裏面就係充滿肉汁嘅烏頭魚肉 點上隔離配嘅泰式汁 酸酸甜甜帶出烏頭魚肉嘅鮮泰式辣椒膏海鮮意粉 意粉裏面有蝦魷魚蜆肉等等嘅海鮮 加埋都幾濃味嘅辣椒膏做Sauce 意粉亦有咬口 食落都幾惹味炭燒豬頸肉撈檬 而家炎炎夏日都唔會想食啲太熱嘅嘢 呢個撈檬就夠曬清爽 酸酸甜甜嘅魚露加埋涼涼哋嘅撈檬 裏面仲有生菜絲紅蘿蔔絲酸蘿蔔絲等等 而且豬頸肉夠肉汁唔會overcook好爽彈 而且夠曬油脂 好味

今日同朋友去咗觀塘營足四季食晚飯，呢間餐廳最特別係裝修擺設好似去左露營咁，仲有一架露營車可以喺入面食飯添。今次叫咗個泰式拼盤，樣樣都可以食啲，有大大片脆卜卜蝦片，多汁嘅燒菠蘿、香辣生菜包、配有沙嗲醬又燒得剛剛好的豬牛雞串燒😋食完呢個已經好滿足。我最鍾意食嘅菠蘿海鮮炒飯當然要叫，有大大塊新鮮菠蘿🍍，菠蘿多汁又夠甜好好食，炒飯都有唔少海鮮。牛油果蟹肉他他脆餅，軟綿綿的牛油果蟹肉蓉，鋪滿整個脆餅，配上三文魚子，清新可口。

香港Pet Friendly 嘅餐廳唔算太多，但觀塘有呀💡🏕️ 營足四季成個Setting都有Camping 感覺，露營車啦~ 木枱櫈啦~ 氣油燈啦~ 幾有Feel~ 🐶 戶外位置主要俾狗狗同主人一齊坐，好彩係去晚餐，唔會太熱。食物好多選擇，主要以泰式為主🇹🇭 推介牛油果蟹肉他他脆餅🥑🦀，超薄脆餅裝住大大啖油果醬，口感唔錯！🍢泰式拼盤有齊豬牛雞串燒、生菜包豬肉碎，🍍燒菠蘿好甜，最正係勁多蝦片，啱哂一路吹水一路食。呢度份量頗大，其實兩個女仔食泰式拼盤都飽左，所以 🍖香烤原條安格斯牛肋骨 上菜時我係O咗嘴😲，因為太大份喇.... 每塊都超厚哈哈哈打包返屋企都可以當兩餐食。飲品點咗椰汁冰+芒果菠蘿沙冰，唔錯。冬天冇咁熱可以再戰坐室外哈哈哈🤭

觀塘露營泰式餐廳很久沒有吃泰國菜了，餐廳以露營主題為主，無論佈景還是座椅，都有滿滿的小夜燈和椰子樹，充滿露營感覺，非常有心思。餐廳座位寬敞，冷氣非常充足，播放住流行音樂，餐牌會不停更新，除了泰式食物還有pizza、意粉、特色甜品、酒飲、下酒菜等等。手機下單非常方便，而且圖文並茂，提供清水和紙巾，另收加一服務費泰式拼盤 $238拼盤非常豐富，有燒香甜多汁菠蘿、甜甜的香脆蝦片、清新的生菜洋蔥包肉碎、豬牛雞串燒各兩串，醃製了的串燒肉質軟腍，滿滿的香茅香料味，再配上沙嗲汁非常惹味，另外還有辣椒和蒜頭可以生菜豬肉碎一起吃，推介泰式糯米釀雞翼（2隻）$38飽滿的香辣雞翼非常惹味，味道濃郁，還配有泰式辣醬，不錯清新柚子煙燻三文魚洋蔥薄餅$138超級薄的薄餅加入香草洋蔥和三文魚，配合甜甜的柚子醬，對接夾埋一齊食會有口感啲，味道配搭非常特別越南生牛肉湯河 $78可以選擇多河粉和另外加湯，熱騰騰的湯河除了牛肉、香料外，還有白蘿蔔，清清地非常暖胃朱古力牛角包窩夫配朱古力雪糕 $88需時20MINS，擺盤幾靚，適合打卡，熱騰騰的牛角包窩夫加入忌廉、朱古力雪糕和雲呢拿雪糕，雪糕很快溶，記得即刻食服務質素：7/1

