四季冰室 (良景廣場)

Open Now

Now Closed

今天早上去屯門找個朋友，順便吃了一個早餐，試了一間新餐廳叫 ＂四季冰室＂。點了一碗沙爹牛肉麵+腸仔炒蛋+熱鴛鴦。沙爹味很濃，食前需要充份搞拌，否則會有點咸。牛肉份量合理，整體還算不錯。腸仔實在太咸，好像没有提前泡水，失望。雞蛋生熟程度控制得還不錯。熱鴛鴦就不太推薦了，味道偏苦，下次還是直接點奶茶或咖啡算了。餐廳環境還算可以，冷氣也夠，座椅也坐得算舒適。下次會試一下他們店的其他早餐/午餐，帶望會有驚喜。

諗住買外賣唔使捱醫院餐結果嚟到杯凍檸茶倒瀉咗一半叫咗一碗"忌廉濃湯"通粉 一碗"蕃茄湯"公仔麵最後嚟咗兩碗清湯唔知乜嘢蜜汁叉燒 鞋過你對拖鞋食咗百二蚊衰過食醫院canteen 浪費金錢 浪費時間如果有得評負分我想比負分

住田景所以成日都會去初初好好，沙茶牛肉好食茶餐啲炸野又多又炸得靚但啲廚房走哂之後就慘咖啡唔好飲，炸脾成日都燶又細隻薯條星期日未到3點就賣哂啲食物出餐個樣又變哂叫咗個芝士炒蛋潛艇佢嚟到係一塊芝士舖係一份蛋皮上面個包又唔再係熱狗包係芝麻包（似pizza hat個隻蒜蓉包）仲要係一刀打直切開，放係入面就算，整到垃圾咁都好意思出餐？完全同之前炒蛋入面有芝士，熱狗包中間開口舖係入面嘅出品係兩回事。同個負責人講，佢整過份比我不過都係一模一樣乜咁大間集團唔係應該有製作方同出餐標準架咩？好幾個女樓面又走哂，嚟咗個男性管理層煩膠後就勁混亂，該男性管理層短髮，略黑皮膚，身高普通。自從佢嚟咗之後，就經常出現入錯單，出錯單嘅情況，令本來唔亂嘅餐廳運作因佢而出現混亂。而且非常心急，唔多客人等位都會不停催促其他員工執檯，出餐；係檯面還未清乾淨嘅情況下就叫客人進場就坐，行到埋去就企係度睇住你抹檯，多此一舉。作為客人，我寧願企多陣，等職員執乾淨檯面，抹好檯面污漬後先舒服就坐。仲有佢經常係較遠嘅地方催促所有人工作嘅態度亦不甚友好，令其他員工覺得煩躁，尤其是因為佢而增加嘅錯單情況下，更加令人煩躁。但都要稱讚一名女性員工，

成日經過見到咁多人，終於今日試咗，不過無下次，嘢食一般，都ok, 唔算特別平，但最大問題係～慢，我蒸條倉魚，仲要出來係涼的，用咗35分鐘，飯和湯 要叫佢先上 ， 全家人食完都唔滿意，partime 新人態度唔錯，可能比人鬧得多，每句都講唔好意思，眼見得两個熟手，帶住6個新人😅全單500元，問咗可否收現金，出電子單（要泊車），說可以，比完錢，又話唔可以，只收八達通，分單又話唔得，支付寶，信用卡又唔收，唔係個個人八達通都會有咁多錢吖嘛，我退開入錢落八達通，又黑我面，好心打定d單比人泊車用啦，所有餸都唔熱，不過燒腩仔幾好食，anyway 無下次😅

諗住快快食個早餐就去行街帶位阿姐話早餐就截單，要我地兩個人搭另外兩個人坐4人卡位落左單先（阿姐臨時放左塊勁大既膠板係中間）落晒單後其他位陸續有人走，但佢地完全唔打算幫我地是但一pair轉位，而係一有新客黎就帶佢地坐吉位，最可笑係個疑似部長既阿姐勁惡話唔坐呢個位就出去！！但明明有吉位架喎！？張枱跟本窄到無可能搭枱食其實你地咁鍾意要人搭枱，應該好似澳牛咁全部圓枱，咁咪4人搭一張枱又食到野囉呢間真係永久blacklist

一心想食燒鵝，點解可以買到質素甘差既燒鵝，唔係有心甘講，但真心要改善下！買翻屋企一打開，見到d燒鵝甘樣完全無胃口，又唔係平wor，已經係買下莊，都無諗到無論賣相，味道，都好失望！

