城八日本料理

Open Now

Now Closed

今日週年紀念，老婆嗌咗城八到會，週年紀念又真係唔同d嘅，見到咁多野食可以開心成個禮拜，有深海池魚、甜蝦、三文魚、海膽、油甘魚等等勁多野食！難得咁正經咁慶祝紀念日，都幾感動，嗌埋成班friend一齊~刺身拼盤我最鐘意，一盤已經有好多款刺身，而且望落個樣勁靚，最適合影相打卡鋪相~刺身好新鮮，肉質非常好，好肥美~每一款都好鮮甜，而且大細適中，唔會話d肉肥過頭或者係細塊得濟，我覺得口感剛好~最驚喜嘅係會有專門嘅師傅到場幫我地整刺身，好有儀式感！多謝老婆

城八這間餐廳之前有朋友向我介紹，剛好今日約左好朋友出街，便先搵資料找找附近有哪些餐廳好介紹。朋友喜歡日本菜，上Openrice 看到餐廳的評價也不錯，餐廳環境亦好似不錯,所以決定訂位了！ 餐廳環境真的不錯，座位寬敞舒適，不會坐得不舒服，感覺上好好。我們點了網上其他人推薦的食品，有長崎生蠔、海膽、三文魚臉頰壽司、帶子、喜之刺、還有其他…不過這幾款都是我和友人最喜歡吃的。總括而言，海產非常新鮮！看到師父處理得細心,雖然望上去好似好只是乾紫菜包住帶子,但吃進口就很不同，口感佳，這麼簡單的整法,都那麼好吃，我都介紹大家去嚐嚐。

星期五,女朋友生日,所以特登請左假,帶左佢去左行街食飯,陪佢,一日既行程一早已經安排好,生日禮物都安排好,晚餐都安排好晒!我女朋友話全日最滿意既係晚餐我同佢都食得好開心,所以特登上嚟打番個好評先!我地兩個最中意都係食日本野,所我地成日都去日本嫁!食日本野基本要叫當然係刺身,壽司,一品料理呢3樣先,我地最注重就係呢3樣, 刺身,壽司,都好新鮮,特別係北寄貝,最中意就係佢既口感仲要好鮮甜,正!一品料理係有特色,好中意食呢間,一定會番嚟食!

琴日番工俾老細,省左幾句,成個人心情差到不得了,唔想甘唔開心呀!所以一定要令自己開心番,一個令自己開心番既原因就是，食好野，所以就即刻打電話俾朋友問下最近有咩好介紹，之後就介紹左呢間俾我啦入到去感覺已經合適我,門面好日本格調入面好開朗既感覺,舒適!我叫左嚮螺刺身,白蝦壽司,喜之刺,銀雪魚,一個人差唔多啦~朋友真係無介紹錯!嚮螺刺身好 新鮮,好有咬口,好爽呀! 白蝦壽司上面有柚子皮帶出白蝦既鮮甜味,好中意! 喜之刺同銀雪魚都好正!我都推介大家食!

非常後悔，大叫中伏，以為有見城八成，點知兩成都無，CP性價比可能係全尖沙咀最低，選了午餐最貴選擇$290嘅壽司飯盒，點知不單只無前菜，蒸蛋淨係有一條一厘米長嘅八爪魚腳，飯盒米唔係日本米，只係有假蟹柳、魚蛋，同埋普遍魚；餐具亦都係平庸，餐廳無裝修，師傅無熱情，希望餐廳可以正視改善，等從前熟客有理由再來。

