SHAKE SHACK (海運大廈)

Open Now

Now Closed

今次是我第二次吃Shake Shack, 第一次在金鐘Pacific Place吃的, 當然覺得用超級$100吃一個完整的漢堡包薯條配飲品的自組套餐十分昂貴, 所以有一段時間沒有光顧了...... 但今天為何再吃Shake Shack是因為想用海港城購物禮券😂而且在假日基本上沒法在海港城的餐廳進食下, 快餐是首選! 是次點了Classic Angus Beef Cheese Burger, 漢堡裡有生菜蕃茄配一塊厚度適中的安格斯漢堡扒最後再淋上芝士醬, 包皮新鮮整個配搭都很好吃！另外加點法式薯條以及香港限定奶茶Shake感覺像去了一趟美國吃了一個肥仔餐，滿足！

今日星期六預咗人多，12點出門口開車直到海港城，入停車場已經開始有少少要排隊！好彩冇想像中等咁耐！泊好車飛奔落去shake shack!疫情期間座位又少，又冇限時！唯有自己努力等位，可能有晒心理準備！都比想像中快！今日ordered shake shack ,shack burger double,cheese Fries同Hk 限定Milktea shake加S Coke Zero!所有來之前期望嘅都普普通通，唯一覺得必叫就係shake shack burger 了，裡面塊炸磨菇唔乾身好juice!yummy

Shake Shack 早兩年來港開業時聲名大噪，今次終於有機會試佢哋嘅Burgers喇。🥳 店內座位唔多，中午12:00開始繁忙，好多時候都要等位。🍔Shack BurgerSingle盛惠$50，Double$76，我哋兩種都有試。漢堡包夾住芝士、牛肉、生菜、蕃茄同祕製醬汁。漢堡扒食落juicy扎實，同醬汁配搭得好好。女仔食single已經夠飽肚，大家可以按自己食量選擇。😆🍔Shroom Burger ($66)餡料係生菜、蕃茄同炸大啡菇，出面好少見到素食Burger，所以今次就試咗啦！我幾鍾意大啡菇中間有芝士，而且芝士分量多，由頭食到尾都有，可惜Burger唔夠熱，芝士無做到流心效果。😔🍟Cheese Fries ($36)波浪薯條配上車打芝士醬，芝士醬杰身，波浪薯條掛汁，我個人幾鍾意🙌🏻🙌🏻，但屋企人覺得芝士醬令薯條淋晒，做唔到外脆內軟嘅效果。大家跟個人口味揀要唔要芝士醬啦。飲品方面，Lemonade ($24)夠酸好開胃；Mango Shake ($48）係芒果布甸加熱情果打成嘅奶昔，上面加咗涼粉粒粒同忌廉。奶昔幼滑，芒果味突出，唔錯！總結，Shake Shack 雖然好食，

//食物 🌕🌕🌕🌕🌑1️⃣Single Shack Burger上次試完Five Guys，今次就試吓Shake Shack 同佢有咩分別🤪個Burger 望落比Five Guys既扁，但佢個牛係安格斯，juicy 好多💕味道同口感上比Five Guys優勝😍2️⃣Cheese Fries個薯條係波浪紋嗰種，一開頭食都ok ，可惜因為啲芝士醬淋喺面，所以好快軟咗😂//價錢 🌕🌕🌕🌕🌑價錢平Five Guys 少少，價位中等，可接受//位置 🌕🌕🌕🌕🌑喺海港城下面，一落電梯就會見到，好易揾😎-//環境 🌕🌕🌕🌗🌑間舖好大好多人，等位都等左好耐，啲員工都清潔唔切，感覺唔太衛生-//總分 🌕🌕🌕🌕🌑

趁住未夠夜晚6點鐘仲有堂食，同老公諗住食小小野醫肚，本身佢想食一幻拉麵，我話一人一碗麵太飽喇😂所以就去左旁邊嘅shake shack先試黑松露醬薯條醬唔係好多，但勝在有其他炸蒜炸蔥配搭返，口感都豐富嘅👍🏻薯條都熱，但就唔係熱到岩岩炸起果種；.朱古力奶昔濃厚得黎又好滑，老公好欣賞個奶昔😆.Double Shack Burger味道都唔錯，同埋配軟包都幾好，不過就比較吸油，所以個包就有小小淋上加淋🙈.如果咁岩窗口附近有位，其實都幾正架，望住海景食Burger

同朋友行開海港城去睇玩具。路過shake shack ,突然好肚餓。見唔係咁多人，又有位。於是入去買左個smoke shack burger 加左杯大嘅lemonade. 唔知係唔係太耐無食burger ,覺得好好食。個bacon又脆又香，個肉的汁又岩岩好。對住個海景以百幾蚊嘅價錢，又ok. Lemonade 太大杯，飲左一半已經飲唔落。下次可以叫細杯。

The meal is worth a try. The burgers are quite expensive. It’s overpriced, wish there are some promotion.One recommendation is to have set meal. Combo set:Burger + Snacks + Drink One big good point is the hand washing machine, it’s convenient and makes our hands clean.I don’t understand why the cashier asked my name, it’s useless

11點半去到海港城，啲餐廳都未開。唯有去shake shack食少少嘢。早少少都仲有位揀，食埋海景，但到1點已經開始多人，坐耐少少都已經有人等位。Shake Shack啲包都係OK嘅，肉唔乾。但個truffle fries我覺得一般，試下無防。

