映月樓

Open Now

Now Closed

1.士多啤梨骨$88 ~ 貴精不貴多,味道很配合,酸甜適中,但肉排很多肥肉,肥肉佔整塊肉40%.2.大斑兩味$288 ~ 是翠玉瓜炒斑片,幾好味,斑塊雖未至於鮮香,但仍可收貨.3.至於斑腩煲就非常差,炸過的魚塊又腥又臭,感覺非常不新鮮,整個煲又肥又膩.4.竹笙雞燉翅$360 ~ 一煲可分到六碗,但好似食唔到魚翅,而湯底亦很夠味精.5.甜品的賣相反而幾特別,一口芝士蛋糕細細粒,味道亦唔差. 而楊枝甘露,湯丸及紫米露的味道亦只是一般.

點心選擇唔多, 有些點心同小菜都無得供應但來既點心樣樣都唔錯, 大家都讚不絕口蟹籽蒸燒賣,熱辣辣,有肉汁同鮮味,如果大粒番少少就正晒雞油豆苗, 好鮮嫩又唔油叉燒包, 個包好熱,包身厚得黎亦好鬆軟,咬開個包後有流沙咁既叉燒肉同汁流出黎,幾得意,味道亦幾好)蛋白瑤柱炒飯, 夠干身煎蘿蔔糕,蘿蔔同臘味都幾多,煎得幾香口,味道亦不錯...總結佢地食物質素都唔錯,招呼都合格啦!

拿！如果有得揀，我唔會揀呢間野飲茶！不過凡事總有第一次既又！唔黎過又點知佢那麼不濟呢！！！叫左以下食物:-炸雲吞：D餡少到鬼咁！叉燒穌：不過不失啦！算好架喇！四寶扎：得平時size的1/3，腐皮包住雞，火腿，魚肚及雞批菇，好聽d講係精緻，難聽d講係縮水！春卷腸粉：個名本身好長既，但我唔記得喇！一黎到，成個外形好似炸兩咁款架！食落就真係絕無驚喜可言喇！都算喇！正正經經兩樣野未好囉！腸粉包住舊春卷，但不倫不類在於，佢用西餐既長碟盛著，懶係糅合中西fusion菜咁，但係確實失望！荷葉飯：呢個就真係要XYZ喇！一個小蒸籠盛著一隻珍珠雞咁款，收我成28蚊，把鬼！馬來亞喳咋：呢個好味！料都足！蓮茸焗布甸：上桌時，覺得賣相非常過癮！開頭食落感覺奶味極濃，食到戲肉，嘩！D蓮茸甜到呢~~~我好似要食藥咁呀！一路食一路灌左3杯水，乜事呀！大哥，好重手下播！我嗜甜都頂唔蒲呀！膩到無人有，甜度高出正常標準九阿幾倍，正常人絕無可能食到。短期內，蓮茸焗布甸唔會係我既選擇，係咁多！結賬：HK$200/2人

一行 5 人 2:00p.m 去飲下午茶環境清靜座位寬闊窗口位向海景職員態度友善。。。點心選擇亦多荷葉飯、咸水角味道不錯灌湯餃咸咗 dd肉絲炒麵幾好味

家有喜事, 註冊完係度訂了兩席, $1388, 再叫些點心....!套餐包括點心併盤 (蝦餃, 燒賣, 素粉果, 春卷), 燒味併盤, 斑片炒西蘭花, 草菇扒小棠菜, 什菌扒豆腐, 炒飯, 炒河, 窩米, 楊枝金露! 另叫了叉同蝦腸粉, 鳳爪, 排骨, 牛肉, 炸雲吞, 叉燒酥等等)!先講點心....水準唔錯, 最特別係腸粉, 成條過, 蝦大大隻, 不過, 唔夠爽脆! 叉燒酥又係好彩好食啲, 燒賣既蝦夠爽, 彈牙! 燒味做得唔出色, 雞係背位, 無乜肉, 牛"月展"唔腍! 斑片係東星斑, 唔錯, 菌, 菜好多, 啱哂我! 最後既炒飯面有啲類似忌廉牛油汁....好香! 楊枝金露無咩特別!對上一次係十幾年前....最深刻係點心好好食, 今次就一般, 最唔好係服務, 侍應太少, 叫襯都好耐, 特別係上粉麵飯時....等得太耐了! 必須改善改善!

