深水埗咖哩

Open Now

Now Closed

好耐冇食印度菜，今日成家人嚟到老竇介紹嘅深水埗咖喱，位置容易找，就喺正警署對面。餐廳裝修樸素，係比較舊式嘅餐廳，但係位置坐得尚算舒服，衛生正常。我哋一行四人點左個三至四人套餐，已經包左燒烤、四款印度咖喱、烤餅同印度白飯等等。等咗大概15分鐘左右就一次過上晒成個套餐，有效率。食物分量以三至四人來講尚算合適，可惜食物質素就麻麻哋啦。燒烤雞魚燒烤雞完全冇味，燒烤魚就有少少腥味。後來叫店員拎左一隻薄荷醬俾我哋點，點黎食個味道就好啲，起碼蓋得住陣味。咖喱雞/牛腩/羊滿心期待嘅印度咖喱，應該係充滿香料味道濃郁，點知哩度淨係望個色都睇落好淡，好水汪汪。果然用烤餅點咖喱汁食都冇味道，質地水汪汪到唔會粘到烤餅，好淡好淡，咖喱雞食落又係白灼雞味，同我以前食過嘅印度咖喱好唔同，印度菜出名香料多，哩個仲淡味過平時食嘅普通咖哩，認真失望😞。印度烤餅份量多，烤餅質地軟糯，仲聞到少少炭烤味，算成個套餐比較好味嘅。凍奶茶套餐包埋基本凍飲，穩陣起見叫咗杯凍奶茶，雖然唔係印度奶茶，不過味道偏甜，得好重奶同糖味，個人黎講唔係好飲得慣。整體來講依個價錢3-4人食到咁飽係幾抵，只不過味道方面有待提升，始終印度人親自主理，會有更

話說今日有啲時間，趕去深水埗食黃咖喱買黃色旅遊電話卡呢間咖喱唔駛排隊，你知啦，我呢啲老人家的身體，排長龍留比後生排，我哋食啲黃得唔駛排既老實說，味道唔錯，雞都可以，唔差，係唔夠辣，點知，食到水尾先知辣度原來有得選擇。下次會醒目啲🤣🤣🤣

朋友好鍾意食中東印度野 上次路過見到學生有平當佢係黃店所以支持下啦～人手唔多 好似得兩個人 所以晚飯時間黎 都要等一陣先可以嗌野食 香港人唔好咁心急啦🤣🤣🤣叫左一個二人餐 揀左羊肉同牛腩跟一份薄餅一份飯 同一個燒雞 加兩杯餐茶咖哩都係正常水準 不過羊肉就唔推介 有啲un 而薄餅唔係多油果隻 （相對健康啲但就冇咁好食喇😆😆）總括嚟講係平價之選 但味道就不過不失啦～最後亦發現應該係真黃店😆😆😆疑似老闆主動同另一枱後生討論 所以都值得支持下既

此店座落於深水埗警署對面，食飯時間１２點經過入面一個食客都冇，心諗可能不吸引所以一個人都冇，但最終入去一試。原來食客都坐喺餐廳最深處，從外面係睇唔到我點咗個套餐，咖哩雞餐，配薄餅，薄脆，亦都有白飯，另有湯同埋飲品，亦都可以雙份薄餅唔要白飯餐湯有雞絲，雜菜同埋黑胡椒，黑胡椒味濃薄餅份量少，薄脆冇乜特別至於雞都係冇乜特別，份量偏少，唔辣全餐＄４９，價錢合理

今日係屋企食食吓飯太子警署放催淚彈, 迅間煙燻所有飯餸, 唯有落街食, 旺角個邊太多防暴咁行去深水埗囉。點知行到西九龍見到呢間咖哩屋有學生餐, 咁好人就入去食吓。簡簡單單食個Chicken Masala配薄餅, 個Masala夠香, 雞粒又夠香仲有陣炭火味。加埋個薄餅係不錯既, 薄餅亦都夠厚夠香。我個人認為算係中上既味道, 係深水埗既值得去食。仲有老闆廣東話超流利, 態度又好好。可惜今晚老婆係屋企俾煙燻到勁唔舒服冇晒胃口, 下次再去食過再出個詳細報告。

