喜來稀肉 (金巴利道)

Open Now

Now Closed

朋友話想食li間，見未試過，一試何況，一坐低，店員就喺爐邊加蛋醬，問要唔要落芝士，出面仲有醬汁可以自行調配，前菜都係自助韓式燒烤嘅好處，唔會大油煙，佢d抽氣做得好好食左幾款肉，都好好食，牛舌，五花腩都好正

今日收工後，我和同事決定到尖沙咀金巴利道的韓式燒肉店-喜來稀肉，來一個同事間的小聚會。這家燒肉店提供掃碼下單的服務，讓點餐變得超級便利。我們點了豚的護心肉，價格$158這款肉質鮮嫩多汁，入口即化，帶有淡淡的甜味，讓人回味無窮。另外還有豬頸肉$150口感細膩，肥瘦適中，經過炭火燒烤後更是散發出誘人的香氣。除了主菜，我們品嚐了嫩豆腐湯$85，清爽暖胃，讓人感到舒適。而那道紫菜包飯$50，比較有嚼勁，外層的紫菜酥脆，內裡的飯粒香噴噴，每一口都讓人愛不釋手。前菜小菜自助任吃的服務更是讓我們大快朵頤，特別是最愛的冷盤芝麻菠菜，清爽又開胃喜來稀肉的用餐環境寬敞舒適，店內播放著充滿韓國在地氛圍的音樂，讓我們彷彿置身於遠方的韓國，瞬間覺得自己置身於韓國～

味道：⭐️⭐️⭐️⭐️每次提起爐邊蛋 都會諗起喜來稀肉～！🉑除左有爐邊蛋之前 配菜仲係任食🫶🏻❶牛舌 $158牛舌肉鮮嫩多汁 入口即化👅經過獨特既調味同烹調技巧👍🏻令牛肉風味更加強烈濃郁🍖每一啖都充滿肉汁同嚼勁 令人回味無窮👌❷喜來烤肉 $158呢個喜來烤肉就絕對唔可以錯過🔥精選優質牛片 擺成花形🌹經過特製既烤肉醬料調味👀食落肉質鮮嫩多汁 肉汁飽滿🍖每一啖都係肉香四溢😋❸大醬湯 $85湯底濃郁 充滿韓國大醬嘅豐富味道🌶️裡面還加入了各種新鮮蔬菜、肉片同蟹🥦用料真係超級豐富 岩曬送飯🫦每飲一啖湯 溫暖既感覺瞬間蔓延去全身🍲❹石鍋豬肉拌飯 $85石鍋豬肉拌飯係傳統嘅韓國料理🥢用熱騰騰嘅石鍋裝住豬肉、蔬菜同飯🌾將材料撈勻一齊食 再搭配特製嘅醬料調味🫶🏻口感香濃同時又豐富 滿滿嘅滿足感同美味😍

放工有時要慰勞下自己😌尖沙咀呢間 喜來稀肉氣氛好熱鬧🌟成個人都放鬆左~前菜醬料等都係自助形式，食幾多就夾幾多~唔會再全部放上枱食唔到浪費了😎先叫一份護心肉~每次都會叫的招牌菜，比較厚身有咬口，油脂不多入口充滿香濃肉味🌟調味醬油雞肉質嫩滑，口味偏甜都幾好食~幾過醃製所以不用點醬都好夠味~叫埋牛肋骨肉，牛肉放上爐上烤時已散發出陣陣牛肉香氣，烤製後更加惹味🌟除了直接食當然要包生菜食🥬將肉配上生菜和泡菜等配料食，生菜減低油膩感更帶出多重口感👍🏻 最後~食韓燒當然要叫燒啤🍺一啖肉一啖燒啤真係好爽🤘🏻

食左Seorae既壹頭牛拼盤; 裡面包含左牛肋，牛五花同埋各種牛柳，全部味道都好好，部分係有醃好既，調味適中，唔會太鹹或蓋過左牛肉本身既味道。拼盤份量很足，夠兩個人分享，而且比起一碟一碟單點牛肉更划算。 套餐冇包白飯，所以叫咗$20一碗白飯都幾貴。另外必點韓豚五花肉；非常鮮味，肥瘦適中，唔會太油膩。豬肉味道新鮮，不用加太多調味都已經好香。冷麵調味唔錯，裡面有鮮梨絲，味道清甜不過略嫌唔夠冰凍。其他任吃既泡菜，豆芽同埋烤蛋質素都唔錯。

