上海香港麵家

Open Now

Now Closed

你知 人總有時想食下軟飯 食下軟麵今晚 我想食粉絲不知不覺 粉絲已經改姓為韓式其實我更喜愛台灣的冬粉Q嫩Q彈 不說了 就在銅鑼灣搵位食碗粉絲 + 通菜油豆腐粉絲 $50 樓下 其實還近米粉一些，在港式粉絲面前就別要求吹台風，老老實實食完。如果有蝦米漁米味道就更好，不過人總要坐這山望那山，上海婆面前懷愐廣東水鄉？抵打！腐乳通菜 $10 1 人分量就別要求太多OKOK 我知道店內個個食粗炒菜飯菜飯跟餐有兩碗，隨意加減最後外賣茨飯回家收尾

每次落銅鑼灣可以的話都會去，個咸豆漿唔係間間上海舖有，真係好好味！麵有麵味！唔係間間麵舖有麵味ka! 今日叫咗碗榨菜肉絲面，食得出唔係錫紙包裝果d榨菜，好鮮美，好多自由行識貨幫襯囉。食過海蜇、小籠包........都好好味呀！地方就腳，係,係間細舖，但不減人客對佢嘅喜愛！員工都似係上海人，好鐘意聽佢地d上海口聲，好鬼正呀！見過有自由行係咁話淨係要油炸鬼，因為佢地見粢飯裡面有條油炸鬼，待應話無，呢d咪對食物嘅叫堅持囉！

係銅鑼灣諗住食個又平又快既lunch 心血來潮就黎左呢間老自字既上海野 而家已經唔係好多地方可以食粢飯 仲要係銅鑼灣可以食到 雖然我地都有叫主菜 但係忍唔住要叫啦 個油炸鬼好大舊而且又多肉鬆 暖暖地咁冬天食就最啱 其實我覺得如果我自己一個人食晒既話 一定唔駛再叫其他野食 所以建議大家要share食 記得叫亞姐幫手剪開呀豬排菜飯 佢既餐排注明係用新鮮豬排 雖然我唔係好識分佢係咪真係用新鮮豬排整既 不過佢煎都好金黃但係又唔乾 而且又唔油膩 呢個係回鍋肉菜飯 有炒少辣 椰菜好多 都好味佢一個菜飯餐係包左兩碗菜飯 食完真係勁飽

有天友人突說，不如去吃鹹豆漿，我以為說的是普通的甜豆漿，但是換了鹹味，或無味那種豆漿。原來，所謂的鹹豆漿就像湯一樣，內裏加入榨菜，以及一點蝦皮，上面還有兩三件油炸鬼。鹹豆漿，試試也無妨，在漿內加入榨菜等，與本人心想的豆漿飲料，實在差得很遠😲😯。另外，店內有張告示寫到明四種不同叫法，當天我都不太清醒😑，看到這張告示，也有點兒楞住了@@。可能我那種就是印象，因為如果，普通甜豆漿沒有加糖，也天然有點兒鹹味。青瓜海蜇，海蜇挺爽，夠冷夠爽，口感一流。本港天氣就是這般，冬天很冷，店家就有藉口，完全不開冷氣。看見對面的食客，吃嫩雞煨麵，又熱又滾，還有大大碗熱湯，真是辛苦😅。冷天氣中，坐坐喝個東西休休息也可以。

銅鑼灣食店林立，但係渣甸街仲有一間老字號既上海菜食店屹立不倒。我同女友去左食晚餐叫左個嫩雞燶麵，排骨菜飯(有兩碗菜飯同埋送例湯)，飲品就叫左甜豆漿。嫩雞燶麵，有好多雞肉同蔬菜，啲湯底幾清甜，啲麵我就覺得有啲偏韌。個排骨菜飯，排骨我覺得炸多左少少，但個菜飯都算唔錯，個例湯都幾有火喉。至於佢呢度係有甜同咸豆漿既，但我地都偏向飲甜既，不過認真講，佢唔算太甜，難怪好多人一坐低就叫碗豆漿飲。本身想試埋佢出名既餈飯，但太飽就唯有下次啦。不過認真想講就係啲店員服務略為遜色，態度一般，希望有所改善啦。

