深水埗咖哩

Open Now

Now Closed

今日下晝同班friends嚟間野試吓，間野味道唔差但略嫌貴左啲，同埋間野細咗啲座位又少咗啲，咖哩汁如果多返一啲會比較好，因為我勁冧咖喱，員工態度不錯，下次一定會再嚟幫襯。

自從來了深水埗區工作，感謝一班好友及前顧客不斷問候新工作情況，關心關懷之處，小弟銘記於心。這天好友兼認識了多年的熟客蔣醫生到來探班，順道一起吃午飯詳談近況。只得一小時的午飯時間，不敢走得遠，就近有茶餐廳，但環境狹窄，不便交談，兼吃完便要走，遂多走幾步，試試這間咖喱店。中午時份，竟然有一半「吉檯」，看看餐牌，套餐約五十元，也許就是客少的原因，因為附近的午餐大多是三十多元有交易。侍應都是印巴籍人，但懂粵語。我們分別點了套餐的咖喱魚飯和咖喱牛腩飯，侍應問我們要大辣小辣，很細心，我們都要了小辣。先來兩片papadum，印度的薄餅，有些青色的醬給你點，薄餅微辣，幾開胃。接著是湯，混濁的，似是薏米水，但不肯定，味道不太差。咖喱與飯是分開上的，還有烤餅，咖喱果然不太辣，但嚐到多種香料的複雜性，縱橫交錯，變成很好味的咖喱。蔣醫生似乎不太喜歡吃辣，沒有淋太多咖喱汁落白飯，至於他的咖喱魚味道如何，則不得而知！我的咖喱牛腩很不錯，牛腩不韌，份量不多，有幾件薯仔，做烤餅對他們來說無難度，點咖喱汁，好正！餐後的咖啡？一來不夠熱，二來無乜味，可以省卻。

午餐, 食咖哩羊, 個餐包飲品, Naan, 飯,  揀左小辣, 不過都算幾辣, 羊肉好味, 唔臊但好有羊味, NICE!個午餐$49, 算係貴, 但地方算幾清靜, 可能我兩點才去, 過了旺場時間o 如果哩個價錢包個小食(例如印度雪糕)會更好o個naan幾好食, 有咬口, 夠熱, 點咖哩好食, 飯的分量都好夠, 包食得飽o汽水是用杯裝, 不是罐裝或樽裝o

經常坐車經過都想試下，今日終於約埋友人一齊去食下先，午飯時間人唔太多唔洗等位，侍應態度ok ,餐牌設計簡單但午餐款式都幾多，午餐有餐湯、小食、主菜配飯和烤餅還有飲品，都係以咖哩為主个，價錢大約4、50蚊。點了一個咖哩羊肉餐一份烤雞(因版友介紹過話好食)，先來湯和小食，湯幾好飲，有d黑椒辣辣地，但唔知係咪味精湯，小食係一塊脆片配一種青綠色的汁，個汁都幾好味，主菜咖哩羊肉，份量都ok，羊肉都幾淋，可惜咖哩唔太香濃太淡口，可能我點了小辣的關係 ? 真係太可惜，攪到冇咩心機食塊烤餅，烤雞望落好似好乾但其實好juice好好食， 整體都好滿意，下次會再去試埋個卡巴

已經多次幫襯這間咖哩店了，店的面積都算大，人流不多，所以可以坐得好舒適。咖哩一般，可自選辣度，適合香港人的口味。我最推介的是他們造的油鬆餅及波羅薄餅! 油鬆餅跟薄餅不同，整得又鬆軟，值得一讚的是入口不覺油膩，很多時單點油鬆餅，就算不配咖哩來吃也很美味。至於波羅薄餅即是平常配咖哩吃的那種餅，內裡包著一小片一小片波羅，甜甜酸酸的，減低飽膩的感覺，不錯！

今次同家人一行四人，叫了兩人套餐再另加一客雜莱咖哩角和芝士烤餅。其中咖哩羊及牛肉味道一般，食得出其中的香料沒有很豐富的層次，燒雞的肉汁鲜味十足，美中不足的是份量欠奉！而烤餅和咖哩角有驚喜，首先俾我感覺到係新鮮出爐，仲係熱烘烘兼軟綿綿的，咖哩角再沾上点点薄荷汁就更加美味！最後飲品点了芒果及香蕉lassi，味道比起在重慶大廈某餐廳真係好好多。不單只有乳酪的味道，更品嚐出鮮果的香甜，真的令人灰沐春風yummy

個日同屋企人一齊去試..可以我地去得比較晏..大約9:00入座..人唔多又唔洗等位.落左單..服務員見我地未齊人仲問一問會唔會齊人先起菜..食左8樣野都係大約$100一位..真係好抵食~!!