上樓 (Closed)

我和朋友Ａ都未幫襯過上樓，於是今日連同朋友Ｂ３個人ＢＯＯＫ７點食晚飯。入到上樓仍然有大把吉檯響度，冇傳聞中咁多人啊＞＜；－雞絲粉皮（第一次食呢味，好多花生醬，撈埋粉皮超好味！不過朋友Ｂ話ｄ粉皮切得太大塊）－鎮江黑醋骨（朋友Ｂ推介要點，我都係第一次呢味，黑黑的排骨估唔到好好食，酸酸甜甜咁，排骨舊舊都多肉，正！）－砂鍋雲吞雞（超大鍋，有半隻雞６粒雲吞少少津白。湯唔油好好飲；雲吞超好食我一連氣食左３大粒；雞肉入哂上湯味而且嫩，這個鍋一流）－四川擔擔麵．小辣（本來以為叫錯，因為和我地食開０既擔擔麵唔同哂樣，叫侍應過來問清楚，他們堅稱這是他們出品０既擔擔麵．．．最後朋友們才醒起，我地平時食開係上海擔擔麵，這裡是賣四川擔擔麵，有所不同是應該的＾＾；朋友們就我要了小辣，我先試了一小淡湯，對我０黎講都係辣，所以朋友Ｂ教我將麵條用雲吞雞湯陪著吃，麵條唔錯，有點彈牙）－煎窩貼（超正！煎得極好食，底部脆，放到最後食個底仍ＫＥＥＰ到脆身～連朋友們都讚！）－高力豆沙（第一次食呢味，油膩左ｄ）－酒嚷丸子（偏甜，丸子唔彈牙，湘川滬出品好味ｄ）－棗泥酥（我冇食過，朋友們話偏甜）服務由初初好醒目好快手，但過左７點半差唔

去過幾次,感覺價錢食物品質都ok,又有宵夜promote,雖然服務態度一般,不過...ok啦但係早幾日晚再去食宵夜就有個十分不愉快經歷話說我同女朋友2人叫左幾味餸,其中包括次次都食既酸辣面,點知今次碗面d辣油成3-4mm厚, 一入口根本辣到食唔到,甘就叫左個著靚d衫既部長黎, 同佢反映碗面係咪師傅落重手左辣油, 完全入唔到口, 點知佢第一時間就黑面(係好黑果隻)跟住卜就話"甘你想點?酸辣面一定辣架啦" 跟住就dead air, 我女朋友就話"一係你俾個清湯我洗下佢", 呀部長采都唔采我就走左去, 我梗係慶, 就大大聲鬧佢"你呢d咩態度呀?" 佢都只係拎轉頭講左句對唔住就算, 到最尾個湯梗係冇食,點知佢有冇加料雖然佢係抵食...但係始終都係稻香集團, 服務點解連茶餐廳都不如, 如果你真係想去既...都唔好期望甘高

上星期到此店惠顧作為朋友聚會之地方!可惜失望而回~1. 環境太嘈吵~簡直聽不到對面朋友講什麼~飯後落到彌敦道,街上還清淨百倍呢!2. 服務態度差!有一個男侍應,給我們落少了一客小籠包,我們期後發現,請他代我們覆核多一次,他還對客人說:「我想是你少寫了.....」!我還沒鬧他落少了,但他竟然對客人說這些話...簡直不知所謂~3.食物普通,沒什麼驚喜~較好只是雞絲粉皮吧~另外,小籠包之皮容易穿!一穿了,弄到整張桌都是汁,很不雅觀及容易弄髒客人衣物!小心!整體而言,市面這麼多上海菜館給我們選擇,這間將會是給我們列入不再光顧之列了!!!

之前看見食評大部份食家都大讚好及ok.所以就約埋班同事一齊去試下.....劃好點菜紙,諗住交到服務員手上,點知原來大部份都係鄉下音都唔甩,同埋上晒年紀,我見張點紙啲格仔咁細個,所以就提議幫佢圈住所點的菜,但她說"唔駛唔駛",咁我就當佢ok啦.點知坐咗個半鐘頭之後我發現還有兩味菜未到,於是就叫服務員跟進,個服務員同我講話跟跟之後,我眼見佢好似當無事發生,繼續做嘢,連去部電腦度睇睇都無,當時真係好嬲,今時今日咁嘅服務態度係唔得架嘛....至於食物方面: 小籠包~~ 皮太簿,一夾即爛,攪到啲湯就周圍都係,味道一般,不是太好味.其他食物太細碟,味道也不是太好.總結~ 無下次

