Video
4-min walk from Exit C2, Sham Shui Po MTR Station
continue reading
Telephone
27288440
Opening Hours
Today
11:30 - 23:00
Mon - Sun
11:30 - 23:00
Above information is for reference only. Please check details with the restaurant.
伏之體驗，份量極少性價比極低兩餸飯好過佢經過西九冇嘢食見到間咖哩屋諗住試下點知嗌咗個二人餐諗住印度人主理唔會差得去邊點知1.前菜只係一舊染色體燒雞每人只可以分到兩粒燒雞肉2.湯只係一個胡椒湯冇任何料，當佢味精水處理,正正常常3.主菜方面：😮💨😮💨一個咖哩羊肉只得四粒咖哩羊肉粒和一嚿薯仔，咖哩方面正正常常，好稀，甜甜地另一主菜只係普通雜菜碎加一些菇配咖哩，20蚊有找佢竟然收69蚊薄餅同埋飯方面中規中矩4.飲品方面包兩杯汽水，咁我就叫咗雪碧（杯裝上）同埋芬達（罐裝）啦，已經覺得奇怪竟然埋單嘅時候，佢先話個芬達原來要額外畀錢，但我落order嘅時候職員完全冇講過原來要額外畀八蚊錢唔係問題，問題係請你交代清楚要額外畀錢感覺上好似畀人佬屈咗一樣🙊🙊總括而言，我會食兩餸飯好過食佢
continue reading
今日有時間去深水埗，預備下去旅行的東西，一定有買電話卡。今次行下行下，去到深水埗附近，行過一間不時都有見過。不過又不夠膽量去試的食市。今次便去試下。坐下之後，有印度人食，不過想不到都有不小本地香港人食，差不多都滿座。看看個set lunch，又説牛肉好吃，便試試看。味道不錯，我order 多了個naan。這間的naan是多麵粉一d，所以是多一點的質感。而説到特別的話，一定是說特別order 的印度茶。有一種香甜的留香味，平時中式茶沒有的。有趣有趣。今次彩蛋也特別一點，是介紹附近新建的兒童玩樂場，有兩層樓高。它是在游泳池附近的，平時都有不少兒童玩的。
continue reading
有時路過見到幾多人，今日終於決定入去試吓，叫咗個2人餐再加啲其他嘢4個人唔使600 ，個個食到飽晒，算係幾底食。隔離有幾枱街坊客食牛扒餐，我哋都試吓食物賣相需然麻麻哋，勝在夠熱辣辣，味道很好啊😍2人套餐$145/$149(有餐湯)入面嘅燒雞肉好食，咖喱可以揀2款，今次揀咗牛舌，牛腩，牛舌切粗粒，夠嫩滑，正👍跟飯，NAAN，仲有2杯飲品洋蔥圈香脆好食Kebab 有幾款，今次叫咗羊雞mix都係好食牛扒餐$75有菜沙律，飲品，揀咗跟naan芝士菠菜賣相麻麻，不過幾好食，配飯或者naan都幾好其他食物冇乜特別但係都幾好食
continue reading
用餐日期：2023/12/03用餐時段：午餐 用餐費用(每人）：$80餐廳環境：室內不少座位 冷氣足 檯與檯之間較近 人多時可能要搭檯 服務：服務員服務態度好 點菜上菜都快味道：點了Lamb Kebab+Masala Tea1: 前菜是印度薄脆+醬汁 這是店方送的 薄脆味道正常夠脆 2: 主菜點了Lamb Kebab$65: 有一大卷一分為二 份量足 但實物和圖片是完全不同 圖片是有烤餅包著烤羊肉片 不同色的菜 番茄 醬汁，現實是烤餅包著大量綠色的菜絲 少量羊肉 醬汁 餅烤得不算很熱 醬汁味道偏淡 羊肉也不是烤的 羊肉味道正常 羊味不重 有超多菜很少羊肉 整體味道還好 但絕對不是相中傳統的lamb kebab 貨不對版感覺3: Masala Tea$15: 味道正常總結：這家的餐點價錢合理 老闆識廣東話 職員服務態度好 但小心餐牌的相和實物不相同
