上海香港麵家

Open Now

Now Closed

呢間可以話係名副其實嘅老字號上海店，這間店最出名就係佢哋嘅粢飯大舊十足料肉鬆夠多油炸鬼夠脆仲有鹹鹹榨菜！但係今次同朋友嚟食呢我哋就唔係食粢飯分別點左個上海小籠包，獅子球菜飯，回鍋肉菜飯和2杯凍豆漿兩杯凍豆漿勁透心涼簡直係夏天必飲，黃豆味勁重質質夠畫足料回窩肉菜飯秘制回鍋肉配上各種配菜，還有少少辣椒提升了整個菜嘅味道巨型獅子球菜飯一啖咬落去肉汁都跟住咇嚟，再配上勁多菜嘅菜飯風勁豐富小籠包不在話下熱辣辣同有勁多湯汁喺入面每一啖都充滿了肉香味同埋湯汁嘅精華

行完Sogo thankful Week，近近地去附近食個上海菜！價錢真係幾貴，最低消費都要$25我點了擔擔麵，個花生醬湯超好吃，好香，不過份量有點少。加多10元有杯豆漿，可以叫佢少甜，比你任選甜度！粢飯更加係必食之選！裏面嘅料由以前到依家都冇變過，冇偷工減料！啲飯食完不會頂住胃，有時啲糯米食完會頂住頂住，好不舒服，呢間就冇！餐廳是小型的，而且都有好長歷史，所以都比較舊，也不好期望會好乾淨！值得一讚係啲筷子🥢係筒入面係密封，吾驚有蒼蠅飛過，搞到好不衛生！

整體：這是一間非常地道的上海小店，地方狹小，裝潢非常簡陋，侍應也很市井，無論服務到待客，也非常……怎麼說，就是很平民。不過，它的食物卻不錯，而且很有上海弄堂風味，這就是它的特色。食物：提供很正宗的一般上海人會吃的食物。雖然價錢不算便宜，但若要尋找家鄉弄堂的風味，這是你要找的地方。我個人推薦的食物有：- 粢飯 $25 (吃得出是每日新鮮製作的，熱騰騰黏到剛好，油條還是脆的，有炸菜和肉鬆，很美味)- 咸豆漿$15 (很奇怪，店裡有寫明是熱咸豆漿，似乎是多此一舉。因為咸豆漿一定是熱食的!而且咸豆漿配粢飯是上海人家早餐必有的組合! 這裡的咸豆漿很正宗，配料有炸菜，油條粒，小蝦米等，必定要試!）-豆沙鍋餅$32 ( 這個甜點很好吃，豆沙蓉滿滿的，外面煎得又脆又金黃。)-菜飯反而很普通，一點也不好吃，可以不試。我家嗲嗲親手煮的好吃百倍！服務：侍應都是阿姨，都會說上海話，但非常有性格。試過我一個人幫襯，吃完一味之後想追加一客食物，她竟然跟我說不行？因為外面客人很多？我給她們臉色看，驚訝地反問“唔得？”，她們就笑笑口勉為其難說好。我知道她們不是真的要趕我走，因為阿拉上海人很重視客人，誰肯付鈔票誰就是客

銅鑼灣貴價地段，仲有平得嚟又好食嘅上海嘢。😁👍🏻晚上7點去到，唔洗等。上菜都好快。🥟小籠包：皮唔算薄但勝在肉汁多，夠juicy,豬肉好香，食完會想再食。🐔雞絲粉皮:麻醬唔會“張”住個口，好夠凍。🐷🍜豬扒擔擔麵：麵底好滑，好似雞蛋麵嘅質感。豬扒好入味，不過偏鹹，要同麵一齊食中和返，湯底唔似大型連鎖店咁好濃好油。上海炒年糕：年糕好夠淋，唔會“銀”胃。津白都夠多，仲有冬菇&瘦肉一齊濕炒。我鍾意炒年糕多過擔擔麵😝🥛豆漿好飲，唔太甜。2個人食，份量好夠，再叫就食唔晒。見好多人食粢飯，下次試埋先得。

多少年在銅鑼灣的時候都會去上海香港麵家，吃過粢飯和豆漿，隨着香港的店不斷地換，吃上海菜的地方已經不多，而這一家一直在這裏做的粢飯味道都沒有變，很喜歡吃他們的鹹粢飯，裏面有大大條的油炸鬼，鹹菜甫，肉鬆，再加上熱豆漿，不甜的，味道剛剛好，然後再來一盒豆沙鍋餅作為甜品，唯一美中不足的就是這個豆沙鍋餅，外面的皮比較厚，令到吃的時候覺得比較油膩，因為被做得厚，所以亦不是10分脆，最後就是這個甜點失色了，但是下一次我依舊會回來吃他們的粢飯。

