喜來稀肉 (Closed)

📢旺角分店限定兩人下午套餐優惠12:30至5:30原本諗住食一個鍋飯或者叫少少嘢食就算因為費事午餐食太貴一入到場見到個餐牌有分店限定250 左右就有3 款肉類可以燒，以為睇錯點知無🤣🤣🤣幾乎係晚市嘅一半價錢架車來到旺角的人士一定要泊車入停車場因為街邊的黃腳立，每隔兩小時會抄牌一次👉🏻前菜泡菜、酸瓜、蔬菜絲加沙律醬、多塊生菜、爐邊蛋，開胃之選👉🏻牛五花秘製醬汁醃製，聽落好似好肥但係識落非常牛香，最好食係呢隻，推介呢款👉🏻薄切五花肉（ 180 g ）薄切得黎無牛五花甘juicy 👉🏻護心肉200 g脂肪均勻分布，牛的色澤不錯相比下牛雪花最正，呢隻比較乾身少少👉🏻菇類拼盤食完燒肉同前菜少不免要食埋啲菇類，包括雞髀菇、冬菇等👉🏻喜來烏冬熱湯烏冬，食完燒肉及前菜，驚唔飽肚嘅一定可以食埋呢個烏冬就一定飽肚這間店的卡位非常大，午市來到食午餐幾乎沒有人，因為當日係打風哈哈

去同朋友食晚餐發生左小插曲，食完後離開唔小心漏左個電話，返轉頭問餐廳員工都話冇執到，但佢地都周圍幫我手揾，喺想放棄之際其中一個員工幫我揾返，好多謝佢咁好心落力幫手，正常黎講只要話執唔到就可以打發左我。同埋都好想讚佢地啲野食keep到水準，同幾年前食既味道一樣冇變過！

好耐無食韓燒，今日就帶左朋友黎喜來稀肉食個晚餐前菜幾豐富兼大份我地有各自想食既野，我叫左喜來五花肉 $138 (150g) 望落非常肥美，一燒就炸炸聲，要小心容易燒窿，雖然本身特製醬油已經醃製得好入味，不過我就鐘意用菜包住點左醬既五花肉，唔會太肥膩又美味多汁朋友就鐘意食牛舌 $148 (180g)，基本上燒一陣無血紅色就已經食得，肉質彈牙柔嫩，可以配粗鹽食/就咁食，兩種風味另外仲叫左個芝士石鍋伴飯 $85，非常多芝士，入面好似有啲茄汁味，搞伴之後味道都唔錯仲有啲粟米火腿做配料，不過整體黎講就唔太特別另外提一提一邊係普通蛋一邊係泡菜蛋，泡菜蛋都幾惹味，而蛋係可以再添加，燒個個鐵板亦都換得好密，可能務求客人可以食到最美味既肉

90分鐘韓國快閃哈！咁啱俾我訂到位試下有幾特別先走入地牢餐廳部分坐位放置得熱鬧卻不擠擁韓國音樂海報一定不少得燈光煙囪環境與電視播的韓國宣傳一樣這一刻已經感知到了韓國桌上前菜多款好味未點菜已經有滿足感套餐一頭牛豬抵食又試到不同部位海鮮大醬湯真心正Edaciousness 7/10雖然不是好味到感動但這90分鐘你會感到韓風

首先想講既就係呢度啲前菜份量超大份，出面通常比細細碟泡菜你就算，呢度泡菜，沙律，醃蘿蔔同青瓜全部都係大大碟。泡菜醃得夠晒味。牛舌薄切 $148燒20秒左右就已經可以食，非常爽口，推薦配上粗鹽食，更能突顯牛肉味道。喜來五花肉配上特製醬油 $138厚厚嘅脂肪，一燒嘅時候豬油出晒嚟，香氣十足。本身醬油已經醃製得比較重味，個人認為唔需要另外再點醬食。調味醬油雞肉 $110雞肉都係比較肥嘅部位，大約有四塊大大塊嘅雞扒咁。都係已經醃製好，可以加少少蒜頭一齊燒，更加有特色風味。不過如果肉質可以再嫩滑啲就更好。個人認為值得一提就係呢度嘅服務非常之好，蛋汁任加不特止，仲好密幫我地換鐵板，至少玩左四五次唔係講笑。

