Second Bite Bar & Grill (Closed)

已經係第二次Encore 呢間💖叫得second bite果然係會有下一次😋環境尚算舒適，都岩傾計談心💖今次黎有個熱情招呼的女待應，服務好好值得一讚！有主動介紹menu及遞紙巾。同朋友叫左個黑松露薯條、串燒、牛油果意粉，每款都幾好食，特別係薯條好大份又香脆！值得一提的係like 社交平台 +share post仲有得每人送一杯水果茶/洋蔥圈，都好正👍🏻🤪以西餐黎講性價比已經好唔錯～ 期待下次third bite！

大佬你地果d塵多到不在話下，台又唔抹，d乾花暗燈下飄晒d塵出黎，你地知唔知？意粉又硬又凍上，野飲多冰又無味溝水咁，到底仲有幾多人要去中招？唯一值得讚嘅係侍應好有禮貌。

😁 依日朋友喺長沙灣附近做完嘢，約咗一齊食lunch，佢揀咗依間餐廳。🍽 法式慢煮油封鴨髀刈包、沙律 😋😋😋😋見到有油封鴨髀配台灣刈包咁食，感覺幾新奇！😁 於是叫咗嚟試試，油封鴨腿嘅調味唔錯，鹹鹹地咁夾落刈包再加啲沙律菜食冇乜違和感。不過，刈包真係要趁熱食，如果唔係就會變得硬身㗎啦！🙈🍽 蟹肉海鮮喇沙燉飯 😋😋😋😋依款喇沙燉飯，椰漿同香料味好濃郁，好多醬汁！細細碟食完都好飽，有蝦🦐、蟹肉🦀、菇菌、車里茄…… 有咬口同爽，而且新鮮！飯都煮得粒粒分明唔會淋晒！ ☕️ 400次咖啡 😋😋😋😋疫情初期興起嘅400次咖啡，唔知大家仲記唔記得？小編聽過就冇試過，見依度有得叫，就心郁郁叫嚟試下！😲 原來係將咖啡打成奶泡狀，再放入奶中。想飲得咖啡均勻啲就要攪勻嚟飲啦！咖啡奶泡打得幾滑身，飲到咖啡有啲甜味！☺️ 而朋友叫嘅美式咖啡，不過不失！☕️ 午餐 💵💵💵 約港幣$110/人💁🏻‍♀️ 小編幾年前帶過屋企人嚟食晚飯，對食物嘅觀感唔錯！依次嚟食lunch，都幾好！午市套餐可以揀沙律🥗或餐湯，又唔使加一！比較同區café價格係平少少，大家可以考慮嚟幫襯㗎！😎

深水埗橫街有間西餐野食幾高質，但又好抵食，真係好值得推薦下！閒日夜晚嚟到坐左成晚計埋我哋先得五個客，係成晚！員工就四個，希望推介下大家去試試。先講野飲，有正常茶啡果汁沙冰類，另外有少量生啤cocktail同紅白酒揀。我哋飲咗生啤，當時啱啱過左happy hour，但係員工好nice主動offer我哋happy hour嘅優惠，當時我哋話好呀，到最後埋單走人時我哋主動比番正價佢，原因係見佢太少客😭而我哋覺得佢嘅食物質素唔錯值得少少支持分別叫左一牛一豬兩款扒，肉質調味都恰到好處，塊扒好厚身，薯菜唔係頹貨，每樣料都有分別處理過，主菜類都係有心思嘅食物。叫左一份雞搥，熱辣辣即炸好香口，味道豐富肉質就一般稍嫌唔夠嫩口。見佢lunch set更加抵食，可能開係呢個位人流少，有機會可以試下呀