映月樓D野吃唔算得上味道一流但係如果唔中意一般中式茶樓D嘈雜想靜靜甘飲茶呢間都算系幾好ge選擇我凈系寫稍稍自己覺得滿意ge point出黎先1. 中午ge時候去幾清凈，唔中意嘈但想飲茶ge朋友最適合2. 起文化中心對海果邊，如果坐到近窗口，有海景3. 甜品味道一流4. 價錢都算合理啦

又再次因為AE card offer，今次嚟到呢度飲茶...景觀一流，全維港景，但食物水準三流...小刺猬即係炸白蓮蓉包。皮厚兼死實，可以不吃...燒腩仔叫做似D樣。正式五花腩肉，皮脆...义腸，棉花雞等等，普通水準...用咗$100coupon後都要每人百三銀，正式"燒鵝咁嘅價錢，蔗渣咁嘅味道"....

(17/11/07)美心集團裡,未去過此酒家。相信都幾好。翡翠帶子腸粉,完整一條腸粉$30,放在一長碟上,變相份量比"standard"三條少。xo醬蒸鳳爪,潮州粉果,陳腎排骨粥,唔錯。蜂巢海鮮盒,極細粒,幸好非常香口、芋蓉十足,「海鮮」粒已成了配角。蟹粉小籠包$48,四粒。蟹肉很多,蟹油唔夠香,其實都ok既,不過唔知好似都係欠些什麼。欖菜三文魚肉鬆炒飯,好多料,炒得很均暈,must eat!胡椒湯牛腩玉米麵,先問侍應,玉米麵是混入粟米猜的。唏!來到即係米線!?牛腩切左片,怪怪,不過ok腍。浸住水,有點牛羶味。賣單要等好耐,就算係食完既吉碟,吉籠,水壺無水,都無人理,美心竟然會咁......

為方便觀禮，一眾親戚先來食個午飯。最高興人多飲茶，點了廿多款點心、又炒粉麵飯、又有炒茶，我點得暢快之餘，他們食得暢。雖然美心集團比一般集團式酒樓略貴，但有信心保證。燒腩仔脆皮鬆化鹵水豬仔腳-豬皮爽口，夠入味蝦餃-晶瑩剔透，蝦身爽脆燒賣-不帶半點肥膏，豬肉與蝦肉搭配均勻腸粉-皮薄幼滑流沙奶皇包-香滑奶皇，可惜不夠流沙蒜茸長春卷-賣相特別，遠道而來的親戚們非常欣賞蟹粉生煎包-不算熱辣，但仍可保持蟹粉鮮味香甜叉燒包-包身軟熟、料蜜味……雖然我已有好幾年未來過，食物方面依然保持水準。而環境可以望看維港對岸，只可惜玻璃窗似多時沒有抹過，看上去好像蓋了一層煙霞。

2007年10月13日，映月樓。5友來到映月茶聚，一坐下，看到窗外維港景色，心情已經愉快啦。時間尚早，沒有點心車，是劃紙叫的：陳腎排骨粥：料好似唔算多，但味道不錯。雞包仔：包當然是小的，但餡似乎也太少，我吃不太真它的味道啊。奶皇包：奶皇不算出色，還是掛念二宜樓的流沙奶皇包蝦餃：一般。我覺得皮要薄D。煎馬蹄糕：一點也不油，我不知道原來是煎的。但可能因此也不香。味道一般。炸雲吞：都算脆口，但肯定不是我吃過最好吃的。沙律蝦角：友人的至愛，但我一向不太喜歡。帶子腸粉：不說我不知道是帶子腸。可能掛住傾，無留意，但腸粉不算很滑。環境衛生可以很影響我的食欲，這裏一定只會加分。

月頭訂左兩圍酒席, 點知昨晚去到食食下, 上果幾度菜同菜單完全唔一樣, 最離譜係雞翅變左魚肚更!!!跟住問d waiter點解唔同樣, 佢地只係話個菜單改左..., 但係佢地之前完全冇通知我地, 仲離譜到食食下先覺得唔對路!!!! 仲有, d $20一個o既壽包, 細到出奇, 以後都唔會幫襯!!!!

