Seoul Noodles

Open Now

Now Closed

真實自費食評Seoul Noodles 喺港島區有幾間分店，但知道旺角新開左，同埋旺角比港島區既價錢平$20，所以喺旺角食到呢個set既價錢係性價比好高。一入到去就望到個個都係一盤盤有哂成set，而且基本想食既款式都有，減少左好似我同朋友呢啲選擇性既人去揀，同埋電話落單都好簡易。另外一提泡菜係無限添加！蜆湯麵 + Combo Menu 跟餐餃子一隻/紫菜飯 $88Clams Noodle 一黎到成個set有哂，同埋因為係湯麵既關係仲有薏米飯跟！見到佢個poster教人點攪拌已經好吸引，之後試左真係好好食，麻油味非常之香，如果有得單叫就好了。之後有海量既蜆，但有幾粒未吐好沙，個湯底就非常鮮，加啲黑胡椒就更加令個湯更出。泡菜餃子係超級大舊。大邱辣牛肉蔬菜湯飯 🌶️ + Combo Menu 跟餐餃子一隻/紫菜飯 $88Daegu Yukgaejang Rice Soup朋友叫呢個辣牛肉湯飯既飯份量非常之多，係非常適合男士，好飽肚。因為呢個係湯飯關係所以就唔會有薏米飯跟，另外就揀左豬肉餃子，餡料非常多同埋係好大隻既。第日喺旺角突然想食韓式既湯麵同湯飯又多一個選擇，見到對面食緊雞湯麵下次都想試，

主打正宗韓國手工刀削麵的 首爾製麵所 서울제면소於灣仔、中環及旺角開設門店！旺角新店開業，餐廳邀請了我們去試食～餐廳的韓國大廚每日早上都會親手製作麵糰，經 24 小時低溫發酵再反覆揉捏，令每一條刀削麵都煙韌帶咬勁。「雞湯麵」非常足料，是清新濃郁的雞湯，配以接近半隻雞。套餐除主食外，更配有餃子及小菜，分量十足，是性格比之選！而餃子都是每天製作，非常新鮮，連餃子皮也是手工捏製，很有咬口。「辣牛肉湯麵」惹味開胃，湯底是傳統配方加以改良而成的。所有套餐都是小菜免費任食，絕對讓入來的食客滿載而歸！

再去韓國刀削麵度食上次去仲喺韓國人serve嗰陣咁啱上枱客啱啱走要抹枱同我講please wait, I will clear it感覺比較有禮貌同埋上次雞肉刀削麵係真係好食啲雞肉離哂骨啲雞肉、麵同湯完全唔使加泡菜已經好夠味所以我先翻兜今次再去起初唔知對方係香港人就同佢講hara都知韓國餐廳繁忙時間一位未必接受咁最終都接受一位客帶位都起碼講聲坐邊唔係就咁手指指雖然個位喺門口行兩步都到嘅咁呢個時候我就知佢係香港人了咁食完我攞張單去埋，佢都無講幾錢又係嘅，我已經睇咗張單先呀嘛其實已經電話落單又係自己攞單去畀錢起碼都有返基本禮貌🫠再唔係就好似韓國街市個個排隊圍住個淥麵姨姨去嗌嘢食再自己攞碗麵坐底然後收返我韓國街市個價囉

平時見好多人排隊今日冇乜人，所以就入咗去試坐低咗order咗嘢食，店員就叫我哋移去第二張枱我哋都冇乜所謂嘅過咗一陣我同事嘅嘢食就到咗，但係我嗰份就等極都未到後尾我哋見到店員將嘢食送去啱啱坐低嘅嗰張枱度幾分鐘後拎返走，原來送錯咗我嗰份俾人啲店員原封不動咁將盤嘢食放喺出餐枱再原封不動咁拎返過嚟俾我咁樣唔係幾衛生都唔知嗰啲人有冇掂過咁算啦，始終唔係點溝通到所以照食但係原來啲嘢食真係唔係幾好食，可能唔啱我哋胃口😓😓泡菜好鹹蘿蔔好酸湯飯好淡😓😓

平日晚上七點半到,已經有一條長長嘅人龍.目眼有多於二三十人,結果等咗半個半鐘.等候時間還好.入到去用qr code落單.點咗個二人套餐,我就叫咗牛骨湯麵,白切肉,泡菜餃子,朋友就點咗個蘿蔔冷拌麵,紫菜飯卷牛骨湯嚟到嘅時候顏色係奶白色嘅,份量目測正常唔會偏少偏多.第一啖味道尚算濃湯厚但係帶少少牛嘅騷味.自己就一般般有呢個騷味.刀削麵份量都算多,但係口感正常,冇中式刀削麵咁有彈口.泡菜餃子就真係一般般,個餃子皮好黐.相對上多人推介嘅紫菜飯卷就出色多少少,好香嘅麻油味白切肉就普普通通,冇乜記憶點,本身調嘅味唔係好多.亦蒸得唔係好好, overcooked 總結試過一次就夠喇,我個人就覺得唔係好值得排隊.味道同埋口感唔啱我食