晏晝唔食飯既我 平時最鍾意就係食沙嗲牛肉麵呢間冰室 環境闊落 餐牌選擇好多小菜 炒粉麵 煲仔小菜 鰻魚飯 燒味飯等…好多選擇 花多眼亂 不過我都係揀返我想食嘅沙嗲牛肉麵🍜😂沙嗲牛肉麵配炒滑蛋火腿 厚方包 $43 +4轉出前一丁 +1烘牛油厚多士 +3 凍朱古力沙嗲牛肉麵係雞湯底 沙嗲味唔濃 帶偏甜嘅味道不過牛肉幾好夠淋 滑蛋尚算嫩滑整體還可以 如果沙嗲味更突出就更加好啦🫣四季冰室 📍屯門田景路31號良景廣場2樓L205-L206號#四季冰室 #沙嗲牛肉麵 #早餐 #午餐 #茶餐 #屯門茶餐廳 #屯門 #屯門冰室 #hkig #Tuenmun #foodblog #hkfoodie #foodie #foodieblogger #foodiehk #blogger #hkblogger #foodstagram

之前食過幾次，雖然唔係話好好食，但不過不失，一直都感覺還好。今晚念住外賣，個夜更收銀態度差到飛起都算，仲要Bad臉。自己覆單見錯左，好心好氣答你。仲係我面前<嘖..>加反眼。好難忍囉！問佢洗唔洗咁既態度，仲一副不可一世個西樣答你，邊有wow~~~咩世界？ ？真係念起都火滾。不會再幚襯呢間野！俾錢買難受！！🤬🤬🤬🤬🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥

外賣點餐 - 漏單無跟進 職員推卸責任話唔關佢事先推 系替假員工問題 可能跟錯再推 foodpanda 車手無拎一個餐廳 到收店都無跟進個客張單 成屋人等佢2個鐘 連follow up 都無餐廳電話打左大半個鐘頭先通 半句道歉都無 再投訴， 呢個餐廳話一般外賣單 唔會聯絡個客！咁我想問 你張單 到收店都無人跟進，你覺唔覺得有問題？ 有賣地址 電話 你連覆都唔覆個客？ 你做唔切 ， cut 單各樣 都起碼話比個客聽 而唔系到收店10點就完當無一回事請問貴店系點做野？呢個餐廳 免費我都唔會再食😡

一家人諗住母親節食個輕鬆飯 點知.. 爸等到走左😵‍💫叫左5樣野 5分鐘就先左個特餐 點知之後就係等等同等.………………………………………………………………………………20分鐘 追追張單 侍應話煮緊 廚房仲有一大疊單做緊30分鐘 再問問要等幾耐 都話煮緊 我話不如改做燒味飯同取消一個啦 佢轉頭又話經理話先煮左我哋張單先 我爸嬲嬲地話吾等 走咗… 另聽到其他枱都係咁追單40分鐘 終於有得食 等係一個問題 另態度都好一般

家人留意到屯門良景廣場2樓有間 <四季冰室>！ 一家人平日夜晚到冰室食晚餐！我們約 8:00 入座！疫情下，店內部份餐桌上加上隔板，以保持社交距離！餐牌食物選擇多元化！飲品方面，不論冷熱飲都是偏甜， 恐怕水吧職員落糖水幾慷慨，最好先加水才飲吧！送食物方面，我們一齊落單，多數約15~20分鐘送到，卻是細佬的黑椒牛柳絲炒意粉要40分鐘送到，期間我們有幫手追單才最後送上，我們基乎食完才送上！離譜！當時到晚上 9:00，甚至連附近的食客也走得七七八八，店員亦開始清潔工作！鬼佬鴛鴦 $24 跟餐半價 $12即是柯華田+好立克，不用加糖都已經過甜！熱菜蜜 $18 跟餐半價 $9媽咪先喝一兩啖，已覺得好甜！凍檸茶 少冰 $20 跟餐半價 $10細佬要凍檸茶 少冰，給店員張紙上已註明少冰，都可以俾錯熱檸茶，熱檸茶唯有俾爸爸飲；補叫凍檸茶 少冰 ，入口好甜！爸爸點：鮮茄野菜焗牛脷飯 $57媽咪點：紅燒豆腐斑腩煲 $66送上桌見到有件魚腩好似被偷食咁！我點：滑蛋蒲燒鰻魚飯 $78滑蛋蒲燒鰻魚飯 $88滑蛋的確嫩滑，鰻魚汁甜美，我這款口味穩陣！唯獨是白飯有點乾！細佬點：黑椒牛柳絲炒意粉 $5

