SHAKE SHACK (新城市廣場一期)

Open Now

Now Closed

放工唔知食咩好，友人提議食呢間嘅漢堡包，話食過覺得好味！我嗌咗辣雞包同冰紅茶，仲有波浪薯條share食。波浪薯條都幾脆又厚身，辣雞包嘅雞扒夠脆，有埋酸瓜，辣辣地幾野味！而冰紅茶又解咗辣雞包嘅油膩同辣味～

間唔中都會買下shake shack食，通常都係外賣多，不過因為價錢都唔平所以就唔可以成日食。今日買左shack burger single 加個fries, 本身想加個shake但又太貴了，所以作罷。拎到返屋企，薯條就凍左了，不過個包依然好軟熟，shake shack嘅包一向細細個，佢嘅麵包有種牛油香，好香軟，我覺得佢嘅包比漢堡好味，不過今日嘅漢堡煎得好香脆，重有燶邊，好有碳香味。雖然薯條就凍左，不過份量好多，同埋凍左都好味，係波浪厚切薯條😋

很喜歡堂食既ShakeShack, 很喜歡即食既曲曲薯條， 加埋熱辣辣即溶cheese, 絕對係一絕；而那高高的 ShackStack ， 一啖 「砌」落個包，那新鮮熱度由塊漢堡噴番出嚟呼應你既味覺。我自己覺得，呢個味道位就係抵佢貴麥記三倍有多，我都要乖乖哋排佢個包既地方。但好似「重慶森林」入面既回憶（同埋鳳梨罐頭）， 原來每個ShackBurger 都會有佢哋嘅外賣期限；我只係過左廿分鐘，啲曲曲薯條係全部（無一幸免嗰隻）冧曬，Cheese 醬係小盒分開上，啲芝士竟然變硬左。呢一刻既我已O曬咀。更痛苦既係，我用 $89 買埋既招牌ShackStack, 堂食既脆皮大蘑菇竟然吸晒水，漢堡包皮變「冧皮」，唉吔吔。。一咬落去冇左漢堡既肉味。。感覺係成口油。。真係勁失望呀！漢堡入面既 cheese 亦變成黃色硬塊狀，冇左熱食半溶cheese 既流質狀，現況係食半啖都有滯感。寫左幾十字都主要係叫大家留意番呢個漢堡品牌既先天性外賣「賞味期限」。 外賣薯條同cheese 要先確定家中有氣炸煱翻炸才建議外賣。 ShackStack 則不宜外賣，免得大家對堂食這款包既期待，與現實中這外賣入口時有太大落差

2022年8月7日領取第二期消費券$2000， 於是去沙田新城市中心食早餐， 原來好多食店都係11點才開， 早上有早餐食的唔多選擇， 食all day breakfast 又太heavy 及貴， 我們選擇shake shack， 因我們都幾喜歡食burger 🍔2人點了 1）chicken burger $54. 🍔8分雞好脆2）hamburger $44。。🍔 8分牛肉厚， 包軟綿綿3)sesame ice cream $42🧁。 6.5分有朱古力碎， 不過覺太杰及甜4)French fries with cheese $36。7分要快食， 否則薯條溶了芝士好快林。＜芝士醬唔夠多及唔均勻， 淋在中間一少部份＞👉👉👉如要套餐 , 要網上下單， 不過好像貴過單買， 唔化算。👈👈👉👍唔知是否太早， 沒有太多食客， 坐得好舒服， 以前去中環， 金鐘shake shack, 成日要等位。沙田唔駛等， 正。

Shake Shack出了新口味：Avocado Bacon Burger，牛油果和Bacon都是大愛，即管試一試選擇了take away，回家後漢堡仍是暖暖的，大大塊牛肉、脆卜卜的天然蘋果木燻煙肉、半溶的芝士，加上少少自家秘製ShackSauce，夾住幾片大塊的牛油果原本加左牛油果，感覺幾清新，可以中和左煙肉、牛肉的油膩，但可惜的是幾片牛油果都是生生地的，敗筆同傳統的smoke shake比較，醬汁較少，亦沒了櫻桃紅椒，我還是偏好後者的味道多一點另外點了一杯Fifty Fifty，即是half lemonade half organic iced tea，其實就是帶少少澀味的檸檬茶，不過不失😂