好耐冇食韓國燒肉喇～🇰🇷 今日黎到呢間韓式燒肉始祖之一「喜來稀肉」食韓燒～ 旺角分店喺油麻地/旺角/旺角東之間，位置好方便👍🏼 Menu選擇都幾多，🐷豬肉同🐮牛肉都有好多唔同嘅部位選擇，另外亦有雞肉🐔、海鮮🦐、蔬菜等～ 唔想食咁多燒物嘅話，都可以揀其他熱食 eg 煎餅、石鍋飯等等～ 我哋點咗豬五花肉、喜來稀肉、牛肉眼、以及紫菜飯團～ 估唔到每份嘅份量都好大，我哋兩個人最後食唔晒呢！🙈😋 好鍾意五花肉嘅秘製醬汁，燒香之後勁好味，少少肥、多多脆！😆 喜來稀肉亦係必點，薄切牛肉燒一燒就食得～ 肉質新鮮嫩口，牛味十足～ 點上韓式辣醬包住生菜食，風味十足～ 🥬🌶🥩 牛肉眼係勁大塊，上到黎我哋都嘩咗一聲🤩 啖啖肉又冇根，岩晒食肉獸呀～🦖值得一提嘅係呢度啲職員服務幾好，換鐵板換得好頻密，生菜未食完就幫我哋添😂 雖然唔係韓國oppa 👶🏻，但係都好抵讚！👏🏼

今晚肥雞特登約朋友去食好耐冇食過嘅喜來稀肉燒烤， 呢間韓國過江龍喺香港紮根多年， 水準一直保持響滿意嘅水平。 一坐低已經準備曬韓式小菜例如醃蘿蔔， 泡菜， 醃青瓜， 生菜等。 仲有泡菜蛋同埋芝士蛋， 以上呢啲全部都係任食非常之抵。 嚟到一定嗌佢嘅招牌喜來稀肉同埋 五花肉， 佢嘅牛肉醃得非常之有味， 燒十五秒就已經熟。 配埋醃蘿蔔食， 非常之解 油膩。 再嗌多個豬五花， 韓燒必備。五花肉嘅油烤得滋滋作響 ， 配上清爽嘅生菜，再加一口蒜片， 非常道地嘅食法。 再嗌多個泡菜海鮮煎餅， 足料嘅海鮮配上酸口嘅泡菜， 已經可以唔使食飯就會飽肚。 再整多個解酒湯， 入面有菜乾辣椒同埋排骨大醬湯， 湯底非常之爽口。

今日專程嚟到位於旺角嘅喜來稀肉食韓燒嚟試佢地非常之出名嘅護心肉 護心肉係較罕有嘅韓國料理位於豬嘅橫膈膜同肝之間 作用係保護心臟每隻豬嘅護心肉得好少 所以我地叫左呢度200g唔知道要用幾多隻豬🤭肉質好厚 但非常之嫩滑完全唔油膩配埋生菜夾住嚟食非常之yummy 海鮮煎餅煎得非常香口 唔會好似出面食嗰啲咁厚粉 好香嘅韭菜味 啖啖都咬到蝦同埋魷魚🦑爐邊燒蛋 & 前菜燒蛋入面落咗好多嘅芝士 食完可以免費任fill前菜方面 除咗有泡菜之外 亦都有醃製青瓜蘿蔔 同埋芽菜沙律 酸酸辣辣 非常開胃飲品方面我哋叫咗柚子梳打 Sapporo draft 🍺 又係酸酸甜甜 開胃之選平時去食韓國嘢多數都會係罐裝飲品佢個柚子梳打係自己調製 大大杯 而且好好味