傍晚七時點了熱豆花，但來了一碗涼的。反映了但男女店員均說：「晚上就是這個溫度，不是這樣會是怎樣？已告訴過你。凍的在雪櫃。你果碗不是凍的。」其實落單時非但沒有告知，這樣的服務態度也實在太不能接受的差。外賣包點質素也極差。希望店員能夠与時並進，尊重客人感受，食物質素要和客人所點的相乎。就算價值不高也不能如此求其兼低質素。

咸豆漿...係一樣上海人先會食ge野，得罪d講句，會食或識食ge香港人好少。小弟好鐘意食咸豆漿，基本上見到都會食，可惜大多數都係失望收場。今日誤打誤撞去到銅鑼灣，見到有咸豆漿賣緊係要試下。食完...好感動，因為我終於搵返童年的味道。好多人以為咸豆漿係落鹽ge豆漿，咁諗就錯哂啦！其實咸豆漿主要係榨菜，蝦米，醬油做底，再將熱豆漿撞落去，最後加埋幾舊油炸鬼就完成。撞得靚ge咸豆漿係會起花，成碗漿會有少少杰身！就好似呢碗咁。咸豆漿愈黎愈少人食，今日竟然可以比我食返呢種咁傳統味道，撞得咁靚ge咸豆漿，除左感動，我唔知可以用咩詞語再去易容了。

究竟有幾耐冇食過鹹豆漿粢飯呢？可能已經十年!？細個讀培正，好稀有咁早咗返學，就間唔中會去梭椏道間梅龍鎮食早餐，經常食嘅係甜豆漿菜肉包，要到大個好多，先識欣賞鹹嘅豆漿。到中四、五，中午經常幫襯客飯，有太多不能磨滅的笑與淚回憶。臂如，例湯快冇就見到伙計大倒滾水，超淡例湯又變返有! 厠所大門是舊式酒吧門，在外可見頭與腳，只係遮patpat! 又見過有老鼠喺獅子頭堆裡泅泳! 個地板又經常跣到好似踩緊roller! 哈，但當年那裡是又平又好味嘅地方，可惜冇幾耐就執咗。講番銅鑼灣，呢間上海嘢其實成日路經，但又係老婆個仔唔鍾意逼夾，從冇入過，只係試過外賣拿住個粢飯邊行邊噍。今日撞啱自己一支公幫仔攞改褲，就即管逼入去攝張圓櫈。其他嘢好多地方都有，梗係嗌難得嗌到嘅鹹豆漿同粢飯，唔……正! 係呢陣味! 碗鹹豆漿足料，重手，重口味；粢飯亦好！久别重逢，好掛念又好滿足。唯一，係找數嗰陣覺得貴咗D咁囉，乜唔係舊上海基層貧苦大眾嘅幾毛子早餐咩？點解豆漿要十五？粢飯收廿三蚊!？哇埋單叁拾捌圓，真係基層不再囉!

17/2/2019 @上海香港麵家今日跑完馬拉松來到呢間傳統老店， 叫咗個出名嘅粢飯同埋蔥油餅配埋個熱豆漿。蔥油餅個人覺得粉有啲厚， 唔算好有蔥味，但係煎得好香。粢飯入面好足料，好多花生肉鬆，仲有油炸鬼，口感豐富，見每枱客人都會食，店員會將粢飯分開兩份，好方便食，我食左半份已經好飽，所以同人share更好。餐廳最低消費每人$25, 一個粢飯就岩岩好~豆漿識飲一定飲熱嘅豆漿好滑，好香豆味，一飲成個人暖哂！

今日參加左一年一度嘅渣打馬拉松，好辛苦咁跑完10K之後，等埋女朋友就一齊去附近搵嘢食。喺銅鑼灣見到有間上海店，突然間好想食粢飯，就帶埋女朋友入咗去食。叫咗一個粢飯兩個人share，店員好細心咁分開咗兩份，不過拎上枱嘅時候啲粢飯已經林晒，唔似得啱啱整起咁脹卜卜，不過仲係好熱辣辣嘅。食落去嘅時候感覺到有好多肉鬆，當然仲有油炸鬼同埋榨菜。肉鬆同榨菜都係好食嘅，配埋油炸鬼同糯米一齊食有好多唔同嘅口感，不過油炸鬼唔係太脆，食落去冇咁香口。仲有叫左蔥油餅，不過唔係太特別，食到有蔥味但係唔太突出，上面既芝麻唔夠香反而呢個熱豆漿有驚喜，我叫咗甜豆漿，熱辣辣拎上嚟飲落去充滿豆味，下次可以試吓無糖豆漿，應該可以更加嘗試到豆嘅濃郁味道。係跑完步之後可以食到一個咁豐富嘅早餐已經好滿足。