琴晚收工約左兩個同事食飯，10/31係萬聖節，咁啱又一齊收早，同事推介呢間長沙灣嘅西餐廳，MTR出左都要行一陣，可以話係荔枝角同長沙灣中間。訂左8點3位，去到都冇乜人，燈光暗暗地都幾舒服，我地叫左三個主菜一齊share，有封門柳、西冷扒同波士頓龍蝦配芥末牛柳粒，全牛宴，小食加左4隻雞槌。飲品三個都叫左水果茶～～～～～～～～～～～～～～～～～～～頭盤黎左南瓜湯同牛角包，南瓜湯好飲，暖嘅唔係好熱，有啲紅蘿蔔茸，令個湯豐富左牛角包夠熱，好食喎～～～～～～～～～～～～～～～～～～～～跟住到小食雞槌，熱辣辣好味到主菜時間，封門柳先到，5成熟，樣就幾靚，食落牛味十足，唔會難咬，煮得剛剛好其他沙律菜、薯蓉、菇就正常水準跟住到龍蝦同芥末牛柳粒，龍蝦就細細隻啦，$198係咁上下，但肉就好似嚼香口膠咁，唐人煮龍蝦唔叻，非戰之罪牛柳粒就ok，有水準，個汁好味最後到西冷，朋友幫手切，本來就叫5成，但切完睇似熟左啲，似7成，我食落都ok嘅，正常囉～～～～～～～～～～～～～～～～～～～～仲有水果茶幾好飲三個人食絕對夠飽，佢仲有甜品我地冇叫，飲品佢有酒類嘅，下次再試其他野食啦最緊要價錢唔貴

長沙灣呢間西餐廳Second Bite 氣氛幾好 食物質素都唔錯 而且好抵食今次同朋友嚟食咗呢度嘅自牛燒套餐 有四款唔同嘅牛肉選擇 第一款揀咗美國安格斯牛頸脊 油花平均 肉質好滑 另外第二款就係特選封門牛柳 相對冇咁重油脂 不過牛味就十分濃郁套餐都會跟餐湯同牛角包 個包嘅牛油味好香 焗得好鬆軟 另外仲有好多半碟嘅蔬菜 夠晒豐富👍🏻叫自牛燒因為上枱時 牛肉只係輕輕燒過 客人就可以自己落手燒返自己想要嘅生熟度 我哋都好俾心機🤣燒至medium 所以整出嚟都好啱自己嘅口味

長沙灣隱世西餐廳🚇港鐵長沙灣站大概10分鐘路程💡裝修美式工業風設計🕰晚餐好多選擇款式《主食》🌼「封門牛柳」扒 6oz～👨🏻‍🍳廚師精選～7成熟肉質香嫩 牛味濃郁～有菇類薯蓉做配菜🌼紐西蘭肉眼扒 10oz～5成熟配懷舊黑椒汁~牛味比封門牛柳扒更濃郁~鐵板形式上碟 有菇菌香脆薯條做配菜🌼原條芝士流沙粟米～有邪惡鹹蛋流沙係表面~再加以燒烤 更惹味😈💁🏻‍♀️套餐配以餐湯牛角包 飲品～港式奶茶 茶濃好味～即磨咖啡 咖啡味濃

誤打誤撞食齊咗兩間second bite。喺長沙灣second bite，今次食咗兩款主菜、一款小食。▪️廚師精選：封門牛柳扒（約6安士）$178 - 配餐湯、牛角包，連沙律🥗、薯蓉、野菌｜一開始留意到呢間餐廳就係因為呢個封門牛柳。望住lunch menu好耐都唔見有，一問先知原來喺另一份精選menu。先飲住餐湯，食住牛角包等牛柳。今次餐湯都係南瓜湯，而牛角包🥐同佢個名一樣香脆，一切即刻有碎碎。5成熟牛柳，顏色粉嫩，切開9件，牛肉味濃。不過食多幾嚿咬到個口有啲攰🙈配菜有沙律同菇，平衡吓。枱面有黑椒，有需要記得用（我哋就唔記得落）。除咗牛肉，印象深刻啲嘅仲有薯蓉。薯蓉帶牛油香，有少少薯仔顆粒。-▪️Second bite 招牌香煎肉餅煎蛋飯 $78 跟餐湯/沙律｜食西餐唔食意粉，竟然嗌個飯嚟食？估你唔到係煎雙蛋，仲要係兩粒橙黃色蛋黃。煎蛋下面係同煎蛋一樣闊嘅肉餅同埋粒粒珍珠飯。肉餅雙面都有煎香，肉質厚實，蘸少少豉油，加少少鹹味。呢個肉餅飯嘅味道比想像中有驚喜，唔食牛肉可以一試。-▪️炸咸蛋雙色黃金薯條 $38（跟餐）｜無留意到主菜（牛柳、煎蛋飯）係咁大份，仲嗌多份咸蛋黃薯條🍟呢兩個餐都可以加配