話說星期日同daddy慶祝，見良景開左好幾間新食肆，諗住去試一試！不過daddy特別鍾意食港式口味，於是就選左呢間四季冰室。平時行過呢間餐廳都見到好多人等，可能星期日關係，屋村餐廳都需要拎飛等叫number..等左around唔知幾耐，終於到我地啦！入到裡面坐，感覺座位尚算舒適，唔會好迫，裝修亦有氣氛，唔錯。開頭叫左3款野食，而等左差唔多15-20mins就有得食第一個菜，味道唔錯，亦岩daddy口味，但之後...有個羊南煲等左超過40mins都未到....咁daddy就開始搵waiter跟進下，跟住好快就有個著卡其色衫既waiter走過黎，話可以幫我地跟跟，見佢著住那些年件衫(隔離間台式餐廳)，而家先知原來係同一間公司，可能唔夠人手過左黎幫手掛。眼見原來好多其他客人既野食都未齊，係咁追單。而頭先個個男waiter同d客好有禮貌咁講「唔好意思，我地今日外賣比較多，可能廚房未整得切，我會盡力同你跟跟」之後再等多15mins都未有...野都差唔多食曬，都未到....daddy話不如取消佢啦，我都諗住唔食了，話口未完，個煲就到了。岩岩整起，熱到有少少燙口，但味道確實係唔錯既！整體黎講，呢間餐

住咗喺屯門29幾年，由細食到大嘅茶記都係「祥景」同埋「大班粥」，當領匯擴展左個商場之後，食肆多咗好多，選擇都唔再局限呢兩間。「祥景」嘅質素十年如一日，好聽D就係舊時嘅味道，唔好聽就係舊屎嘅味道，冇計啦不思進取，所以佢開分店都開唔到；「大班粥」就改咗名做金大班，但前排都執左，個鋪位就一拆二，其中一個舖位就係我今日食嘅 - 四季冰室有人問我，就咁用相睇，點樣睇到個面煮得好唔好食，簡單。當碗麵上枱，睇到隻面身仲係卷住卷住未散開，幼身，未發脹，咁你都估到起碼唔會難食。我今次嘅早餐叫左沙嗲牛肉麵，雙太陽蛋多士，熱咖啡 $37價錢正常，良景黎講都唔平。碗麵一上枱，已經聞到一陣陣甜甜地嘅沙嗲味，見到個賣相，ok喎。我冇轉出前一丁，普通嘅大光面，但整既時間岩岩好，軟硬適中，沙嗲偏甜，撈埋啲麵食好夾，牛肉出奇地正常味，雖則點都係雪藏，但腌製得好，難得我係會食晒啲牛肉。太陽蛋同多士就冇乜嘢好講，咁簡單嘅野，但至少你就咁睇個樣，你都睇得出同我前兩日喺西貢食嗰份太陽蛋多士係有分別 - 比心機vs 9HeaMcmug綜合評分：6.5/10🙂整體都幾好食，如果我住附近我應該會成日嚟！「好食7級🐽」：☹️👹極度難食，

外賣自取叫左2個餐豆腐火腩飯蔥油朱扒煎蛋飯+腸仔外賣整好唔叫人拎，放左係度一段時間唔緊要，我見到，我自己拎拎到返屋企個蔥油豬扒煎蛋飯+腸仔無左隻煎蛋，打落去餐廳同佢哋講叫佢補返隻煎蛋俾我，佢話無問題，同經理講佢問我地址我講埋俾佢聽，我準備留埋電話俾佢時佢就cut我線！等到佢收工都未見有從此唔會再食，亦會叫家人勿光顧。祝您生意越做越差，每個星期都有食環檢查每日都俾客見到有老鼠經過請唔到人返工業主加爆您租最後一句保佑您良景分店全員工患有新冠肺炎

夜晚打完波見肚餓 近近地入左呢間四季冰室諗住快快手食個快餐就走啲隊友就叫啲碟頭飯餐我就叫左個蕃茄牛肉湯既快餐點知要等勁耐都算（我啲朋友飯餐都到曬差唔多食完）勁耐先送個火腿炒蛋加多士黎差唔多食到一半先走埋黎話無蕃茄湯得忌廉雞湯 無又唔一早通知轉餐要人食左個火腿炒蛋多士先話無要我硬食忌廉雞湯因為我唔食忌廉雞湯原因 我話要清湯點知個呀姐拎個碟野埋黎話已轉清湯我一試之後下 你照拎忌廉雞湯比我話清湯？結果成碟野食都無食我就走左咁既服務態度真係好差 無下次