Video
Additional Information
Some vegetarian dishes available daily
Opening Hours
Today
11:00 - 22:00
Mon - Fri
11:30 - 22:00
Sat - Sun
11:00 - 22:00
Public Holiday
11:00 - 22:00
Above information is for reference only. Please check details with the restaurant.
星期六晏晝大約十二點幾，六人(五大一細)， 見唔使等位就入去食。被 安排坐半邊梳化位置， 座位排得比較迫夾， 寸金尺土。我哋嗌咗個蟹粉寶盒套餐， 手工捲餅皮 ，小籠包 ， 雪菜魚湯拉麵，蝦仁黃金蝦仁炒飯， 鎮江肴肉 ，五香牛肉拉麵， 五香紅油 牛肉拌麵 配菜肉雲吞 ，仲有個炒腩肉。 蟹粉套餐完全食唔出有蟹嘅味道， 令人頗為失望， 五香紅油牛肉拌麵，辣到傻，唔多食辣嘅朋友，就唔好嗌啦 ~埋單總共七百幾蚊，cp值一般， 同埋啲服務員堅持收走啲碟，叫佢擺低都好似萬不願意咁， 令人費解😒😒😒 ，但係又唔係趕住 還枱，因為仲有其他吉嘅枱， 我哋又冇超時🤐。
continue reading
有時諗唔到食咩，就會屋企人嚟呢度食，醉雞、齋菜、蟹肉魚扒時菜都必叫，醉雞味道濃，雞肉嫩滑，齋菜偏少許甜，入口口感唔錯，幾開胃👍🏻👍🏻而且有份量有分輕盈同標準，可以叫輕盈版當一個開胃菜唔想食炒麵/飯，就叫左個豆腐帶子羹，味道唔錯😋😋銀絲卷/生煎包都不錯😋上菜速度快👍🏻
continue reading
今日路過見到上海姥姥做緊下午茶餐，好耐冇食過上海嘢，就坐低試吓。下午茶餐有一份主食、一份小食同一杯飲品。價錢就取決於主菜嘅選擇。今次我就試咗姥姥家鄉粗炒+香蒜手工豬肉蒸餃+凍豆漿。姥姥家鄉粗炒比較油膩，餸唔多，味道都香嘅。香蒜手工豬肉蒸餃味道一般，個人覺得過咸餐廳環境都算舒服，員工服務都算唔錯。價錢方面，姥姥家鄉粗炒下午茶餐$78，加一後再加$8茶錢就$93.8 。個人覺得平日下午茶時間呢個價錢，性價比就有啲低啦
continue reading
今日心思思想食點地道小食，行到上海姥姥，揀咗幾款我覺得好食嘅野。開餐啦，先嚟係皮薄餡美嘅小籠包，一啖一個咬落去，肉汁四射，真係話咁滋味😋，唔係講大話！跟住試嗰個香煎素鵝，外皮香脆裡面又嫩，老實講，個煎功嘅確唔錯。擔擔麵嘅麻麻辣辣好過癮，又唔會太攰，正過六合彩👍！點都少不得嗰個豆沙鍋餅，甜甜地，過口癮就正！生煎鍋貼外酥內嫩，啖啖肉感，相信我，一於一流。今次來食，唔止係填飽肚，仲有種探索美味嘅小確幸😍，每一樣野食都有佢獨特嘅味道。下次有朋友聚會，一定再帶佢哋黎上海姥姥，一齊分享呢啲美味。就算唔飛上海，食味道都可以遊埋一轉，食好西，心情都跟住好起來！🥢🍜🍲
continue reading
伏……伏……伏……直升機正在降落～快餐質素(上菜速度)、菜館飯店收費。上海X姥幫襯過兩次，食品水平覺得一般般，不過住附近方便又想食上海菜先至幫襯，不過今晚去食發現左一個懷疑情況，上海X姥嘅菜品可能係天意菜(一切都係整定)，事情是咁的……今晚同女朋友去用餐，用手提電話掃QR code落單點左生煎包$41、上海粗炒$82、黑醋排骨$95、醉雞$78另加買一送一西柚茶$26，落完單唔够兩分鐘侍應姐姐就送左一碟上海粗炒上枱，見到碟粗炒蒸氣騰騰咁，但係我就奇怪炒麵點解會咁快炒到出黎，夾左一條食落口，點知條麵個心係唔熱嘅，頂～好明顯令人懷疑(頭盔已戴)係天意菜～然後微波爐叮两分鐘加熱就上枱，真係估唔到洗左$82(未計加一)都懷疑(戴多頂頭盔先)食唔到即炒粗炒，睇住呢碟平時街市收25蚊嘅整定粗炒不期然感慨香港地生意成本高所以所有嘢都應慳則慳，知道左粗炒可能係整定微波爐加熱後，再仔細觀察其他菜品，原來都好令人懷疑係天意菜，所以啲雞口感一般，排骨唔知係唔係即炸，生煎包裡面無乜汁呢啲嘢都係唔洗再講咁多……再上網查返上海X姥原來係「大X樂集團」旗下飲食公司，即時豁然開朗一切都明白曬，完全對得起咁嘅質素咁嘅價錢，同一價位只有上海三X九飯店可以比美，唔知道上海X六九飯店炒菜係唔係即炒唔係天意微波爐菜嘅呢？伏……伏……伏……直升機要起飛嘞～
continue reading