這間位於長沙灣的隱世餐廳，估唔到平日晚上到全場爆滿，非常利害!餐廳座位不算很多，他們晚上有提供晚餐，亦可以散叫!廚師精選「封門牛柳」扒 ，這個是套餐來的，有餐湯、牛角包和主菜!當天的餐湯是甘筍湯，味道鮮甜，而且也有甘筍粒!封門牛柳點了5點熟，牛柳已經切好上碟，牛肉肉質鬆軟，牛肉味濃，再點上蜜糖芥末一齊食更正!隨碟還有沙律、薯蓉和忌廉蘑菇，十分惹味!原條芝士流沙燒粟米，粟米鮮甜又爽口，面頭塗上芝士和咸蛋黃碎，食落好香咸蛋黃味，十分正!咸蛋黃金雞翼，雞翼是單骨雞翼，有稍稍炸過，上面有滿滿的咸蛋黃醬，食落有香濃的咸蛋黃味，而且雞翼嫩滑juicy，不錯!

2nd bite 招牌煎肉餅脆蛋漢堡🍔配沙律薯條$178見佢依個配搭咁特別就叫咗嚟試吓啦😀中西合璧🤫首先佢用咗竹炭麵包已經加晒分😊連個包煎到勁香😁不過最香梗係佢個脆雞蛋😙同埋個煎肉餅😀雞蛋有流心嘅效果😏配埋啲芝士真係超級邪惡😇個肉餅都煎得好香😄唔算太硬又唔散😊食落去啱啱好😚最鍾意就係佢個薯條係雙色薯條😎蕃薯條🍠同埋普通薯仔條🍟就咁食已經好香😜加埋茄汁仲好食🤪沙律就係配咗啲沙律醋😀開胃廚師精選封門牛柳扒6oz $178 叫咗五成熟牛扒😌呢個價錢呢個份量真係相當之抵食😂食落去都好重牛肉味😗同埋食到佢表面嘅黑椒味😎加埋個蜜糖芥茉真係一流😜少少硬🤓但係可以接受🤩同埋佢仲可以加埋佢特製嘅薯蓉😉好鍾意佢個薯蓉有小小薯仔粒嘅口感🤣呢個沙律菜就同上面嗰個一樣啦😌仲有一個加分為係佢個牛底墊左啲蘑菇🍄蘑菇唔係普通炒過而係有忌廉汁😜所以同個牛都非常之夾特色餐湯🥣香脆牛角包🥐我估唔到個湯都幾creamy😎又濃郁🥳好重忌廉味😀仲有粒粒粟米嘅口感😍牛角包就正正常常🙃但係佢畫龍點睛嘅位係☺️加埋個湯一起仲好食

#封門牛柳扒 ⭐️⭐️⭐️⭐️#紐西蘭肉眼扒 ⭐️⭐️⭐️⭐️⭐️#原條芝士流沙粟米 ⭐️⭐️⭐️⭐️⭐️係荔枝角呢個咁忙碌嘅地段，要搵間可以chill 到嘅餐廳嘆下唔係咁易，今次去嘅呢間餐廳一行入去就有一種忘記工作嘅感覺，好治癒！⭕️肉眼扒好正啖啖牛香味⭕️芝士流沙粟米好特別非常值得一試⭕️湯好足料好有質感非常開胃⭕️奶茶咖啡都好有質素⭕️周圍都係充滿藝術氣息嘅掛畫入到去感覺好治癒⭕️牛扒嘅伴菜夠fresh令整個主菜唔會好膩

同男朋友行完街 有啲肚餓 就嚟左呢間bar & cafe食lunch! 一人嗌左一個lunch set🤤喂 抵食喎！我嗌左個大蝦野菌扁意粉🍝$88 連埋沙律同一杯野飲 性價比高😍擺盤都幾靚 賣相已經好吸引🤩隻大蝦真係好大隻🦐好入味 食落仲好鮮甜 而且肉質爽口又彈牙😋個扁意粉加埋大量嘅野菌一齊炒 幾香口夠乾身 唔油膩 麵質夠煙韌😚啲野菌份量都多 大大粒 好juicy！！另外前菜揀左沙律菜 食落幾清甜 加埋啲沙律醋 好清新🥗