Shake Shack 有「紐約第一漢堡」之稱，所以就去試下，點知真係配得上佢嘅稱號。佢Lunchtime特別多人，排曬長龍，係餐廳入面仲可以睇到維港，睇住海食野都令人開心D。ShackBurger®係佢嘅招牌，漢堡扒好好味，牛肉汁快唧出黎，裡面仲有芝士，同牛肉一齊食好夾，仲有蕃茄跟生菜，成個漢堡都係好普通、常見嘅食材，但佢地全部都好match，令到成個包都好好食。叫左Cheese Fries，又係好味嘅芝士，佢芝士醬好多，每條薯條都可以有好多嘅芝士醬，食落去好酥脆，芝士味好濃，價錢又唔太貴，值得一試。都叫左Strawberry Shake，奶昔係另一種好值得點嘅野食，佢都幾大杯，2個人share都可以，佢奶味都幾重，飲落去唔係水嘅質感，好似雪糕嘅感覺，成杯都好好味，唔會令人有係化學品溝出黎嘅感覺。

之前在OPENRICE買到優惠劵，看到最近快過期了，就趕緊去把他用掉了ShackBurger　（Double $76)（加芝士＄５）既然有優惠劵，那當然吃個爽的啦，２層肉直接來個大滿足！漢堡用了安格斯牛肉，吃起來牛肉味很濃，漢堡肉汁也很多不會覺得乾！而且我還額外加多了一片芝士，每口都感受到芝士的香味，也很正啦！這漢堡包是比較煙韌，配上了鬆軟的漢堡扒，還新鮮的生菜和蕃茄，配合不不錯！雖然這個只是快餐店，但我覺得也比很多漢堡包店的好吃了！波浪薯條 （$27）這個看起來很普通的樣子，但吃起來真的很不多，炸得非常香脆，外脆內軟的，就算吃到最後一條，薯條還能保持香脆，不會變軟，這個真的是好評，我相信是這個波浪的造型的好處！Classic Hand-SpunShakes 雲呢拿味（$42）作為雲呢拿的死忠，其他口味當然是邪道！而這裡的雲呢拿味奶昔真的可以給一個大大的好評，雲呢拿味超級濃，就跟你直接喝雪糕似的，而且你打開杯蓋，你還真的可以看到有大大件的雪糕還沒完全熔化，難怪這麼濃味和好喝！

又系海港城又系海城, 因為有優惠劵所以會成日黎買野食野. 呢到不論買野食野都多選擇, 親民既或高尚都有, 真系包羅有.今日就試左個一路好想試既漢堡, 見到有海景枱, 不過今日係外賣，買左兩個漢堡, 一個系黑松露漢堡, 一個系普通漢堡, 兩個加埋都系$103, 因為外賣, 無叫薯條, 因為要堂食先好味.兩個漢堡好味好新鮮, 肉質唔會假好多調味, 唔會有蘇味, 而我因為好中意食松露, 加左好香,不過系較為西化口味. 唔系時新既港式漢堡. 黑松露漢堡, 有芝士, 松露蛋黃黃漿,  香脆紅蔥頭, 普通漢堡分別就系無漿, 但可以免費加生菜, 蕃茄, 泡菜或洋蔥. 返到屋企仲熱熱地, 我就用焗爐焗左陣,好好味

《 巧 妙 運 用 海 港 城 COUPON 》為貫徹窮遊嘅宗旨，我地問朋友攞左幾張海港城 COUPON 黎飲飲食食，每 $100 就減$50 都慳幾多架～我地就食左SHAKE SHACK 做下午茶，漢堡就比較普通啦，唔介紹lu～🔹 Truffle French Fries $42黑松露係期間限定！今次好有驚喜，薯條上面有炸洋蔥，炸蒜同埋蔥，食落好有避風塘風味，配埋黑松露醬點綴左個味道。🔹 Cranberry Ginger Lemonade L $35檸檬嘅味道好出令到飲品偏酸，雖然飲得出蔓越莓味，但被檸檬味蓋過左。雖然飲野偏酸但可以刺激到口水分泌，如果你想解解渴的話就幾適合。我地叫左 3 樣野食總共 $127 再減返$50 COUPON, $77 蚊咋～ 去海港城行街購物用COUPON 至抵呀！

I was so full after having dinner at Amelia but I needed something sweet and I was craving for fries. So I went over to Shake Shack and I saw they had this new black truffle fries. Black truffle fries— it’s my first time seeing black truffle fries served with tons of scallions and crispy shallots! It was something new to me, personally I love scallions but not really my thing to go with fries. The fries was great but the truffle mayo wasn’t enough for me. Would love to have more generous portion

不嬲都好中意食SHAKE SHACK既BURGER今日經過見到佢有新包! BLACK TRUFFLE BURGER! 即刻走入去試下入面有瑞士芝士漢堡+特製黑松露蛋黃醬+香脆紅蔥頭+火箭菜一如既往既JUICY~再加淡淡既黑松露香味~食到LAM LAM脷男朋友就叫左SMOKESHACK入面有芝士漢堡+蘋果木燻煙肉+櫻桃辣椒粒我既味蕾就冇咁勁食得出係蘋果木~ 不過煙肉都好香, 再加D微辣, 好過癮呀CHEESE FRIES呢個一定要趁熱食~ 凍左就爭D!VANILLA SHAKES其實次次食一個包+一個薯條都已經好夠飽~ 大家唔好眼闊肚窄呀~平日夜晚都滿座！

海港城漢堡包每次去開海港城shopping， 行到攰攰哋都會一定食呢間漢堡包店食物： 漢堡包份量啱啱好， 咬落去唔會太狼狽， 肉汁都鮮嫩配埋醬汁好好食， 薯條新鮮搾好， 餡料好充足， 所以食落去好有口感環境： 望住個海嘆漢堡包一流， 不過裝修唔好期望佢係行豪華路線， 但價錢性價比唔錯， 如果行開海港城可以一試