喜來稀肉 (金巴利道)

Open Now

Now Closed

今日突然好想食韓燒，朋友帶我黎呢間韓國燒烤，都幾多款式，我地叫咗幾款試吓。未上菜前，出面d前菜可以出去任夾，款式都幾多，泡菜嘅味道都好正宗，唔算太辣。喜來烤肉呢度嘅招牌菜，緊係要叫黎試吓啦，d牛肉砌到好似花型，都幾有心思，幾靚，d牛肉好淋，醃到入晒味，d醬汁有少少甜味，都幾好食。辣韓豚五花肉d五花肉肥瘦分明，燒完之後其實唔算太肥，因為已經燒晒d油脂出黎，有少少辣食落好惹味，正。蟹子紫菜飯團個飯團好好味，係有味飯，入面仲有大量蟹子同紫菜，食到停唔到口。炒年糕辣辣地，個汁好開胃，d年糕好煙韌，仲有魚糕，魚旦喺入面，同喺韓國食嘅味道一樣，好食。