龍門一番 上海·紫砂燉湯 (Closed)

繼上次無意中發現8咪半呢個商場 (即係 IKEA, 未到愉景新城), 今次就直接喺8咪半商場搵食!川汁醬蹄 $62 ~ 有咬口之餘唔硬, 皮夠爽脆! 醬汁再辣少少更好! 古法燒烤羊腩 $158 ~ 唔食羊既就叫羶, 食羊既就叫香! 外皮超級鬆脆, 肉質細嫩幼滑, 入口即化! 醬汁唔係平常配羊的腐乳, 而係芥辣沙律醬, 中和油膩感, 不過我喜愛沾配水餃既麻辣醬多啲! 黑將軍水餃 (6隻) $48 ~ 墨魚水餃, 墨魚, 蝦 & 韮王做餡, 都幾有鮮味, 好特別! 好喜愛個麻辣醬, 清甜水餃配麻辣醬又係另一種感覺! 豆沙酥餅 $45 ~ 有別於一般豆沙鍋餅, 呢個係酥餅, 餅皮似老婆餅, 超酥脆! 難得入口唔油膩, 豆沙唔會太甜, 擺到凍左都仲鬆脆, 大讚! 茶介 @$9 ~ 有人蔘烏龍, 喺客面前拆開獨立包裝茶葉, 乾淨衛生! 

之前見到OP多人Like呢間野。見到佢D相都幾吸引。今日突登就去左試。比我感覺好好。荃灣地鐵行過去都好快。10分鐘內就行到。終於唔洗成日都去大紅輝果邊食野。不過真係好少過愉景新城果邊。佢個位置都係工廠區不過已經活化左。半商場半辦公室。主要食肆同家私舖。講返間舖頭先。。。。舖頭都幾靚。位置都算多。大枱唔多。有唔少卡位。樓底好高。一D都唔嘈。好適合傾下計同圍飯。不過佢有限時。平日就無。好好D野食選擇勁多。樣樣個樣都令到人好想食。不過我得兩個人叫唔得多。不過價錢唔算平。不過可以接受。因為味道賣相都好好。佢一黎就叫你簡包茶。不過係一定要既茶介。其實都可以接受。叫左人參烏龍。佢回甘果下好正。所以都值。講埋野食大龍包－ 好似灌湯餃咁。好多湯汁。用飲管飲哂D湯。再食埋佢。不過個皮有D厚酸菜魚－好開心一D都唔辣。因為我唔食得辣。D魚肉好滑。味道好好。色香味都正燒豬仔肶－呢個就真係麻麻。燒到好乾。又好少肉。不過好香既。食落都可以既不過呢個價錢就唔底食鴛鴦小籠包－正正。好多肉汁。皮都ok。個味道都幾特別。算好出色環境：真係好好。不過限時就慘啦食物：真係色香味都好好。值得食總括：食物。環境。服務。都超出我想

星期六下午去左荃灣行街街，唔知食咩好，上openrice睇下啦。唔太想食熱氣野，朋友提議不如食呢間，上海野我本身都ok，就去試下。餐廳裝修都唔錯既，不過冷氣好凍大約2點左右入座，唔洗等位。將特別每人可以揀一個茶包，我地揀左烏龍同埋普洱。野食叫左一個豬軟骨面，鍋貼，龍蝦湯包。三樣野都ok, 面我覺得份量少左d，顏色深但唔會咸，面質幾好。我地最仲意鍋貼，大大隻，脆但唔會太熱氣，入面有d肉汁，正。龍蝦湯包有好多湯，好熱，蝦幾好食。