今日見完客無野做，可以早收工✌🏾✌🏾見有少少餓餓地，同埋好耐無食日本野想食下，就去左呢間餐廳享受一下我一個人的tea time喇～～～😁😁😁首先我點左碗大蜆清湯，粒蜆大大粒！仲要好新鮮😋蜆肉完全無霉味！！食落去啖啖鮮甜味～～啲湯亦都有好清香既蜆肉味🤩令人大開胃口黎食日本野，緊係唔少得叫刺身啦😍😍😍我叫左最鍾意食既甜蝦同埋toro刺身～質素唔錯👍🏾全部都好新鮮肥美！啖啖肉🤗🤗🤗🤗🤗真係好正！之後仲叫左一客凍豆腐，豆腐上面有海帶同番茄作配襯，夾埋一齊食真係絕配😱豆腐既淡淡豆香味，再加埋海帶同番茄，有一種好清新既感覺，刺身食得多會有種油膩感，食完刺身再食呢個豆腐，就可以將嗰種油膩感減輕一點點喇✌🏾✌🏾除此之外，我仲叫左白玉粟米，賣相望落去同平時食開嘅粟米有啲唔同，顏色比較偏向淡白色，點知食落去超有驚喜🤠唔好睇佢比一般粟米淺色咁多，就以為佢唔甜，呢隻粟米係超級爽嫩鮮甜😃而且十分之juicy添！！真係好有驚喜🤩🤩🤩🤩最後仲叫咗燒喜之刺，燒過之後外皮好香脆，但入面既肉一啲都唔鞋，仲好嫩滑，再加上佢配有蘿蔔蓉酸汁，食完成個人都好開胃醒神🖖🏾🖖🏾🖖🏾

為左慶祝,我決定食正啲嚟獎賞下自己,所以我嚟到呢間城八,餐廳高質素得嚟又唔會話太貴,整體嚟講都好抵食!!!我點左份海膽壽司,勁足料!啲海膽多到鋪滿左個面,連啲飯都遮住晒啊,每一啖入口都有啖啖海膽係到,好正,跟著我仲試左佢地既深海池魚刺身,刺身厚度攞得岩岩好,有口感得嚟又唔會話丸厚,師傅手勢非常好,我仲食左佢地既清酒煮大蜆,蜆有肉無沙,放落清酒到一齊煮勁鮮甜.而且佢仲有呢個清酒供應,可以暢飲暢食,讚啊!

經過之前係旺角區中過一次伏之後, 我揀餐廳開飯前都會上網做定research先.見到呢間城八好似不錯.今次黎到尖沙咀同家人慶祝細妹18歲生日, 唔經唔覺就咁大個了.廢話唔多講, 去圖!我地叫左一碟超大既刺身拼盤, 有牡丹蝦、鮑魚、金目鲷、油甘、響螺、肥吞拿、BB吞拿、深海池魚、左口呢D平時成日都食到既野.雖然係常見既魚生,但我真係未見過平時有咁大碟而且又咁高水準.平時好怕食螺驚咬唔爛既我居然覺得好爽食到停唔到口.而細妹就中意牡丹蝦, 夠鮮又夠肥.之後我地叫左個燉蛋, 係咸既.見menu話有白粟米食就再叫左黎試, 呢隻粟米比起平時既更爽口.因為娘親唔係幾中意魚生, 我地就再叫左條燒喜之次比佢食.

今日特登帶我個壽星朋友黎尖沙咀呢間城八食生日飯，佢係一間日本餐廳，而我就好中意食日本料理所以帶左佢黎我地叫左個刺身拼盤，拼盤入面有既刺身種類好多款式，一個拼盤已經可以食到好多想食既刺身。每款都好新鮮，夠鮮味，非常高質素，冇得頂呀！而且佢既大小剛好，厚薄適中，岩岩好一啖擺落口，魚鮮味同鮮甜味真係正啊！壽司同樣好高質素，入口即溶而且佢唔止係得茶，佢仲有其他沖既飲品，我點左一杯咖啡，味道可以食到我同朋友無停過口，一面滿足，呢間餐廳絕對係值得推薦～

今日收工老細話要獎勵下我地班同事帶左我地黎城八食飯,呢度唔係有人帶既話應該都幾難搵, 既然係老闆請, 我唔客氣啦!首先係刺身拼盤, 有超多野食! 牡丹蝦、鮑魚、油甘、響螺、肥吞拿、吞拿魚, 如果只叫呢一碟既話應該都要2個人先食得曬!之後仲有拆肉毛蟹，大大份，拆到2碟出來, 真係唔怕唔夠分.之後再叫左TORO SUSHI, 純粹老闆喜歡.熟食方面我地叫左蕃薯天婦羅, 之前係葵芳食過D黑心鋪頭用麵粉當天婦羅粉, 呢度炸得岩岩好, 而且食得出係真天婦羅粉!另外我又食左燒牛扒, 牛扒好林, 都JUICY既去得日式餐廳當然唔少得飲返幾啖清酒啦!

