喜來稀肉 (Closed)

熱潮過後已經唔駛排隊了, 荃灣店都係第一次黎😝呢個併盤賣相唔錯幾靚仔✨可惜食落就⋯ 從未食過甘難食既生牛肉, 首先係未解凍入口超冰冷, 同友人諗住灘一陣再試. 無甘冰凍但食落完全無肉香, 梨又唔香甜, 超失望👎🏻下層既牛一大片肥肉. 入口好油膩.成六佰蚊一盤真係唔值😳護心肉味道一般. 反而雞肉醃得幾好味.比較可取係爐邊蛋, 前菜生菜任食. 除咗燒肉外其他食物較少選擇. 石頭鍋飯.食燒肉附近有其他更好既選擇, 唔會再考慮呢間了😌

平時去開尖沙咀韓國街 同銅鑼灣果兩間都好正食親燒肉都係喜來希首選 今次黎左呢間分店 啲燈勁暗 我個fd係要開電話電筒黎照 平時配菜好多同埋有芽菜湯仼飲 但呢到得幾條白色既洋蔥五知係做乜 同泡菜 我問係咪有芽菜湯 反而佢地問翻我係咪晏就先有 但平時我夜晚食都有。食左一餐勁伏既生日飯🤦🏻‍♀️無一個人覺得ok

今晚約左中同好友一起慶祝生日，另一個壽星女話想食韓燒，所以選了荃灣的喜來稀肉，去到餐廳先醒起原來之前我都有嚟過，不過今次餐廳明顯冷清不少，星期一的關係？肉類方面有雪花牛、牛肉片、護心肉、豬皮同五花肉，仲有加個大醬海鮮湯。食物方面其實都好新鮮幾好食，如果服務方面可以改善下真係會好好多，客人已經唔多，有足夠嘅人手真係可以再做好啲。

睇食評呢間好壞參半，但仍然想試因爲就腳再加埋吾洗等位就更加吸引！我地泊車喺附近咪標，兩小時剛好。大廈翻身不久上到去果然吾算太多人，星期六晚大約八成入客率啦。環境吾逼，通風好好。因為淋完雨上去覺得凍，waitress好nice幫我轉枱 亦都好有笑容。我地冇叫餐因爲怕食吾哂。嗌咗個牛頸脊，同喜來肉，食埋啲配菜同蛋已經八成飽。肉方面，我本身吾鐘意食marinated meat, 所以真係食肉嘅質素同鮮味，呢兩款都質素吾錯喎！下次希望可以試埋䕶心肉啦！之後好想試多個麵，又想食水冷麵，又怕太凍，結果嗌左個喜來湯麵就後悔，比較普通，吾洗encore... 相信冷麵會精彩啲囉！唯有下次！而家仲做緊飲品買一送一好正！總括來講，無論食物服務環境都吾錯，價錢都吾貴，埋單只係$460，已經食得好滿足！會encore!

食物質素好，但員工質素差 ！ 每樣燒肉，燒雞，燒牛，薄餅，石頭煱飯，湯麵都很好味 ，而且當日飲品買一送一非常正 ，最喜歡地方闊落唔多人，而員工方面，希望有待改進服務態度，個個都黑口黑面。

我最唔鍾意食任食嘅地方因為我嘅理念係任食嘅嘢通常都肯定唔會係高質好嘢，點會俾你任飲任食啊！而荃灣最多就係任食嘅放題或者自助餐所以我嘅選擇唔多今日嚟到呢間以往一定要排隊等位嘅韓燒店我最欣賞係佢個燒板兩旁都可以燒蛋因為我最鍾意食蛋我以前特登搭飛機去日本都係為咗食佢哋嘅玉子燒食韓國餐都一樣，我鍾意食燒蛋！另外我最鍾意食嘅係護心肉一般我都唔太鍾意食豬肉除咗中國製法嘅五花腩我第二最愛就係韓國燒肉嘅護心肉！最後帶咗個價值大概＄500左右嘅牛餐件件都非常美味質素相當高

其實我哋原本係想打邊爐星期日嘅夜晚，冇預約嘅話周圍都滿座最後去咗荃灣街市入邊嘅喜來稀肉可能呢間係樓上鋪而且係街市中間嘅小商場所以人流唔多食客大概八成滿座我哋兩個人叫咗一個韓牛特選＄588另外加多一個護心肉（豬）＄150老實講我廚藝麻麻打邊爐已經係我嘅極限要自己燒嘢食我真係好唔鍾意開頭我有心機燒兩燒我老公彈到飛起話燒到啲肉乾晒然後到佢燒又燒到好鬼好味，好juicy燒肉類之餘，嗰邊仲可以燒蛋一條有泡菜、另一條沒有泡菜免費refill ，味道都唔錯架！另外有冇， 上頭嘅左手邊有舊方形嘅白色肥豬肉原來係攞嚟查個燒板，豬油燒肉呢度仲有一個抽氣系統得個樣，食飽之後一身燒肉味抽風系統一般另外點左我最鍾意嘅覆盆子酒，＄120深紅色，色靚美味，酒精度22我飲咗三四杯就已經醉個燒肉再加多塊蒜頭，夾埋啲菜真係好野味！兩個人埋單＄970

先講荃灣店地點其都唔太方便，係街市個邊，如果唔係特登揾都未必會知。不過講返正題，喜來稀肉係香港開左咁耐我都未食過，今次終於比我試到。我就叫左三樣野，豬腸，護心肉同埋喜來烤肉。豬腸份量都真係好多下，燒落油脂香味出曬身黎～喜來烤肉－上枱好靚係花既形象，薄切牛肉好嫩，牛味都好香濃。而另一招牌護心肉，比較厚身同埋係豬肉關係，都燒得比較耐。但係食落一啲都唔韌，燒落好香，加埋生菜食又係另一番風味。另外佢送既泡菜我都好欣賞，可能食落甜味較重，比出面食既泡菜味道唔同啦～