同阿爸阿媽同男朋友一齊去食，一開始就有驚喜，每人有個茶壺仔 自己鍾意咩茶就飲咩茶菊花茶同埋人蔘茶真係大推介！啲嘢食都唔錯，不過就細碟咗啲！所以真係要叫多幾樣嘢食先夠飽同埋甜品好快就賣晒，想食個菠蘿冰糖葫蘆都食唔到有啲甜品仲需要預約先至食到！所以建議大家去之前可以打電話預約定啲甜品。如果唔係真係會冇得食，下次去真係要預約。服務態度令我印象深刻，超級有禮貌，因為啲茶好飲所以買咗啲茶，驚你仲送咗兩包俾我哋，真係超好人

好貼心一黎到就可以揀自己中意既茶，人人口味唔一樣都無問題!!我地一行5人試左好多野首先上菜既係醬燒茄子四季豆，一望落去好油令立立，不過茄子無油又唔好食，味道ok~跟住係蟹粉炒飯，蟹粉鋪滿左成個炒飯面，好香好入味。這個賣相好似雞咁既，其實係羊肉~配上3種醬汁(薄荷/乳豬燒汁(應該係)/腐乳)，別具特色。當然都好脆好香(幾羶下)，中意羊既唔好錯過。最有趣既係個小籠包，名副其實個籠比出面一大盤既小籠包細好多(大隔離個醬汁碟少少)，個包就fit哂落個籠到，最搞笑係俾支飲管你飲湯入面好多龍蝦肉，好似食佢一隻等於出面食左幾隻咁，不過因為佢要放咁多料，相對地個皮咁無咁簿喇~好大鍋京蔥爆樟茶鴨，個人麻麻地鴨無點食，朋友們都話有d over-cook...不過個底有d薯粉、番薯、酸菜咁幾豐富最後當然係甜品啦，叫左雷沙湯圓同豆沙鍋餅配雪糕，分別都唔錯，熱辣辣唔太甜~總結黎講水準都有番咁上下，味道偏咸、偏膩，上海菜都係咁...

今晚星期五解放日，可以休息2天，一個心想食好d,近近來到8咪半商場，龍門一番，食評介紹真的很真實，不來吃會後悔。首先紫砂蟲草雲吞雞沙清而不腊不肥膩，沒有味精，有龍眼肉，豬肉件……半隻雞多隻雞腳等，真的很養生參加扺抗力材料很足，蟲草花都很好吃，爽口的，雲吞獨立已盛起。一個砂鍋有8碗湯，份量足可以4人用呀!另外4色冷盤特價用了乾冰做擺設很漂亮四喜烤夫， 涼拌茄子，藍莓山藥，欖菜炒豆味道同款式都很吸引，有新感覺。天使魔鬼小籠包係這店特色菜本人感覺魔鬼內有黑蒜，味道不是太喜歡，做到皮薄有湯。我比較喜歡天使，和原味小籠包差不多，湯汁很多，要小心燙口。這裡茶葉比較特別，比較高級，我選了茉莉龍珠，清香撲鼻，這茶喝完還有餘韻，喜歡嘆茶要來一下。這店老少咸宜，因為有傳統上海菜，亦有新款其他菜吸引年輕人，選擇比較多，最重要食物cp值很高!沒有失望地方。(*¯︶¯*)

平日dinner 都係大約坐左一半座位到～我地四個女仔叫得太多野食，所以人均先貴左d, 正常預算人均百二至百三到，我地最後有d 都食唔哂一坐底就有侍應即刻問飲咩茶，有普洱，菊花等等，每人一個獨立包裝，適合唔同人喜好，依方面唔錯，但同樣依個服務都會反映係張單度，因為茶介都偏貴先上茶樹菇淮山雲吞雞湯～～個湯out 左fo,所以唔post 啦，雲吞係另上既，可以同湯一齊食或者單食都得個湯真係勁足料，半壺都係茶樹菇，仲有半隻雞，d 雞煲到好淋又香，湯底都有雞味，難怪台台都一定有煲湯前菜叫左個雞絲粉皮，正常水準只係粉皮略厚左d津白湯年糕～年糕煙韌有口感同埋個湯味道都配合得好，唔會太鹹仲叫個小籠包，皮夠簿，但係入面肉酥味重左d, 一般上海粗炒，雖然味道岩岩好，唔會過鹹但係粗面口感麻麻地，無口感彈性，所以依碟係剩最多甜品叫左兩款窩餅，左面芋頭，右面豆沙芋頭甜度適合，配埋雪糕正豆沙個款太甜。。雪糕得一款無得揀架～整體水準都幾好，特別係個湯，一定會encore我地由七點傾到十點，都唔會好似趕你走～～平日聚會岩哂