I went to this Shanghai restaurant with my wife. We ordered a few items. "Siu Lone Bao" and a few noodles. "Siu Lone Bao" has LOTS of soup inside and is the thinnest skin I have ever tried! Better than those we had at "Wong Ga Sa" and "Fay Tsui" Noodle. Price is surprisingly NOT expensive. I will definitely go again. Another great great try by 稻香

今日又好想食上海野, 於是就去左呢度好多人推介既上樓~~~1. 雞絲粉皮$40: 好多麻醬，粉皮又好滑，好味道, 不過可惜太細碟2. 酸辣湯拉麵$28, 都算ok, 不過冇乜料既3. 豬肉餅$12<--唔記得叫乜名, 係一個好似點心咁既食物 皮好脆(不過少少厚), 又好香口, 豬肉都好好味, 不過肉比較少, 細細過, 都值得一試原本重想試埋有個叫奶油餅咁上下既點心, 不過太飽, 留番下次PS. 呢度竟然係免茶、免芥、免加一......

Friends visited from oversea. Brought them to this restaurant to try SH food. 4 of us ordered:小籠包:好食多汁.酸辣湯:not hot and sour enough. but acceptable.煎三鮮窩貼: skin a bit thick. but, very crispy...三鮮炒年糕: 年糕abit thick, but 好食鷄絲粉皮: 好多麻醬，粉皮很滑，好味道..."Ant up the tree"- is mince pork with "fun si"... 好食"King prawn with Vege": Prawn is big and fresh.Fried Vege- 水準只屬一般我們都唸住叫甜品,但原來大家都好飽,所以都無叫到.環境過於嘈吵，多人之後會有人手短缺既情況出現, 要舉好耐手先會有人得閒埋黎, 尚待改善。

尋晚一行四人去試，下午定位定8:30食，上去等左半粒鐘至入坐，可能星期六食，好多人好多人，而訂位先。叫左素麵，黑醋骨，上海粗炒，素菇翡翠，素鵝，食物唔錯，份量都足夠。地方o係2樓，佢同潮樓各佔一半，個兩邊走通，廁所廚房都share，因為可能兩邊都爆，好嘈好嘈，傾唔到計，自己唔喜歡太嘈的環境，個個講到要好大聲，連鎖效應，越黎越嘈.......賣單269

次次黎親都成排人,所以可以叫好多碟不同的菜式.整體上每次食物的質素都幾好,唯獨那個酒讓丸子就較為特別.這款桂花八寶保飯也是第一次食呀,幾甜的

週末同阿媽歎茶, 誤打誤撞去左"上樓" - 有驚喜1. 唔駛等位(11.30am)2. 有人蔘烏龍茶3. 水煮年糕- 小麻小辣, 好惹味4. 小籠句- 多汁好味5. 上海粗炒- ok6. 蘿蔔絲酥餅- 熱上, 好味7. 豆沙窩餅- 唔太甜, 合口胃8. 免茶芥, 免加一, 埋單$120 - 好抵!

今日同老公去試下，先知原來係稻香集團，應該有保證。小籠包一籠六隻，36蚊，好好食!好多汁!上海粗炒都唔錯，45蚊，不過食到尾有條大菜蟲，好肥美，好彩我一直不介意及不怕這東西。沙鍋雲吞雞，都好好食，70蚊有六粒雲吞，幾好味!仲嗌左個銀絲卷，實得滯，我諗炸會好食d，埋單170蚊，免茶芥加一，幾抵。仲有食物出得好快!會再去。

約了舊同事吃飯, 想吃上海菜, 旺角好像沒有什麼選擇, 即使有也是一些地鋪, 不能坐太久, 最後就決定去這裡. 門面看起來不錯, 乾乾淨淨又大, 不過, 食物就好一搬. 我們點了...... 煎三鮮窩貼$36 - 可以接受回窩肉$60 - 可以接受 小龍包$36 - 可以接受酸辣湯$60 - 太稀, 不好飲四川擔擔麵$28 - 完全感覺不到有四川口味, 只像日本拉麵川椒子炒雞$60 - 雞件已經好少, 誰不知骨頭還多過肉, 味道不好又不辣上海粗炒$45 - 比較多油份量好少, 我們另外再點多一個“上樓推廣套餐”, 不記得點了什麼, 不過, 也是普普通通. 整體來說, 小吃比主菜好好多.

