捌捌陸台式料理 (D2 Place ONE)

Open Now

Now Closed

長沙灣人氣台灣夜市主題料理店「捌捌陸」捌捌陸推出雞煲台式小食任食火鍋套餐快閃限量搶買一送一，人均低至$184，即有食雞煲火鍋食足120分鐘！雞煲一共有麻辣雞煲 、三杯雞煲、麻油雞煲、黃金芝士雞煲四款選擇。食完雞煲再食火鍋，少不免會有美國prime肥牛、荷蘭五花腩、美國牛板腱等多款肉類選擇，相信食肉獸會大滿足！而打邊爐當然要食丸類啦，這裡一樣有，如胡椒豬肚丸、流心芝士丸、芝麻麻吉燒、花枝丸等；又有其他火鍋必備配料如山根、響鈴、炸魚皮，大量種類蔬菜，海鮮等，應有盡有食到超飽！還有多款台式小食，如迷你滷肉飯、迷你紅燒牛肉麵、雙色QQ地瓜球、滷水牛根、滷水牛肚等。甜品當然也有台式啦，包括黑糖糍粑和鮮奶燉桃膠，食完火鍋可以滋補一下！整體而言，整個套餐性價比超高，絕對值得一試！除此之外，更有豪華雞煲火鍋套餐買一送一，人均$249起可選擇除上述台式雞煲火鍋套餐食品，另設特濃沙嗲湯底、藥膳湯底、香濃蕃茄湯厎、麻辣湯底、壽喜燒、地獄豚骨等多款惹味湯底。肉類更可升級選擇美國PRIME牛三角小排、美國PRIME牛肩胛等。任飲的飲品亦有珍珠奶茶、仙草奶茶、黑糖珍珠奶茶、黑糖珍珠鮮奶，珍珠奶茶控推薦選擇這款套餐

問咗好多次嘅Menu 我諗店員下晝先得閒覆我不過都同之前一樣，今次試吓下午茶嘅牛肉麵睇吓個份量！之前試過加$5要蕃茄湯，今次encore，依然咁好味咁濃郁！甜得來有啲酸酸地嘅新鮮蕃茄味 好正，好正！覺得湯入面嘅牛腱好味啲腍啲，滷水拼盤嘅牛腱有四舊勁正勁足料，雖然都要+1，但係有成四舊又唔會細細舊咁！抵過晒茶木同鼎泰豐多多聲！仲有滷水豬手，牛筋，牛肚！賣相亦都勁靚仔 係牛腱嘅火候今次唔夠，有少少韌牛筋今次超讚，火候啱啱好，好腍☺️☺️☺️☺️超滿足，我同朋友都勁鍾意！牛肚都偏硬，但係勝在好實在好有口感🥰今次嗌小食加咗$38嘅海蜇都幾大碟，雖然都係一碗仔底下好多青瓜，但係同出面餐廳比都算係咁㗎啦！都好粗㗎 ！口感係偏腍 $48雞蛋布甸芋圓糖水，賣相好好，有黑糖俾你自己加，不過佢本身都甜甜地！如果有得加少少奶類嘅汁更加好！呢間+1服務費，服務OK，侍應為男仔為主 所以係有性格嘅對待🤣又唔可以話態度唔好，但係又唔算好好正常發揮，起碼做到嘅要求佢都有，亦都幫到我處理正常嘅嘢 譬如斟水餐具碗仔咁遲到加咗醉雞卷，好入味，鹹咗少少，不過唔會好油唔錯！牛肉比較出色 但係雞都絕對唔差亦都抵食！去開頭一定會再enc

用QR code落單，店員完全冇服務可言，但就要收10%服務費笑死人，成間餐廳得兩台客，廚房都整錯嘢食，嗰店員完全冇唔好意思。😂兩個人加一後$149.6，佢直接結帳$150 ，真係好過去搶錢。以後唔會再去嘅一間垃圾餐廳！

捌捌陸 長沙灣 D2 place 今日去左D2 place 行下，發現左一間親民台灣餐館。叫左個 台式三杯雞煲，真心抵食，又夠惹味， 辣味剛剛好，雞肉還可以夠滑。第一吃已愛上。吃完雞之後加湯打邊爐， 加咗啲丸同埋啲菜。2個人巳經好飽。📍Shop 306, 9 Cheung Yee St, Cheung Sha Wan