老實講我都真係幾欣賞Shake Shack啲包， 因為真係好好食，食完會覺得好滿足，但真係唔好食咁多🥲 我好殘忍咁食完嗰餐去睇calories我哋一行3人😂 俾大家睇吓我哋一餐食咗幾多卡路里😂Shack stack🍔 770 + cheese fries 🍟 710 + lemonade (small) 160 =1640Smock shake (double) 🍔 830 + cheese fries 🍟 710 + coffee shake 750 = 2290 Shack burger 🍔 500 + chicken shack🍔 550 = 1050睇完之後，大家都好有罪惡感咁做咗一個鐘運動😂

今天11點多到沙田, 跟肥先生吃遲來的早餐, 我們各自叫了一個漢堡包. ShackBurger ($54) / SmokeShack ($65) / Coke ($24)這兩個漢堡包雖然沒有坊間 Burger店層層疊那麼高及震撼的吸睛外表 (打卡外表?), 但吃下去的味道有90分以上漢堡牛肉充滿牛肉味及肉汁豐富SmokeShake 裡面的煙肉看似很乾, 但吃下口感很脆, 而且味道濃; 其中有一款配料叫櫻桃辣椒, 味道特別及帶有少許辣, 這櫻桃辣椒令到這漢堡包的味道更加豐富.這店員工服務都很好, 環境也舒適, 是一個很愉快的早餐體驗. 

唔洗排隊又抵食二人套餐。有2杯奶昔，「鞋盒」入面有2個包+2個sides。香港限定味：奶茶味真係好奶茶🥤朱古力雲妮拿味：濃濃朱古力威化味奶昔偏甜，不過美式係咁，如果接受到係好飲嘅。送貨超快，所有野食都仲熱辣辣。波浪薯條🍟唔知點解總係好食過直身薯條，炸到好脆😋雞塊完全唔會油，個honey mustand真好夾配油炸嘢😋個煙肉大塊都出晒個包，芝士又多。個辣椒好多，但唔會過辣👍🏻chicken burger第一次食，都唔錯。

🍔 Shroom burger @ Shake Shack 素 Burger 一般都係用素扒 （ impossible meat / beyond meat 素魚等）另一種都好常見嘅做法就係放一個portobello mushroom但通常都係焗一焗或者煎一煎咁夾Shake Shack 嘅 Shroom burger 個菇係炸到非常酥脆一咬落去啲芝士係個菇裡面爆出好好味啊 🥺 配埋肥曲曲薯條正正正One of my favourite veggie burger in town! ❤️

不嬲都鐘意食shake shack ，但價錢真係貴，每次食都只可以散叫佢地無套餐offer。唔知係疫情原因定點，21/4/22 去既時候竟然有一人套餐同二人套餐menu!! 好開心一人套餐係burger +小吃+ 飲品 = HKD98。 我小吃由薯條轉左炸雞粒就再加$5。如果選某d burger 或芝士fries 都要額外再加錢。我食佢地normal cheese burger, burger juicy 同個包皮好軟身同暖。佢地用既面包係小小帶甜個種which我最鐘意。🍔炸雞粒加honey mustard 醬又係要大讚，雞粒都係juicy唔乾身，超好食!!!!!!!!個醬係一定must order!!! 飲品叫左Fifty fifty，半檸檬茶+ 半有幾冰茶

長假第二次食burger，放肆放得好滿足🍔😋😋雖然shakeshack 黎左香港幾年，不過真係未試過😂今日一試，覺得好驚喜！我鐘意佢多過5兄弟！⭐️Shack Burger⭐️Cheese Fries⭐️Coke Zero睇返網站講牛肉係100%全天然安格斯牛肉，無添加激素同抗生素～～d牛係medium-rare嘅，真係好Juicy😋😋😋入面嘅蔬菜配料都好Fresh😆薯條🍟真係無得頂！係茶記嘅薯條！熱辣辣超好味！同埋佢一啲係比較淋身、一啲就比較香脆，一次過滿足晒兩種嘅口感🤪

