龍門一番 上海·紫砂燉湯 (Closed)

今晚黎到荃灣 8 咪半食上海野, 餐廳室內環境都幾舒服一坐低職員就會遞上多款茶葉 (人參烏龍、鐵觀音、茉莉龍珠、普洱、胎菊) 俾客人揀, 一人一包上海小龍包一籠有4隻, 外皮夠薄, 夾起時要特別小心, 因為入面嘅肉汁非常豐富, 最重要係食嘅時候小心燙嘴生煎鍋貼一碟有4隻, 底部外皮煎到金黃香脆, 入面嘅肉餡夠晒多, 味道唔錯上海春卷一籃有3條, 每條都超長, 春卷皮炸到卜卜脆, 入面嘅餡料主要係以素菜為主醬燒茄子肉碎超多, 茄肉軟糯, 而且個醬汁非常惹味, 用黎撈飯食一定冇得頂韭黃肉絲兩面黃最鐘意食兩面黃, 麵底炸到脆卜卜, 最好襯熱食, 撈埋上面嘅韭黃肉絲, 令口感更有層次高力豆沙配雪糕雖然中間夾左豆沙餡, 但整體味道都唔會過甜, 另配上碎朱古力雪糕, Yummy

呢日陪家中既女皇大人睇完中醫之後就去咗附近商場嘅上海餐店食飯😊😊呢度中午有套餐， 平均都係六、七十蚊，視乎主食要邊款~~套餐包左兩款涼菜、一份主食同飲品，仲可以以優惠價加醒點心/甜品呢日既涼菜係涼拌大豆芽同粉皮：）我地跟套餐加配左20蚊既小籠包同芝士肉鬆粟米手卷！兩款點心既味道都唔錯，特别係個手卷好足料，有好多香甜既粟米粒係入面架！！！跟住我仲單點左呢個“小龍蝦湯包”HKd$42+10%~呢個根本就係灌湯小籠包既放大版！！！直頭可以用吸管吸出當中既上湯架😍😍仲有不少小龍蝦肉係入面添 😆😆而主食方面，我地就分別要左“椒鹽排骨”HKd$68+10%同“砂鍋紅燒粉皮小黃魚鍋”HKd$78+10%，兩款主菜都好惹味我地仲將其中一碗白飯加5蚊改為咸肉菜飯添😋😋當日我跟餐要左呢枝雪梨茶，甜甜地都幾好飲！最後仲要左一份“香芋鍋餅”HKd$56+10%做甜品~熱烘烘既香脆鍋餅配上冰滑既雪糕，兩者強列既對比又係另一種味道既刺激

Lunch 11:45 入去冇乜人，兩個人都坐張大枱，私隱度足夠首先每人揀個茶包我揀左茉莉花茶，都幾香有個茶杯仔焗茶再倒入杯，都幾得意可愛叫左1.小龍蝦巨型灌湯餃: 連飲管上😂 太多湯關係要啜左d湯先可以食入面d肉同皮不過要小心啜，真係熱到趴街入面嘅龍蝦肉都幾足料，湯亦甜2. 生煎包： 個底脆到好似餅乾咁😍😍😍 d豬肉肥瘦均勻，都juicy不過都係祥興記啱我心水多D🤩🤩 3.回鍋肉炒年糕：好油😣😣😣😣 冇咩特別4.洋蔥牛肉配叉子：洋蔥牛肉條，有d似吉野家個D，都多餸，配落叉子都幾香口👍🏻👍🏻👍🏻 總括然而都可以一試八咪半仲要$100，有得泊車一粒鐘👏🏼

晚餐時間7點無咩人。落左單，隔離檯遲過我地到，食物都食得7788。等左40分鐘，要我問先話應該系統問題 無落到單。姐係你可以俾客坐起到 40分鐘張檯空空都唔會問一問？唉 失望。不過下次有機會我會去齋飲茶唔叫嘢食了。啖返個霸王茶。