叫左兩個套餐：鹽酥雞滷肉鹽薯排骨滷肉鹽酥雞和鹽酥排骨好厚粉，食落個外層好多油滷肉好鹹，無滷水香味。 再叫多左個小食，台灣腸，都唔好食，個味有啲唔夠味。 同係其他鋪頭食既台灣腸有出入。 野飲就正正常常，無咩特別，叫左杯黑糖珍珠鮮奶， 凍頂烏龍。第一次係呢間鋪頭食野， 無咩期待，好肚餓。 食過好多間既台灣野食鋪頭，呢間鋪頭既整體野食令人失望。 服務生好有禮貌，都好好👍 上菜速度好快，真係落完單，五分鐘之內啲野就開始上餸

行完街，攰攰地想坐吓，見到有未試過嘅喱間台灣野，價錢合理，所以就入左去。6點前入座，坐落發現原來仲有下午茶，馬上落單。三個人，叫左迷你牛肉麵，迷你滷肉飯，同咸牛肉蛋餅。牛肉麵正常，吾錯，牛展好淋。滷肉飯個分量都成兩碗飯咁多，一啲都吾迷你，好抵食。蛋餅都好大份，有啲木魚碎同有汁，甜甜地，好食會再encore食到一半先記得影相唯一就係有加一，不過店員哥哥們都態度好好，又肯俾水俾空碗我地幾個人分享黎食，都ok啦。

星期六下午來到D2覓食，來到這間台式店，2人不用等位，店有室外位置可選，要先叫店員給QR cord 才可自行下單。食物方面，滷肉鹽水雞飯份量足夠，雞肉滑，但滷肉偏重口味。套餐包括滷肉飯、木耳絲和飲品。飲品有比較特別的甘蔗茶，甘蔗茶味道很好但冰太多了。另一道食物是藥膳排骨，這道菜要麻煩店員幫忙下單因自助下單的頁面沒有，食物很快便送到面前。藥膳排骨沒有藥膳味，如果喜好藥膳味的人可能會失望，另外白飯味道很好。

$88湯麵套餐送小食同飲品, 另收加一服務費 滷水豬手麵係清燉牛肉湯底豬手有3件, 炆得好淋同入味, 係有一件有豬毛, 少少噁心麵可以選 王子麵同手工台灣麵餐廳用QR code 落單, 首選係王子麵, 就試下啦小食選左涼拌小黄瓜, 酸辣好開胃的套餐可以免費點選仙草凍奶茶 當初落單睇唔到有套餐選擇, 所以單點左個麵,然後員工都好有耐性幫忙更正返為套餐, 亦有埋台覆返一次單係結帳既時候發現無減到當初既麵, 仲要快快手比左錢後先發現佢地都冷靜快手處理D2PLACE內既台式餐廳, 星期六晚上座無虛席, 另有一間分店係家樂坊食台灣麵又想飲下珍珠奶茶係唔錯既選擇

$97 Lunch 在D2 可以有許多選擇，最後還是試試這店。開始時一切都很正常。涼拌木耳份量不少，切得細細，有蒜有青葱有紅椒，不是敷衍之作。熱冬瓜茶也可以。麵送來，樣子也不錯，吃一口卻不妙，整碗是微温，不要說冒煙，湯入口祇是暖，我是今天第一個客，是湯未煲熱就送來？忍不住，問侍應為什麼，她說湯是一直暖着，放在麵。她很好，忙陪不是，問我需要換嗎？我請她送一碗熱的湯來。湯送來，這次是冒着煙，熱燙的，我把吃剩的麵，紅燒牛肉和小棠菜放進熱湯(蛋已吃了)。這店的粗麵其實很有咬口，四片滷牛肉是入味軟香，湯濃，都是水準以上(雖然下午兩小時內我喝了三杯水)。希望小店振作，湯不熱，麵和肉多好，是不合格，客人吃得不爽，一切功夫都是徒然。

早前特登入D2 Place食雞煲，個麻辣雞煲一送到黎就見到份量頗多，成兜金黃色，極度吸引。食落口果然冇令到我失望，雞皮香，雞肉嫩，咬一啖有肉汁爆晒出黎。食晒啲雞同索汁洋蔥之後，我同個friend就開始落料打邊爐。我地兩個都鍾意食軟身嘅菜，所以娃娃菜煮咗大概二十分鐘之後先食，一試真係驚為天人，因為佢同雞煲個湯底好夾，菜葉索晒啲雞味精華，正到爆。手打肥牛都好好食，手打鮮蝦滑好鮮甜彈牙。我地仲order咗啲小食，有涼拌青瓜、酥炸甜不辣同滷水蛋。涼拌青瓜解走雞煲嘅油膩，滷水蛋同酥炸甜不辣都好地道台灣風味，尤其係酥炸甜不辣，外皮極酥脆，入邊又好軟綿綿，如果唔係太飽，我地一定會叫多一份。餐廳嘅嘢飲都好好飲，我地揀咗爆珠蜂蜜綠茶同埋別別陸水果茶，酸酸甜甜又清香撲鼻