那些EE們，態度非常差的服務！不停 不停提醒客人，最低消費$25...我唔係好明 EE 意思我先order 左個豆漿，坐下來 10分鐘左右，可能係到玩手機。跟著另一個 EE 再高音無禮貌地，話最低消費，又話唔做我生意 （無奈）可能呢間所謂老子問 ，只做大陸人生意了。那麼，我建議 他們 應該在 最低消費$25 再加上每人消費時間10分鐘。

有日跟友人工作前找點東西吃, 粢飯夠簡單, 便走到渣甸街的上海香港麵家, 上海老店歷史悠久, 誰知未吃已經一肚氣‼️坐下後還沒有30秒, 餐牌還未打開, 有兩位資深員工已經前後腳走來問我們點什麼吃, 下單速度比客人還要急, 只好先點一份粢飯粢飯放下後, 隨即前來問飲什麼, 為何要處處追迫客人下單? 同行友人氣憤到立刻離開, 粢飯只好拿走, 其後還要受氣多一次, 資深員工大聲講一句「拎走喎！」嘩⋯今時今日嘅服務態度唔得囉絕對趕走食客回到正題, 粢飯要HK22一份, 內裡油炸鬼係較長, 由頭到尾, 但沒有脆口, 其他小店仲好食過平過佢, 呢間老店, 絕無下次再幫襯

今早約了朋友早餐見面，朋友不想食快餐店類的早餐，就約了食餈飯！雖然在銅鑼灣上班，但我時常覺得這店是為自由行而設的，就算幫襯也通常只是外賣，今天還是第一次堂食呢！餈飯的價錢原來已不知不覺加至$22！雖然很足料、很「粗大」，但真的比想像中貴了很多。我們叫阿姐把餈飯剪開就share食。再加每人一杯豆漿，就吃了這個久違了的上海式早餐。雖然感覺上很貴，但是還是要讚：很多豬肉鬆、炸菜，很好味，當然也是很飽肚的食物。而原來早餐時間幫襯的本土香港人也不少。

近排愛上左食粢飯 開始打算尋找香港好食的粢飯今次就去左位於銅鑼灣嘅老字號試下坐低諗都無諗就嗌左最佳組合 粢飯+豆漿-粢飯係係舖面即叫即製 感覺好新鮮拎上手仲好辣手 熱辣辣--粢飯不外乎油條 肉鬆 同炸菜做餡不過一打開睇中間係有啲失望嘅餡嘅份量好少 米飯仲多過餡唔似之前食紅磡真真咁足料呢個食到最尾會變左淨食飯 感覺好dry之前有聽過呢間越來越退步 係幾失望的 香港已經無乜有粢飯嘅地方連僅餘的也在退步🙁$22我真係有更好嘅選擇

平民美食 ， 在銅鑼灣真的已經買少見少 。可能渣甸坊比較 少遊客 ， 所以仍然有小店可以生存。 這就是其中一家。晚上來到， 只有一點點肚餓 ，便叫了我最喜愛的 鹹豆漿和熱粢飯。 這家店子 的 鹹豆漿 ，入口順滑 ，豆味 濃郁， 甚得本尊歡喜 。 豆漿我還是喜歡喝熱的 ，喝下去立即把乾乾的喉嚨溫暖著， 感覺十分舒服， 潤潤的，最合秋天的 乾燥 天氣。粢飯送到檯面的時候 ，仍是熱辣辣的 ，黏黏的糯米 ，最合這個微涼的時節 用來進進補。 餡料的味道剛剛好， 不是太鹹， 油炸鬼也很好味道 ，令人再三回味。

天氣涼涼地，心血來潮想食粢飯熱豆漿，係銅鑼灣當然幫襯吓老店，呢間超多人幫襯豆漿粢飯㗎，十檯八檯都叫，好彩一個人易找位。即時叫個粢飯豆漿歎下先。點解退步左咁多，粢飯係熱，但飯起哂粒超乾，餡料油條又油又韌，肉鬆又少左，炸菜唔見，係咪無加到，22元一個超唔好食，唔抵食，我食左半個已經唔食，太難食，好似食硬飯，十級退步點解會咁㗎。太多人做唔切嗎？以前明明好好食㗎，最後只飲完碗豆漿算，唔會再幫襯啦，好失望。