黎到沙田真係好多好多人，去邊都咁多人，而且餐廳價錢都係比較貴想簡簡單單食野黎左Shake Shack，其實之前食過好幾次，本人認為尖沙咀海廣城個間真係非常麻麻😅黎到呢間本身都冇話咩期望，但估唔到有驚喜！我地本身兩個人以為得散叫，諗住叫兩個包，1個野飲加1個小食，諗住叫之制店員同我地講有2人餐$188，立即轉左呢個餐！呢個餐各人會有1包，1小食同1飲品😁由於我地叫既包同飲品價錢要補，所以埋單係貴左的的$236！1）蘑菇包蘑菇內仲有芝士可以拉出，食落好多層口感😋2）辣雞包以為個雞唔係好辣，點知都出乎左想像！好野味！而包住左的菜同酸瓜等，感覺立即冇咁熱氣！3）芝士薯條厚厚既芝士係薯條面，而薯條外脆內軟，好食！多的芝士醬就更好喇！4）炸雞粒炸得粒粒分明！而且都幾大粒！5）朱古力奶昔好Smoothie!! 整個口感都好泥，正呀！6）焦糖奶昔同樣好Smoothie, 係好飲既，但就真係太甜，我地頂唔到,飲半杯放棄😅帶定頭盔，我諗間間都有唔同質素, 呢間沙田分店係比較好的😋

疫情底下出去食飯機會少之又少，今日決定叫網上外賣平台揀咗好耐搵到Shake Shack之前冇食過，原因係覺得佢好貴同普通麥當勞相比好似差唔多嘅感覺，但係身邊好多朋友都話好好食於是決定試一試。外賣一到，感覺佢嘅包裝非常之乾淨，打開見到個漢堡包真係有唔同，個漢堡包非常之大肉香味非常之重，係食肉人嘅快樂，入邊有個超大嘅炸蘑菇，咬落去淡淡都10分Juice，芝士全部流出來，佢嘅芝士薯條都十分之濃郁。但係佢嘅炸雞就有啲乾。食完之後終於明白呢個價錢一啲都唔貴，快餐來講十分之高質吖

抗疫也不忘美食，SHAKE SHACK既漢堡包，總係令人念念不忘。Shack Burger：單層都好豐富🤤生菜同蕃茄都好新鮮，芝士溶溶地癡左落塊漢堡到，一咬漢堡肉汁bi 晒出嚟，再加芝士，真係一流。個包都好吸汁，又軟熟😋Chick’n Burger：一打開，乜都大大舊，酸瓜，脆炸雞，都係大大舊，雖然酸瓜好大舊，食落唔會過酸，個雞仲熱辣辣，咬落去脆卜卜，外脆內軟～薯條：係波浪薯，又夠厚身，唔會炸到似柴，大細岩岩好，一啖一條。奶昔：必飲！叫左焦糖味，係麥XX無既，但有啲失望，啲焦糖味唔出，變咗似雲哩拿味😕但士多啤梨味，就真係幾好呀，唔係死甜味，感覺似好新鮮，哩款我推介！

沙田區內開了 ShakeShack，非常驚喜，雖然已知她是開張了一段日子，但我依然是抱著期待的心情去試一試。美式中高級連鎖漢堡店一向於香港不乏捧場客，而且分店質素都維持到一定水準。當然，沙田分店亦不會例外。雖然價錢上未有因店鋪位於住宅區而有特別調整，但仍見有不少的棒場客。店內環境整潔，座位之間有足夠的空間感。而售賣處及出餐處亦夠開揚，從外部看是十分吸引的。至於食物，質素是十分高的。漢堡是即時製作的，所以於出餐是是熱騰騰的。當然，可能會有人覺得「唔值」，但如果以美式漢堡的質素來看，我個人覺得是合格水準以上，非常值得食一次的。