捌捌陸台式料理 (D2 Place ONE)

Open Now

Now Closed

喺D2 Place 食過幾次呢間台灣菜，都幾滿意，所以有時喺屋企嗌外賣都會嗌佢～平時好鍾意食滷肉飯，但喺香港好難搵到好食嘅。捌捌陸嘅滷肉飯我好鍾意！唔會過鹹/過油，加埋蔥花好香。今次配咗台灣腸，仲有好多生蒜，性價比唔錯。ps試過佢嘅醉雞捲都好好食～今次第一次試佢嘅地瓜圓，味道唔錯，冇諗過配蛋黃醬幾夾，但係略嫌入面有啲溶溶爛爛好似未熟嘅麵粉咁。 (定係正宗地瓜圓係咁？）個人會prefer好似芋圓咁煙靭啲。🤣總結～喺荔枝角想食台灣菜嘅話呢間會係我嘅不二之選!

下午茶時段 無人外面又有大露天地方便同朋友一路吹水一路享受快樂時光個人叫左肉鬆蛋餅 足料味道濃 好飽肚黑糖牛奶正常發揮但凍凍地飲完好開心D2 內好多新奇有趣既事物 食飽飽再去行街街🕺🏼

唔係好餓，但晚餐點都要食啲野。見到有戶外，有啲食客帶埋貓狗出黎。呢間餐廳台灣野食，都有做台灣啤酒。侍應大部分都係年輕人。麻辣雞煲一隻$138，確實係平。平還平，食過就知，麻度同辣度、雞鮮嫩度就唔好要求咁高喇。但講平，想食雞煲係食得過。其他食物正常價錢！滷水拼盤幾入味$78In terms of 價錢都ok ，但唔係其他食評講到咁好味、、普通味道

超級耐冇食過台灣菜，今日黎開D2 Place附近亂撞試吓呢間，見佢星期二平日差唔多8:30pm都仲坐滿主要有滷肉飯、湯麵、拌麵、一人火鍋叫咗個台灣滷肉飯套餐 ($88)，包小食、一款滷肉飯、飲品▶️ 涼拌大豆芽平時都鍾意食大豆芽菜，因為夠爽口呢個加入大量蒜頭、蔥油、少少辣椒，好重口味，作前菜開胃▶️ 花雕醉雞卷滷肉飯非常豐富多肉，面頭佈滿醉雞、滷肉粒同半隻滷水蛋花雕醉雞卷並非一般「卷」狀，而係一片片味道唔錯👍🏻好濃花雕酒味但唔苦，肉之間有「啫喱」，雖然不至於嫩滑，不過唔會乾柴🐔滷肉就比較肥膩🐽大多為肥膏，入口即溶不過自己鍾意瘦肉位，咬落一絲絲好似手撕豬肉咁，有質感啲滷肉汁本身味道唔錯，只係比例太多，令成個飯好鹹滷水蛋就麻麻哋，唔夠入味▶️ 熱洛神花茶本身以為會係清清地嘅茶味，點知飲落超甜，完全係利賓納🫠(揀咗走甜，但事後侍應話呢個有指定甜度)-佢嘅味道的確達到台灣菜標準，欣賞佢肉份量好多😋全部大大碗環境舒服，有室外座位，冇咁凍嘅話應該坐出邊有feel啲服務ok，全部後生仔女，有禮貌嘅性價比唔錯，加一之後～$100/人，算抵食

位於長沙灣廣場的台灣店，當然要一試經典的台灣牛肉麵！作為廣受喜愛的台灣傳統美食，台灣牛肉麵這道料理以細緻的牛肉、鮮嫩的麵條和濃郁的湯頭為特色。這碗麵的牛肉肉質鮮嫩多汁，入口即化；湯頭濃郁醇厚，融合了牛骨的精華和香料的香氣，口感豐富；麵條有嚼勁，與湯頭的結合更顯美味。加上香蔥、辣椒和其他配料的調味，牛肉麵帶來了豐富的口味層次。牛肉麵的價錢為68元加一，相比起外面近百的價錢，這裡的性價比更高，值得一試。