呢間位於銅鑼灣閙市的上海菜，或者經常行過都未必留意到，因為門面似普通茶餐廳，但卻是一間歷史悠久的上海菜老字號。基本上每次到銅鑼灣都會拜訪。價錢親民，味道OK，平靚正！咸粢飯必食之選，暖粒粒的咸粢飯，包住肉鬆、油炸鬼同榨菜，糯米飯煙煙韌韌，飽肚又好味。咸豆漿咸咸地、酸酸地的口感，配料有油炸鬼、榨菜、？蝦毛同攪爛的豆花，愈食愈開胃，又唔會太咸，幾特別。小龍包熱辣辣的小龍包，肉嫩多汁，皮簿餡靚。而且頂部咬落唔會好硬好麵粉，係軟淋淋的。凍豆腐花凍食來講都夠滑，反而豆味好似唔夠濃。

這家麵家是我中學和好友的回憶，我們會一放學便會相約到銅鑼灣這家餐廳吃粢飯豆漿。朋友教曉我吃甜粢飯，即是砂糖餡料的糯米飯，口味獨特。而我們經常前來餐廳，主要是因為這裡的食物比較便宜，而且飽肚，重點是很味道不錯，適合學生時期的我們。今天我們俩都要加班，到晚上11點還未吃晚餐，而這家餐廳營業時間比較長，便再次相約前來懷緬過去。我們這次選擇了咸粢飯，以肉鬆，油條和炸菜作為餡料，調味適中，肉鬆夠香口，味道和以前一樣。另外，我們還點了一客鍋貼，鍋貼的肉汁鮮味，又夠飽滿，再加上香脆的外皮，非常可口。再喝一杯凍的甜豆漿，是夏天的消暑良品，喝完超級滿足。雖然味道不變，但百物騰貴，價錢已經上升不少。

邊個話食上海野一定要去高級餐館？今次介紹呢間上海餐館係位於銅鑼灣渣甸街，價錢經濟實惠咖！今次介紹嘅全部都你小食，但其實店內仲有好多唔同嘅主菜！睇完之後如果大家對呢間小店有興趣的話，都可去試下咖！呢間上海餐館嘅店內環境同普通大排檔差不多，價位相對都會較平。座位唔多，但人數都算多！由於入面嘅小食份量唔算大，價錢都合理！今次都試咗幾多樣嘅小食咖，逐樣介紹比大家先！首先要講下個餈飯，店內有兩種；有甜餈飯同咸餈飯。今次呢款係咸餈飯，內餡有肉鬆同油條，口感扎實，唔算太咸，份量都幾大份咖！蔥油餅，有點太硬太乾，食落有少少油膩感，但係大件夾抵食，有淡淡嘅葱香！生煎包，新鮮熱辣，有肉汁，咬落去個包都幾鬆軟，唔會dry！小籠包，唔知係咪蒸得太耐，外皮好易夾爛，內裡有湯汁但係因為好易夾穿，而汁就會倒曬出黎，但味道總算ok！豆沙鍋餅，呢個我幾中意，上枱嘅時候剛剛炸起，佢外脆中間有少少麻糬同埋豆沙，唔會太甜，口感幾豐富，不過望落去油咗少少！相信大家都好少試過咸豆漿呢樣野，我初時都好好奇，於是就嗌咗一碗！咸豆漿大概係水狀豆腐花+蔥花+油條，食落咸咸地，有少少酸味，平時好少見，係一個幾特別嘅小食！另外，仲嗌咗豆腐花

每次去銅鑼灣上堂, 唔想食麥當勞就會去呢間食！ 人流黎講, 都好多！ 每次都會嗌一個粢飯同豆漿！ 今次再叫多一個小籠包試下～ 其實小籠包就不過不失～  其實不算是特別好味～ 不過食落去都有肉汁～而都係鍾情那個粢飯！ 大大件！ 每次咬落去都好多肉鬆 ！ 必飽！ 而地點好就腳～ 而且通宵開～  宵夜食都可以！！！