城八日本料理

Open Now

Now Closed

今日同朋友出咗尖沙咀，一留就留到夜晚，諗住食埋個dinner先返去。不過晚市呢個時間，尤其係尖沙咀呢啲人山人海既地方，真係邊間餐廳都塞爆晒人。呢個時候，係附近見到一間日本料理專門店，人流好似冇咁多，加上又可以食下日本嘢，我地就一於去試下呢間城八日本料理。 入到去，環境唔會太吵雜，幾舒適坐低之後我地即刻睇睇menu有啲咩好食。因為得兩條友，我地食量又唔算太大，就諗住淨係叫個刺身拼盤一齊食。拼盤其實幾抵食，因為嗌一碟就已經有好多款唔同刺身可以食裡面就有牡丹蝦、鮑魚、金目鯛、油甘、響螺、肥吞拿、BB吞拿、深海池魚、左口溥切咁多款刺身，可以任揀任食我就特別鐘意金目鯛，味道夠鮮又一流，美味至極！不過叫完拼盤又覺得少咗啲嘢，就多叫咗個Toro壽司同清酒燒大蜆講起壽司我就最鐘意toro壽司啦，呢度既toro都係一樣好食 食過咁多嘢都已經幾飽，不過聽聞呢度仲可以叫埋蜜瓜食我地就當係飯後甜品咁叫埋個蜜瓜嚟食，咬落蜜瓜汁非常鮮甜，夠新鮮，同係超市買到既係兩種感覺！非常正😊

聽朋友講，尖沙咀有一間專門食日本料理既餐廳非常好食，佢食過一次就讚不絕口，仲話要帶埋我去試多次，而今次就同佢一齊嚟到城八食海鮮好西。我地得兩個人，其實應該要叫多幾個朋友嚟會比較抵食，因為人多唔驚食唔晒，可以嗌多幾款唔同食物齊齊share，不過無計，人都唔係咁容易約得齊。唔緊要啦，呢次我哋嚟試下佢既刺身拼盤拼盤有好多款唔同種類刺身，多到有啲我都唔太知佢叫咩名，不過知道有飽魚、金目鯛、肥吞拿，都係我鐘意食嘅！肥吞拿味道夠晒鮮甜！其實另外既刺身都十分美味😊食咗好多刺身，就想食其他嘢中和一下，就嗌咗個三文魚籽先，雖然如果叫埋壽司會比較正，不過就咁食三文魚籽都係好正，一粒粒既口感非常讚朋友仲叫埋個拆肉毛蟹，隻毛蟹就真係夠晒大份啦！毛蟹盤上仲用咗其他嚟裝飾，令到隻毛蟹更加吸引啦，事不宜遲就開始食，啲肉好嫩滑，一開始望落以為幾細碟，點知食落就覺得好飽肚呀……我同朋友都好勉強咁先清得晒所有嘢食，不過美味係真係唔錯。下次要帶多啲朋友嚟食！！

不知不覺又係一年裡面最特別嘅日子，就係生日啦！其實由幾年前就冇特別再慶祝過，不過機會難得，都好想犒勞一下自己。除咗食蛋糕，當然係去食自己鐘意既食物啦於是我嚟到呢間城八日本料理。城八係專門食日本料理，通常都係壽司、刺身等海鮮類為主，我都係個海鮮狂熱迷，今日就準備嚟食食食 嗌咗個壽司拼盤，而呢個拼盤就放置到好似生日蛋糕咁既樣，中間真係插咗枝蠟燭！都可以營造一下生日氣氛既而我驚自己唔夠食，另外再嗌多咗幾樣食物有白玉粟米、海膽壽司、日本小蘿蔔煮海鮮白玉粟米真係好好食！一般都會食開最正常黃色個款粟米，但白玉粟米真係第一次食到，而且係超乎我想像既美味。咬落粒粟米夠晒爽口，而且味道十分鮮甜，就算份量幾多，都好快比我清晒啦～靜岡蜜瓜都一樣鮮甜，而且因為夠新鮮，口感上完全唔會差，令人一啖接一啖，好快又食完。呢餐生日「飯」真係極級享受！