continue reading
很喜歡食咖喱的我又到處去尋找印度咖喱了。這一次，一家人出動，來到深水埗找食印度咖喱的地方。一早已經知道，深水埗的咖喱屋，好多都是平靚正之選，而是次早選中的，是一間叫《深水埗咖喱》的小店。中文雖正名是 "深水埗咖喱" ，但真正的名字就反映在英文店名佈內《Shaan Indian Restaurant》。同一般的印度、巴基斯坦餐廳一樣，一坐低就會給你一份餐前小食。呼之欲出的就是胡椒脆餅 (Papadom) 了。不會太辣的 Papadom，小朋友吃得很開心。尤其是教了他們點附上的醬汁吃，只要避開那些黑點 (完整的胡椒粒) 就不會辣了。之後是我們二話不說要點上的就是咖喱角 (Samosa)。咖喱角，好多時都是素食的版本，因為主要的餡料就只是青豆加薯蓉，當然，仲有咖喱粉在內，外皮酥香，內心有加了少少咖喱辣味的薯仔香，每次吃都好開心。當日，我們點的是四人套餐，所以這一餐可以說是份外的豐富。被視為頭盤的，有這一份串燒魚及雞 (Fish and Chicken Tikka)。印度的串燒雞，幾乎家家都會用上食用色素來增強美觀感，雖然是紅卜卜，但我地吃了多年都沒什麼事，雞肉的外層看起來好似好乾，但咬入口後，絕對是鮮美多汁的。烤魚，有少少的咖喱味，雖是可口，但我們一致地覺得，味道咸左少少。之後，就是四款不同的咖喱。其實，四款咖喱都是一樣的，只是我們點了雞肉、雜菜、牛腩同羊肉而已。個咖喱汁都是一樣的。咖喱雞，就是咖喱雞。是最簡單的 Chicken Curry。通常，只叫 "Curry" 的咖喱，是最基本的咖喱，基本地香口，微微辣，老少咸宜。只是這店的咖喱似乎是一味多汁，就算是內裡的雞肉嫩滑可口，但肉的份量偏少。For 太太的咖喱雜菜看起來就似樣少少。起碼是真正有料的咖喱。有菜，有紅蘿蔔，有粟米，但相對是比較貴價的鷹咀豆、扁豆等等好夾咖喱的豆就欠奉了。也許是一分錢一分貨吧。咖喱牛腩，都是一份汁比肉多的出品，幸好的是牛腩肉大大舊，用來伴飯或伴 Naan bread 都咁有口感。而且，我覺得此 "Curry" 配紅肉是比較合適的。最後一款是咖喱羊。同樣都是大大舊肉，而且羊羶味很濃。喜歡這一個味道的我立即要給 like。更甚的，就是那羊羶味混進了咖喱汁，令到這咖喱，連汁連肉都充滿羊味道，非常好。Naan Bread (印度烤餅)，做得非常之香口。食咖喱，配印度烤餅其實是最佳的選擇。沾了咖喱汁的烤餅同夾了肉的烤餅，吃入口時絕對是更香口。只是，烤餅比起米飯更加之飽肚，不能多吃。食咖喱，配白飯也是開心的。然而，如果識食 Pulao Rice，配上咖喱汁會是更正斗的選擇。此店的 Pulao Rice 很正宗，因為用的是 basmati rice (印度巴斯瑪蒂香米)，米香特別的濃，吸汁能力又高，很滿足。至於飲品，跟套餐的全是大路的港式飲品，沖出來的奶茶也就是港式的。咁，就不需要多花文字去評價了。這咖喱餐廳算是好食，但又未至於好好食。作為一個平平地食咖喱之選，其實是可以的。說真，要真正地吃好好好味道的咖喱，真係要去尖沙咀。
continue reading