今次嚟到尖沙咀分店食喜來稀肉，依間分店有 真係韓國人嘅員工，佢哋都好有禮貌，餐廳裝修好有韓風，每張枱都有強力嘅抽風系統，同埋每張枱嘅距離都有一定嘅距離都好有私隱度，出邊亦都係有免費前菜可以任食，例如有生菜，kimchi和菠菜等醬油蟹 拼蟹子紫菜飯好耐冇食過醬油蟹啦，今次嚟到見到就嗌咗一隻，醬油蟹大大隻，肉地都算多，不過就冇乜蟹膏，蟹肉好先甜，醬油唔會好鹹，蟹子紫菜飯跟醬油蟹一個set，紫菜飯團都淨得幾好味 咬落去蟹子紫菜味都好出，因為今次飯團係已經整好咗撈埋曬一嚿，所以紫菜都唔會話好脆 😊真雪花牛肉雪花牛肉肥瘦好均勻，煎喺上嚟好香，食落口好重牛味，好嫩滑，一啲都唔肥膩，可以夾生菜一齊食，正 🥰

It’s more on the memories and reminiscing than the food 🎈.🙃#Seorae signature beef dun look as fresh but it still tastes alright whereas the beef neck is tender and wholesome .😋shall stick with chilled noodle, sea sewed rice balls instead of the chicken ginseng soup next time .💰HK$551

上個周末再去「喜來稀肉」，今次約朋友去尖沙咀的分店。晚上7時左右就開始多人，而且要Book 位，用餐限時100分鐘呀！今次，愛玩小生跟朋友來個「反傳統」，去烤肉店不吃烤肉，來吃些韓國菜。Menu 上有超過10款的小菜，當中挑選了以下幾款跟大家來寫食評︰1. 韓式人參雞湯：湯底濃郁且滋味豐富，餐廳非常豪爽，使用完整一隻雞件，湯汁滲透著人參的溫和甘甜與雞肉的鮮美，食韓國餐必叫之選。2. 海鮮蔥餅：外脆內軟的海鮮蔥餅，散發海鮮香味，每一咬都充滿了鮮美海鮮與香脆蔥花的味道，而且份量都算多，幾位朋友Share都得呀！3. 蟹籽紫菜飯團：口味爽口且鮮香十足的蟹籽紫菜飯團，蟹籽的鹹香與紫菜的海風味完美結合，這是愛玩小生在這一餐最愛的菜式。4. 石鍋豬肉拌飯：石鍋拌飯菜色豐富，豬肉香嫩多汁，搭配多種蔬菜與醬料，非常正宗韓式風味。5. 康普茶：很少見有康普茶，這款飲品屬發酵茶，含有微量酒精，味道獨特，微酸的口感，比較生津解膩，可以一試。值得一提，雖然沒有吃到烤肉，但烤蛋漿、泡菜也是免費可以食啊！上面是收據，供大家參考

今日突然好想食韓燒，朋友帶我黎呢間韓國燒烤，都幾多款式，我地叫咗幾款試吓。未上菜前，出面d前菜可以出去任夾，款式都幾多，泡菜嘅味道都好正宗，唔算太辣。喜來烤肉呢度嘅招牌菜，緊係要叫黎試吓啦，d牛肉砌到好似花型，都幾有心思，幾靚，d牛肉好淋，醃到入晒味，d醬汁有少少甜味，都幾好食。辣韓豚五花肉d五花肉肥瘦分明，燒完之後其實唔算太肥，因為已經燒晒d油脂出黎，有少少辣食落好惹味，正。蟹子紫菜飯團個飯團好好味，係有味飯，入面仲有大量蟹子同紫菜，食到停唔到口。炒年糕辣辣地，個汁好開胃，d年糕好煙韌，仲有魚糕，魚旦喺入面，同喺韓國食嘅味道一樣，好食。

好耐都冇嚟過尖沙咀韓國街食燒肉啦🥩嚟到一定要食我最愛既燒肉店 「喜來稀肉」❤️生完BB之後真係冇再特登出過嚟食燒肉,相隔四年佢哋水準依然keep到👍🏻而配菜就變咗自己去自助吧到任拎,最愛食佢哋嘅泡菜，真係好夠辣😍😍😍韓豚五花肉🐽以前嚟到必點五花肉，唔肥唔瘦，燒完出嚟唔會覺得食成口油脂落肚,五花肉仲要燒到好金黃香脆😍喜來烤肉🐄呢到個擺盤已經好靚，整到成朵玫瑰花🌹果然係招牌牛👍🏻肉質鮮嫩多汁,肥厚適中，配上佢哋嘅韓國辣醬加埋生菜、泡菜一齊食用,口感更加豐富❤️炒年糕🍲年榚全部都煙煙韌韌😍辣到適中👍🏻重點係重有好多魚榚❤️份量好足料😍蟹籽紫菜飯團🍙放滿蟹籽同紫菜,再配搭埋芝麻油,令到成個飯團都好香口❤️而且飯團放耐咗都唔會好硬身👍🏻推介