本身睇食評見到都好壞參半 抱住唔太高期望去試一試 平日5點幾去到都唔使排隊 店員都係韓國人 嗌咗個雞湯麵同蜆湯麵 本身自己都鐘意食重濃味嘅嘢 但兩個湯麵清得嚟好好食 雞湯麵有成半隻雞 肉就未去到好嫩滑 但勝在好足料 麵質不過不失 個人認為可以再煙韌啲蜆湯麵一飲湯就飲得出好濃嘅蜆味 超過20幾隻蜆 呢個價錢有咁多蜆仲要味道真係唔錯湯麵仲要有配泡菜同薏米飯 呢個價錢食韓國菜嚟講我覺得值得一試 平時好少寫食評 本身都冇太大期望 但最後又真係幾有驚喜

男朋友早幾日食過一次話唔錯，仲話下次帶小妹去食😋，終於履行承諾，琴晚手拖手去食呢間韓國麵店啦！小妹兩人七點前入座，如果夜咗就要排長龍等位啦，偷聽到餐廳原來只做堂食，無take away，想食就一定要嚟食❤️整間餐廳令人置身韓國，因為由大門、店內、餐枱就好似入咗間韓屋咁🤭再每人一份韓食、泡菜無限Refill、又有歐爸店員，非常有儀式感呀😎小妹二人揀咗二人餐Combo For Two（從湯麵、湯飯中選兩款＋兩個小食＋一個肉食）主食🇰🇷羅州牛肉湯飯、牛骨湯麵小食🇰🇷豬肉餃子、迷你紫菜包飯肉食🇰🇷冷白肉二人餐三個人食無問題，兩個人食飽到上心口🤣，證明大份夾抵食，味道亦非常好，牛骨湯超級好飲丫、牛肉都好食！手工麵質好似烏冬，擊中小妹心頭😍😍真係好好食，真心真意，旺角呢頭算係最正宗嘅韓食👍🏻👍🏻👍🏻👍🏻👍🏻

社交媒體網站介紹新開韓國手工麵店環境清潔寬敞Oppa 員工有冇禮貌最重要係好味 套餐的薏米飯及拌麵 ，太正HKD 1 咖啡 連飲3 杯香港未食過咁好味的韓國麵值得嚟encore 不同款式飯麵

收工見呢間seoul noodles係旺角開左分店，之前只有中環同灣仔有，所以就去左食啦🥹🥹見好多人都推介佢～入到去都幾多韓國oppa,我地叫左兩個套餐❣️❣️💙NOODLE COMBO（雞湯麵，泡菜餃子）HK$98 :大大半隻雞，飲一淡湯，好重雞味，想濃啲可以加胡椒粉，味道都好好食，再將撕左既雞肉配鹽加胡椒粉更好食😋由Oppa主理正宗韓式手工刀削麵，水準真係同韓國一樣，彈牙又唔黏，爽口又滑，另泡菜餃子都係即包即蒸，good good👍🩵 RICE SOUP COMBO (大邱辣牛肉蔬菜湯飯，迷你紫菜包飯) HK$ 88:湯味濃郁，辣味適中，肉絲唔韌易入口，迷你紫菜包飯水準都到位，只係飯粒有點硬💡每人都會有碗薏米飯（配上紫菜碎、泡菜）另會上韓式辣醬同麻油醬，比你攪拌一齊食薏米飯黏口而有質感，留意唔洗加甘多油醬會咸😂🌐：旺角花園街1號鴻禧大廈地下6號舖#韓國美食 #香港美食 #刀削麺 #旺角美食 #雞湯 #韓式刀削麵