今日同我BB嚟城八慶祝我地結婚周年,諗住簡簡單單食餐飯又想食豪啲,城八真係好適合!我地坐底左之後,點左壽司拼盤,刺身拼盤同埋叫左生蠔.佢地不論係壽司定刺身拼盤,一個拼盤入面有既款式同種類都好多,一個拼盤就可以滿足到我地想一次過食好多唔同款式既美食,餐廳都是用心安排同設計!除此之外,佢地既生蠔非常新鮮,味道鮮甜,有豐厚既肉 好有口感,來貨好靚!!而且環境亁淨,食得開心又坐得舒服,我同我BB都食得好開心,呢個餐廳絕對係值得再食!

尖沙咀係香港既中心地區, 真係乜鬼野食都有.今日成班姊妹一齊出黎行街呼吸新鮮空氣順便去食個好西.叫左Toro，响螺，牡丹蝦，海膽，金目雕既刺身拼盤, 牡丹蝦都幾大隻.食材都好新鮮, 由其隻海膽, 我都係第一次食到咁甜.另外我地又叫左隻毛蟹, 拆肉好大份, 一隻可以拆到兩碟, 好鮮甜, 識食真係一定係食日本蟹.食完個拼盤發現我地自己好似唔記得左叫平時最愛既三文魚籽壽司,每一粒魚籽係口入面爆開既感覺真係好幸福.當然無理由只叫刺身啦, 熟食我地叫左超爽嫩鮮甜juicy既白玉粟米.呢個白色既粟米比起我地平時食既粟米真係更甜, 夠特別, 我中意!

早幾日我同男朋友黎左慶祝拍拖記念日, 係附近買完手鍊之後黎左呢度開海膽大餐我地叫左好多野食, 全部都係離唔開海膽, 海膽, 同埋海膽.首先黎既係海膽軍艦同吞拿魚壽司, 平時成日食三文魚, 黎到咁既地方男朋友比錢一定係食吞拿魚!海膽超新鮮, 好甜, 完全唔似食緊泥, 由佢既顏色都知道擺得入口.我地試佢個吞拿魚覺得好食, 再另外叫埋甜蝦同Toro刺身.份量唔多, 但絕對值!我覺得唔係好夠再另外叫多個海膽吞拿手卷, 海膽同吞拿魚呢個配搭真係好夾.而男朋友就叫左份長崎生蠔同埋清酒煮大蜆, 生蠔都鮮, 不過同海膽冇得比囉.平時係出面食既清酒煮蜆都係細隻既, 呢隻大蜆真係大隻的, 無沙!

今日就去咗尖沙咀行街啦！咁行街都shopping咗好耐我又好鐘意同女朋友兩個人啦！因為想行咩同食咩都好方便所以就同女朋友周圍去啦！行到夜晚攰攰地，又肚餓，就見到呢間日本野，城八，都幾吸引，就入咗去我就叫咗一個三文魚，三文魚籽同呑拿魚拼盤，三文魚都好肥美，呑拿魚又入口即溶，Oec呢，三文魚籽都好大粒添之後仲叫咗一個炸蝦天婦羅同燒明太子炸蝦天婦羅份量都多，又唔太粉，唔錯嘅估唔到嘅係明太子可以一舊舊，一直都係好似蟹籽咁一粒粒，令我大開眼界，今次真係好滿足城八唔錯嘅選擇

今日放lunch，就去咗城八食lunch啦，因為成日都叫外賣，叫得多外賣就緊係會厭，就去咗食城八佢Lunch set有自選壽司同三色丼自選壽司我就叫咗海膽，三文魚籽，肥toro同甜蝦, 牡丹蝦 等壽司，海膽壽司都幾鮮甜，肥Toro入口即溶，唔錯, 牡丹蝦食落啖啖肉, 甜蝦都有甜甜的味道仲有個三色丼就有三文魚籽，海膽同魷魚，份量都好多，三文魚籽好大粒啦三色丼係日本係好常見的簡單日本料理,因為佢可以有唔同的搭配食完呢餐都幾飽，一個星期食一次都幾好下個星期又食先