今日去尖沙咀買野，順便係個頭食埋晚餐，好耐無食韓燒，就揀左呢間人氣韓燒。牛五花 $158牛五花肉肥瘦相間，口感豐富，搭配適度的油脂，讓人回味無窮。雞肉 $130適合那些喜歡清淡口味的人。雞肉質地細嫩，煮熟後保持了它的鮮嫩口感。海鮮蔥餅 $90蔥餅外酥內軟，口感香脆，內部填滿了新鮮的海鮮。它適合作為開胃菜或者下酒菜，最好搭配一杯冰涼的啤酒。韓式冷撈麵 $95是夏天消暑的好選擇。麵條彈牙，口感爽滑，搭配豐富的蔬菜和特製的醬汁較重味。另外自助既泡菜都好惹味。

喜來稀肉屹立喺銅鑼灣登龍街好耐，最初引入韓燒之一。店鋪門面復古，行上一層就係，私隱度好高～枱同枱之間距離足夠，慢慢燒慢慢傾計！呢到設有自助區，有多款韓式前菜任拎！有泡菜、蘿蔔、青瓜、涼伴小菜。仲有生菜同醬料！大推醬料，一定要拎！🍗 燒肉會免費附送爐邊蛋，有泡菜和芝士兩款味道，係呢個特色之一！ 蛋滑得嚟又香，芝士甜甜地同蛋好夾～🍗 韓豚五花肉🍗 真雪花牛肉🍗 牛五花肉都係有醬料醃製，超入味！油脂分佈平均！建議包生菜，泡菜一齊食，更有層次感🍗 韓國啤酒去韓國必飲！韓燒必飲～@seorae.hk  

心血來潮想食韓式烤肉，就諗起呢間喜來稀肉，夠地道，夠正宗。餐廳設有自助吧， 韓式前菜可以食到夠，泡菜、酸蘿蔔絲、麻油菜等等。護心肉（$158）餐廳的招牌肉， 一隻豬只有大約手掌大的護心肉，較為珍貴。肉質細緻，口感爽彈且帶點嚼勁，一點也不油膩。建議可以包生菜，更能突出肉的鮮甜。喜來韓豚五花肉（$180）呢個真係太太太美味了，個人比較喜愛。 用特製醬汁精心醃製過， 醬汁完全滲透五花肉之中，非常入味。 五花肉油脂豐盛 ，烤完之後外邊焦脆，內裡肉質柔軟，好出色。調味醬油難肉（$130）雞肉鮮嫩多汁，但調味較單調，相比前兩者，雞肉略遜一籌。海鮮拉麵（$65）地道的韓式辣湯底，同係韓國食過既好似。青口同蝦都幾大隻，$65係幾扺食。蟹籽紫菜飯團（$50）簡單嘅材料： 蟹籽、紫菜、沙律醬、麻油、白飯，但混合一齊味道balance得好好。賣相一般，但昧道幾好。

岩岩先喺韓國返黎，但仍然意猶未盡個靈魂仲留左喺韓國所以返到黎香港都要食韓國菜講到香港嘅燒肉，我特別鍾情於喜來稀肉講起喺香港韓國燒肉嘅原祖，佢都算係數一數二今次我地黎食晚餐，一入到去啲員工就好親切咁示意我地可以喺出面夾前菜，前菜有好多款，包括泡菜、麻油菠菜、芽菜、生蒜⋯ 另外仲有提供生菜添我就覺得呢度醃嘅泡菜非常之好味飲品叫左柚子梳打鐵板兩邊加左蛋漿一邊係原味，另一邊係加咗泡菜嘅辣味仲有我最愛嘅拌冷麵麵質好煙韌，撈埋啲辣醬同醋一齊食非常之夾而燒肉方面，我哋就叫咗辣護心肉、牛五花，辣魷魚燒好嘅肉包埋生蒜同生菜一齊食真係一流另外值得一提嘅係呢度嘅員工個個都好nice而且仲會定時定候幫我哋換鐵板添

同FD行尖沙咀，行到好肚餓，睇到哩間韓燒都有尖沙咀分店，咁一定要encore啦。晚上好full，唔想等位一定要提早book台。餐廳裝修得好韓風，除咗QR code落單，仲可以任食韓式前菜。韓式前菜有數款任食，最鐘意食辣椒仔同酸蘿蔔，酸辣脆口，做為開胃前菜唔錯。芒果蘇打，落咗好多芒果果汁，飲落芒果味好濃，唔會好甜，好飲。辣韓豚五花肉，五花肉預先用韓式辣醬醃制過，唔洗點醬都夠味。五花肉大大一件，同埋都算厚切，要燒耐少少。食落好香口同埋唔油膩，加埋生菜蒜片一齊食，超好味。調味牛排骨，牛排骨都用秘制醬料調味過，不過口味會比五花肉偏甜少少。牛肉食落好軟嫩，唔會覺得韌。調味好出色，食到停唔落口。食完烤肉，仲可以食爐邊蛋TIM，一邊加咗芝士，一邊加咗泡菜。芝士果邊，仲可以拉絲，好好味