是日家庭聚會,來到門口見到充滿日式風情既門口都已經覺得好吸引😸😸 叫左個三文魚籽來做開胃菜,粒粒咬開好鮮甜,份量亦都好足😼重頭戲就緊係呢個刺身拼盤啦!!😻😻 (牡丹蝦、鮑魚、金目鲷、油甘、響螺、肥吞拿、BB吞拿、深海池魚、左口溥切) 😽吞拿魚呈鮮粉紅色,真係好新鮮,入口即融,呢個刺身拼盤大大件又抵食😻另外叫左拆肉毛蟹(方便懶人進食😼),個裝飾好特別,擺左條甜姜係面,第一次見覺得好特別,一人一啖好快就清曬😽叫左三碗稻庭烏冬一齊share食,都好飽肚,d烏冬唔會煮完軟pat pat反而好彈牙😼最後就用燉蛋做完結啦!😽 燉蛋唔會太老,個調味亦都好正,唔係普通既日式蒸水蛋咁簡單,好滑身🙀

今日幫朋友慶祝生日, 因為大家耐無見又好想食日本野, 就揀左一間有蛋糕既日式餐廳叙下~因為朋友生日咁開心, 一於叫個清酒cheer一cheer佢!! 係香港第一次見到呢隻裝清酒既壺, 又幾特別幾靚哈哈Menu有個好特別既菜式叫燒喜之刺,個名咁吉利我地就叫左條燒喜之刺比壽星仔,希望佢賺大錢,年年有啦!!當然唔少得蛋糕啦, 日式蛋糕你又見過未? 係香港其實都好少見到有日本餐廳提供呢D壽司蛋糕, 我地都係因為個壽司蛋糕慕名而來, 結果不負眾望, 壽司蛋糕顏色七彩繽紛, 有好多唔同既食材出來, 大家都可以揀自己中意既來食, 一次過滿足晒大家既願望。 我自己最鍾意玉子燒捲物, 係我覺得最突出既。下次如果有其他朋友生日又想食日本野, 都可以再黎依間再食過!!

今晚放工同同事一齊去happy hour,路過棉登徑呢間餐廳決定入去試下,外部同內部裝修都有好濃既日本風情,覺得自己好似置身於日本既居酒屋咁,服務好好亦都好親切🥰呢碟係長崎生蠔,勁大舊同埋好肥美,加埋個檸檬汁更加突出生蠔既鮮甜,一啖就可以食曬,一個字正!緊係唔少得男同事最愛既燒魷魚啦,燒到金黃色同埋有小小焦香,真係好香,煙煙韌韌好有咬口,配埋清酒簡直一流😋一壺清酒都好夠飲,用一個好似咖啡壺既容器裝住清酒,飲既時候感覺都新奇啲😙

尖沙咀有好多日本餐廳,但早排同朋友試嘅依一間,真係值得一提。依間城八日本料理喺棉登徑,尖東站n3出口行一兩分鐘就到,非常近便。入到去就緊係試剌身壽司!叫左牡丹蝦、鮑魚、金目鲷、油甘、響螺、肥吞拿、BB吞拿、深海池魚、左口溥切刺身拼盤。啲剌身夠厚身得黎又非常新鮮,好鮮甜！除左刺身,仲叫左啲燒物,我就試左個燒帶子,燒得夠香，而且食落又唔會話俾燒味蓋住帶子本身嘅味道,唔錯!另外個海鰻壽司都好好,香甜之餘鰻魚肉軟度啱啱好!值得一試！

朋友生日飯喺度食,環境好舒適,食材都夠新鮮!生壕新鮮,腥味唔太重凍烏冬真係好有日本嘅味道,好似就喺日本食咁!拖羅夠魚油,入口鬆溶,正!清酒煮大蜆,用清酒帶出蜆嘅味道,唔會完全得酒味!GOOD!拆肉毛蟹，大大份，一隻可拆2碟2! 深海池魚、三文魚籽壽司嘅魚籽真係大大粒、海膽壽司海膽味濃得黎仲食到有海水味,非常新鮮!除左刺身壽司燒物,原來甜品都正,有抺茶,檸檬雪榚,個燉蛋甜而不漏,好夠蛋香味下次一定再回頭!希望鋪頭食材可以一路KEEP住咁新鮮!

城八係一間隠世高級傳統日本餐廳, 位置私隠度一流, 位於棉登徑最盡頭, 遠離煩擾! 需要客人自己趟門而入, 係一個非常好嘅用餐地方, 給人好溫暖嘅感覺。城八所用材料都係日本直接採購, 新鮮地道。

We decided to give this small restaurant a try today as we wanted something fresh and light. We walked in to the restaurant and was greeted by the lovely staffs. First thing first, we ordered sake! Delicious and have a good aftertaste we ordered a scallop with roe to start, recommended by the chef. It was definitely worth the hype and the quality was great. then we had the fish roe, which again was fresh and tasty, full of flavor. we then had the uni, it was yummy 😋 and taste was perfect. for ma