今日同朋友出咗嚟旺角度買動漫產品，咁買完當然食餐好㗎啦，咁我就同佢去咗呢間食韓燒嘅地方度食， 入到入面其實都幾寬敞 個地方都容纳倒幾多人，咁我同佢係輕食嘅，咁所以冇叫太多嘢食，我哋叫咗以下泡菜也很好味）海鮮拉麵: 其實呢個面就係我食得出就係辛辣麵(笑)，咁佢嘅海鮮就有蝦同埋青口，咁個面就唔算太大碗， 但係就有一種好親切嘅感覺。 其實佢都算有心機整嘅，因為佢加咗一啲蔥花呀之如此類嘅配菜喺個面度。豬肉嘅護心肉: 護心肉自己都幾推薦，因為其實佢個豬肉啲肉質彈牙，而且佢已醃製好 ，食落去已經有味道，燒耐少少亦都唔UN。 唔錯唔錯! 建議大家包埋塊生菜嚟食，再加少少醬，我覺得咁樣就會更加好。調味醬油雞肉：呢個雞肉我覺得都幾yummy，肉質都唔錯及燒起上嚟都幾快熟， 因為其實佢個雞肉已經醃製好雞肉入面都幾juicy，如果配埋個飯就更加開胃。最後如果大家鍾意食韓燒嘅話 ，大家可以試下呢間餐廳 ，我覺得佢啲肉都幾新鮮同惹味。

喜來稀肉好耐冇食韓式燒肉，仲要有爐邊蛋，一坐低就會幫你加定，唔夠可以再添。—————————————————————1. 濟洲五花肉 💸$180一碟都有十幾嚿，呢個係無調味，脂肪同肉個比例幾好，洗燒完之後個面有啲焦香，淨係加少少鹽已經好好食。2. 牛護心肉 💸$160呢個都係冇調味嘅，切成條狀，啲油花好靚，食落勁淋，好有牛味，呢個我覺得咩都唔點都已經食得。3. 喜來烤肉 💸$158呢個係有調味嘅牛肉片，雖然唔係好多脂肪，但係佢都係好淋，啲汁有少少甜味，想食下唔同口味嘅肉可以叫呢個。4. 蟹籽紫菜飯團 💸$50必食，勁多紫菜同蟹籽，佢比咗膠手套你去整粒飯團出嚟食，不過我就懶，就咁當撈飯食，勁大兜，又好味。最後仲有一人一枝雪條送。總結，韓燒嚟講，呢間算好好食，啲肉全部都啱我心水。—————————————————————喜來稀肉📍旺角廣華街3號百利達廣場地庫

食燒肉當然會有唔少調味料及醬汁啦！前菜亦都係韓式燒烤嘅重要一環，當中有幾款唔同嘅開胃前菜，而每一款都有獨特嘅口味，有辣有酸，全部都係開胃嘅味道，完全打開食客既味蕾！當中呢款泡菜我非常推薦！坊間有好多都會浸到林晒，但係佢依然爽脆！而且味道都幾辣，食到非常過癮！爐邊嘅蛋邊亦都非常幼滑，而其中一格係放滿左蒜片，用嚟做生菜包非常合適！喜來烤肉～既然用得招牌來做菜式名稱，自然要有一定嘅水準！見到賣相係玫瑰咁，已經非常吸引，味道更加令我難忘！韓式海鮮拉麵～睇電視劇成日都見到主角食呢種麵，去到一間極具韓國特色嘅韓燒餐廳，當然要點啦！味道微辣，海鮮都幾新鮮同埋大隻，熱辣辣、好味道！