趁著今個星期天氣比較好，特別約了好友來觀塘海濱 逛一逛。午餐我們選了這間營足四季，看見網上評價也不錯，我們都充滿了期待。餐廳裝修有特色，像去了露營一樣。這裏食物款式也多，我們叫了幾樣一起互相分享。首先來個清新開胃前菜，BBQ手撕豬肉墨西哥taco食起來淡淡肉。配上微微酸的醬汁，令人食肉大增。之後來的這個清新柚子煙燻三文魚洋蔥薄餅，味道清新可口。肥美的三文魚配上清新的柚子醬汁，吃起來味道豐富。巨型豬扒配蘆筍燒菠蘿絕對是今日的精選。豬扒看起來巨型，食起來肉味十足，肉質幼嫩得來不會鞋口。配搭特製醬汁，令人停不了口。最後叫了個泰式扎肉拼魚餅湯粉，吃點澱粉質才飽肚 不過不失。份量也算足夠，在這天的午餐畫上完美句號。

改菜單後啲嘢食又貴又唔好食，完全冇性價比，食物又唔熱，嘢飲又唔好飲個香茅雞翼唔熱又冇肉汁油香，炸腩肉都唔柴但係屋企應該都整到，個意粉一般，魚ok。但係收我$800就真係完全冇性價比，可以話係完全食唔飽。

📍營足四季😍觀塘高質素露營主題餐廳👍～黃咖喱配炭燒豬頸肉😛豬頸肉全部都勁正😍燒到勁香👍份量仲要好多☺️咖喱味都好香濃😘👍~泰式拼盤😍串燒非常之正☺️全部肉質嫩滑爽口彈牙😛豬肉雞肉牛肉每樣都好出色😘生菜包肉碎調味得非常之好😘唔會太鹹👍生菜每塊都好靚😎😍👍～朱古力牛角包窩夫配雪糕😘好耐冇食過咁正嘅窩夫😛夠熱之餘香脆可口😍上面鋪滿晒忌廉☺️配埋雪糕食真係非常之正😘😍順帶一提😛餐廳環境靚😍食物質素高🥳店員服務態度好👍下次經過呢頭一定再嚟食😎📍營足四季 (觀塘)觀塘鴻圖道86號中富中心地舖

今日我去咗觀塘一間好特別嘅餐廳，佢嘅裝修以露營為主題，搭配咗木頭同布料，感覺好溫馨，真係好有氣氛。餐廳入面有駐場歌手，正好當日有位客人生日，佢哋仲唱咗生日歌，令整個晚餐更加開心！講返食物，首先係「泰式脆香豬腩肉」。呢個菜式真係好正！豬腩肉嘅皮脆到入面一咬就化，完全無需費力。搭配上甜酸汁，味道酸酸甜甜，仲有香草嘅清香，真係令我一口接一口再嚟就係「泰式生蝦」。十隻生蝦新鮮得黎，肉質滑溜，咬落去有種海洋嘅清新感。佢哋仲有配搭一啲香料，令味道更加突出接住係「牛油果蟹肉他他脆餅」。牛油果嘅滑順配上蟹肉嘅鮮甜，真係食得非常滿足。玫瑰花花蜜凍飲」色澤粉嫩，清爽得來又有一陣淡淡嘅花香，喝落去唔單止消渴，仲有種令人放鬆嘅感覺，

觀塘🏕️營足四季🏕️以露營為主題，不用怕日曬雨淋，環境又寬敞，餐廳中間仲有一架露營車🛻人多既可以包埋架車係入面食野，真係好chill好寫意㗎😍😍。呢度逢星期五,六,日 晚仲有🤩Live Band🤩有人唱歌製造氣氛，趁住朋友仔生日就✨提前訂枱✨仲可以唱埋生日歌，真係會勁開心同驚喜，呢度約埋朋友黎玩真係一個好地方👍🏻👍🏻👍🏻泰式拼盤🍢呢個拼盤可以一次過試晒多款泰式小食 - 豬牛雞串燒各兩串，生菜包，蝦片，燒菠蘿。串燒配搭沙嗲醬又唔乾好嫩，燒菠蘿鮮甜多汁清新開胃，生菜包加埋豬肉碎食好fresh，蝦片又脆卜卜❤️清新柚子煙燻三文魚洋蔥薄餅🍕薄餅批底好薄又脆，清新無負擔感，配上肥美的三文魚肉🐟爽脆既洋蔥，柚子味甜甜的，很特別令人非常開胃，每一口都很滿足🩷焦糖雞蛋布甸瀑布卷蛋🍮布甸香味濃郁，質感細嫩滑口，帶有淡淡焦糖香味，卷蛋中間帶有忌廉有驚喜😍😍