前日有位好姊妹生日, 佢話想食上海野, 我就book 左呢度試下啦..我地6個女仔, 食量都幾驚人!@_@涼伴海蜇頭- ok啦, 我會like 海蜇鬚多d酸辣湯(6碗) - 好香, 夠辣, 酸就唔係好夠, 整體都ok火腿扒津白- 都係果d味三鮮炒年糕- 本身個人唔係好like 食炒年糕, 都ok既蔥爆牛肉- 冇乜味精, 幾好煎窩貼(6件) - 肥肥大大, ok菜肉雲吞(6件) - ok, 不過一碗得6隻好似少d高力豆沙(4件) - 比出面既細粒, 不過唔膩, 好好食!!^^抵食推介餐C - 宮爆明蝦球, 腿茸賽磅蟹宮爆明蝦球- 個汁好好味, 好醒胃, 幾特別既小菜.腿茸賽磅蟹- 食左一啖就冇晒啦, 冇乜認象.抵食推介餐D - 小籠飽(6件), 糖醋蜜瓜魚塊, 江南脆皮雞(半隻)小籠飽- 一定要趁熱食, 皮夠薄, good!糖醋蜜瓜魚塊- 好生炒排骨feel, 唔睇menu都唔知果d係蜜瓜, 都幾好食!江南脆皮雞(半隻) - 個人like食雞, 皮脆肉嫩, 所以覺得超好味!!!^v^總結: 由於茶壺同茶杯既設計問題, d茶唔夠熱, 好快凍; 另外, 有個侍應加茶, 加到壺茶冇左!=_=至

又是週三上基礎的日子, 今次同四位姊妹一行五人來食上樓. 上二樓食上海菜, 真是Up and Down.跟姊妹C先到點了6樣菜色, 後來姊妹S再加碟飯, 但好似大家都係麻麻夠飽.份量確實偏小.花雕醉雞: 6分, 花雕味好淡, 雞件偏肥.蒸銀絲卷: 4分, 叫做銀絲卷, 實則是蒸饅頭. 完全沒有銀絲卷的層次感, 只是一舊死實的饅頭.名不乎實.灌湯小籠包: 5分, 果然是灌湯的, 一夾就散, 湯汁週圍都係. 皮太薄. 味道可以.糖醋蜜瓜魚片: 7分, 姊妹C要求點的一味, 糖醋跟蜜瓜扯不上關係, 形成蜜瓜像伴碟一樣. 魚片本身就幾好, 糖醋汁很開胃.江南脆皮雞: 7分, 半隻雞的份量並不多. 雞炸得幾香口, 雞肉不老. 但不知跟江南有什麼關係?上海粗炒: 6分, 炒得好油, 但鑊氣不夠, 填肚之作.招牌炒飯: 5分, 比上海粗炒更差, 炒得油之餘又好淡, 味道非常一般.人手不足, 基本上無乜服務. 環境就幾好. 部份食物幾好, 但有些就幾差.試一次就夠.

今晚屋企飯聚，於是選了交通方便的旺角"上樓"。幸好一早訂了枱，不然要等上半小時。我們order了以下菜式：1)南翔小籠飽: 皮是薄但一夾就穿，比起上次真是失色。2)酸辣湯: 料仍是多，但湯只是得個辣字而不酸。唔掂。3)紅油炒手: 頗硬，好像包了一段時間。但味道仍可接受。4)鷄絲粉皮: 麻醬適量，粉皮很滑，好味道。5)花雕醉雞: 一D花雕味都冇，雞冇雞味且很實，完全唔得。6)清蒸老虎斑: 條魚蒸得剛熟，很滑。不過條魚係要我哋追了好幾次單，最後吃了所有菜才上。7)招牌炒飯: 一碟普通的炒飯，多生菜絲，真是不叫也吧。8)海參鍋巴: 鍋巴得幾件，個汁就成大碗，有菇、勝瓜和瘦肉，個汁都唔夠味，完全都唔知食咗物。食物水準明顯下降，今次真係很失望。埋單$465(免茶、免芥、免加一)。另外今晚對面枱坐了一班女仔。God...嘈到好似D街市婆咁，完全唔顧其它人嘅感受。我哋一食完就走。