前排好Hit，想試好耐，見啲評語好兩極最近旺角同中環開咗新分店難得今日去完廣華醫院上堂，5分鐘就到，帶成group朋友同我一齊去試「伏」🤣好多款麵，可以揀noodle combo，包餃子或飯卷▶️ 雞湯麵Chicken noodle ($78)Signature✨隻雞好大份，應該有半隻🐔賣相似人蔘雞因為有唔同部位，肉質唔同大部分鮮嫩👍🏻只有雞胸位乾少少但就啖啖厚肉不過有骨同皮，食得冇咁方便刀削麵幼身，望住廚房新鮮削麵🍜麵質好煙韌有嚼口😋烏冬上海麵混合體，好上癮湯底清得嚟入味，加入大量雞蛋絲、韭菜、薯仔，完全唔單調配搭好好味❣️成碗KO冇難度配菜有泡菜同醃蘿蔔，兩個都唔太辣，反而好開胃惹味每人都會有碗薏米飯，配上紫菜碎、泡菜、韓式辣醬同麻油醬攪拌一齊食薏米飯黏口而有質感🍚味道一般，當side咁食-湯麵真係好食🤤鍾意個麵質肉份量都好足，好飽肚環境乾淨企理，有張長枱坐得晒我哋9個人服務幾好，上菜快，賣相擺盤靚仔價錢OK，計埋加一$85/ pax，以份量嚟講相當抵食幫大家證實咗冇伏，朋友都話好推介😙

喺香港要食韓國野，就連最基本湯麵湯飯類閑閑地要$100up仲要加一。衣間麵店散叫一碗麵只係$68-$88。價錢相對實惠但味道同份量絕對唔馬虎。朋友叫左雞麵，淨係雞麵有半隻，湯底好清但入晒雞味。我叫左碗蜆肉麵，蜆肉算新鮮唔魚醒，食落亦無沙，湯底都好重鮮味。怕食麵唔夠飽嘅可以叫combo set，會包前菜醃蘿白同泡菜，仲有細碗拌飯。夠晒豐富，平均都只係$100。小食建議加泡菜餃子，個人覺得比豬肉餃子好食。而且餃子皮薄多餡。

#韓式美食新選擇 韓國Oppa做店員**發現新餐廳：每次去旺角，我都會搜尋有咩新嘅餐廳。今次發現咗呢間韓國式嘅餐廳，個門面一睇就俾佢吸引咗。☺️**用餐體驗：午市時間，我哋搵到張六人枱，坐低後通過桌面嘅QR code 點餐。呢度點菜好方便，我哋叫咗牛骨湯麵同埋蘿蔔仔冷麵。飲品方面可以請求Oppa去雪櫃拎樽裝嘅凍水。**餐點質素：上菜嘅時候，有辣蘿蔔、泡菜、紫菜飯同主菜，睇落好豐富。器皿係金色嘅，筷子同匙羹都係韓式嘅金色，視覺上好吸引。牛骨湯麵味道豐富，好好食。蘿蔔冷麵微微酸，但麵質感尚可，我個人比較鐘意牛骨湯麵。**環境氛圍：餐廳環境用啡色裝潢，好靚，同朋友喺度食飯感覺好舒適。**總結：餐廳環境優美，食物質素高，下次一定會再嚟試其他嘅菜式。

就這個價格和味道個人感覺真的很值 就70+ 「 雞湯刀削麵」 78hkd ⭐️⭐️⭐️一真的不敢信在香港78能給我半隻雞 雞肉沾醬汁吃 就很鮮 份量也很多 ！ —刀削麵是那種偏粗有口感的麵條 然後就是這個湯真的挺鮮甜的 濃濃的雞湯味！ 「 蜆湯麵 」68 hkd ⭐️⭐️有點鹹了更偏好雞湯*都會贈送泡菜拌飯以及泡菜等配菜可以根據自己的喜好來吃*避免高峰期時間可以不排隊店裡冷氣也很足 裝飾風格也很韓適合拍照做裡面的位置還可以觀看師傅現做刀削麵

本身好鍾意食韓國野，旺角最近新開左間韓國麵店，就去試下啦🤣灣仔開到去旺角，店員似係韓國人🤔蜆湯麵份量真係好足料，湯麵入面有好多隻蜆，麵係即製，味道都唔錯。蜆我覺得似沙白，雖然細細隻，但無沙同好鮮甜仲有好多隻🤭食完堆到小山🤣係湯底就略覺唔夠鮮甜，如果可以再改進呢個位就更好。整體算係香港一間幾好既韓國食店✨️想念韓國美食，值得去試下既✨️seoul noodles旺角花園街1號鴻禧大廈地下6號舖港鐵油麻地站 A2 出口, 步行約5分鐘#旺角必食#旺角美食#韓國美食#foodiehk

第一次試, order jor雞麵set同蜆麵set, 食完5覺得咸, 感覺冇落味精同幾健康, 雞肉麵都幾大份, 碗麵竟然完全冇油好清👍🏻 另外蜆肉麵都幾清甜, 本身麵底份量其實都幾多, 再配有少量薯仔,京蔥,紅蘿蔔絲ge清湯, side dish有kimchi, 蘿蔔, 再加碗適量薏米紫菜菜飯, 心諗解滯去濕都幾啱食😋另外2款肉餃加個醋汁好好食🥟👍🏻staff都係friendly同nice ge Korean🎎應該可以encore