朋友聚會，友人推介這間餐廳。雖然地點距離地鐵站有點遠，但佈置有創意，餐枱與餐枱之間有適當的距離，坐得舒服食物和飲品也有驚喜和質量。侍應服務熱情，久坐沒有黑面和趕客。最重要是無限時坐。

🔆營足四季📍觀塘鴻圖道86號中富中心地舖很喜歡現場音樂表演這裏每個星期五，六7pm-9pm 有live 樂隊客人可以自由點歌 氣氛非常棒除左餐廳環境 寬敞舒適食物都好有質素推介 🔅泰式拼盤一次 試哂唔同款串燒有六串 分別有豬牛雞各兩串 肉質保持到嫩滑Juicy生菜包 配辣肉碎味道酸酸辣辣非常開胃燒菠蘿極香甜可以中和番肉類嘅油膩感🔅黄咖喱配炭燒豬頸肉斜切成薄片的炭燒豬頸肉口感較爽脆焦香惹味佐酒一流黄咖喱味道微微辣配上手抓餅同食風味更佳另外還有全日Happy Hour Menu三杯手工啤只需$99!!

想體驗下露營，礙於和朋友夾時間地點不容易，一直未成事，聽聞觀塘有間以露營為主題的餐廳，一於前去。餐廳內有輛露營車，加上部分露營桌椅，仿如在郊外用餐。藜麥南瓜沙律 - 新鮮沙律上鋪滿藜麥，配香甜燒南瓜及車厘茄，健康之選。泰式拼盤 - 非常豐富，串燒(牛、豬、雞) 烤得乾身但內裡多汁，濃郁香口 ; 清新生菜包著炒得惹味的豬肉碎 ; 燒菠蘿又甜又 juicy ; 自家製蝦片炸得香脆。燒蘆筍 - 沒有孜然粉，簡單的灑上少許鹽調味，更能嚐到蘆筍天然鮮味。泰式札肉魚餅湯檬 - 札肉彈牙，魚餅微辣，還有蘿蔔，配金不換令湯底更清香。連 cappuccino 都有，水準不下於精品咖啡店，試想想露營時可以飲到意式咖啡很 chill 呢。

餐廳環境有細心打扮過，極有露營風格，我恍如正在露營一樣。還有一輛露營車裝飾不特止，車內還可以坐著用餐。餐牌：炸旋風薯仔：360度的表面都炸到很香脆，每一口都吃到「咯咯」聲，吃到裏面是粉糯軟綿綿的薯仔，口感不錯。泰式拼盤：拼盤有燒菠蘿、串燒、生菜包、炸蝦片，配料有秘製醬汁及蒜頭，十分豐富；蝦片感覺是即炸的，因為超爽脆，沒有油膩感；生菜葉新鮮，全部都沒有燶邊或穿洞，而且清甜；肉碎有檸檬葉的香氣，泰風十足，可惜調味偏鹹；串燒份量都有六串，雖欠肉汁，但是燒得很香脆。炭燒豬扒撈檬：泰式湯汁可由自己加入份量而調校濃淡度，檬粉及豬扒的份量都不少，豬扒肥肉不多，健康之選。龍眼冰：甜度適中，夠冰凍，底下還有幾粒龍眼肉可以吃。

星期五夜晚去左一間有趣既露營主題餐廳，門口已經放左露營凳，天花板上掛住露營帳幕，中間放左一架露營車座位，環境特別。逢五六日夜晚有live band show，氣氛熱鬧，可以即場點唱。泰式拼盤 一次過試晒多款小食 - 豬牛雞串燒各兩串、燒菠蘿、生菜包、蝦片。串燒配搭沙嗲醬食惹味，燒菠蘿香甜多汁，生菜包加埋香辣豬肉碎食好正宗，蝦片脆卜卜。泰式扎肉併魚餅撈檬撈檬口感清爽，扎肉調味剛好，帶有鮮肉味，魚餅中混合檸檬葉口味。清新柚子煙燻三文魚洋蔥薄餅薄餅餅皮酥脆，煙燻三文魚的鮮美和柚子的清香相互融合，洋蔥的甜味增添了一層豐富既口感，每一口都充滿住滿足。**神秘遊戲環節**贏左可以免費有一球雪糕球，神秘遊戲環節互動增添用餐樂趣。