我點左花雕醉雞卷滷肉飯套餐，醉雞卷嘅花雕酒味道濃郁，滷肉飯又惹味多汁，搭配涼伴大豆芽非常開胃，再飲一啖洛神花茶消滯又解渴。🍗🍚🍃另外，朋友就點了紅燒半筋半肉麵套餐，麻辣底嘅湯底夠辣夠麻，啱晒鍾意辣嘢嘅佢，配菜揀左涼伴木耳絲，飲品佢揀左甘蔗鮮奶，非常鮮甜清新，又不會太甜。 🌶️🍜🍨而且，另一朋友點左鹽水手撕雞蔥油乾拌麵套餐，蔥酥豉油令手撕雞更加美味，搭配涼拌小黃瓜好清新，至於黑糖珍珠鮮奶就甜得黎好重鮮奶味，好飲又解辣。😍🍗🍜🥒🍮我地仲點左台式三杯雞雞煲，第一次食台式雞煲，三杯醬汁令雞肉更加美味多汁，雞煲仲配上黑糖仙草芋圓，淡淡嘅仙草味同彈牙嘅芋圓好正。🐓🍡

首先係珍珠奶茶，濃郁而且茶香十足，珍珠Q彈有嚼勁，喝落超滋味。接著食咗鹽水手撕雞，味道鮮美。雞肉一撕一塊，淋上特製鹽水，鹹香適中，不過較為有啲粉狀最後嚟啲涼伴木耳絲，清爽又開胃。木耳絲爽口，加埋特調的醬汁，清涼中帶有微微酸味，十分開胃。整體食物質素可以，環境舒適，而價錢亦相當合理。

886觀塘開分店，位置大概在駿業街66號巧運工業大廈那邊，上星期去過食下午茶，價錢唔貴，員工服務態度好好，食物都好好味，朋友早就去過荔枝角分店，話好好食，所以帶我去觀塘新的分店試吓👍

去荔枝角做野就到D2 place睇下有咩食。最後揀左呢間。叫左個紅燒牛肉麵套餐。有一碗麵，一碟份量幾多既涼拌青瓜，我加$10轉珍珠奶茶，最後連加一埋單$107.8青瓜黎先，一食就知係擺左好耐，因為唔爽口同俾d汁浸到淋晒。之後珍珠奶茶到，正常味偏甜。最後碗麵到，好細碗。一黎飲啖湯先，夠味正常。再食牛肉，好多根好韌無味! 奇怪個湯底夠味但牛肉係無味! 最慘係個麵底，淋bet bet毫無彈性，又係無味唔掛湯。間野收加一，qr code落單，埋單要自己出去埋。食食下有個普通話阿姨坐我隔離係度玩電話。之後有個女職員落場食飯，佢兩個就開始吹水。個阿姨不斷話唔明點解無用餐時間限制，話唔理解d人食完唔走霸住d位。仲攞我前面枱客做例子。又抱怨有客食完整到張枱好污槽，話香港同台灣個文化好唔同… 老老實實，加一服務費可以聽到阿姨比較港台用餐文化真心抵!

好耐無食台灣野～同朋友聚會搵到呢間台灣野唔太貴，就黎試下。一場黎到當然要叫個台式三杯雞雞煲，個雞煲渣渣聲，香氣逼人，雞肉都好嫩滑，份量多，食極都有！食完都飽咗一半～食完雞煲就落湯打邊爐，港人至愛～配料都好有台灣特色！encore 得最多係皇帝菜同鴨血，超好味～呢度嘅台灣小食種類都好多，台式小食拼盤，涼拌小黄瓜，肉燥燙青菜，花雕醉雞卷，可以話咩都有～台式小食拼盤入面，有地瓜條，甜不辣，台式香腸，花枝丸等等，全部都炸得好香脆惹味！而個醉雞卷都好正，好有酒味，濃度適中，雞肉都處理得好彈牙，值得一試！野飲我地都試咗好多杯，因為真係款款都想試，捌捌陸水果茶最好飲～好解渴又清新！最後食埋個黑糖仙草芋圓就飽哂～

台灣菜有雞煲食，都係第一次見。由於唔係好食得辣，所以叫咗個三杯雞雞煲，諗住食完之後可以打吓邊爐。三杯雞嘅雞肉，肉質比較鬆軟，食得出走過油先至放落去炒，金不換蒜頭等配料都好充足，所以味道層次好豐富。滷水拼盤，質素極高，有豬手牛肚牛腱等等，每一種食材都冇得非常入味，烹調嘅時間啱啱好，滷到起晒膠質。而且滷水汁嘅味道亦都調配得恰到好處，叫一碗滷水拼盤加碗白飯就已經好滿足。由於食滷水拼盤食到好飽，所以打邊爐都冇特別叫好多嘢食。叫咗皇帝菜，鴨血，同埋大蝦。食材都算新鮮，而且價錢唔貴。

$74一碗麵，太貴啦，有加一服務費，但其實都冇咩服務，qrcode 自助落單，自己行去買單。味道其實可以既，個豬手都傷味，夠淋。湯底都夠濃味，唔算太多味精。麵就普普通通。主要係價錢太高。