今次又係約左朋友食生日飯，因為其中一個朋友介紹食呢間龍門一翻，所以早早就訂左位。一入到去啲座位都幾寬闊舒服呢間食店啲茶係每人一個茶壺仔，每人都可以叫一包自己想飲既茶葉黎沖，第一次遇到，覺得非常新鮮有趣。野食方面叫左酸菜桂花魚，麻辣炒牛肉，瑤柱蛋白炒飯同小籠包。酸菜魚好食魚夠滑，亦都唔算太多骨，即係唔會有啲好細條既骨出現，容易食，味道亦唔錯，酸酸地，唔太辣又唔會好似出面啲酸菜魚咁好多油，幾好麻辣炒牛肉夠嫩滑，夠麻唔太咸，ok。瑤柱蛋白炒飯，飯夠乾身，可能食左啲濃味野覺得個飯唔係好夠味，但係都ok既。最後小籠包，個人覺得正常無咩特別，所以唔多評論。

曾經一家人去慶祝生日，食物賣相沒有什麼特別，味道亦都不能令人難忘，最令人失望是服務，工作人員聽不懂廣東話，要用普通話溝通，每次叫服務，他們都會忘記，所以唔會再去。

放左工，同老公係荃灣食晚飯。近近地，揀左地鐵站附近8咪半1/2商場-龍門一番食晚餐。龍門一番係中菜館食上海滬菜，環境新穎，有格調，侍應服務好好，上菜快，水壺無熱水又幫我地加水。一坐低，侍應就上前問我們想飲咩茶？因為哩度每個人都有自己迷您小茶壺，揀自己喜歡茶包泡茶😎有茉莉、香片、鐵觀音⋯等等。打開餐牌，食物種類好多，有私房冷盤、養生燉湯、風味小炒、海鮮、蔬菜/豆腐、水煮/酸菜、飯麵。老公叫左一個蜜汁火腿及雪菜絲炒年糕。蜜汁火腿-精緻的一道菜式✨✨由薄身火腿、炸枝竹+包皮組成，食落口感外軟內脆，味道程度爆燈😆雪菜絲炒年糕，足料大碟，雪菜肉絲拌住煙韌年糕最佳配搭。主食方面，叫左上海粗炒及酸辣拉麵。兩碟野食比我地想像中大碟，份量多，價錢抵食，一碟可以兩個人食都夠🙈上海粗炒炒得野味不乾身，配料小白菜、肉絲、椰菜勁多。酸辣拉麵足料大碗，食落酸辣開胃。哩餐晚飯食得飽肚又好味😋😋

上一次飲完個燉湯！仍然念念不忙！於是又同老婆再去解下個心引。 首先茶到，我今次揀菊花！老婆揀普洱！溝埋就變成菊普，出奇地夾同好飲！上一次個小籠包（黑白）有驚喜！今次再叫啦！點知好失望⋯⋯因爲上檯時黑色既穿左底！冇晒湯汁⋯⋯⋯好乾！今次食扣晒分！ 下次食原味算啦！今次燉湯叫螺頭花膠雞！其實價錢差20蚊到，咁叫個貴既！至少可以比老婆補一補！上檯依舊雲吞另上！今次仲熱辣辣tim 抵讚！湯用左半隻雞、花膠螺頭，瘦肉，元肉燉。出奇咁清甜好飲！尼種清甜係飲多幾碗都唔會滯架！吸取上次教訓、今次叫多個炒飯已經夠！今次叫左個招牌炒飯！乾身唔油、料有帶子，有肉粒同菜心既粒。好食，口感好！尼個抵食又好食、仲要食唔晒！（帶飯又可以）整頭冇咩退步，係個小龍包出事！