今日經朋友介紹來到了荃灣8咪半商場食上海菜，地點方便易找，店面漂亮，裝潢、卡座等都十分有特色。最特別係店員送上有5款不同茶給我們選擇，我地選擇了烏龍人蔘，真的不錯，很特別。看看餐牌：有養生燉湯類、叉子燒餅類、小龍包類等多款選擇。養生燉湯我們選了這款，砂鍋粉皮魚頭湯 $178驚喜有一大個魚頭，還有煙韌的粉皮，湯底嫩白，味道不錯，两人份量十分足夠。叉子燒餅：炸菜肉末 配 叉子 $60這裡必點的招牌，賣相精緻，叉子香脆，把肉末放入叉子中，一同食用，口感層次豐富。魔鬼天使小籠包(4隻) $58我們還點了這款魔鬼天使小籠包，我喜歡黑色的，是墨魚汁皮+黑蒜肉+豬肉+海膽，輕咬開肉汁湯汁豐富，味道不錯。茶芥 $18

之前來過一次覺得唔錯, 今日去完荃灣買家品之後再黎多次食dinner~每人可以自選一包茗茶, 自己沖自己果杯茶~ 揀左人蔘烏龍同埋龍珠茉莉, 兩杯茶都幾香! 人蔘烏龍飲落仲有少少桂花香味~前菜:涼拌茄子塔 ($48)同台式蒜香味重唔同, 上海式涼拌茄子醋酸味強D, 甜味重D~ 幾開胃!*雞絲水晶粉皮 ($58)本來以為前菜應該好細碟, 點知都幾多, 啖啖雞絲同青瓜, 芝麻醬都幾夠唔怕冇味, 味道都唔錯*來食上海菜一定要叫小籠包食!! 上湯小籠包 ($38)滿滿既湯! 外皮唔會過厚, 唔錯!*試埋推薦既 魔鬼天使小籠包 ($58)魔鬼=墨魚汁+黑蒜肉+豬肉+海膽, 呢個配搭都幾得意~黑蒜肉係會有D甜甜地! 又係滿瀉既湯~ 要小心D夾!天使=帶子+豬肉+魚子醬, 會食得出有海鮮味~ 特別係上面黑色既魚子, 脆卜卜有魚香味~*迷你胡椒餅 ($48)外皮係香脆得內軟腍~ 有D似生煎包~ 入面既餡都幾香黑胡椒味! *排骨擔擔麵 ($72)炸豬排都幾酥脆! 而且幾厚身! 而擔擔麵湯底唔會覺得過油~ 有少少花生香味, 又唔會太膩~*香芋鍋餅配雪糕 ($56)D芋泥餡滿瀉晒出來~ 鍾意佢唔會太甜, 仲

母親大人表示大熱天時唔想煮, 咁啱我要去荃灣, 就趕喺措施實施前在外食個晚飯吧! 呢間上海菜我唔係第一次幫襯喇, 能令我再去總係有點實力的! 欖菜四季豆伴素雞 $52 ~ 清清哋的一個前菜, 駛駛咁靚呀….迷你胡椒餅 $48/3隻 ~ 外皮香脆但唔油膩, 肉餡豐富, 滿滿的胡椒味但又唔會好嗆喉, 小小的一件唔會太飽, 正!  酸菜白肉鍋 $108 ~ 估唔到都幾辣, 酸酸辣辣非常醒胃, 好適合這炎熱的天氣! 肉片及酸菜份量頗多, 冬粉掛滿湯汁, 讚! 醬燒豬手 $88 ~ 十級讚! 炆得夠淋, 皮夠滑滿滿膠質, 肉身夠入味, 連伴煮大蔥都吸收所有醬汁味道, 好味! 茶介 $9/位 ~ 有好多款茶葉選擇, 獨立包裝夠衛生方便! 是次我飲茉莉, 好好好香, 坐我對面的媽媽都表示我一打開茶杯蓋就聞到濃濃香味, 讚! 註: 今餐所有都好味, 要讚讚自己點菜點得幾好! 

喺傳統菜式上面加入新元素😗其實係好重要好似喺小食傍邊放乾冰加水或者用飲管吸小籠包嘅湯汁令到餐飯又「好食」又「好玩」🤗🤗🤗太多前菜唔知點揀好?可以選擇拼盤🍆🍅有埋放煙嘅效果視覺效果一流🧊🧊茄子無出水質感好醬汁更帶出鮮味燻魚酸甜適中肉唔會痴牙烤夫有用八角調味架所以好香番茄仔啲蜜汁就拌得唔夠均勻如果想粒粒都咁好味就要自己mix一mix＊＊豆漿浸勝瓜＊＊好鐘意❤❤❤個豆漿汁調味調得好好直頭可以當湯飲🥣勝瓜新鮮咬落無渣＊＊小龍蝦湯包＊＊一隻好大好大嘅小籠包用嚟影相打卡就啱曬啦📸📸📸📸啲汁多到要用飲管啜連條飲筒都準備好俾您啦啲小龍蝦肉粒粒分明🦞好彈牙呀＊＊豆沙窩餅配雪糕＊＊豆沙餅熱辣辣唔會太甜🍬外脆內軟再食一啖雪糕🍨一凍一熱🧊🔥口感好好呀🌞🌞🌞但雪糕太犯規仲要係曲奇味有啲搶左豆沙餅個味呀酸辣湯嘅酸味重過辣味好多啱曬鐘意酸maymay嘅朋友仔番茄手撕雞麵好唔錯番茄切得細細粒又唔會煮到溶曬唔會食到成口番茄個湯body唔太厚但番茄味十足麵質有啲啲淋身唔可以放太耐先食