尋日同frd子行D2 place，行到好肚餓，咁啱見到呢間餐廳好似幾正斗，即刻入去試試佢><我地叫咗一個雞煲，有三杯雞煲或者麻辣雞煲可以揀，朋友係無辣不歡人士，就梗係揀麻辣雞煲啦😆雞煲一黎到已經勁香，煮咗陣就食得。佢嘅雞肉超級嫩滑，肉汁香甜。除咗雞，我覺得雞煲嘅精華更加係啲洋蔥，因為佢本身已經有浸洋蔥嘅香甜，索曬麻辣汁同雞味，好味到不得了之🥺食曬啲雞、加埋湯之後我地就開始打邊爐。手切美國prime肥牛肥瘦分佈均勻，入口爽而不膩；手打蔥貢丸超特別，貢丸口感爽脆，內裡有蔥香味撲鼻嘅餡👍仲有個麻辣鴨血根本係超高汁，入口滑如豆腐，同個辣汁完美融合。酥炸花枝丸都好食，餐廳比咗椒鹽可以點，風味十足。最驚喜嘅係個甜品，佢叫七色彩雲。未黎到已經好好奇，之後黎到果然冇令到我地失望🥳佢係豆腐花做底，面頭鋪滿曬白玉圓、芋圓、蕃薯圓、椰果、珍珠、紅豆，仲有香港少見嘅抹茶圓，撈埋啲黑糖汁，真係食到我心花怒放🤤

佢哋有自家製嘅洛神花茶同烏龍鮮奶茶，飲落幾清爽，唔會太甜雖然每一台嘅食客都叫撈麵同湯麵，我哋就試咗台式三杯雞雞煲😂😂，加配咗響鈴、蜂巢豆腐、手切Prime肥牛、魚皮魚肉餃同鴨血。個雞煲真係有驚艷嘅感覺，雞肉份量多同超嫩超多汁，三杯醬汁嘅味道完美融合其中。同香港雞煲係兩種風味，咁整完啲雞仲係好嫩滑 味道同樣都係好濃 但多咗一陣好香嘅九層塔味 蜂巢豆腐嘅口感豐富，喺煮嘅過程中都吸收哂三杯醬汁嘅風味，令味道更加豐富。響鈴上枱是剛炸好 熱辣辣的 脆口豆味濃仲有佢哋嘅黑糖仙草芋圓，甜品都好正！黑糖嘅甜味同仙草嘅清新味道完美結合總括嚟講，呢間餐廳嘅台灣料理選擇超多，從飲品到主菜同甜品，我下次都要你試吓佢哋嘅面同埋飯😋😋佢哋仲提供露天座位，可以加錢享用水煙，可以relax下。

一間位於荔枝角D2 Place嘅台灣菜，餐廳除咗可以室內用餐之外，仲有戶外區，加上寵物友善，好有特色，台灣菜種類各式，食物質素都唔錯，值得一推👍🏻🤍涼伴大豆芽 涼伴大豆芽爽脆多汁，食落有一陣陣清新嘅口感，非常清爽解渴！加上清淡嘅調味，令人開胃🤩🤍鹽酥雞滷肉飯 鹽酥雞滷肉飯嘅鹽酥雞外皮酥脆多汁，每一啖都食到嗰陣香氣四溢嘅鹽酥味道。而滷肉飯都好正，米飯同滷肉嘅配搭好襯😋🤍鹽水手撕雞滷肉飯 鹽水手撕雞滷肉飯都好好味！手撕雞肉質鮮嫩多汁，食落有滿滿嘅雞香，配埋滷肉飯一齊食味道好夾，令人回味🤤🤍台式小食拼盤 -蝦膠油炸鬼、酥炸花枝丸、地道台灣腸、酥炸甜不辣、黑糖地瓜條台式小食拼盤非常豐盛，有唔同嘅酥炸小食、特色台灣腸等等，每一樣都帶來不同嘅口感同風味。酥脆小食嘅外皮同鮮嫩嘅內餡交織，越食越上癮，咁多種口味一次滿足🤪🤍綠茶鮮奶 綠茶鮮奶茶香奶濃、清香可口，綠茶嘅苦味同鮮奶嘅香甜完美結合，飲落解渴又有豐富嘅層次😚🤍黑糖珍珠鮮奶 黑糖珍珠鮮奶嘅黑糖味濃郁、鮮奶口感滑順、珍珠Q彈有嚼勁，三者互相融合，而且甜度適中，飲落口感令人上癮😍🤍芋圓抹茶雪花冰 芋圓雪花冰嘅冰沙口感綿密細膩、入口即化，抹茶味香濃，芋