本身好肚餓，唔知食咩好？因為成三四點先可以搵嘢食，諗住唔使食鼎泰豐，但係朋友話唔想成日食呢啲一樣嘅嘢，而且鼎泰豐唔平，我只係諗住肯定有嘢啱自己食，點知搵到間好嘢，下次要食多次！性價比味道都比鼎泰豐有下午茶餐 不過我太肚餓知道佢下午茶係細嘅size，我就嗌返正常，加上我想食牛筋牛腱麵考慮咗一陣加$5要咗個蕃茄湯，掙扎咗好耐因為佢個藥材湯我都好有興趣！冇後悔，因為勁濃郁好好味，而且冇乜油超鍾意，有蔬菜有蛋好開心 牛腱勁大嚿好有牛味又有口感 200分200分，一定要再嚟食🥰🥰呢個價錢呢個質素完全贏晒鼎泰豐王子麵係咁嘅樣俾咗啲朋友，佢嗰碗係滷肉飯 質素都非常之好見到粒粒珍珠米滷水拼盤大件夾抵食，牛腱有成。四大片仲有牛肚牛筋，完全秒殺茶木個滷水拼盤。🥰🥰🥰 $78超值囉。 然後個人喜好之下，試咗個醉雞都覺得唔錯，不過就冇滷水拼盤咁經驗，醉雞酒味都幾重，而且個雞都係唔錯嘅質素，有油脂嘅皮加上好瘦肌肉啱晒我，怕肥可以整走個皮服務方面就欠缺少少啦，比較自助多啲，不過你有要求同事應講佢都會幫你達到，但係就走出走入可能下午茶時間唔會有人特別去serve整體超滿足，而家睇返啲相都覺得好值推薦 簡直令我想嚟多

去開荔枝角行街有少少肚餓但係又唔想食正餐🫢加埋呢排真係好掛住台灣嘅嘢食🥹喺D2 Place見到呢間台式料理可以散嗌台灣嘅小食就諗住試一試嗌咗好經典嘅肉鬆蛋餅同埋珍珠奶茶🧋個蛋餅好足料👍🏻啖啖肉鬆同埋個皮唔會太厚 都幾似喺台灣早餐店會食到嘅味道! 而且珍珠奶茶個茶底唔錯，茶香味幾濃，美中不足就係有啲太甜🤔如果大家嚟荔枝角行街諗唔到食咩都可以試吓㗎

當日同朋友去食野，依照餐廳排隊指示喺條隊度等。餐廳室外位置有位，但因為嗰日天氣太過悶熱，所以我哋要求要室內座位等咗一陣之後，店員帶我哋埋位，點知要我哋搭枱😅前提係餐廳有其他位置🙏🏼正當我要求想調另一張舒適啲嘅位置👀佢將嗰張空缺嘅枱，安排咗俾排喺我後方嘅客人…為左避免掙扎，都費事出聲🙏🏼餐廳需要加一服務費，剩係座位安排已經覺得好不安😕不過入到去都要食架喇食物份量都大份，適合大食嘅朋友，味道方面真係唔好要求太多🙏🏼以量取勝👏🏻

今日去開荔枝角，揾下有咩好食，試下呢間台灣菜，佢有室內同室外位，天氣涼既時候坐室外都幾舒服👍試左個滷肉飯餐，叫左排骨滷肉飯，以滷肉飯黎計，份量都算幾大，佢既滷肉係比較大粒，不過唔會去到超肥，食落口感唔錯，同埋味道唔會太鹹，排骨就已經切好左，都算大塊，有脆度，不過肉就有少少乾柴，無乜肉汁，扣左唔少分個餐仲有個前菜同飲品，叫左手拍青瓜，正常發揮，飲品就叫左蜂蜜綠茶走甜，都係比較大杯，同埋真係唔會好甜，扺讚

位於荔枝角D2的一間台灣菜 天氣其實很凍 朋友建議這家可以坐外場位置 因為他們有很大的露台還行吧，台灣菜有露天位罝也挺特別 就試試看一開始點了一杯$78 的gin soda , 一喝下去感覺是沒有酒精的 後來和服務員說了 他便在加入一些酒精給我們 效果相當好 給予讚賞另外由於我們兩人也不是很肚餓 就指點了一個花枝丸湯和小食拼盤 當天的天氣非常寒冷 一口熱湯 很舒服，令人覺得味道相當好 小吃拼盤也是可以的 不過不失吧 整體食物水平可以 至於環境和服務方面 友人給予高度讚許 說十分驚喜 另外也許由於晚上坐在外面的人不多 員工的服務也是十分貼心 經常過來看看我們有什麼需要 整體服務水平相當好