到上海菜館，有什麼是你必點的？對我來說，小籠包是我的指定必點，當今次看到這𥚃有一款小龍蝦湯包，一籠只有一隻，是普通小籠包的巨型版，當然要叫一客獨自品嚐。這家上海菜館除了湯包作主打外，他們的招牌菜是紫砂燉湯，所以我們都叫了一盅椰子竹笙雲吞雞，既可喝湯，又可以吃雲呑和雞。小龍蝦湯包（HK$42)👍👍👍👍一籠一個的小龍蝦湯包，飽滿的坐在竹籠內，先用飲管喝一口湯汁，味道濃縮帶點龍蝦味，揭開湯包的外皮，可以看到濃湯內有豬肉饀料和粒粒的小龍蝦肉。炸菜肉末配叉子（HK$60)👍👍👍👍這款炸菜肉末除了可以選配叉子外，另外還有兩款選項，薄餅或鍋巴。叉子有四件，空心的叉子塞滿炸菜肉末，一口咬下脆脆的芝麻外皮，緊隨是肉末和炸菜的鹹香味，香口又不覺膩。椰子竹笙燉雲呑雞（HK$188)👍👍👍👍湯品用上紫砂湯湯盅盛載，我們選了椰子竹笙燉雲吞雞。湯內有半隻雞、椰子肉和竹笙，雲吞則另上在一碗內。我先嚐一口湯，燉湯十分清甜並帶有椰香和竹笙獨有的香氣，然後可以吃雞肉和雲吞，在炎熱的夏天，不想吃得太膩，這個燉湯是個不錯的選擇。高力豆沙配雪糕（HK$56)👍👍👍👍高力豆沙是上海的馳名甜點，配合了雪糕，就有點中西合璧的感覺。高

女兒今晚約咗我去荃灣食晚飯，佢好喜歡去龍門一番.上海紫砂燉湯，因為女兒飲過佢哋啲燉湯，一試難忘，常常都話要去再飲。入座後，侍應送上熱水和各式茶葉給客選擇，本人就喜歡胎菊，色澤金黃，氣味清香。人蔘螺頭杞子燉雲吞雞湯：燉湯製作需時，所以每天限量發售。熱騰騰的燉湯用紫砂壺盛載上枱，一打開蓋立即香氣四溢，湯份量不少，而且非常足料，有半隻雞、花膠、瑤柱、螺頭、雞腳、龍眼肉等，湯好香甜，花膠大塊好軟滑，有豐富的骨膠原，雲吞的餡料菜和肉比例恰當，難怪女兒那麼喜愛這湯。蟲草花醉雞，花雕酒香味濃郁，雞肉吸收了酒的香味，除了肉質鮮嫩外，還有陣陣酒香。蟲草花都好爽口。上湯小籠包四隻：小籠包皮薄餡鮮，每個包有有一湯匙肉汁，鮮味十足。