早幾日同朋友去左呢間係長沙灣嘅Second Bite Bar & Grill, 呢間餐廳主要以美式料理為主，主打鐵板、牛扒🥩, burgers🍔等，好多選擇☺️🔻🔸加拿大安格斯西冷扒 $248係廚師精選度揀左呢個安格斯西冷扒，呢塊牛扒有成10-12安士，超大塊！🫢所以同朋友share食就啱曬😂😂佢配埋薯蓉、野菌同雜菜，非常豐富，塊扒一啲都唔韌，食落好juicy, 喜歡嘅話可以點芥末醬食😆🔻呢個餐仲配左特色餐湯同香脆牛角包，牛角包超脆，可以點埋個湯一齊食添😛另外+$48叫左個鹹蛋黄金薯條，薯條超脆之餘，每一條都食到有鹹蛋黄架🤩🔻飲品方面就叫左一杯檸檬茶（+$5）同一杯招牌水果茶（+$8）最後當然仲有甜品啦🤣叫左個特色雪糕芭菲（+$38）入面有雲呢拿同朱古力雪糕各一球，仲有啲士多啤梨同莓咁🤪食埋甜品就perfect啦🥰

👍🏻封門牛柳扒餐(包餐湯、牛角包) $178牛味超濃郁！咬落仲有肉汁嘅封門柳上枱時已經切得靚靚，嗌咗五成熟啱啱好雖然偏瘦冇乜脂肪，但食落一啲都唔韌唔乾柴反而口感好軟嫩，多汁juicy🤤牛柳面頭灑咗少量海鹽，調味唔會太重蓋過牛味有兜芥末醬跟埋，但個人認為唔點仲好味有驚喜嘅係墊係牛柳下面嘅炒雜菇牛油味好香之餘又炒得熟透軟腍，吸晒啲肉汁，好好食😜薯蓉有淡淡牛油味，唔會磨到太蓉，仲食到少少薯仔粒份量同味道正常，但鹹咗少少餐包係牛角包幾特別，夠酥脆，牛油味幾香味道：8/10性價比：8/10-👍🏻吉列炸廣島蠔(跟餐) +$48/4隻一口size，熱辣辣炸起，吉列皮夠哂脆雖然唔算肥美大隻，但炸粉唔厚，比例合理蠔肉亦唔會炸到乾哂，完全無腥味/臭味，可以放心食用🤣味道：8/10性價比：7/10-👍🏻鹹蛋黃金雞翼 $88/6隻推薦！炸得好脆口，上枱熱辣辣，要小心辣親咀🤪肉質超級嫩滑juicy，咬開直頭爆汁滴出嚟😛雖然鹹蛋黃份量唔算超多，鹹蛋黃味亦唔算好濃郁，但有起沙口感加上雞翼本身有醃過，啲肉唔會淡茂茂，唔係只靠表面嘅鹹蛋黃味道：9/10性價比：8/10-📍Second Bite Bar & Grill

♨️Second Bite Bar & Grill 長沙灣昌華街45號昌輝大廈地下6號鋪@secondbitehk 💜今晚黎長沙灣食西餐，近蘇屋邨，舊邨中有一間裝修唔錯西餐顯得幾有特色，食物質素有水準，職員有禮貌，夜晚都幾旺塲，收費合理👍🏻🔷南瓜湯、牛角包湯有D南瓜粒唔太杰幾好，牛角包仲好鬆脆，加分👍🏻🔷封門牛柳扒（6oz)唔算大份但肉質鮮嫩，五成熟恰到好處，高分👍🏻🔷紐西蘭肉眼扒（10oz)勁大件又厚，夠淋唔多筋有牛味，3成熟鐵板上一流，入口剛好五、六成👍🏻🔷吉列炸蠔炸得好鬆脆隻蠔好juicy又鮮甜，水準之作🔷水果茶🔷即磨咖啡食物：8/10抵食：8/10環境：8/10。。。#食在長沙灣 #長沙灣美食 #secondbite #荔枝角美食 #美食日記 #美食推薦 #香港美食指南 #香港美食日記 #肉眼 #封門柳 #好好吃 #炸蠔 #hkig #hkfoodie #hkfood #foodie #foodiehk #foodhk #hkfoodlover #hkfoodpic #hkfoodblog #foodporn #foodblogger #foodphotography #food