—以前喺荃灣返工 成日嚟呢度食晏一坐低 店員會捧住好多茶葉比你揀 菜芥($9) 諗起之前倒茶 跌咗個茶盅蓋落隻杯到😂麻醬腐皮卷($58)凍凍地 食完透心涼 麻醬唔會太濃蓋過咗味道出場仲有煙霧噴出蒙古手絲雞卷($52)滿滿嘅青瓜絲同雞肉中式版本嘅wrap 清新爽脆可以蘸下個醬 有d wasabi味蔥爆牛肉($85)鐘意食京蔥嘅 就要嗌呢款小菜炒熟咗之後甜度較高 又帶到牛肉味出嚟糖醋魚塊($78) / 菜飯($18)友人中菜必點小炒份量好似同午市套餐差唔多————————————————龍門一番 上海·紫砂燉湯荃灣青山公路荃灣段388號中染大廈1樓105號舖

自從中染大廈變左八咪半之後 愉景新城依邊多左好多野食 今日同朋友慶祝生日 又想食中國菜 就黎左依間餐廳啦一入門口既感覺係 吓 唔係食小龍包既咩 佢既擺設所有都無中菜感覺 我就估唔通係食新派中菜 睇下張菜單 又同平時個啲差唔多咁就叫左幾道菜 最有驚喜係酸菜魚 其他都係一般水平 普普通通

今天工作來到荃灣愉景新城附近，和同事來到這間「龍門一番」食上海菜。首先是一人一茶壺加一包茶葉，可以選自己喜歡的茶，自斟自飲，濃淡由人。茶位$9一位都合理。《蟲草花燉雲吞雞湯》$188燉湯是餐廳的招牌菜，這個湯有半隻雞，雞肉雖然煲過，但仍很嫩滑。雲吞有6粒，分開上，但可以再放入湯內保持熱度，有超多的蟲草，還有瘦肉和龍眼肉，材料十足，湯水大概有6-7碗，清甜好飲。《魔鬼天使小籠包》4隻 $52魔鬼天使這名字起得很好，黑白兩色各有千秋。黑色的皮是用墨魚汁整的，上面有小小海膽，白色的小籠包皮上面是魚子醬， 兩款都皮薄爆汁，很好吃。《上海炒年糕》$72年糕軟腍，炒得很入味，有很多菜絲和豬肉絲《排骨湯拉麵》$58排骨炸得很鬆軟，麵身幼滑軟腍。

今日提早慶媽咪生日食上海菜，阿爸話要近近地附近食，就試左呢間一直想食既上海菜。叫左11樣野食，但名稱唔太記得。。盡量寫，哈!1)四喜烤夫，不過不失。2)蟲草花醉豬手，爸爸話豬皮唔夠爽，我覺得一般3) 椰子雲吞雞燉湯，最好味。4) 糖醋排骨，味道算唔錯。5) 排骨啖啖面，因為太快上菜，所以唔夠熱，但味道都唔差6) 露荀蛋白炒蝦球，尚可接受，但算貴要1487) 百頁毛豆炒津白，味道一般8) 小籠包x2，好味。9) 帶子粒炒飯，如果夠熱就應該好味。10) 高力豆沙加雪糕，都好食。11) 壽包兩大個，無影到完整相，但呢個真係要講講，我地一家食壽包時，覺得餡唔多似蓮蓉味，似南瓜蓉，我地就問下經理，佢第一時間答我地唔知，佢估係蓮蓉來，可以估?之後先問廚房。。。整體一般，可能有限時，所以上菜太快，除甜品全部熱食差不多同一時間來，食唔切好快已經唔夠熱，如果唔上咁快可能整體質素會更好。。謝謝!