自從疫情擴散以嚟都無咩機會出去家庭樂，難得一家人聚腳食飯，就決定食久違嘅家鄉上海菜😋揀呢間其中一個原因係每人可揀一款茶包，濃淡紅白青茶隨個人口味。我揀選咗味道清香淡口嘅胎菊，雖然菊花香無想像中濃烈，但清而不澀嘅特性幾適合食油膩食物同炎夏飲用。午市有唔少客飯套餐選擇，除主打上海菜外，亦有不少四川風味之選，啱哂愛好酸辣嘅人。套餐包兩款前菜，翠肉瓜爽脆帶麻油香，木耳酸咪咪、爽口醒胃。上海年糕比較黏口，有啲痴牙，未必迎合到港人口味；夠色水，豉椒味偏淡，略嫌唔夠鑊氣，雖然加咗辣椒但味道唔出，唔夠濃香惹味。跟餐潤肺雪梨茶，應該加咗糖去煲，味道偏甜。加$20可配小食一份。蔥油餅包住足料粟米、肉鬆同沙律醬，鹹甜兼備、夠香口，外皮煎得偏油膩，建議蘸點伴碟芥末沙律醬平衡返。上海必吃熏蹄，豬蹄切成薄片平均，晶凝Q彈，膠質豐腴煙韌；加入四川特色，以陳醋調味，酸酸甜甜，越食越開胃。龍門一番以紫砂窩燉湯為主打，當然要點返道上海名菜雲吞雞試吓🤪雲吞另上，唔怕喺湯裡面浸得太耐，糊哂散哂；雲吞皮薄餡足，肉餡菜肉比例四六，味道淡口，唔會搶過湯水風頭。雞湯落咗半隻鮮雞，鮮雞皮肉分明，無多餘脂肪；經長時間熬煮，精華全部融入湯

餐廳都幾大間，設有室內同室外座位，樓底超高，空間感好足夠，每人可選一款茶，茶亦有好多選擇，我地選左茉莉龍珠同埋人參烏龍。花雕醉豬手除左一般既醉雞之外，呢度竟然有醉豬手食，花雕酒味好香，豬手肉質好腍，好入味，而且含有豐富骨膠原。古法烤羊腩羊肉好夠羶味，烤到外皮鬆脆，肉質細嫩，將肉汁鎖住，醬汁有三款，分別係芥末醬、薄荷醬同埋平時沾乳豬既乳豬醬，三款醬汁各有特式。 上湯小籠包 (4件)小籠包好多汁，夠鮮甜。龍門海鮮兩面黃麵餅炸到香脆，不油膩，配料有蝦、帶子、紅蘿蔔、蔬菜等，好足料。

為辦事和家人來荃灣，看了食評而來的，結果遠不及預期。我們中午12:15來到，餐廳人不多，可是我們點餐卻不斷被客服推搪。入座時已感覺選錯餐廳，餐廳面積算大，但裝修陰暗，本來樓底高很舒服，卻有太多木製的亭閣，我們6人被編排在car位，感覺很迫夾。地板是黏黏稠稠的，木製佈置也感覺黏黏笠笠。讓人感覺食物質素大打折扣。最值得讚的是小籠包，湯汁很豐富，皮不算薄但很煙韌不會糊，不加醋更原味。黑醋排骨卻不太有黑醋風味。醉豬手不夠凍沒有酒味。其餘的都是一般。

讚1. 茶幾好飲，不過茶係唔關間鋪事既彈1. 食物比一開始時，退步得極大，小籠包多汁，但肉質好差，係肉渣感，仲有豬臊味；頭盤拼盤四拼，係放係同一個碟上面，所有醬汁都溝埋一齊，燻魚既醬汁係完全似係零食肉乾果種假既味道，素雞一啲醬汁味都無；回鍋肉年糕既豬肉臊味係超勁

鐘意飲湯既我，完全無辦法抗拒呢間上海野🥰已經反chur過幾次，仲持續試緊佢其他菜式人參烏龍😻入黎會比唔同茶你擇，有菊花香片之類，每人一包一壺茶，我就鍾意人蔘烏龍，飲落有茶香而且回甘，最後甜甜地花膠螺頭乾配燉雲吞雞湯😻 其實佢仲有好多唔同嘅紫砂鍋湯選擇，不過每次見到都係忍唔住叫反同一個，個湯充滿螺頭香，加埋瘦肉同雞好甜，雲吞一啖食落去索曬d湯仲加埋飲緊湯👆🏻湯渣d雞都可以食埋，鍾意選腳趾既你唔好錯過，因為啲腳趾煲到好林醉花甲😼酒味好濃，覺得反而有小小蓋住花甲既鮮魔鬼天使小籠包😻又一大愛，白色係帶子小籠包，肉汁既香加帶子既鮮，黑色係海膽黑蒜小籠包，吊到肉既鮮味又去左油膩感，建議先食香再食黑，咁就唔會白色冇曬味帶子粒粒炒飯😿呢個炒得有d油，而且帶子味唔出，似係普通街邊臘味炒飯😿個日打卡仲送多個甜品，似係豆沙卷，不過凍既，都真心幾伏，唔使食都可以