近日因為喺呢間咖哩屋門外，見到宣傳有225g牛扒套餐。我估係因為隔離嘅牛扒店太多客人，所以佢出類似套餐去吸引多啲客。不過實物同相片真係爭好遠，同埋做同隔離類似嘅套餐好不利，太容易有比較，反而令食客嘅預期高左(?)。如果有朋友好似我咁，因為見到呢個宣傳而走入去嘅話，請三思~老闆就好好人，服務態度不錯，不過食物同環境質素真係差啲啦。佢地啲餐具直接擺枱面，有少少唔衛生...套餐如下:忌廉雞湯，三個字，非常稀。係我飲過最稀嘅忌廉雞湯，冇乜忌廉湯嘅黏稠感覺，裡面嘅蘿蔔粒爽口( 亦可以理解為煲湯嘅時間短，所以唔淋)， 仲有少少連雞皮嘅雞肉。我朋友嘅牛扒跟住呢份我自己感覺上兩份牛扒嘅份量都有分別，到底係咪都有225g就唔知...我叫左7成熟，但呢隻紅色...嗯…我睇就唔似7成。 同埋食到某啲位又好韌，咬唔到。反而個薄餅不錯，夠熱同軟熟，點咖喱幾好食。(p.s. 咖喱汁要加$10)最後我嗌左最穩陣嘅檸水飲...飲完就埋單走了。整體嚟講，嗯，都係忍唔住要講 係伏。其實本身個餐係冇咩問題，普通茶餐廳水準，我平時都食開。只係因為個宣傳板嘅牛扒相太多誤導成份。同埋咖喱屋，始終係以咖喱做王牌比較好！

之前同女朋友行過深水埗見到呢間「深水埗咖哩」,諗起之前係佐敦食過佢間分店,不過佐敦果間係上年已經執左,果時食都覺得幾好味,執左都覺得可惜,於是見到呢間「深水埗咖哩」當然要入去試睇睇係咪同一味道啦,叫左個2人餐,一食果然都係一樣味道,咖哩味夠,唔似普通餐廳D港式咖哩,佢呢隻好食好多,烤餅新鮮出爐熱辣辣,點咖哩食真係好味,叫2人餐佢有個鐵板燒雞件,點D檸檬汁好香好好食,我加錢飲左杯印度奶茶都ok,同普通奶茶唔同,因為女朋友好鍾意食卡巴,之後叫左個羊肉卡巴,都非常唔錯,不過係D羊肉比較韌左小小,不過總體都ok的,2個人叫左個2人餐+羊肉卡巴,200蚊有找,又平又好食,另外服務都幾好老板會同人傾計,服務幾好,平時去食見佢客量唔多,都幾擔心佢,推薦呢間野,幾好食的

第一次去食印度咖哩，之前從未試過所以行過就入去試吓，去嘅時候冇人等所以直接入去。餐廳環境尚可，沒有華麗的裝修，但用餐座位和桌面都寬闊，坐得舒服。唯獨餐具上有不明黑點，令人感到餐具污糟。兩個人去食點了一份二人餐，不用多久就送上了湯和烤雞。湯裡除了有幾舊紅蘿蔔絲就看不見其他配料了，味道飲落似公仔麵味粉溝水，本人覺得味道一般。燒雞很夠火炭味，食落好香，唔錯。之後呢個薄餅亦都好食，配上旁邊的醬汁好似食緊薯片咁，推薦！到主菜咖哩，選了牛肉和羊肉。大中小辣三款選了中辣，但吃落辣味不夠，連平時沒吃辣的朋友都只感覺有小小辣，咖哩食落都唔夠香和濃。咖哩內有3-4舊肉和1-3舊薯仔，牛肉肉質厚而鬆軟，唯因咖哩的味道不夠以致牛肉味道變得一般，稍有可惜亦有些失望。薄餅的口感和外表都不錯，但因為薄餅要配上咖哩食才有味，所以又回歸到原本的問題，相信只要咖哩能煮得更香更濃一定會令食物整體質素上升。服務態度不是特別好但也不是說它差，是一般餐廳的服務態度。店員都很友善，亦很有笑容。最後兩個人埋單$152，晚餐來說也十分划算，食物份量夠食但唔會話好飽。

The most tasteless briyani I have ever eaten in my entire life!!! It was just a dull briyani with no flavour at all. There is no masala flavour there is no fragrance of bay leave and this is not called a briyani. It resembles just like a tasteless fried rice.