銅鑼灣本身既宵夜選擇唔算太多除左鵝頸橋附近既小菜，如果想自己一條友食既就更少選擇平時多數買粢飯豆漿做早餐，已經覺得好好味夜晚就會食佢既獅子頭菜飯，跟餐仲會送碗黃豆湯獅子頭調味偏咸，不過岩哂本人既重口味同埋用黎送菜飯就岩岩好一定要黃金比例一啖獅子頭一啖菜飯一啖黃豆湯食到尾架～～有肉有菜有飯有湯，食完感覺好滿足順帶一提佢既豆漿勁好飲！最緊要係夠凍！！地理位置都好方便，唔好見佢門面唔吸引，經過一定要試！

這間餐廳我一直都只會幫襯外賣。因為聽說有最低消費。還會在非常多人時會吹你快點走的心態。自問唔係咩大豪客，所以外賣會比較好。所以只試過佢地的出名栥飯。超好食。雖然唔算街坊價，但都值一試。因為佢的份量足夠一位女士飽肚。本人放工後太肚餓。所以想在銅鑼灣吃點東西，但又唔想太飽。因為太飽會肥呀。所以來到這裡看看有沒有東西好吃的。原來這裡開通宵的。太好了。本來想去對面食粉麵。但因為太多人。所以轉戰這裡。這裡有最低消費，點菜時都幾驚唔夠數。但原來超易達標，因為唔平㗎。當然我本人覺得上海菜的角道就合理的。以下是本人的宵夜：因為我只想吃一點東西。因為晚上唔想吃太飽。所以只點了一個小籠包。小籠包皮唔太簿，湯唔太多。但我都覺得易入口。正宗上海小籠包。外貌都幾討好。不過如果再熱一點就會比較好。豆漿不過不失。好有豆味，一直飲開這間。因為已經夜深，所以人流其實唔太多。我坐了一段時間，服務員都唔太會講咩難聽說話。但我留意到佢地如果一開始多人就會做一些清潔工作。其實這些工作可以在無人時才做，好似做比客睇，佢哋好忙，唔好搞佢地一樣。

在商廈林立，名店滿佈的銅鑼灣，較為寧靜的渣甸街一家上海食店仍然屹立不倒。店子雖小，地方淺窄，但似乎這裡是充滿回憶和人情味的小店，朋友家人圍在一起，吃著滬式美食，十分溫暖。店舖內一個包粢飯的角落，多年來店員都在默默的包粢飯，看到熱騰騰的糯米還在冒煙，真的敬佩店員的專業。堂食的粢飯店員會即時替客人剪開一半，方便進食。糯米煮得軟硬適中，內裡包著榨菜肉鬆和油條，冬日吃著熱呼呼的粢飯，溫暖又飽肚，感覺非常暖和。香港比較少地方有的咸豆漿，是上海人常當早點吃的美食。碗內先放入蝦皮、榨菜，油條、蔥醬油和麻油。再用熱的淡味豆漿沖入碗內制成，美味可口。小店內經常人頭湧湧。長期有不少顧客外賣粢飯豆漿。由於百物騰貴，近年內店內的美食加加價不少，但相比起一般餐廳，這裡的價格還是非常大眾化。

人生第1次飲咸豆漿，琴日終於試左喇比我想像中好味好多，加左少少炸菜落去，有d口感跟住嗌埋個粢飯，簡直係絕配...響依家呢個涼涼地嘅天氣，呢個組合係早午晚宵夜都適用架如果個粢飯入面嘅油炸鬼可以脆d嘅，我相信會更加好味喔

今晚行過聞到豆漿同粢飯味，即刻入去買一份粢飯拎走店內坐滿人，遊客佔較多，原本想買熱豆漿加蔥油餅，但排隊的人不少，最後唯有一份粢飯拎走。對上一次已經係上年食，今次發現價錢略貴，$28一份，加肉鬆就$35，可能做遊客生意較多了拎上手仲係熱到出煙，眼見都幾足料。咬開後，油條有啲”林”，但可接受範圍，酸菜份量恰到好處，肉鬆夠多加分整體感覺為涼風加了一份暖意，飯和料的比例剛好(大約1比1.5)，唯價錢略貴，等於一個平價粉麵價