Video
2-min walk from Exit D4, Lai Chi Kok MTR Station
continue reading
Opening Hours
Mon - Sun
11:30 - 21:30
Above information is for reference only. Please check details with the restaurant.
叫咗啲粉面、炒飯，味道都唔錯，但係涼菜份量就好少，嗰碟雞絲粉皮$50，個碟仲細過BB碗。。。熏魚都係得嗰三四舊細細舊，整體味道還可以，係份量比較少，同埋服務好一般，請侍應幫手加茶，佢有啲粗魯咁講「轉頭」
continue reading
呢間舖係成日去飲茶都經過，呢個品牌嘅食物以前喺另一區都試過，冇咩特別，不過平日經常去飲茶，今日一於試吓新口味，就去試吓啦！我同老婆叫咗麻辣口水雞、招牌小籠包、四川擔擔麵、爆汁鮮肉鍋貼。首先講佢嘅麻辣口水雞，夠辣但唔過份，有四川風味，都食到雞味，肉質實淨但唔韌，係冷盤，食落清新，味覺十足😋，只係覺得份量再多啲就好，畢竟$78都唔平。講到小籠包，直頭有驚喜！皮薄，有湯，湯汁香濃，肉嫩，點埋啲醋，真係一流，可惜每人兩粒，真係有啲唔夠喉！😋再嚟係四川擔擔麵，呢個又係值得讚，有花生碎、花生醬、肉碎，香、濃，麵條有咬口，唔會偏林或偏硬，畢咗落碗嗰啲湯我都飲埋！😋最後，我哋追加咗個爆汁鮮肉鍋貼。鍋貼皮靚，唔厚，一面煎脆，咬落有少少肉汁，肉嫩，再點啲醋味道唔錯😋，只係份量得三隻太少。今餐真係有驚喜，不過以lunch來講價錢偏貴，或者係我哋大食啦😅。
continue reading
好耐無食四川擔擔麵。上海姥姥招牌菜就係四川擔擔麵同埋小籠包。用手機app下單。個擔擔麵加涼伴小菜係$79。小籠包$18。加埋服務費總價$112.7。先講個擔擔麵，麵身彈牙。好湯微辣。好食但個麵份量唔夠。太細份。涼伴小菜好重花生醬味。入口清香。加埋杯冰凍豆漿。好美味。個小籠包好好味。整體好重上海風味。
continue reading
Score 總分: 65-70講到食上海野，大家除左諗起 小籠包外，還諗到d咩呢！?😂其實，係香港，要食平、靚、正 嘅上海野，去下連鎖店都一樣可以品嚐到。今次就同大家介紹下“上海姥姥”，佢地力推“手打”麵。老實講，d麵我就食唔出係唔係手打啦～ 但口感就的確好彈牙。而今日我介紹嘅二個麵都好好食。第一個係 “紅油牛肉麵”，紅油味好野味，係清淡中可以帶出辣辣地嘅味，的確幾好，至於d牛肉就......一般啦/一般掛～ 我地主力講個麵底，真係齋食個麵都夠滋味。第二個介紹就係清清地+易入口嘅“雞湯麵”，講真d湯好易入口，淡得黎又有d滑，而d雞就......唔好講啦，重點!重點! 係d麵和個湯。總結: 如果未試過，可以一家大細去試下，價錢就見人見志啦～ 平均1個人100蚊左右。
continue reading
午餐過嚟呢度食， 入到去坐低座，啲位舒適，可能比較少人，入面裝修比較自己。 咁我叫咗一個豬扒麵，外表豬扒十分香脆， 麵條軟硬適中。 湯味道較淡，可以落一些調味。 六七十蚊一個午餐， 便不便宜見仁見智。
continue reading