之前食過尖沙咀嗰間， 食過呢間荃灣兩次，叫嘅都係果幾樣燒牛肉同豬肉，海鮮煎餅，水冷麵，飯。我好想問點解荃灣同尖沙咀價錢一樣， 但係食物質素要差咁多。 肉不夠入味，煎餅勁多粉，冷麵仲要黐埋一舊。食咗兩次荃灣都係咁，應該不是偶爾失準。 同埋洋蔥芽菜都系差d（直接講法系頹d)雖然有好多連鎖餐廳都間間有啲分別, 我無諗過呢個價錢同燒肉(理論上工序可以標準化)都受到地區上的歧視而且咁大分別。同埋呢個價大把韓國餐廳好味過佢。我真心希望餐廳管理層關注下。

終於有朋友帶我黎食喜來稀肉啦！原來呢度係無乜雞食，多數係豬同牛，兩個人食一個餐，本身以為唔夠，原來食落都食唔晒！坐低先黎啲配料，呢度配菜可以任添，生菜、泡菜、大荳芽、洋蔥，個泡菜真係好食，所以有encore有護心肉、豬頸肉、豬腸、豬皮。比起大家追捧既護心肉，我都係鍾意食豬頸肉多啲豬皮就太肥太漏了，豬腸燒起真係好香！燒完包生菜食真係一流，呢度啲生菜都算乾淨新鮮，唔錯！環境都算寛敞，但燈光太暗啦，想睇下熟未都有難度⋯

喜來稀肉始終都係韓烤既表表者，肉類主打牛同豬，相比起其他韓烤店又雞又海鮮等貴精唔貴多，所以肉質素好，仲有套餐作選擇，對於人少少而擔心份量過多既客人是一個窩心選擇，套餐更分全牛或全豬，價錢算合理，$488或$388，包飲品2杯，仲可揀啤酒

地點係街市附近，地方都幾寬闊，裝修成韓國烤肉店格局。辣豆腐湯和伴飯都好味道，泡菜好好食，成碟食晒，牛肋肉都不錯，喜來烤肉(牛肉)就薄咗點，用黎打邊爐就啱，一路食烤豬腸，一路飲真露好正，有點大叔 feel三個人平均218消費，價錢一般，唔算扺食。

今晚姨姪女生日，她想食韓燒，上網看見食評可以。所以選擇此間餐廳試下。入內時，接侍的女孩已說明1個半小時要離開。我們叫左喜來稀肉，雪花牛，牛大腸，䕶心肉和秘制五花腩，豆腐湯和石頭煱飯。生菜，爐邊蛋，泡菜，大豆芽都是無限添加。小朋友很喜歡吃那些蛋，不停加，都有4次！侍應也好有禮貎和快手，讃！五花腩用菜加洋蔥，泡菜包著食，好味！䕶心肉賣相不好，味道也普通。雪花牛好味，可以再來！

自從後裔既熱潮, D朋友一想食韓燒就話黎呢間, 好啦, 雖然要等成個鐘都照等, 因為真係好食.等左成個鐘真係好肚餓, 見到有個$388套餐好似幾抵食, 唔理咁多即刻ORDER.落完單D侍應就開始倒蛋漿, 同埋放低前菜等等. 呢間既蛋漿一邊街係蛋, 一邊就加左泡菜.個餐有護心肉, 五花肉, 豬頸肉, 豬大腸同埋豬皮, 原本對豬大腸係有D驚, 但諗住又試下既心態所以先叫呢個餐. 豬大腸燒完出黎出奇地好香, 外表仲脆脆地, 入面少少肥但好香口惹味, 仲帶一陣陣所謂既"壓"味, 但係好好味. 仲有呢度既護心肉亦非常正, 肉質又軟又夠嫩, 有咬口而且肉味濃郁. 五花腩一層肥一層肉, 油脂非常豐富, 入口好惹味. 豬頸肉同豬皮相對就比較普通, 但都好味.

今晚心思思想食燒肉🍖，荃灣燒肉店琳瑯滿目，但最鍾意既仍然係喜來稀肉👍六點左右到達，人流不算太多，不用等位就可以嘆韓牛🐮最近新出了2個2人套餐:壹頭豬$388 同 壹頭牛$488 包兩罐飲品，好多款肉聚成一碟都好吸引，一於豪一豪，就簡壹頭牛🔨Order完，店員就趕緊送上韓式小碟( 泡菜，大豆芽，大豆湯)，生菜籃等，都是無限添的🙌而且店員將2種蛋漿(有1邊加入泡菜)同蒜片倒入爐邊，好期待凝固的一刻一邊食一邊等，重頭戲來啦！擺盤好有心思，除左有名的花瓣形喜來烤肉，套餐還包牛五花，牛肋骨等，我依個食肉獸睇見真係爽歪歪而且同餐牌幅相一樣，符合商品說明條例 黎張大合照先😂牛五花好薄好薄，不用燒太耐就食得，都挺有牛味，我喜歡夾上大生菜，加上韓式醬，少少爐邊蒜片，生菜新鮮爽脆，加埋嫩肉真係無得頂 吾該，黎多兩盤生菜！而喜來烤肉更不用多說，依然是肉汁juicy，油脂分布很平均，牛肋骨肉味濃郁，性價比高，今晚真係滿足哂我好想好想食靚韓牛的心，肚子飽飽表示好滿意好味指數: (最高×5)喜來真係我食燒肉的第一首選🙆 坐位闊落，我添加幾次配菜，店員的動作都很快，態度有禮，一邊聽著韓國流行曲，一邊燒著肉，一邊等待