放工經過尖沙咀，無意間見倒呢一間日本料理，俾佢嘅日式風情門面吸引住，於是就同朋友入嚟飲杯Sake嘆下佐酒小吃試下。呢度嘅料理款式都幾多，蕃薯妹覺得傳統嘅手握壽司、燒物都製作得非常細膩出色。叫咗少少刺生同壽司都好新鮮鮮甜蔬果凍其中要一提嘅係一個特別嘅甜品料理，蔬果凍 由秋葵、茄子、露筍、番茄、洋蔥烹調而成，口感特別，味道好好，一試就愛上了燒鱈魚扒鱈魚肉非常嫩滑嘅口感，大愛燒油甘魚頭油甘魚頭食落唔會太油膩，唔錯。

日本料理真係個個既至愛今日就無意中係tst搵到間cp值高既日本餐廳餐廳環境舒適，門面已經對有日本感覺，都係吸引我之處長崎生蠔：好中意生蠔既你地，一定要必試，因為一上枱已經“嘩”，好大隻，而且十分鮮甜，蠔好飽滿，一啲腥味都無，好似我之前係大阪既味道香魚山椒燒：醬汁同魚好match,唔會太咸，燒得剛剛好，唔會話燒到乾曬,重要係起埋骨赤鱼坴、三文魚籽壽司日本料理又點唔會試下手握壽司同刺生呢，魚子大大粒，咬落去卜一聲，一口剛好，赤魚好鮮唔會有筋位其實有好多菜式都好想試，可能胃有限，下次一定會再黎👍👍👍👍

早兩日約左個朋友去尖沙咀攞野，攞完野後朋友話有d肚餓，想起棉登徑有間日本餐廳之前食過好難忘，於是二話不說就去搵番間日本餐廳，去到原來已改名做*城八*。入邊似居酒屋裝修行日本風，座位算闊落。由於我晏d有下一場約左家人食飯，所以只order左小小食物釣左個胃口先我只叫左壽司🍣、燒牡丹蝦，牡丹蝦落左d檸檬汁🍋可以釣番起蝦嘅鮮味，蝦頭有膏，雖然唔算好多，但非常鮮甜，蝦頭炸過可以連殼都食埋😋最鍾意係三文魚子壽司🍣，成件放入口，魚子慢慢係口腔爆開，卜卜脆，又唔會過咸亦唔會有腥味，讚總括黎講，舊同事介紹呢間（城八）日本料理真係唔錯，食材夠新鮮，侍應亦非常有禮貌，值得一讚今次因爲得兩個人，試嘅食物唔多，黎緊會有家庭聚會，一定要帶埋屋企人黎再試下😋

今日喺尖東比較匆忙，朋友未能預期到達，又唔想喺熱辣辣係街度等，咁就揀間日本野去食🍣 餐廳坐落舒服，員工服務殷勤👍 唔駛諗叫咗壽司同生蠔💃🏽💃🏽咗呢幾樣至愛la🤭-火炙吞拿魚面頰壽司 ~ 魚油豐富， 入口咁香即溶👍-海膽壽司 ~好多料，好creamy,好有海水味，好正😍 -長崎生蠔 ~ 冇諗過咁大隻，非常鮮甜肥美👍 下次食多幾隻😆😆😆👩‍⚖服務好好，非常高汁，今次來去怱怱，待下次約埋啲friend一齊再來食😆

今日行過尖沙咀，見到一間裝修好有日本style 嘅壽司店，又有小小肚餓，於是入去試吓。入面木系嘅裝修都一樣好有日本壽司鋪嘅風格，而且座位都闊落，坐得舒服-🥢小芋頭呢個係店員推介，細細粒配少少鹽食👍🏻🥢刺身盛盒我地2個人好多刺身都想試，於是嗌左個盛盒赤貝好有驚喜，因為好新鮮好爽鯛魚口感一流☺️甜蝦真係好甜😂而且蝦肉新鮮👍🏻最正一定係拖羅，魚油好足，入口即溶🤤仲有幾款白身魚，但唔sure係咩😂不過幾好食🥢鰻魚壽司睇相都見到鰻魚好大舊好厚肉！食落好淋，而且個鰻魚汁亦都調得好好🥢三文魚子壽司，金目鯛壽司呢間餐廳嘅壽司師父握壽司嘅技術真係唔差，壽司夾起好耐都唔會散，但入口啲飯都仲係鬆化👍🏻但三文魚子壽司略嫌有啲細舊，唔夠滿足😆總括黎講，價錢唔係平，但質素一流👍🏻