深水埗其實有好多間由南亞人士開既食店，哩間第一次幫襯，試下好唔好食先，點左咖喱羊肉同簿餅，咖哩好濃郁好正，帶辣，羊肉夠腍有羊羶味，最後梗係將d簿餅點咖喱汁食，絕配。

小妹好耐無打食評，但今次真係唔打唔得。真心依間餐廳好味，服務唔錯，價錢更係好經濟，見佢星期五晚巿都水靜河飛真係代佢擔心。希望有更多人留意佢，比佢個機會佢（雖然佢店鋪睇落暗暗，唔太光鮮）話說今日同男友行左半個鐘都未揀到食乜，去到金豪又要等一粒鐘，想食嘅西餐又被包場，行行下見到有個哥仔派傳單就拎左入左去了。因為係印度餐廳，所以要用英文點餐，我地最後二人點了四樣野食：1- 串燒雞Kebab $48小妹一直好鍾意食Kebab, 所以係一定會叫！佢嘅串燒雞好香，好多生菜同洋蔥，汁不多不少，佢一開兩件上，方便同男友一人一件。味道黎講，真心比起尖沙咀阿士厘度個兩間都好食，而且料亦較豐富，價錢更為相宜，不過無計，尖沙咀租貴。2- 燴羊咖哩 $72比想像中出色嘅羊，肉質好淋，好輕微嘅羊羶味，或者有人會鍾意羊羶味，覺得咁樣先係食羊，但小妹就覺得些微嘅羊再配搭印度咖哩嘅香係一絕！3- 牛油烤餅 $24嗌左咖哩無理由唔叫烤餅，佢一客四件，烤餅相反比較失色，唔算太香，但點咖哩食就一絕。4- 烤芝士菠菔（後加）$58大食之小妹梗係要追加啦！拿拿拿，依一樣我真心驚喜！佢係咖哩菠菜蓉再配烤過嘅羊芝士粒。小妹其實對羊奶

2年前已經會去這家店，2年後的今天，客人多了、服務維持很好。咖哩雞肉配2件薄餅($58)第一口感覺偏甜，但吞下去後味蕾感覺到辛辣湧出來，有雙重的口感。個人覺得如果稍為再「杰」身一點比較好。馬薩拉咖哩羊肉配2件薄餅($75)與上述咖哩的分別是加了大量的蕃茄蓉，而且相對濃味和「杰」身。初時覺得味道普通，但咖哩意外地配薄餅，而且加入羊肉一併烹煮令咖哩醬汁更為入味。薄餅依舊大大件，好味，但食完之後胃漲，建議慢慢吃。印度奶茶敗筆，淡味而沒茶香。可惜。

印度 地大物博 , 食物千變萬化 , 南北印度各地在烹煮食物的方式和使用的材料都不一樣 , 也隨著每個家庭不同的傳統、宗教而有所變化 .... 正因如此 , 每次體驗都總有不同 ~當日就到了位於 深水埗 - 欽州街 的 深水埗咖喱 Shaan Curry and Kebabs , 一嚐究竟 ~Menu ~Naan : 烤餅外脆內軟 , 口感鬆化油潤卻又不會過於 " 油笠笠 " , 味道平凡但又可口美味 ~ 咖哩牛腩 : 端上桌時 , 新鮮香料的香氣撲鼻而來 , 汁的質地濃稠 , 那種富層次感又複雜的香料味道 , 締造出無限刺激 , 牛腩煮得軟腍和入味 , 好吃牛肉之人定必好之 ~ 本篇完 ~

已經唔記得幫襯第幾次，仍然幫1襯就知唔差，呢間唯一食完唔口乾既印度菜，唔係唔夠香同味，係恰到好處，唔洗狂飲水，真係謝天謝地，個人水腫聽朝跳肚皮舞點露腰，本人對旁邊既“混亂”拉麵就唔太鍾意啦，排餐死麵質一般，食晚飯更係想hea下嗎入座只有一枱客，都差唔多8點，心諗平時生意唔錯，野食齊晒，要快食啦，開始人多，店內有樓梯底位地方唔太見洗今日費事諗叫左2人餐2號，無錯有2人餐1號，差別係2號餐貴13蚊，但多左個湯，反正想飲湯，$157其實都低食，女人街/廟街都唔得啦，個餐2個人唔大食係夠飽肚，有咩食睇下啦1，湯 （是日餐湯~清雞湯）有點似淡淡忌廉雜菜2，薄脆餅咸咸香香，食完好似有點唔夠3，燒雞件今日乾左點，但味道都唔錯4，兩款咖哩 （雜菜，牛肉，牛腩，雞，牛脷）要左咖哩牛同淡咖哩炒什菜5，烤餅 （原味）6，白飯7，汽水/咖啡/檸茶我地各加10蚊要印度奶茶，飲唔到薑味，但有淡淡香料味，佢地獨有自家味道，唔同出面馬沙拉茶

今日下晝同班friends嚟間野試吓，間野味道唔差但略嫌貴左啲，同埋間野細咗啲座位又少咗啲，咖哩汁如果多返一啲會比較好，因為我勁冧咖喱，員工態度不錯，下次一定會再嚟幫襯。