早幾日女人話要食韓燒，近近地又去了旺角間喜來稀肉。好彩去到仲有幾張枱淨，無book枱都可以即時入座。去韓燒最緊要的係環境，坐得迫抽油煙機吸唔切，就會好大煙。之前都嚟過呢間餐廳，地方好大，而且枱同枱之間的距離唔會太近。如果唔想揀，可以食已經齊集不同位置的肉，套餐仲有韓牛可以揀。不過呢到的拼盤係無豬+牛的組合，如果大家想食齊牛肉同豬肉，一係要食兩個拼盤，一係就散叫。其實散叫的款式都有好多選擇，無拼盤的限制，大家食咩食幾多都可以有得揀。個水冷麵好快就到，個麵的粉量都唔細，用嚟墊底一流！其實我都幾鍾意食韓式冷麵，冰涼的麵，配埋酸酸辣辣的泡菜，個組合都幾夾。今次叫了兩份肉，喜來烤肉係牛肉，卷成朵花都幾有心思。佢雖然無雪花的油膩感，但肉質結實、肉味較濃郁。今次揀的都係餐牌上有手指公工推介的，呢份喜來五花肉的脂肪適中，我自己食得太油好易肚痛，呢份的五花肉就恰到好處，有油香之餘，仲有肉食。無論豬定手，都切得薄薄的，一放係鐵板好快就熟，大家要燒的時候要留心。係餐廳有三款煎餅：薯仔餅、海鮮泡菜餅，及海鮮葱餅，3款都係$90。女人唔多辣得，所以我們叫了份海鮮葱餅。煎餅份量幾大，而且麵粉唔會太多，不錯。食物整

一間我曾經食過一次就已經愛上了的韓國烤肉，而且已經印在腦中的好味道，這幾天下午都放假，突然又想起呢間D豬腩肉，唸起都流口水😂反正下午放假咁清閒，一於就踩上去滿足自己呢一刻的食望😅—————————-我一個人食所以我都不敢叫多，只係叫咗我最愛吃的辣五花肉，而且全部前菜都係免費，真係抵食又滿足👍—————————🟧辣五花肉：真係幾層肉嘅五花腩，腌得又夠味、微辣的味道又令五花肉吃起來更加滋味，五花肉的帶煙靭口感實在美味😋配上的山菜：夾在生菜上再加一些配料或醬汁，吃起來就更加清爽👍————————-🟪前菜有幾款：泡菜、酸白蘿蔔、酸青瓜紅蘿蔔條、韓式辣醬大豆芽菜生菜絲、各款配菜美味又開胃，一個大都食得大滿足😉————————🟥韓國罐裝桃🍑汁：食完韓式烤肉再配一罐自己喜愛的桃味道果汁，又是清爽涼快的感覺😋—————————-韓式午餐烤肉的大滿足其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰————————

好耐冇食韓式燒肉，仲要有爐邊蛋，一坐低就會幫你加定，唔夠可以再添。 1. 濟洲五花肉 💸$180一碟都有十幾嚿，呢個係無調味，脂肪同肉個比例幾好，洗燒完之後個面有啲焦香，淨係加少少鹽已經好好食。 2. 牛護心肉 💸$160呢個都係冇調味嘅，切成條狀，啲油花好靚，食落勁淋，好有牛味，呢個我覺得咩都唔點都已經食得。 3. 喜來烤肉 💸$158呢個係有調味嘅牛肉片，雖然唔係好多脂肪，但係佢都係好淋，啲汁有少少甜味，想食下唔同口味嘅肉可以叫呢個。 4. 蟹籽紫菜飯團 💸$50必食，勁多紫菜同蟹籽，佢比咗膠手套你去整粒飯團出嚟食，不過我就懶，就咁當撈飯食，勁大兜，又好味。最後仲有一人一枝雪條送。總結，韓燒嚟講，呢間算好好食，啲肉全部都啱我心水。

喜來稀肉一向出名好食，今日非常肚餓，而且身心疲倦，真係好想食個高質嘅晚餐！點餐已經可以自助點餐，用上電子Menu，一目了然，仲即時幫你計埋數添！韓國燒烤傳統都有蛋邊，另外，前菜、醬汁同埋生菜都一應俱全！辣護心肉～自己本身比較好辣，所以選擇上辣嘅護心肉，呢個部份既肉，都非常之滑，而且厚厚一件，咬落極有口感，加埋前菜用生菜包嚟食，簡直極級享受！蟹子紫菜飯團～佢嘅size比我想像中大，一個非常大嘅碗裝住，我諗兩至三個人食都冇問題！重點係佢又有得食又有得玩，自己搓咗幾個圓波波出嚟！係奧運嘅標誌😜一小個飯團伴上前菜同燒肉就已經好精緻，食欲頓時大增！