本年六月中朋友在映月樓設宴(WEEDING)$73XX.00/席紅燒大鮑翅清蒸大紅斑6頭罐湯鮑.....等等其實菜餚都好名貴好有睇頭,但是個燕窩配焗釀蟹蓋就好唔合適.蟹蓋內萄汁加菜粒焗完,面頭放D燕窩上去.成晚就是比佢(燕窩焗釀蟹蓋)扣減好多分.***有關管理人員要好好檢討,改善.其他服務,環境都可以.

7/7(六) 2pm熱浪逼人的星期六,陽光猛烈得無法蹓躂於戶外多頃刻,乾脆舒坦地來個悠閒午茶.致電訂座,接待員告知只接受四位或以上的訂臺,聰穎的我硬訂四位;待我倆入座後技巧地相告服務員,另外的兩位爽了約,哈哈,奸計得逞!維景相偎的中菜館並不多,價錢較平易近人的寥寥無幾(茶芥$9,點心小點$16,中$23,大$28);此處可算是其中一家.光是這賣相,足已招徠不少外國食客;左邊一臺竹星,右面一桌老外,恍若置身唐人街中餐館.打發了服務生後,詳閱餐牌,點了$98套餐-一粉麵(滑蛋石斑炒河)+兩點心(炸雲吞,蘿蔔絲酥餅);另加菜肉雲吞湯$38,瑤柱雞飽仔$23,白粥$9.菜肉雲吞湯-湯底清中帶甜;精緻雲吞一口一粒,口感鮮度不俗;津白則偏腍.滑蛋石斑炒河--蔥花蛋汁濃稠得宜,唯味道略清淡點;斑粒結實彈牙,頗有咬口!河粉質地奇厚兼黏作一團!水準馬虎!炸雲吞--一碟三件,體型頗的骰的雲吞炸得乾脆,鮮蝦餡料屬鮮美富彈牙,不沾半滴油.蘿蔔絲酥餅--酥皮做到絲絲脆口,坊間少見;但鬆化度及蘿蔔絲口感及鮮度僅是聊勝於無罷了!瑤柱雞飽仔--賣相輕巧,包身軟熟;咸蛋黃,蝦粒,雞粒,冬菇粒等新鮮用料作內餡,豐富汁液也

去映月樓飲下午茶，就在文化中心上面，有二、三、四樓，不是太大的，四樓有很美麗的海景。我們在三樓，點了燒賣、蒜香魷魚、煎腸粉、韮菜餃、紅豆餅(墨魚樣的)、叉燒包，全部都好好味，環境好舒服，不過都幾貴。

20070303幾個舊同學約出來飲茶，選了中間點的尖沙嘴。這間的入口有點隱蔽，第一次來的難免要兜兜轉轉。站在lift lobby，聽說要上去“4字樓”，幾個人的第一反應都是：啊？原來文化中心有四樓的？不知是不是地點原因，又逢午市，並沒有滿座，加上樓底高，落地明窗，直望港島，桌子之間的空間也夠寬敞，所以一進來就頓覺心清氣爽。我們訂的是窗邊位，天氣還算清，直看得到半山以至山頂那些錯錯落落、掩掩映映的獨立住宅，俯視，則是每晚“煥彩詠香江”上映時觀者必爭之地。本來盤算著這裏一餐飯，怕有四成價錢都算在“景觀”一項上，誰知實際數字又完全是合理範圍喔~我們從12：30坐到將近3：00，看飽了靚景，飲足了香茶，人均不過75元，隨便一間好點的中式酒樓，怕都要這個價吧。而且，這裏的味道也還稱得上不錯，燒腩仔、叉燒餐包、菜苗餃、燒賣、流沙奶黃包（這個值得推介），新鮮滾熱；甚至還有些久已不見的點心，例如牛腩腸粉。盅飯也不錯，豉油甜，蒸雞滑。有機會再來：）