龍門一番川滬·紫砂燉湯 (Closed)

一直覺得這間上海菜水準不錯，款式多，價錢合理可惜荃灣店結業，搬到屯門後來發現沙田有分店立刻和家人去食可惜擔擔麵分量少雞撕粉皮醬汁少爆脆炒飯無味，可能忘記落鹽胡椒燒餅，肉少，無胡椒味可能，走另一路線啦。但都希望保留荃灣店的款式和味道。

粟子外婆肉，裡面所有粟子都係唔熟干鍋牛蛙，少得可憐，唔知以為就快絕種無得食蝦子鍋塔豆腐，算好食，但一舊煎豆腐淋甜鼓油賣78蚊….魚躍龍門，無寫用苦瓜或酒整，但勁苦，而且完全無其他味道如果成個禾輋得番呢間餐廳，都唔會再食第二次，了解租貴，但呢個價錢食呢啲立鴨…唔夠字數俾唔到星星，如果可以比，我會比負5

等咗幾個月裝修， 呢個月終於都開張， 放假就出嚟試下！ 不過一心嚟到都係諗住好失望咁樣離開， 真係估唔到啲食物係好食， 服務態度又好好， 食物出餐時間都好快！ 不過始終都係新開嘅原因， 暫時都係要等位！ 不過唔知點解， 見佢開咗十零日， 嗰啲餐具都好多都有破損情況！希望下次嚟到會有呢個改善

今晚本身諗住去食大排檔，但係見到呢間係新開又有位就諗住入去試下啦。一入去已經覺得個環境好污糟，開左兩個禮拜已經地下勁污糟，廚房出樓面條路更加全部水跡同好多垃圾廚餘跌係地，唔講以為開左十年八年！之後安排我地兩個坐係人地兩台中間，係完全連手都伸唔到咁窄，我於是就要求轉去d二人卡位坐！不幸坐左係廚房出來條路附近，勁多廚房員工同樓面出出入入，拎住d垃圾同出菜都有，見到都覺得好唔衛生。之後坐低更加聞到張台好勁d洗碗布既臭味，真係有d想嘔🤮。咁女友想食，之後叫野食啦。叫左個前菜combo係有4款，價值$148左右，諗住收得$150起碼都有返d份量。之後再叫個魔鬼小籠包4粒$60左右，再叫多個擔擔麵$60左右，諗住應該夠食啦！首先，個前菜拼盤上台真心diu左出來，4碟你係酒樓食果d花生橋頭咁細碟既菜，醉鮑魚兩隻，醉蝦3隻，雞絲粉皮2啖，鎮江窖肉3片，真係一個人都唔夠食啦！而且d蝦係完全無酒味，雞絲粉皮d醬超濃超杰，醉鮑魚唔入味，窖肉好鹹好難食！ 我地真係唔洗3分鐘就食曬$150！之後個小籠包，d皮勁厚，係有d湯汁，但係食唔到入面有咩餡，又唔夠熱，完全好似d急凍點心小籠包咁！之後來個擔擔麵，真係算係今

阿媽話擒日才新開張，今日放假，2點幾同阿媽去商場試吓~望入去，座位算寬敞，見入右埋邊有2人位，出右邊係4人卡位，而左邊甚至6-8人卡位都有~新開張，始終人手應該未夠，等了4張枱，一入座就嗱嗱聲叫嘢食，所以唔算等好耐~一坐低，侍應該哥哥就話有茶包選擇，每位$9，亦可選擇唔飲，（見佢餐牌都多啲特飲品揀）咁就試吓啦，一人一盅，阿媽飲鐵觀音，我飲龍珠茉莉，蓋變做杯，而暖水壺蓋亦有温度顯示，公司夠細心❤~唯一美中不足嘅，係當您斟茶時，會倒到一枱都係茶😂上海粗炒~夠味，但份量好似少咗啲，唔夠太熱生煎包~包好鬆軟，煎得夠脆~上湯小龍包~超熱，多汁~👍窩貼~感覺好細隻😆，皮薄肉嫩~另唯一缺點就係，進駐屋邨商場，要加一，就.......😅😅😅😅😅